ეროვნული ბანკის ინფორმაციით, პირველი ივლისის ვაჭრობის შედეგად ლარი გამყარდა. აშშ დოლართან მიმართებით კურსის ცვლილებამ 0.40 თეთრი შეადგინა, რის შედეგადაც დოლარის ოფიციალური ღირებულება 3.1619 ლარი გახდა.
ეროვნული ვალუტა ევროსთან მიმართებით 1.55 თეთრით გამყარდა, შედეგად ერთი ევროს ღირებულება 3.7484 ლარი გახდა.
დღევანდელი ვაჭრობის შედეგად მიღებული კურსები ძალაში ხვალიდან შევა.
“სირცხვილიას” ინფორმაციით, უზენაესი სასამართლოს მოსამართლეობის კანდიდატი, მოქმედი ადვოკატი – პაატა შავაძე მესამედ არ გამოცხადდა გასაუბრებაზე იუსტიციის უმაღლეს საბჭოში. ამის გამო Facebook-ის კომენტარებში ის GDI-ს კანონის უზენაესობის პროგრამის დირექტორმა, გვანცა წულუკიძემ გააკრიტიკა.
კომენტარის დაწერის შემდეგ მოსამართლეობის კანდიდატმა მას ხმოვანი შეტყობინება გაუგზავნა.
აუდიოჩანაწერს “სირცხვილია” ავრცელებს:
https://www.facebook.com/shamemovement/videos/942530429979293
გოგი წულაიამ საპატიმრო დაწესებულება დატოვა. მისი თქმით, მიიჩნევს, რომ პოლიტმატიმარი იყო.
“მე ვიყავი პოლიტიკური პატიმარი, დამიჭირეს ბერას გინებისთვის. ჩემთვის იყო ტრაგიკული, როცა პროკურატურამ რაღაც განცხადებები გააკეთა და კაციშვილს არ ვუხსენებივარ. ამას ყველაფერს გვერდზე გადავდებ, მთავარია, რომ დამთავრდეს ამ ქვეყანაში უსამართლო სასამართლო. მომენატრეთ, შვილებს ვფიცავარ. პოლიტიკაში დავრჩები, აბა რას ვიზამ, ვიქნები აქტიური. ყველა პატიმარს აქვს განცდა, რომ მასზე მეტმა მოსამართლემ და პროკურორმა გაასამართლა”,– თქვა გოგი წულაიამ.
მანვე აღნიშნა, რომ ციხეში ყოფნისას 25 კილო დაიკლო.
“25 კილო დავიკელი. ამ წუთას ნორმალურად ვარ. პირველად 14 დღე ვიშიმშილე, მერე გავწყვიტე, მერე ვიშიმშილე 7 დღე. მერე წავიკითხე ნაპოლეონი, სადაც წერს, რომ ჩემი დაცემის დროს ბედისწერა მეუბნებოდა, მოკვდიო, მაგრამ ღირსება მეუბნებოდა – იცოცხლეო და გადავწყვიტე, მეცოცხლა”,– აღნიშნა წულაიამ.
დაზარალებული ქალი, რომლის მიმართ სექსუალური ქმედებისთვისაც გოგი წულაია დააკავეს, პოლიტიკოსის გათავისუფლებაზე ვრცელ კომენტარს არ აკეთებს. მისი თქმით, სასამართლოს გადაწყვეტილებით გაღიზიანებულია.
“არაფერს არ ვაკეთებ, ძალიან გაღიზიანებული ვარ, არაფერს არ ვაფასებ. არანაირ კომენტარს არ ვაკეთებ, ძალიან გთხოვთ, თავი დამანებეთ”,- თქვა ასმათ დვალიშვილმა “მთავარ არხთან” საუბრისას.
ცნობისთვის, სასამართლო პროცესზე მოსამართლემ გოგი წულაიას ადვოკატის შუამდგომლობა დაააკმაყოფილა და პოლიტიკოსი 6 000-ლარიანი გირაოთი გაათავისუფლა.
წულაია 17 მარტს დააკავეს. მას ბრალი ქალის მიმართ სექსუალური ხასიათის ქმედებისთვის წარუდგინეს. პოლიტიკოსს 3-თვიანი წინასწარი პატიმრობა ჰქონდა შეფარდებული.
შსს განცხადებით, “თბილისი პრაიდის” ფარგლებში დღეს, პირველ ივლისს დაგეგმილ ღონისძიებისთვის მიიღებენ შესაბამის ზომებს, რათა ის უსაფრთხო ფორმატში ჩატარდეს.
“ღონისძიების უსაფრთხოდ ჩატარების მიზნით სამუშაო შეხვედრა გაიმართა დღეს დილითაც, რომელსაც შინაგან საქმეთა მინისტრის მოადგილე ალექსანდრე დარახველიძე, საპატრულო პოლიციის დეპარტამენტის დირექტორი ვაჟა სირაძე და სამინისტროს სხვა წარმომადგენლები ესწრებოდნენ. შეხვედრაზე დღევანდელი ღონისძიების გარდა საუბარი იყო კვირეულის ფარგლებში დაგეგმილი სხვა ღონისძიებების შესახებაც.
შინაგან საქმეთა სამინისტრო მიიღებს შესაბამის ზომებს, რათა უზრუნველყოფილ იქნას 1 ივლისს დაგეგმილი ღონისძიების უსაფრთხო ფორმატში ჩატარება, მართლწესრიგის დაცვა, ასევე, თითოეული ადამიანის გამოხატვისა და შეკრების თავისუფლებების დაცვა, რომელიც არ გასცდება კანონით დასაშვებ ფარგლებს.
მოვუწოდებთ ყველას, დაიცვან კანონის მოთხოვნები, ასევე, დაემორჩილონ პოლიციის კანონიერ მოთხოვნებს. წინააღმდეგ შემთხვევაში, პოლიცია იმოქმედებს საკუთარი მანდატის ფარგლებში და სამართალდარღვევის თითოეული ფაქტი დაუყოვნებლივ იქნება აღკვეთილი”, – წერია უწყების განცხადებაში.
სოციალურ ქსელში ვირუსულად ვრცელდება ვიდეო, სადაც ჩანს, თუ როგორ ყრიან უცნობი პირები მდინარეში ასობით პლასტმასის ბოთლს. ვიდეო გადაღებულია სავარაუდოდ საქართველოში, რადგან მანქანას, საიდანაც პირები ბოთლებს ყრიან, ქართული სანომრე ნიშნები აქვს.
ვიდეოკადრებში პირის, რომელიც მდინარეს აბინძურებს და ტრანსპორტის იდენტიფიცირება შესაძლებელია. მომხდარის შესწავლა საქართველოში გარემოზე ზედამხედველობის დეპარტამენტმა უკვე დაიწყო. ჯერჯერობით უცნობია ზუსტი ადგილმდებარეობა თუ რომელი მდინარის დაბინძურება მოხდა.
რა საფრთხის შემცველია მდინარის დაბინძურება და რამდენად დიდი ეკოლოგიური კატასტროფის გამოწვევა შეუძლია
ბოლო რამდენიმე კვირის განმავლობაში თურქეთში, სტამბოლის ნაპირებზე, წყლის ზედაპირის უზარმაზარი ფართობები სქელმა, წებოვანმა მცენარეულმა ლორწომ დაფარა და მარმარილოს ზღვა დიდი ეკოლოგიური კატასტროფის წინაშე აღმოჩნდა. მარმარილოს ზღვის დაბინძურება კი ეგეოსის და შავ ზღვასაც საფრთხეს უქმნის.
სასოფლო-სამეურნეო (სასუქები), ცხოველური, საყოფაცხოვრებო და სამრეწველო ნარჩენები და ორგანული თუ არაორგანული მარილები, ზღვაში ძირითადად მდინარეების წყალთან ერთად ჩაედინება ზღვაში. მარილების ჭარბი რაოდენობა კი ერთუჯრედიანი წყალმცენარეების სიცოცხლის ხანგრძლივობას ამცირებს და თვითგადარჩენისთვის ისინი მეტი ინტენსივობით იწყებენ გამრავლებას ანუ იზრდება ფიტოპლანქტონის პოპულაცია, რაც ზღვის ევტროფიკაციას ანუ ზღვის დაჭაობებას იწვევს. მკვდარი ორგანული ნივთიერებების შლის შედეგად ზღვაში ჟანგბადის მოცულობა მცირდება. უჟანგბადობას კი მრავალი ცოცხალი არსება ეწირება, რაც, ბუნებრივია, დიდად ვნებს ბიომრავალფეროვნებას.ამ დროისათვის ზღვის წყალში ჟანგბადის დონე მნიშვნელოვნადაა შემცირებული.
თურქეთის ხელისუფლება ცდილობს მარმარილოს ზღვაში მიმდინარე ეკოლოგიური კატასტროფის
შედეგები როგორმე შეამციროს. მეცნიერები ამბობენ, რომ ლორწოს წარმოქმნას და მის გამრავლებას ამჯერად ხელი კორონავირუსმაც შეუწყო, როცა ადამიანთა თვითიზოლაციის დროს საყოფაცხოვრებო ნაგავის მოცულობა ძალიან გაიზარდა და ეს ყველაფერი უკონტროლოდ ზღვაში იყრებოდა.
ამ პრობლემის მოგვარება სამინისტროების, მუნიციპალიტეტების მოვალეობაა, მაგრამ თითოეულმა მოქალაქემ უნდა გაიაზროს, რომ გარემოს დაცვა მისი მოვალეობაც არის. თუ ჩვენ მიდგომებს არ შევცვლით, უდიდესი ეკოლოგიური კატასტროფის წინაშე აღმოვჩნდებით.
გარემოს ეროვნული სააგენტოს ინფორმაციით, 5 ივლისამდე საქართველოს ცალკეულ რაიონში მოსალოდნელია ხანმოკლე წვიმა და ელჭექი, ზოგან შესაძლებელია სეტყვა. ჰაერის ტემპერატურა დღის საათებში დასავლეთ საქართველოს დაბლობში +29, +34, აღმოსავლეთ საქართველოს ბარში +32, +37 გრადუსი იქნება.
სინოპტიკოსების ცნობით, თბილისში შესაძლოა მცირე ხანმოკლე წვიმა ელჭექით აღინიშნოს. ჰაერის ტემპერატურა +35, +37 გრადუსია მოსალოდნელი.
ოპოზიციონერი პოლიტიკოსი გოგი წულაია პატიმრობიდან გაათავისუფლეს.
სასამართლო პროცესზე მოსამართლემ გოგი წულაიას ადვოკატის შუამდგომლობა დაააკმაყოფილა და მას 6 000-ლარიანი გირაო შეუფარდა.
წულაია 17 მარტს დააკავეს. მას ბრალი ქალის მიმართ სექსუალური ხასიათის ქმედებისთვის წარუდგინეს. პოლიტიკოსს 3-თვიანი წინასწარი პატიმრობა ჰქონდა შეფარდებული.
ძალიან ბევრი სისხლიც დაიღვარა, კონფლიქტიც მოხდა კაცობრიობის ისტორიაში, რომ მივსულიყავით ამ ელემენტარულ ჭეშმარიტებამდე, რომ თითოეული ადამიანია ფასეული და ყველა თანაბარი უფლებებით უნდა სარგებლობდეს, მაგრამ ჩვენ მაინც ჯერ ვერ მოვახერხეთ ამ ყველასთვის სასარგებლო ჭეშმარიტების მიღება.
დღეს პრაიდის უფლება, რეალურად ყველას უფლებას იცავს, მათ შორის იმათ უფლებებს, ვინც დღეს იმუქრება. არ არსებობს ადამიანი ჩვენ საზოგადოებაში, ვისაც გამოხატვის და გადაადგილების უფლებით სარგებლობა არ ჭირდება. ამიტომ პრაიდის გამართვით ბევრად მეტს ვიცავთ და ვამკვიდრებთ, ვიდრე მხოლოდ ერთი ჯგუფის ინტერესებს.
ეს ყველაფერი უბრალოდ საჯარო და პოლიტიკურ პროცესად იქცა და ხშირად გვავიწყდება, რომ ამ ყოველი უფლების, აქციის, მოთხოვნის უკან კონკრეტული ადამიანური დიდი ტკივილი დგას. თითო ადამიანი რომელიც ცხოვრობს შიშში, შეზღუდვაში, წნეხში ცალკე სამყაროა.
როგორ შეიძლება ღმერთზე, სიკეთეზე, სიყვარულზე იფიქრო ან ილაპარაკო და ეს სამყაროები ანგრიო და ანადგურო თან. დარწმუნებული ვარ ბევრი ამას უბრალოდ ვერ იაზრებს. არ არის ეს წავედით, ვიჩხუბეთ მოვედით და მერე მშვიდად გავაგრძელეთ ცხვორება. ინგრევიან ადამიანები და ამად არაფერი არ ღირს.
ხოდა ამ ადამიანების მოსაფრთხილებლად და დასაცავად და ყველა მოქალაქის უფლებისთვის უნდა გავიდეთ და ჩვენი დამოკიდებულა გამოვხატოთ იმედია არ დაგვჭირდება, მაგრამ თუ დაგვჭირდა ფიზიკურად დაგიცავთ, მარტო არ ხართ.”- წერს ხოშტარია.
დღეს, თბილისის დროით 13:45 საათზე, დმანისიდან სამხრეთ-დასავლეთით 24 კმ-ში, სოფელ სამებასთან მიწისძვრა მოხდა.
მიწისძვრის სიმძლავრე 3.1 მაგნიტუდა იყო.