Category: მსოფლიო

კერძო სამხედრო კომპანია „ვაგნერის“ დამფუძნებელი ევგენი პრიგოჟინი კვლავ რუსეთის ფედერაციის მეთაურის ვლადიმერ პუტინის ფავორიტი და მისი პირდაპირი პოლიტიკური „მემკვიდრეა“.

როგორც ბრიტანეთის სამხედრო დაზვერვის ყოფილმა თანამშრომელმა ფილიპ ინგრამმა Sky News-ის კომენტარში აღნიშნა, რუსეთის შეიარაღებული ძალების გენერალური შტაბის უფროსის, ვალერი გერასიმოვის ახლახან დანიშვნა უკრაინაში ე.წ. „სპეციალური სამხედრო ოპერაციის“ სათავეში შეიძლება განიმარტოს, როგორც პრიგოჟინის როლის ერთგვარი დაკნინება.

ექსპერტი ამბობს, რომ სწორედ პრიგოჟინი არის ვლადიმირ პუტინის მთავარი მემკვიდრე, თუნდაც იმის გათვალისწინებით, რომ ზოგჯერ ის მოქმედებს “თავისებურად”.

„მაგრამ მას აქვს პირდაპირი კავშირი ვლადიმერ პუტინთან. მკაცრად რომ ვთქვათ, სამხედრო მეთაურობით უნდა მუშაობდეს, მაგრამ, როგორც ჩანს, თავისი გზა აქვს. ის იღებს პასუხისმგებლობას სხვადასხვა სფეროში. ის ასევე არის პუტინის პოტენციური მემკვიდრე. ის ღიად და თავისუფლად აკრიტიკებს ორივეს სერგეი შოიგუს და გერასიმოვს“, – განაცხადა ინგრამმა.

ადრე თუ გვიან გერმანია უკრაინას Leopard-ებს გადასცემს – ამის შესახებ უკრაინის საგარეო საქმეთა მინისტრმა დმიტრო კულებამ განაცხადა. ამის შესახებ კულებამ Tagesschau-სთან ინტერვიუში გერმანიის მთავრობის პოზიციის შეფასებისას განაცხადა.

“ეს ადრეც გვინახავს – თვითმავალი ჰაუბიცები, საჰაერო თავდაცვის სისტემები IRIS-T და Patriot, ასევე Marder. სქემა ყოველთვის ერთი და იგივეა: ჯერ ამბობენ არა, შემდეგ გააფთრებით იცავენ თავიანთ გადაწყვეტილებას, რათა საბოლოოდ თქვან დიახ.” – განაცხადა მან.

კულებამ ასევე გერმანიის ხელისუფლებას მოუწოდა, სხვა ქვეყნებს მიეცეთ კიევისთვის Leopard-ის ტანკების გადაცემის საშუალება.

“ეს მაინც მოხდება – ეს უბრალოდ დროის საკითხია”, – ხაზგასმით აღნიშნა მან, “რატომ ტანჯავთ საკუთარ თავს, ჩვენ და ყველას და უბრალოდ, დაყოვნების გარეშე, არ იღებთ გადაწყვეტილებას, რომლითაც შეგიძლიათ იამაყოთ?”

დაჭრილ რუს ჯარისკაცებს ფრონტზე ექიმების ნებართვის გარეშე აბრუნებენ – ინფორმაციას ამის შესახებ, UNIAN-ი რუსი სამხედროების დედათა კომიტეტის კავშირის მდივანზე ვალენტინა მელნიკოვაზე დაყრდნობით ავრცელებს.

“მაგალითად, ორი ჯარისკაცი, რომლებიც ფილტვების მძიმე დაზიანების შემდეგ ორი თვის განმავლობაში მკურნალობდნენ, სასწრაფოდ გაგზავნეს საბრძოლო ზონაში. იგივე ბედი ეწია კიდევ რამდენიმე ჯარისკაცს კიდურებზე ჭრილობებით. ისინი ფრონტზე ისე დააბრუნეს, რომ ნამსხვრევებიც კი არ ამოუღეს. წყლულით დაავადებული პაციენტები და ისინი, ვინც ინფარქტი ან ინსულტი გადაიტანა, უკრაინაში ომისთვის გაგზავნეს”,- თქვა ვალენტინა მელნიკოვამ.

რუსეთი, სავარაუდოდ, უახლოეს მომავალში უკრაინაზე მასიური თავდასხმისთვის ემზადება.  – ამის შესახებ შესაბამის განცხადებას, უკრაინის სამხრეთის შეიარაღებული ძალების პრესცენტრის ხელმძღვანელი ნატალია ჰუმენიუკო ავრცელებს.

“სავარაუდოდ, მზადდება ასეთი თავდასხმა, რადგან საოკუპაციო ძალების წვრთნის სიხშირე ზუსტად ასეთია: მათ ხელახალი აღჭურვისთვის სჭირდებათ დაახლოებით 10-12-14 დღე, უკრაინის ტერიტორიაზე განხორციელებული მასიური თავდასხმის შემდეგ.

სავარაუდოდ, ისინი [რუსები] შეტევის გამეორებას გეგმავენ. და შესაძლოა, იყოს შერეული ტიპის, როცა გამოყენებული იქნება რაკეტები და ირანული წარმოების დრონები”,  – ნათქვამია გავრცელებულ განცხადებაში.

ომის შესწავლის ამერიკულ ინსტიტუტი (ISW) კვლავ აცხადებს, რომ რუსეთის არმიამ ჯერ კიდევ ვერ მოახერხა დონეცკის ოლქის ქალაქ სოლედარის აღება, თუმცა ამას ბევრი რუსული წყარო ამტკიცებს.

ამავდროულად, ISW-ის ახალ  ანგარიშში ნათქვამია, რომ რუსი სამხედროების ნაწილობრივი წარმატებები სოლედარში საერთოდ არ ნიშნავს იმას, რომ ისინი შეძლებენ უკრაინის ფრონტის ჩამოშლას და ბახმუტის ხელში ჩაგდებას.

„რუსული არგუმენტები ბახმუტის გარდაუვალი აღების და უკრაინის თავდაცვის ხაზების ნგრევის შესახებ არ შეესაბამება რეალურ ვითარებას ბახმუტის რაიონში, სადაც რუსული ძალები შორს არიან უკრაინის სახმელეთო კომუნიკაციების გაწყვეტისგან“, ასკვნიან მოხსენების ავტორები.

მათი აზრით, „რუსეთის შეტევითი ოპერაციებმა ბახმუტის აღების მიზნით, სავარაუდოდ, კულმინაციას მიაღწია ოპერატიული შესაძლებლობების დეგრადაციის გამო“.

ISW ექსპერტები ასევე დეტალურად აანალიზებენ რუსეთის გენერალური შტაბის უფროსის ვალერი გერასიმოვის უკრაინაში რუსული ჯარების მეთაურად დანიშვნას.

მათი აზრით, ეს გადაწყვეტილება მიღებულია კრემლის ორი ძირითადი ამოცანის გადასაჭრელად:

გააუმჯობესოს 2023 წელს მართვის სისტემა სამხედრო მოქმედებების ეფექტურობის გასაზრდელად

გააძლიეროს თავდაცვის სამინისტროს პოზიცია სამხედრო ბლოგერების და უსაფრთხოების ჩინოვნიკების მზარდი გავლენის ფონზე, როგორიცაა ვაგნერის  დამფუძნებელი ევგენი პრიგოჟინი.

რუსეთის პრეზიდენტი ვლადიმერ პუტინი, სავარაუდოდ, გეგმავს ახალ შეტევებს, თვლიან მოხსენების ავტორები, მიუხედავად იმისა, რომ წარსულში მან არაერთხელ აჩვენა, რომ არ აქვს წარმოდგენა მისი არმიის რეალურ შესაძლებლობებზე და უარი არ თქვა უკრაინაში მისი სამხედრო კამპანიის მაქსიმალისტურ მიზნებზე.

პუტინს ჯერ კიდევ სჯერა, რომ რუსეთის არმიას შეუძლია ფართომასშტაბიანი შეტევითი ოპერაციები, ISW-ის რეზიუმეს მიხედვით, მაგრამ ასეთი შეფასებები, სავარაუდოდ, სიმართლეს არ შეესაბამება. ამავდროულად, გერასიმოვს არ გაუპროტესტებია რუსეთის პრეზიდენტის გადაწყვეტილება 2022 წლის თებერვალში უკრაინიაში დამღუპველი შემოჭრის გეგმა,  და ნაკლებად სავარაუდოა, რომ ამის გაკეთება ახლა შეძლოს, ამბობენ ამერიკელი ექსპერტები.

მათ არ სჯერათ, რომ გერასიმოვს შეუძლია პუტინის ამბიციების დასაკმაყოფილებლად რუსეთის ომს ახალი სიცოცხლე სწრაფად შთაბეროს. რეზიუმეში ნათქვამია, რომ გენერალი “სავარაუდოდ აღმოჩნდება დეზორგანიზებული სამეთაურო სტრუქტურის სათავეში, რომელიც განიცდის მუდმივ, თანმიმდევრულ წარუმატებლობებს, რასაც დიდწილად მანვე დაუდო სათავე უკრაინაში შეჭრამდე მისი ქმედებებით.“

ISW ასევე თვლის, რომ მნიშვნელოვანი დაბრკოლება მოსკოვის შეტევითი ოპერაციებისთვის აღმოსავლეთ უკრაინაში ასევე იქნება რუსული ინდუსტრიის უუნარობა გადაჭრას საბრძოლო მასალის დეფიციტის პრობლემა.

გერასიმოვის მეთაურად დანიშვნა აღიარებაა, რომ სტრატეგიულ მიზნებს ვერ აღწევენ – ამის შესახებ ბრიტანეთის დაზვერვის ყოველდღიურ ანგარიშშია ნათქვამი. დაზვერვა წერს, რომ ეს რუსეთის პრეზიდენტის, ვლადიმირ პუტინის მხრიდან ომის მართვის მიდგომაში მნიშვნელოვანი ცვლილებაა.

“გენერალური შტაბის მეთაურის ხელმძღვანელად დანიშვნა მიუთითებს იმ სიტუაციის მზარდ სერიოზულობაზე, რომლის წინაშეც რუსეთია და არის ცხადი აღიარება, რომ კამპანია რუსეთის სტრატეგიულ მიზნებს ვერ აკმაყოფილებს”. – წერს ბრიტანეთის დაზვერვა.

უკრაინის გენშტაბი რუსი ოკუპანტების სამხედრო დანაკარგის შესახებ განახლებულ ინფორმაციას ავრცელებს. მონაცემები მოიცავს 24 თებერვლიდან 12 იანვრამდე პერიოდს.

გენშტაბის ცნობით, ოკუპანტების სამხედრო დანაკარგი ასეთია:​

• ჯარისკაცი – დაახლოებით 113 990
• ​ტანკი – 3 094;
• ჯავშანტექნიკა – 6 159;
• საარტილერიო სისტემა – 2082
• სარაკეტო სისტემა – 437;
• საზენიტო საბრძოლო სისტემა – 218;
• თვითმფრინავები – 285;
• ვერტმფრენი – 276;
• ოპერატიულ-ტაქტიკური უპილოტო საფრენი აპარატი – 1 865;
• საკრუიზო რაკეტები – 723;
• საავტომობილო ტექნიკა და საწვავის ავზები – 4 826;
• გემი/ნავი/კატარღა – 17;
• ​ სპეციალური აღჭურვილობა – 184.

ბრიტანული დაზვერვის თანახმად, ოთხშაბათს რუსეთის უმაღლეს სამხედრო სარდლობის რიგებში ცვლილება მიუთითებს იმაზე, რომ კრემლმა იცის, რამდენად დამღუპველია მათთვის სამხედრო კამპანია.

„გენერალური შტაბის უფროსის საბრძოლო მოქმედებების თეატრის მეთაურად დანიშვნა არის რუსეთის წინაშე არსებული სიტუაციის მზარდი სერიოზულობის მანიშნებელი და აშკარა აღიარება იმისა, რომ კამპანია არ შეესაბამება რუსეთის სტრატეგიულ მიზნებს“, – ნათქვამია განცხადებაში.

ბრიტანული დაზვერვის თანახმად, დღევანდელი გადაადგილება სერიოზულ უკმაყოფილებას გამოიწვევს ულტრანაციონალისტების რიგებში და “სამხედრო კორესპონდენტებში”, რომლებიც გერასიმოვს სამხედრო წარუმატებლობაში ადანაშაულებდნენ, ხოლო სერგეი სუროვიკინი, რომელიც არმიის მეთაურობიდან იქნა მოხსნილი, მათი ფართო მხარდაჭერით სარგებლობდა.

სუროვიკინის გერასიმოვის ერთ-ერთ მოადგილედ დანიშვნამ მნიშვნელოვანი ზიანი მიაყენა მის ავტორიტეტსა და გავლენას, ასკვნის ბრიტანეთის დაზვერვა.

შეგახსენებთ, რომ რუსეთის შეიარაღებული ძალების გენერალური შტაბის უფროსი, არმიის გენერალი ვალერი გერასიმოვი უკრაინაში რუსეთის ჯარების გაერთიანებული დაჯგუფების სარდლად დაინიშნა.

დაჯგუფების ყოფილი სარდალი სერგეი სუროვიკინი გერასიმოვის სამიდან ერთ-ერთი მოადგილე გახდება. ის რჩება საჰაერო-კოსმოსური ძალების სარდლის თანამდებობაზე.

გერასიმოვის დანარჩენი მოადგილეები იქნებიან სახმელეთო ჯარების სარდალი, არმიის გენერალი ოლეგ სალიუკოვი და გენერალური შტაბის უფროსის მოადგილე, გენერალ-პოლკოვნიკი ალექსეი კიმი.

„სპეციალური სამხედრო ოპერაციის ხელმძღვანელობის დონის ამაღლება დაკავშირებულია იმ ამოცანების მასშტაბების ზრდასთან, რომლებიც მისი ჩატარების მსვლელობაში წყდება–“ ნათქვამია რუსეთის  თავდაცვის სამინისტროს განცხადებაში.

სოლედარში უკრაინის უკან დახევის ნიშნები ჩანს –  ტელეკომპანია CNN-ის გადამღები ჯგუფი იუწყება, რომ სოლედარის მიმდებარე ტერიტორიაზე განუწყვეტელი საარტილერიო ცეცხლის ხმა ისმის.

“ჩვენ ბრძოლის ეპიცენტრიდან დაახლოებით შვიდი კილომეტრის დაშორებით ვართ. თქვენ შეგიძლიათ მოისმინოთ არტილერიის მუშაობა ქალაქისკენ”, – იუწყება კორესპონდენტი ბენ უედმანი.

ამავდროულად, ჟურნალისტების თქმით, უკრაინის შეიარაღებული ძალების ჯარისკაცები აგრძელებენ მუშაობას იარაღისა მომსახურებისა და ლოგისტიკის შენარჩუნებისთვის და არ ჩანს რაიმე ნიშანი, რომ უკრაინული მხარე მათი გაყვანისთვის ემზადება.

ეს ინფორმაცია უარყოფს რუსული მხარის ინფორმაციას სოლედარში არსებული ვითარების შესახებ.

ოთხშაბათს დილით Wagner PMC-ის დამფუძნებელმა ევგენი პრიგოჟინმა თქვა, რომ დაქირავებულებმა აიღეს კონტროლი სოლედარის მთელ ტერიტორიაზე და ბრძოლა მხოლოდ მის ცენტრში მიმდინარეობდა.

რუსულმა მედიამ გაავრცელა ფოტო, რომელშიც პრიგოჟინი და კიდევ რამდენიმე ვაგნერელი, სავარაუდოდ, დგანან სოლედარის მარილის მაღაროში.
უკრაინის გენერალურ შტაბში აცხადებენ, რომ სურათი სხვაგან არის გადაღებული და რუსეთს არ აქვს სრული კონტროლი სოლედარზე. ამავდროულად, უკრაინის შეიარაღებული ძალების სარდლობა აღიარებს, რომ სასტიკი ბრძოლები მიმდინარეობს ქალაქგარეთ.

CNN-ის ჟურნალისტები ასევე იუწყებიან, რომ ბრძოლის ველზე ცხადია, რაოდენ დიდია დასავლეთის დახმარება უკრაინისთვის. ეს გამოიხატება ყველაფერში: სამხედროების მომზადებაში, იარაღის ხარისხში, ტექნიკურ და სამედიცინო აღჭურვილობაში.

რუსეთის პრეზიდენტი ვლადიმერ პუტინი იყენებს ოლიგარქ ევგენი პრიგოჟინს და ”ვაგნერის” ჯგუფის დაქირავებულ მებრძოლებს, რათა თავიდან აიცილოს რუსული ელიტები. ამის შესახებ CNN წერს.

გამოცემაში ნათქვამია, რომ რუსეთის ფედერაციის უკრაინაში სრულმასშტაბიანი შეჭრის დროს პრიგოჟინი გახდა არა მხოლოდ წონიანი ფიგურა, არამედ საზოგადო მოღვაწე. ის ღიად აღიარებს თავის როლს ეგრეთ წოდებული „ვაგნერის ჯგუფის“ შექმნაში და კრემლის ნებართვით იღებს ათიათასობით პატიმარს ომში მონაწილეობის მისაღებად.

პრიგოჟინი ხშირად ჩნდება წინ ან მის მახლობლად, სადაც ის ურთიერთობს “ვაგნერიტებთან” კამერაზე, არ ერიდება უხეშ გამონათქვამებს სიტყვით გამოსვლისას.

ამავდროულად, ოლიგარქმა ნამდვილი მედია ომი წამოიწყო რუსეთის თავდაცვის სამინისტროს ხელმძღვანელობასთან, გახდა მინისტრ სერგეი შოიგუსა და მისი დაქვემდებარებული გენერლების ერთ-ერთი საჯარო კრიტიკოსი. პრიგოჟინი ღიად საყვედურობს სამხედროებს ომის წარუმატებელი მსვლელობისთვის და ცდილობს ამას დაუპირისპიროს თავისი “ვაგნერის” “წარმატებებით”.

პრიგოჟინსა და შოიგუს შორის საჯარო ბრძოლა კი არ აზიანებს, არამედ პირიქით მხოლოდ სარგებელი მოაქვს კრემლისთვის.

ჟურნალისტები აღნიშნავენ, რომ პრიგოჟინის უკიდურესად საჯარო კამპანია რუსეთის სამხედრო სარდლობის წინააღმდეგ არ არის პირდაპირი გამოწვევა პუტინისთვის.

შესაძლოა, რუსეთის ლიდერს გამოადგეს ვინმე, ვინც სამხედროებს გააკრიტიკებს.

ამავე კონტექსტში მოცემულია რუსი ოპოზიციური ჟურნალისტისა და ბლოგერის მაქსიმ ტრუდოლიუბოვის აზრი: “პრიგოჟინი არის საშინელებათა ისტორია, რომელიც პუტინმა შექმნა თავისი ელიტის დასაშინებლად, რომ ისინი კარგად მოიქცნენ. ამ გზით პუტინი არეკლამებს თავის კონტროლს როგორც ლეგალურ, ისე სისხლის სამართლის დანაშაულზე.”