“უკრაინას აქვს შესანიშნავი აქტიური ოპერაციების გეგმა, მაგრამ მისი დეტალები მხოლოდ პრეზიდენტმა და მისმა ახლო წრემ იცის. მათ აქვთ საკმარისი შესაძლებლობები, რაც საჭიროა [კონტრშეტევის დროს] წარმატების მისაღწევად”,
აცხადებს აშშ-ის თავდაცვის მდივანი, ლოიდ ოსტინი.
მსახიობმა არნოლდ შვარცნეგერმა სამეზობლოში ასფალტი საკუთარი ხელით დააგო. როგორც ცნობილია, გზის შეკეთებას სამეზობლო სამი კვირის განმავლობაში ელოდებოდა. შვარცნეგერმა, ასფალტზე ორმო კი საკუთარი ძალებით ამოავსო.
გადავწყვიტე შემეკეთებინა გზის ორმო, რომელიც ჩვენს სამეზობლოს კვირების განმავლობაში აწუხებდა. ყოველთვის ვამბობ, მოდით ნუ ვიწუწუნებთ, სჯობს რამე მოვიმოქმედოთ. – წერს არნოლდ შვარცნეგერი სოციალურ ქსელში.
არის რაღაც, რასაც მსოფლიოში ვერავინ დააიგნორებს: რა მარტივად კლავენ ეს მხეცები. ეს ვიდეო… უკრაინელი სამხედროს სიკვდილით დასჯა… მსოფლიომ უნდა ნახოს.
ეს არის ვიდეო, რომელიც აჩვენებს რუსეთს ისეთს, როგორიც ნამდვილად არის. როგორი ქმნილებები არიან ისინი. მათთვის არ არსებობენ ადამიანები. ვაჟი, ძმა, ქმარი.. ვიღაცის შვილი…
ეს არის ვიდეო, სადაც რუსეთი ცდილობს, ახალ ნორმად აქციოს ცხოვრების განადგურების ასეთი ჩვევა.
ეს არ არის უბედური შემთხვევა. ეს არ არის ეპიზოდი. ადრეც ასე იყო. ასე მოხდა ბუჩაში. ათასჯერ.
ყველამ უნდა მოახდინოს რეაგირება. ყველა ლიდერმა. ნუ ელოდებით, რომ ამ ყველაფერს დავივიწყებთ.
არაფრის დავიწყებას არ ვაპირებთ. არც ჩვენ ვაპირებთ მკვლელების პატიებას.
ტერორის დამარცხება აუცილებელია.
ვერავინ გაიგებს, თუ ლიდერები რეაგირებას არ მოახდენენ. საჭიროა მოქმედება ახლა!
და ჩვენ უკრაინაში მაქსიმალურად უნდა ვფოკუსირდეთ ფრონტზე. დაგვეხმარეთ, რამდენადაც შეგიძლიათ – გავდევნოთ ოკუპანტი ჩვენი მიწიდან!
მთავარი მიზანი გამარჯვებაა. ოკუპანტის დამარცხება, მკვლელების დასჯა.
მარადიული ხსოვნა ყველა ადამიანს, ვისაც სიცოცხლე რუსულმა ტერორმა წაართვა!
პრეზიდენტი ვოლოდიმირ ზელენსკი რუსი ოკუპანტების მიერ უკრაინელი სამხედრო ტყვესთვის თავის მოკვეთის ფაქტს ეხმაურება.
11 აპრილის საღამოს სოციალურ ქსელში გავრცელდა ვიდეო, სადაც რუსი სამხედროები უკრაინელ ჯარისკაცს დანით ჭრიან თავს. ვიდეოს მიხედვით თუ ვიმსჯელებთ, ჯარისკაცი ჯერ კიდევ ცოცხალი იყო, როცა ერთ-ერთმა ოკუპანტმა ამის გაკეთება დაიწყო.
ჩვენ ახალა ომის ისეთ ეტაპზე ვართ, როდესაც მნიშვნელოვანია როგორც ჩვენი საზოგადოებისთვის, ასევე ჩვენი პარტნიორებისთვის, რომ არ დავკარგოთ იმ გზის [მნიშვნელობის] შეგრძნება, რომელიც გასავლელი გვაქვს. სწორედ გზის. გზის, რომელიც წინაა.
წინა წელთან შედარებით, ბევრ ადგილას ახლა უფრო სიმშვიდეა, თუმცა ეს არ ნიშნავს, რომ ომის იგნონირება შეიძლება, ან ნაკლებად ორიენტირებულნი ვიყოთ სახელმწიფოს დახმარებაზე.
ჩვენ პარტნიორებთან ერთად ბევრის გაკეთება შევძელით ხალხის დასაცავად, უკრაინისა და მთლიანად ევროპის დასაცავად. თუმცა, ეს არ ნიშნავს, რომ ახლა ამ წარმატებით განცხრომის დროა. გზა წინაა, მოძრაობა წინაა. ამისთვის ჩვენ არანაკლები ერთიანობა და კონცენტრირება გვჭირდება.
სისულელეა, პასიურად გვქონდეს იმის იმედი, რომ გამარჯვებას ვინმე სხვა მოგვიტანს, ის ვინც სანგრებშია, ან ის ვინც ახლა იბრძვის. ეს ყველას საერთო დავალებაა. გამარჯვება ყველასთვისაა. იმარჯვებს ის, ვინც ამისთვის იბრძვის და ვინც აწვდის იარაღს. ვინც ამცირებს ტერორისტული სახელმწიფოს შესაძლებლობებს, ვინც ზრდის უკრაინის შესაძლებლობებს. დიდება ყველა ჩვენს ჯარისკაცს, დიდება ჩვენს ძლიერ ხალხს, დიდება უკრაინას
“WSJ-ის დაკავებულმა რეპორტიორმა რუსეთის კანონმდებლობა დაარღვია” – აცხადებს აშშ-ის სახელმწიფო დეპარტამენტის პასუხად კრემლი სპიკერი, დიმიტრი პესკოვი.
“შეერთებულ შტატებს შეუძლია და უნდა დაიცვას თავისი მოქალაქის უფლებები, რომელიც დაიჭირეს და რომელმაც დაარღვია რუსეთის ფედერაციის შესაბამისი კანონი. სწორედ ამაშია ის ეჭვმიტანილი. ეს არის ყველაფერი რაც შემიძლია ვთქვა”, – თქვა კრემლის სპიკერმა დიმიტრი პესკოვმა ჟურნალისტების კითხვის საპასუხოდ.
11 აპრილის ღამეს, რუსულმა ძალებმა ხერსონში ღვთისმშობლის შობის ტაძარი დაბომბეს. ინფორმაციას ამის შესახებ, ხერსონის რეგიონული სამხედრო ადმინისტრაცია ავრცელებს.
“ღამით, რუსულმა არტილერიამ ყოვლადწმინდა ღვთისმშობლის შობის ტაძარს დაარტყა. დაბომბვის შედეგად ჩამსხვრეულია მინები, დაზიანებულია სახურავი და კედლები”, – აცხადებს ხერსონის რეგიონული სამხედრო ადმინისტრაცია.
უკრაინის ცნობით, რუსული ძალების მხრიდან დაბომბვის შედეგად, მშვიდობიანი მოქალაქეები არ დაშავებულან.
“ეს გაჟღერდა მოლაპარაკებებზე (პუტინისა და ლუკაშენკოს) ისე, რომ ბელარუსის წინააღმდეგ აგრესიის შემთხვევაში, რუსეთის ფედერაციამ ბელარუსი საკუთარი ტერიტორიასავით დაიცვას. აი, ასეთი უსაფრთხოების [გარანტიები] გვჭირდება.[…]მან (პუტინმა) მხარი დამიჭირა აბსოლუტურად ყველა მიმართულებით და ამბობს, რომ გვჭირდება ჩვენი, რუსეთისა და ბელარუსის ყველა შეთანხმებაზე გადახედვა, ნახვა, სახელმწიფოთაშორისი ტიპის რა სახის ნორმატიული სამართლებრივი აქტი უნდა მივიღოთ ახლა, რომ უზრუნველვყოთ ბელარუსის სრული უსაფრთხოება”.
აცხადებს ბელარუსის პრეზიდენტი, ალექსანდრ ლუკაშენკო.
უკრაინამ შეცვალა ზოგიერთი სამხედრო გეგმა აშშ-ს საიდუმლო სამხედრო დოკუმენტების სავარაუდო გაჟონვის გამო, იტყობინება CNN უკრაინის პრეზიდენტ ვლადიმირ ზელენსკისთან დაახლოებულ წყაროზე დაყრდნობით.
CNN-ის წუხანდელ სტატიაში არ არის მოწოდებული ინფორმაციის დეტალები, მაგრამ აღნიშნულია, რომ გაჟონვამ ასევე აიძულა პენტაგონი მიეღო ზომები მგრძნობიარე დოკუმენტების ნაკადის შესამცირებლად, რომლებიც ჩვეულებრივ, ყოველდღიურად მთავრობის ასობით ადამიანისთვის არის ხელმისაწვდომი.
შტაბის უფროსების გაერთიანებული კომიტეტი, რომელშიც თავდაცვის დეპარტამენტის მაღალჩინოსნები შედიან, და რომელიც აშშ-ს პრეზიდენტს უწევს კონსულტაციას, ახლა ათვალიერებს მის ელექტრონული ფოსტის დაგზავნის სიებს ამოწმებს, რათა გაარკვიოს ვინ იღებს საიდუმლო ანგარიშებს, თქვა პენტაგონის წარმომადგენელმა.
ინტერნეტში გავრცელებულ ბევრ დოკუმენტს ქონდა აღნიშვნა, რომელიც მიუთითებდა, რომ ისინი მომზადებული იყო კომიტეტის სადაზვერვო ჯგუფის მიერ, რომელიც ცნობილია როგორც J2, და როგორც ჩანს, ბრიფინგების დოკუმენტებს წარმოადგენდა.
წუხელ პენტაგონმა განაცხადა, რომ აგრძელებს დოკუმენტების ავთენტურობის შემოწმებას და ცდილობს შეაფასოს ეროვნული უსაფრთხოებისთვის მიყენებული ზიანი. აშშ-ს მოკავშირეები ასევე აწარმოებენ შეფასებას და ცდილობენ დაადგინონ, დააზარალა თუ არა გაჟონვამ მათი წყაროები და მეთოდები.
“ჩვენ ველით, რომ აშშ უახლოეს დღეებში გაგვიზიარებს ზარალის შეფასებას, მაგრამ ვერ დაველოდებით მათ შეფასებას. ჩვენ ახლავე ვაკეთებთ საკუთარს”, – განაცხადა ოფიციალურმა პირმა ქვეყნიდან, რომელიც ე.წ. Five Eyes Alliance–ის (აშშ, ავსტრალია, კანადა, ახალი ზელანდია და დიდი ბრიტანეთი) წევრია.
ამავე თემაზე: Reuters: აშშ–ს საიდუმლო დოკუმენტების გაჟონვის უკან, სავარაუდოდ, რუსეთი დგას
ბლინკენმა უარყო კიევსა და მოსკოვს შორის დიალოგის შესაძლებლობა: უწოდა პირობა
აშშ-ის სახელმწიფო მდივანმა ენტონი ბლინკენმა გამორიცხა უკრაინასა და რუსეთს შორის დიალოგის შესაძლებლობა უკრაინის ფრონტზე ცეცხლის შეწყვეტის შესახებ. ამის შესახებ ადრე თეთრი სახლის ეროვნული უშიშროების საბჭოს კოორდინატორმა ჯონ კირბიმაც ისაუბრა.
ბლინკენმა თქვა, რომ მოლაპარაკებების დრო ჯერ არ დამდგარა, მიუხედავად იმისა, რომ ეს იდეა შეიძლება მიმზიდველი იყოს. მის სიტყვებს Tagesschau ციტირებს
“ზოგისთვის ცეცხლის შეწყვეტის იდეა შეიძლება მაცდური იყოს – და მე მესმის ეს. მაგრამ თუ ეს ნიშნავს რუსეთის მიერ უკრაინის მნიშვნელოვანი ტერიტორიების მიტაცების რეალურ რატიფიცირებას, მაშინ ეს არ იქნება სამართლიანი და ხანგრძლივი მშვიდობა”, – თქვა ბლინკენმა.
დიალოგის მიზანი უნდა იყოს უკრაინაში სამართლიანი და გრძელვადიანი მშვიდობის დამყარება, მაგრამ ჯერჯერობით რუსეთი ასეთ კონსტრუქციულ პოზიციამდე ვერ მივიდა– მიიჩნევს ამერიკელი მაღალჩინოსანი.
მან განმარტა, რომ რუსეთის ფედერაციმ ფრონტზე პირობითი პაუზა შესაძლოა ჯარების გადაჯგუფებისა და შეტევის ხელახალი მცდელობისთვის გამოიყენოს.
რუსეთმა შესაძლოა გაზარდოს ზეწოლა დასავლეთზე, რათა უკარნახოს თავისი პირობები უკრაინას
შეგახსენებთ, რომ მანამდე რუსეთის საგარეო საქმეთა მინისტრმა სერგეი ლავროვმა თურქეთში დიპლომატიური ვიზიტის დროს განაცხადა, რომ რუსეთი მზად არის სამშვიდობო მოლაპარაკებების დასაწყებად უკრაინაში, მაგრამ საკუთარი „ლეგიტიმური“ ინტერესების გათვალისწინებით.
მოგვიანებით, ასეთი განცხადების შესახებ ანგარიშში დაწერეს ამერიკის ომის ინსტიტუტის (ISW) ანალიტიკოსებმა. მათი აზრით რუსეთს ეშინია, რომ შესაძლოა უკრაინის შეიარაღებული ძალების მოსალოდნელი კონტრშეტევის დროს დაკარგოს ის ტერიტორიები, რომელთა დროებით დაკავება მოახერხა უკრაინაში . ამიტომ, კრემლში იწყება დასავლეთზე ინფორმაციული ზეწოლის გაზრდის ახალი ეტაპი. მისი მიზანია უკრაინის მოლაპარაკების მაგიდასთან დასმა.
ევროპეისკა პრავდა იტყობინება, რომ რუმინულმა ავიაგამანადგურებლებმა, ნატო-ს საჰაერო საპატრულო მისიის ფარგლებში ორ რუსულ სუ-27-ს საჰაერო სივრცე ჩაუჭრეს. ინფორმაციის შესახებ ასევე ნათქვამია რუმინეთის საჰაერო ძალების განცხადებაში.
საჰაერო პატრულირების გაძლიერებული მისიის ფარგლებში, პილოტებმა ნატო-ს საჰაერო ოპერაციების ცენტრიდან მიიღეს შეტყობინება უცნობი თვითმფრინავების შესახებ საერთაშორისო წყლების თავზე ნატო-ს პასუხიმგებლობის ქვეშ არსებულ ზონაში.
საჰაერო სივრცის ჩაჭრის შემდეგ მოხდა რუსლი სუ-27 ტიპის გამანადგურებლების იდენტიფიცირება, რუმინელმა პილოტებმა რუსული თვითმფრინავები ალიანსის პასუხიმგებლობის ზონის საზღვრამდე მიაცილეს.