Category: მსოფლიო

დადგენილია ჰამასის მიერ მძევლად აყვანილი 97 ადამიანის ვინაობა. ისრაელის თავდაცვის არმია თვლის, რომ ისინი ღაზაში მიწისქვეშა გვირაბებში ყავთ და მათი ადგილსამყოფელი წინასწარვე მომზადდა, რათა ისრაელის დაზვერვას მძევლები ვერ ეპოვნა და მათი გათავისუფლების ოპერაცია ვერ ჩაეტარებინა.

“გონება გვკარნახობს, რომ ისინი მიწის ქვეშ ყავთ. გონება ასევე გვკარნახობს, რომ თუ ჰამასმა ეს შეტევა და ამ ადამიანების მძევლად აყვანა დაგეგმა, უნდა არსებობდეს წინასწარ შერჩეული ადგილები, სადაც მძევლების დამალვა იქნებოდა შესაძლებელი, რათა ისრაელის დაზვერვას ისინი ვერ ეპოვნა და მათი გათავისუფლების ოპერაცია ვერ ჩაეტარებინა“–განუცხადა CNN-ს ისრაელის თავდაცვის არმიის წარმომადგენელმა, ჯონათან კონრიკუსმა.

მისი თქმით, მძევლებთან დაკავშირებული სიტუაცია მგრძნობიარე თემაა, და მიუხედავად იმისა, რომ ისრაელს მძევლების გათავისუფლების გამოცდილება აქვს, ასეთ სიტუაციასთან შეხება არასოდეს ქონია.

“ჩვენ მძიმე დარტყმა მივიღეთ, თუმცა არ შეცდეთ – 2023 არ არის 1943. ჩვენ იგივე ებრაელები ვართ, მაგრამ გვაქვს განსხვავებული შესაძლებლობები. ისრაელის სახელმწიფო ძლიერია. ჩვენ ვართ ერთიანები და ძლიერები. ჰამასი არის ღაზას „ისლამური სახელმწიფო“, ველური ორგანიზაცია, რომელსაც აფინანსებს და მხარს უჭერს ირანი. ჰამასი არის ღაზას “ისლამური სახელმწიფო”, ISIS არ იარსებებს ჩვენს საზღვრებზე. IDF გაანადგურებს ჰამასს. მივაგნებთ ყველას, ვისაც ხელები ჩვენი შვილების სისხლით აქვს შეღებილი”

აცხადებს ისრაელის თავდაცვის მინისტრი იოავ გალანტი.

ისრაელის პრემიერმინისტრი, ბენიამინ ნეთანიუაჰუ და ოპოზიციური პარტია ”ეროვნული ერთიანობის” ლიდერი, ბენი განცი საგანგებო ეროვნული ერთიანობის მთავრობას ქმნიან.  ინიციატივა ქვეყნის პრემიერ-მინისტრს, ბენიამინ ნეთანიაჰუს ეკუთვნის.

საგანგებო მთავრობა ომის პერიოდში შიდაპოლიტიკური პრობლემების მოგვარებაზე იქნება ორიენტირებული.

ბენი განცი მოთხოვნით შეიქმნება ომის მცირე კაბინეტი, რომელიც წარმართავს ომს ჰამასთან, რომელშიც განცთან ერთად შედიან მხოლოდ ნეთანიაჰუ და თავდაცვის მინისტრი იოავ გალანტი.

მხარეების ერთობლივ განცხადებაში აღნიშნულია, რომ ეროვნული ერთიანობის საგანგებო მთავრობა არ მიიღებს არანაირ კანონსა თუ გადაწყვეტილებას, რაც არ იქნება ომთან კავშირში, შესაბამისად, საკამათო სამართლებრივი საკითხები საგანგებო მთავრობის მოქმედების პერიოდში არ გადაწყდება.

კაბინეტში დამკვირვებლების რანგში წარმოდგენილნი იქნებიან ისრაელის სტატეგიული ურთიერთობების მინისტრი, რონ დერმერი და ისრაელის თავდაცვის ძალების ყოფილი გენერალი, ეროვნული ერთიანობის წევრი, გადი აიზენკოტი.

ბოლო მონაცემებით, ისრაელში ჰამასის თავდასხმის შედეგად დაღუპულთა რიცხვი 1200-მდე გაიზარდა ღაზას ჯანდაცვის სამინისტროს ბოლო მონაცემებით კი ღაზას სექტორში დაიღუპა 900 პალესტინელი. 4500 კი დაშავდა.

ისრაელი ღაზას სექტორის საჰაერო დაბომბვას განაგრძობს. წუხელ ისრაელის სამხედროებმა ღაზას სექტორში 200 სამიზნეზე მიიტანეს შეტევა. ბოლო 24 საათში კი ისრაელის არმიის ინფორმაციით ჰამასის პოზიციებზე 450 ავიადარტყმა განახორციელეს. მათ შორის ალ ფუკანში, რომელიც ღაზას სექტორის ჩრდილოეთით მდებარეობს და მას ჰამასი ისრაელზე თავდასხმებისთვის იყენებს.

ისრაელის არმიამ დღეს ჰამასის კიდევ 18 ბოევიკის განადგურების შესახებ გამოაცხადა, რომლებიც ისრაელის ტერიტორიაზე შაბათს, 7 ოქტომბერს შეიჭრნენ.

მანამდე ისრაელის არმია აცხადებდა, რომ გაანადგურეს 1500 ჰამასელი ტერორისტი ისრაელის ტერიტორიაზე და ამჟამად საზღვარი ღაზას სექტორთან სრულად კონტროლდება. ამავე დროს, ქვეყნის ტერიტორიაზე მიმდინარეობს წმენდა და შემორჩენილი ბოევიკების ძებნა.

ისრაელში ჰამასის თავდასხმის შედეგად დაღუპულთა რიცხვი 1200-მდე გაიზარდა

ღაზას ჯანდაცვის სამინისტროს ბოლო მონაცემებით კი ღაზას სექტორში დაიღუპა 900 პალესტინელი. 4500 კი დაშავდა.

დასავლეთ სანაპიროზე 21 პალესტინელი დაიღუპა და ათობით დაშავდა.

ისრაელი ღაზას სექტორის საჰაერო დაბომბვას განაგრძობს. წუხელ ისრაელის სამხედროებმა ღაზას სექტორში 200 სამიზნეზე მიიტანეს შეტევა. ბოლო 24 საათში კი ისრაელის არმიის ინფორმაციით ჰამასის პოზიციებზე 450 ავიადარტყმა განახორციელეს. მათ შორის ალ ფუკანში, რომელიც ღაზას სექტორის ჩრდილოეთით მდებარეობს და მას ჰამასი ისრაელზე თავდასხმებისთვის იყენებს.

ისრაელის არმიამ დღეს ჰამასის კიდევ 18 ბოევიკის განადგურების შესახებ გამოაცხადა, რომლებიც ისრაელის ტერიტორიაზე შაბათს, 7 ოქტომბერს შეიჭრნენ.

მანამდე ისრაელის არმია აცხადებდა, რომ გაანადგურეს 1500 ჰამასელი ტერორისტი ისრაელის ტერიტორიაზე და ამჟამად საზღვარი ღაზას სექტორთან სრულად კონტროლდება. ამავე დროს, ქვეყნის ტერიტორიაზე მიმდინარეობს წმენდა და შემორჩენილი ბოევიკების ძებნა.

ისრაელის სამხედრო და ჯაშუშური სამსახურები მსოფლიოში საუკეთესოდ ითვლება, მაგრამ შაბათს, ოპერატიული და სადაზვერვო საქმიანობის წარუმატებლობამ გამოიწვია ბოლო ნახევარი საუკუნის განმავლობაშ ისრაელის თავდაცვის ყველაზე სერიოზული გარღვევა, წერს The New York Times.

ისრაელის დაზვერვის ოთხი მაღალჩინოსნის თქმით, რომლებიც ანონიმურობის პირობით საუბრობდნენ, ისრაელში ჰამასის შეჭრა შესაძლებელი გახდა ისრაელის დაზვერვისა და სამხედროების მიერ უსაფრთხოების უზრუნველყოფაში რიგი შეცდომების გამო. მათ შორის გაზეთის წყაროებმა დაასახელეს:

• დაზვერვის უუნარობა გაეკონტროლებინა ძირითადი საკომუნიკაციო არხები, რომლებსაც იყენებდნენ ჰამასის მებრძოლები;
• საზღვრის სათვალთვალო აღჭურვილობაზე გადაჭარბებული დამოკიდებულება, რომლის გამორთვაც ჰამასმა მოახერხა;
• მეთაურების კონცენტრაცია ერთ სასაზღვრო ბაზაზე, რომელიც შეჭრის დასაწყისში იქნა აღებული,რამაც  ხელს უშლიდა კომუნიკაციას დანარჩენ შეიარაღებულ ძალებთან;
• ღაზას სამხედრო ლიდერების პირადი სატელეფონო საუბრების დროს გაკეთებული განცხადებების „პირდაპირი აღქმა“, რომ ისინი არ ემზადებიან ბრძოლისთვის. ჰამასის მებრძოლებმა იცოდნენ, რომ ეს არხები ისრაელის მიერ ისმინებოდა.

როდესაც ისრაელის დაზვერვის წარმომადგენლებმა გასულ კვირას აცნობეს უსაფრთხოების ხელმძღვანელებს ქვეყნის თავდაცვისთვის ყველაზე მწვავე საფრთხეების შესახებ, მათ ყურადღება გაამახვილეს ისრაელის ჩრდილოეთ საზღვარზე ლიბანელი ბოევიკების საფრთხეზე, ჰამასისგან მომავალი საფრთხე კი პრაქტიკულად არც უხსენებიათ– წერს  New York Times.

დიპლომატიური მცდელობები 100-ზე მეტი მძევლის ჰამასის ტყვეობიდან გასათავისუფლებლად ძლიერდება.

როგორც ჩანს, ძირითადი ყურადღება ეთმობა ქალების და ბავშვების გათავისუფლებას, როგორც ისრაელის მოქალაქეების, ისე უცხოელების. სანაცვლოდ საუბარია ისრაელის ციხეებში მყოფი პალესტინელი ქალებისა და ბავშვების გათავისუფლებაზე.

დიპლომატმა, რომელიც მოლაპარაკებების შესახებ არის ინფორმირებული, განუცხადა BBC-ს, რომ მოლაპარაკებები იმართებოდა ყატარის მონაწილეობით, სადაც ჰამასის ზოგიერთი პოლიტიკური ლიდერი იმყოფება.

ამ პროცესის კოორდინატორად აშშ დასახელდა. მოლაპარაკებებში არ მონაწილეობს დაჯგუფება ისლამური ჯიჰადი, რომელმაც 30-მდე მძევალი აიყვანა.

ისრაელიც და ჰამასიც საჯაროდ უარყოფენ, რომ რაიმე მოლაპარაკება მიმდინარეობს დატყვევებული მძევლების გასათავისუფლებლად. თუმცა, BBC-ის დიპლომატიური წყაროს თქმით, მოლაპარაკებები დაჩქარდა.

აშშ-ს პრეზიდენტმა ჯო ბაიდენმა ჰამასის თავდასხმას ისრაელზე “სუფთა ბოროტების აქტი” უწოდა.

„არავის უნდა შეეპაროს  ეჭვი, შეერთებული შტატები მხარს უჭერს ისრაელს. ჩვენ ყველაფერს გავაკეთებთ, რომ ებრაულმა და დემოკრატიულმა სახელმწიფო ისრაელმა შეძლოს თავის დაცვა დღეს, ხვალ, როგორც ამას ყოველთვის ვაკეთებთ. ვინც ფიქრობს ისარგებლოს ამ სიტუაციით, მე ვეტყვი ერთ რამეს: არ გააკეთოთ ეს. ჰამასი არ იცავს პალესტინელ ხალხს. ისინი იყენებენ პალესტინელ ცოცხალ ფარად.”–განაცხადა ბაიდენმა მიმართვისას.

აშშ-ს პრეზიდენტმა მოიყვანა ამ თავდასხმის შედეგად ჰამასის ბოევიკების მიერ ჩადენილი ძალადობის მაგალითები: „კლავდნენ მშობლებს, რომლებიც სხეულით ეფარებოდნენ საკუთარ შვილებს დასაცავად… გვაქვს ინფორმაცია ჩვილების მკვლელობის შესახებ… ქალებს აუპატიურებდნენ და საჯაროდ დაატარებდნენ როგორც ნადავლს. ჩვენ ვდგავართ ისრაელის გვერდით, ჩვენ მხარს ვუჭერთ ისრაელს“, – ხაზგასმით აღნიშნა ბაიდენმა და დასძინა, რომ ისრაელს ექნება ის, რაც მას სჭირდება თავდასხმაზე პასუხის გასაცემად.

“ღაზა აღარასდროს იქნება ის, რაც იყო! გადავდივართ სრულ შეტევაზე” – ამის შესახებ, ისრაელის თავდაცვის მინისტრმა იოავ გალანტმა.

“მე მოვხსენი ყველა შეზღუდვა, ჩვენ აღვადგინეთ კონტროლი ტერიტორიაზე და გადავდივართ სრულ შეტევაზე. თქვენ გექნებათ შესაძლებლობა შეცვალოთ რეალობა. ჩვენ ვნახეთ ამის ფასი და თქვენ ნახავთ ცვლილებას.ჰამასს სურდა ცვლილება ღაზაში, ის ნახავს 180 გრადუსიან ცვლილებას, განსხვავებულს იმისგან, რასაც ელოდნენ… ისინი ამ მომენტს ინანებენ, ღაზა არასდროს არ დაუბრუნდება იმას, რაც აქამდე იყო”, – განაცხადა თავდაცვის მინისტრმა.

ლიკვიდირებულია ჰამასის “ეკონომიკის მინისტრი”, ჯავად აბუ შამალა – შესაბამის ინფორმაციას,  ისრაელის თავდაცვის ძალების (IDF) სპიკერი დანიელ ჰაგარი Twitter-ზე, ავრცელებს.

მისი თქმით, დღეს 10 ოქტომბერს IDF-ის ავიაციის იერიშის შედეგად ჯავად აბუ შამალა მოკლეს. იგი ჰამასის ეკონომიკის საკითხებს განაგებდა და ღაზის სექტორსა და მის გარეთ ტერორისტული საქმიანობისთვის ფინანსების გამოყოფას უზრუნველყოფდა.

ჯავად აბუ შამალა ისრაელის სახელმწიფოში მოქალაქეებისთვის ზიანის მიყენებას ემსახურებოდა.