Category: მსოფლიო

სამხრეთ ლიბანში ისრაელის საჰაერო იერიშის შედეგად ჰეზბოლას მაღალი რანგის მეთაურო მოკლეს. აღნიშნულის შესახებ გამოცემა Reuters-ს უშიშროების საკითხებში სამმა წყარომ აცნობა. გამოცემა Times of Israel-ის თქმით, ლიბანური წყაროების ცნობით, ჰეზბოლას ელიტური “რადავანის რაზმის” უფროსი მეთაურის მკვლელობამ ტერორისტულ დაჯგუფებას “მტკივნეული” დარტყმა მიაყენა.

გავრცელებული ინფორმაციით, მოკლული ვისამ ალ-თავილია, რომელიც რადავანის რაზმის მეთაური იყო და სამხრეთ ლიბანში ჰეზბოლას მოქმედებების წარმართვაში მოწინავე როლი ჰქონდა.

ის ჰეზბოლას მებრძოლთან ერთად ლიბანის სამხრეთში მდებარე სოფელში, მანქანაში იმყოფებოდა, როდესაც ისრაელმა მასზე საჰაერო იერიში მიიტანა.

“პალესტინელ მშვიდობიან მოსახლეობას უნდა შეეძლოს სახლში დაბრუნება, როგორც კი პირობები შესაბამისი იქნება. მათ არ შეუძლიათ, არ უნდა აიძულონ დატოვონ ღაზა”,

აშშ-ს სახელმწიფო მდივანმა ენტონი ბლინკენმა განაცხადა, რომ პალესტინელებზე არ უნდა მოხდეს ზეწოლა ღაზის სექტორის დატოვებაზე და მათ უნდა მიეცეთ საშუალება დაბრუნდნენ თავიანთ სახლებში, როგორც კი პირობები ამის საშუალებას მისცემთ.

პატრიარქმა კირილმა ტელეკომპანია Rossiya-1-ისთვის მიცემულ საშობაო ინტერვიუში თქვა, რომ ადამიანები, ვინც ქვეყანა დატოვეს უკრაინის ომის დაწყების შემდეგ, შეიძლება დაბრუნდნენ, თუ ისინი დაბრუნდებიან “იმის გაცნობიერებით, რომ მათ მართლაც შეცდომა დაუშვეს”.

„არ არის საჭირო ცოდვილი ადამიანის განდევნა, თუ ის მოდის სინანულის გრძნობითა და დანაშაულის შეგნებით. თუ ადამიანები, რომლებმაც დატოვეს რუსეთი და რაღაცნაირად მის წინააღმდეგაც კი გამოვიდნენ, დაბრუნდნენ იმის გაგებით, რომ მართლაც დაუშვეს შეცდომა, მაშინ სამშობლო მათ ვერ უარყოს“, – განაცხადა პატრიარქმა.

„შეიძლება ჯერ კიდევ იყოს რაღაც სამართლებრივი თემები, რამდენად არიან ეს ადამიანები ჩართულნი რაიმე სახის დანაშაულებრივ საქმიანობაში, მაგრამ ეს აღარ ეხება სასულიერო პირებს. მე კი  ყურადღებას ვამახვილებ იმაზე, რომ ამ ადამიანებს შორის არიან საკმაოდ ღირსეულები, მაგრამ ისინი, ვინც შეცდომა დაუშვა, ან შეშინდა, ან ნამდვილად ცდილობდა ეპოვა ცხოვრებაში უფრო მოსახერხებელი, კომფორტული, მაგრამ ამ გზაზე შერცხვენილი აღმოჩნდა”- დაასკვნა მან.

მიუხედავად იმისა, რომ მშვიდობისკენ მოუწოდებდა უკრაინაში რუსეთის შეჭრის დაწყების შემდეგ რუსეთის მართლმადიდებლური ეკლესიის განცხადებები თითქოს მშვიდობას ქადაგებდა, პატრიარქ კირილის გამოსვლები თანდათან უფრო და უფრო ომის მხარდამჭერი  ხდებოდა და ზაფხულში იგი პირველად მოხვდა ბრიტანეთის სანქციების სიაში „უკრაინაში რუსეთის  სამხედრო აგრესიის მხარდაჭერის“ გამო.

ამ კვირაში ცნობილი გახდა ხოხლის წმინდა სამების ტაძრის წინამძღვრის, დეკანოზ ალექსეი უმინსკის მსახურების აკრძალვის შესახებ, რომელიც ომის წინააღმდეგი იყო. მაისში მოსკოვში გაიმართა მღვდელ იოანე კოვალის საეკლესიო სასამართლო პროცესი, რომელმაც სიტყვა “გამარჯვება” შეცვალა სიტყვით “მშვიდობა” ლოცვაში “წმიდა რუსეთისთვის”, რომელიც პატრიარქის კურთხევით ყველა მართლმადიდებლურ ეკლესიაში იკითხებოდა 2022 წლის შემოდგომიდან.

ისრაელის არმია აცხადებს, რომ მდაასრულა ჰამასის სამეთაურო სტრუქტურის დემონტაჟი ჩღაზას სექტორის ჩრდილოეთში.

IDF-ის სპიკერმა დანიელ ჰაგარიმ განუცხადა ჟურნალისტებს, რომ პალესტინელი ბოევიკები ახლა მხოლოდ სპორადულად და “მეთაურების გარეშე მოქმედებენ”.

მისი თქმით, ისრაელმა ღაზას ჩრდილოეთით დაახლოებით 8000 მებრძოლი მოკლა.

მისი თქმით, ისრაელის თავდაცვის ძალები (IDF) ახლა ორიენტირებულია ჰამასის ლიკვიდაციაზე ღაზას სექტორის სამხრეთ და ცენტრში.

ღაზას ჯანდაცვის სამინისტროს ცნობით, ისრაელის ძალებმა ომის დაწყებიდან 22 000-ზე მეტი ადამიანი მოკლეს.

სექტორის ეს ტერიტორია განადგურდა და 2.3 მილიონი ადამიანი – მოსახლეობის უმეტესობა იძულებული გახდა სახლები დაეტოვებინა.

ისრაელის შეტევა მას შემდეგ დაიწყო, რაც ჰამასის ბოევიკებმა 7 ოქტომბერს სამხრეთ ისრაელზე მოულოდნელი ტერორისტული თავდასხმა განახორციელეს, რის შედეგადაც დაიღუპა 1200 ადამიანი, უმეტესობა მშვიდობიანი მოქალაქე და დაახლოებით 240 მძევალი აიყვანეს.

ზოგიერთი მძევლის გათავისუფლების შემდეგ, ჰამასისდა სხვა ჯგუფების ტყვეობაში კვლავ რჩება 120-ზე მეტი მძევალი.

პრემიერ-მინისტრმა ბენიამინ ნეთანიაჰუმ შაბათს დაადასტურა, რომ ისრაელი გააგრძელებს ჰამასის ლიკვიდაციის კამპანიას, მძევლების დაბრუნებას და უზრუნველყოფს, რომ ღაზა აღარ წარმოადგენს საფრთხეს ისრაელისთვის.

“ჩვენ ყველაფერი გვერდზე უნდა გადავდოთ… სანამ სრულ გამარჯვებას არ მივაღწევთ“, – თქვა ნეთანიაჰუმ განცხადებაში.

იმავდროულად, ჰეზბოლას ბოევიკებმა შაბათს ათობით რაკეტა გაისროლეს ჩრდილოეთ ისრაელში. მათი თქმით, ეს იყო წინასწარი პასუხი ამ კვირაში ბეირუთში ჰამასის მაღალჩინოსნის მკვლელობაზე.

სალეჰ ალ-არური მოკლეს ისრაელის სავარაუდო ქირურგიული დარტყმის შედეგად ლიბანის დედაქალაქში მდებარე შენობაზე.

ირანის მიერ მხარდაჭერილმა ლიბანურმა მოძრაობამ განაცხადა, რომ 62 რაკეტით დაარტყა მერონის საჰაერო მოძრაობის მართვის ბაზას. ისრაელის სამხედროებმა განაცხადეს, რომ ლიბანიდან დაახლოებით 40 გაშვება აღმოაჩინეს და გაანეიტრალეს.

აშშ-ის სახელმწიფო მდივანმა ანტონი ბლინკენმა შაბათს განაცხადა, რომ ის ორიენტირებულია კონფლიქტის ღაზას სექტორის მიღმა გავრცელების და “ძალადობის გაუთავებელი ციკლის” თავიდან აცილებაზე.

ბლინკენმა ეს განცხადება საბერძნეთში გააკეთა, საიდანაც იორდანიაში გაფრინდა. ის რეგიონში ერთი კვირა დარჩება.

Alaska Airlines-ის სამგზავრო თვითმფრინავმა 4 876 მეტრის სიმაღლეზე ფრენისას კორპუსის ნაწილი დაკარგა, რის გამოც აშშ-ის ორეგონის შტატში ავარიულად დაშვება მოუწია. Boeing 737 Max 9 პორტლენდიდან კალიფორნიაში უნდა ჩაფრენილიყო, თუმცა აფრენიდან 35 წუთში, კორპუსის გარე ნაწილისა და ფანჯრის დაკარგვის შემდეგ, უკან დაბრუნდა.

Alaska Airlines-ის მიერ გავრცელებული ინფორმაციის თანახმად, ბორტზე ეკიპაჟის ჩათვლით 177 ადამიანი იმყოფებოდა და თვითმფრინავი „უსაფრთხოდ დაეშვა”. ეს ინფორმაცია აშშ-ის ფედერალურმა საავიაციო სააგენტომაც დაადასტურა.

ავიაკომპანიის ცნობით, ისინი 65-ივე Boeing 737 Max 9-ს დროებით გააჩერებენ და მათ ინსპექტირებას ჩაუტარებენ. „თითოეული თვითმფრინავი ექსპლუატაციაში მხოლოდ სრული ტექნიკური და უსაფრთხოების შემოწმების დასრულების შემდეგ დაბრუნდება”, – განაცხადა Alaska Airlines-ის აღმასრულებელმა დირექტორმა, ბენ მინიკუჩიმ. ამ ინციდენტთან დაკავშირებით გამოძიება უკვე დაიწყო ტრანსპორტის უსაფრთხოების ეროვნულმა სააგენტომ.

ჩეჩნეთის ხელმძღვანელი, რამზან კადიროვი გამოდის შეთავაზებით, რომ გაათავისუფლების დატყვევებულ უკრაინელ ჯარისკაცებს, თუ დასავლეთი მისი ოჯახის წევრებს სანქციებს მოუხსნის.  ამის შესახებ მან გროზნიში უსაფრთხოების ძალების შეკრებაზე განაცხადა, სადაც გაეროს მასობრივი განადგურების იარაღის ლიკვიდაციაზე მონიტორინგის ყოფილი ინსპექტორი, სკოტ რიტერი ჩავიდა.

„ჩვენ გვყავს პატიმრები, რომლებიც ტყვედ ჩავარდნენ დონეცკსა და ლუგანსკში [ე. წ. სახალხო რესპუბლიკებში]. მე გადავცემ ჩვენს სტუმარს [სამხედრო ტყვეთა სიას]. თუ ისინი გააუქმებენ სანქციებს დედაჩემის, ჩემი ქალიშვილების, უდანაშაულო ხალხის, ცხენების, მიმართ, ჩემს გარდა, <…> მაშინ ჩვენ ამ ხალხს მივცემთ ”, – ციტირებენ რუსული საინფორმაციო სააგენტოები კადიროვს.

კადიროვმა რიტერს დატყვევებული უკრაინელი ჯარისკაცების სია გადასცა; მას ასევე აჩვენეს დატყვევებული უკრაინელების ვიდეო, რომელშიც ერთ -ერთი მათგანი ამბობს, რომ თუ სანქციები მოიხსნება კადიროვის საყვარელ ადამიანებზე, მის თვითმფრინავებსა და ცხენებზე, 20 უკრაინელი ჯარისკაცი  სახლში დაბრუნდება.

კადიროვისა და მისი ოჯახის წინააღმდეგ სანქციები 2022 წლის სექტემბერში დაწესდა, ხოლო გასული წლის აგვისტოში აშშ -მ შემოიღო სანქციები კადიროვის დედის, აიმანი კადიროვასა და ახმატ კადიროვის ფონდის წინააღმდეგ, რომელსაც იგი ხელმძღვანელობს. კადიროვი მისი დედის მიმართ დაწესებული სანქციების მოხსნას მოითხოვდა და ამტკიცებდა, რომ ის საქველმოქმედო საქმიანობით არის დაკავებული. წინააღმდეგ შემთხვევაში ამერიკას პასუხის გაცემით ემუქრებოდა.

სახელმწიფო დეპარტამენტმა კადიროვის დედის  მიმართ სანქციების დაწესება იმით ახსნა, რომ ამ ფონდს იყენებს კადიროვის ოჯახი, რომ გააკონტროლოს უკრაინელი ბავშვების „პატრიოტული ხელახალი აღზგდა“ გროზნის მახლობლად მდებარე ბანაკებში.

ამერიკელმა სამხედროებმა ერაყში მოკლეს ირანის მიერ მხარდაჭერილი ტერორისტული დაჯგუფება “ჰარაკატ ალ-ნუჯაბის” ლიდერი, მუშტაკ ჯავად კაზიმ ალ-ჯავარი. ამის შესახებ, პენტაგონის პრესსპიკერმა პეტ რაიდერმა განაცხადა.

ერაყსა და სირიაში მოქმედი დაჯგუფების მეთაური აქტიურად მონაწილეობდა ამერიკელ სამხედროებზე თავდასხმების დაგეგმვასა და განხორციელებაში.

პენტაგონში ასევე აღნიშნეს, რომ იერიში თავდაცვის ფარგლებში განხორციელდა და მშვიდობიანი მოსახლეობა არ დაშავებულა.

ბრიტანეთის სამხედრო დაზვერვის ინფორმაციით ბოლო კვირას რუსეთის მიერ განხორციელებული სარაკეტო დარტყმების მიზანი უკრაინის სამხედრო წარმოების განადგურებაა.

ბრიტანული დაზვერვა თვლის, რომ რუსეთის არმიამ ტაქტიკა შეცვალა, რადგან სარაკეტო დაბომბვების წინა კამპანიის დროს, წინა წლის ზამთარში, მთავარი სამიზნე უკრაინის ენერგეტიკული ობიექტები იყო.  ახლა კი რუსული სამხედრო სტრატეგები ხანგრძლივი ომისთვის ემზადებიან, და ხვდებიან ამ ომში ძლიერი თადვცავის ინდუსტრიის მზარდ მნიშვნელობას – ნათქვამია ბრიტანეთის დაზვერვის ანგარიშში.

ამასთან, ბრიტანეთის სამხედრო ექსპერტები აღნიშნავენ, რომ 2023 წლის დეკემბერში რუსეთის არმიამ უკრაინის ენერგეტიკულ ობიექტებზე დარტყმები მაინც მიიტანა.

უკრაინის ხელისუფლების ბოლო ინფორმაციით 2 იანვრის ღამეს ხარკოვსა და კიევზე მიტანილი მასირებული სარაკეტო  შეტევის შედეგად გარდაცვლილია 5 ადამიანი. დაშავდა 130–ზე მეტი. მათი ნაწილი საავადმყოფოებშია.

2 იანვრის ღამეს რუსეთმა უკრაინაზე მორიგი   მასირებული სარაკეტო შეტევა განახორციელა. ძირითადი სამიზნე კიევის და ხარკოვის რაიონები იყო.უკრაინის დედაქალაქში  ჩამოგდებული რაკეტების ნამსხვრევებმა ქალაქის რამდენიმე რაიონში ნგრევა გამოიწვია. დაზიანდა როგორც საცხოვრებელი, ისე არასაცხოვრებელი შენობები.