Category: მსოფლიო

ნატოს სამხედრო კომიტეტის თავმჯდომარემ, ჰოლანდიელმა ადმირალმა რობ ბაუერმა თქვა, რომ ალიანსმა თავისთავად  ნაგულისხმევად არ უნდა მიიღოს, რომ ის გააგრძელებს მშვიდობიან ცხოვრებას და უნდა მოემზადოს რუსეთთან ომისთვის, რომელიც დიდ გავლენას მოახდენს რიგით ადამიანებზე.

ბაუერის  განცხადებების უფრო სრული ციტირება ბრიტანული Daily Telegraph-ის პარასკევის გამოცემაში (paywall) მოხდა , რომელმაც მთავარ გვერდზე გამოიტანა სათაური: „ნატო გვაფრთხილებს რუსეთთან ომის შესახებ მომდევნო 20 წლის განმავლობაში“.

„ჩვენ უნდა გვესმოდეს, რომ მშვიდობიან მდგომარეობაში ცხოვრება თავისთავად და გარანტირებულად არ მოხდება. და ამიტომ ვემზადებით რუსეთთან კონფლიქტისთვის. მაგრამ დებატები გაცილებით ფართოა. ეს არის ინდუსტრიული ბაზა, მაგრამ ასევე ადამიანები, რომლებსაც უნდა ესმოდეთ, რომ ისინი გარკვეულ როლს ასრულებენ“, – ციტირებს ბაუერს Telegraph-ის კორესპონდენტი.

მან შეაქო შვედეთის ხელისუფლება იმის გამო, რომ ის მოქალაქეებს აფრთხილებს ომისთვის მზადების აუცილებლობის შესახებ. „აქედან უნდა დავიწყოთ. იმის გაცნობიერებიდან, რომ ყველაფრის დაგეგმვა არ შეიძლება და ყველაფერი იდეალურად არ იქნება მომდევნო 20 წლის განმავლობაში“, – განაცხადა ადმირალმა.

მომავალ კვირას ნატო იწყებს ფართომასშტაბიანი წვრთნები Steadfast Defender 2024, რომელშიც მონაწილეობას მიიღებს დაახლოებით 90 ათასი ჯარისკაცი (მათ შორის 20 ათასი ბრიტანელი). ეს წვრთნები მაისამდე გაგრძელდება.

ცნობილი მსახიობი და კალიფორნიის ექსგუბერნატორი არნოლდ შვარცნეგერი მიუნხენის აეროპორტში დააკავეს. როგორც CNN წერს შვარცნაგერის დაკავების მიზეზი გერმანიის ტერიტორიაზე არადეკლარირებული ძვირადღირებული საათის შეტანა გახდა.

CNN წყაროზე დაყრდნობით წერს, რომ მსახიობი Audemars Piguet-ის ძვირადღირებული საათის გაყიდვას ავსტრიაში დაგეგმილ საქველმოქმედო აუქციონზე გეგმავდა, რომელიც ხვალ, 19 იანვარს უნდა გაიმართოს. თუმცა, მიუნხენის აეროპორტის საბაჟო სამსახურის წარმომადგენლის თქმით, მსახიობმა საათს დეკლარირება არ გაუკეთა და არც შესაბამისი საბაჟო გადასახადი გადაიხადა, რასაც ევროკავშირის კანონი ითვალისწინებს.

საბაჟოს განცხადებით, კალიფორნიის ყოფილი გუბერნატორი სამი საათის განმავლობაში იყო დაკავებული, რის შემდეგაც გაათავისუფლეს და ავსტრიაში გამგზავრების ნება დართეს.

გავრცელებული ინფორმაციით, შვარცნეგერმა გერმანიაში გამართულ კლიმატის ცვლილების აუქციონში უნდა მიიღოს მონაწილეობა, ხოლო შემდეგ გეგმავს ავსტრიაში სათხილამურო ღონისძიებაზე დასწრებას.

4 წლის ჩეხმა გოგონამ, ზარა შიფრამ მსოფლიო რეკორდი დაამყარა – ის ყველაზე ახალგაზრდა ადამიანია, რომელმაც ევერესტის 5 364 მეტრის სიმაღლეზე მდებარე, საბაზო ბანაკამდე მიაღწია.

ზარა შიფრა ჩეხეთისა და კანადის მოქალაქეა და მალაიზიაში ცხოვრობს.

4 წლის გოგონა, ევერესტის საბაზო ბანაკში 7 იანვარს, მამასა და 7 წლის ძმასთან ერთად ავიდა. ოჯახმა 6 დღეში გაიარა.

საბაზო ბანაკში 1 იანვარს ძლიერი ყინვა იყო -20-დან -25 °C-მდე.

ზარას მამა, დევიდ შიფრა ამბობს, რომ მთელი გზის  განმავლობაში ამოწმებდა შვილების სისხლში ჟანგბადის დონეს და ამბობს, რომ ზარას სისხლში ჟანგბადის დონე  90%-ზე დაბლა არ დაცემულა. კარგი ფიზიკური მონაცემების წყალობით, ზარამ აკლიმატიზაცია საშუალო დონეზე გაიარა და რამდენიმე მოლაშქრესაც გადაუსწრო გზაში.

ზარას მშობლები ამბობენ, რომ ბავშვს კარგი ფიზიკური მომზადება აქვს გავლილი. მალაიზიაში ბავშვი რეგულარულად დადის ლაშქრობებში და ცივ წყალში ბანაობს.

ზარა, ევერესტის საბაზო ბანაკამდე ასვლამდე, მალაიზიის ჯუნგლების უკიდურესად რთულ პირობებში 5-10 კილომეტრს გადიოდა. 2023 წელს მან, ჯუნგლებში, 2200 კილომეტრი გაიარა.

ზარა მიჩვეული იყო სიცივეს, რადგან მშობლების თქმით, ის მხლოდ ყინულის აბაზანებს იღებს.
სავარაუდოდ  ამიტომაც არ ჰქონდა მას სიცივის პრობლემა.

მანამდე ეს რეკორდი 5 წლის ინდოელმა ბიჭმა, პრიშა ლოკეშ ნიკაჯომ დაამყარა, რომელიც 2023 წელს ავიდა ევერესტის საბაზო ბანაკში.

დავოსში შეკრებილ მსოფლიო ლიდერებს გუშინ საღამოს უკრაინის პრეზიდენტი შეუერთდა, სადაც დღეს  ევროკომისიის პრეზიდენტს, ურსულა ფონ დერ ლაიენს შეხვდა. უკრაინის პრეზიდენტის ოფისის ინფორმაციით, მათ განიხილეს უკრაინისა და ევროკავშირის ურთიერთობების ძირითადი პრიორიტეტები და შეთანხმდნენ უკრაინის კანონმდებლობის სკრინინგის დაწყებაზე. ეს არის კიდევ ერთი ნაბიჯი უკრაინის ევროკავშირში გაწევრიანებაზე მოლაპარაკებების გახსნის გზაზე.

ევროკომისიის ხელმძღვანელმა, ურსულა ფონ დერ ლაიენმა ზელენსკისთან შეხვედრამდე მოუწოდა დავოსში შეკრებილ ლიდერებს განაგრძონ უკრაინის დახმარება, რადგან უკრაინელებს სჭირდებათ პროგნოზირებადი დაფინანსება 2024 წლის და შემდგომი წლების განმავლობაში. ურსულა ფონ დერ ლაიენის თქმით, დასავლეთმა არ უნდა შეწყვიტოს უკრაინის მხარდაჭერა, რომელსაც სჭირდება იარაღის საკმარისი და მდგრადი მიწოდება ქვეყნის დასაცავად და მისი კანონიერი ტერიტორიების დასაბრუნებლად:

”რუსეთის სტრატეგიული მიზნები ჩავარდა. და ეს პირველ რიგში არის სამხედრო მარცხი. ნუ დაგვავიწყდება, რომ როცა რუსეთი უკრაინაში შეიჭრა, ყველას ეგონა, რომ კიევი რამდენიმე დღეში დაეცემოდა, დანარჩენი უკრაინა კი რამდენიმე კვირაში.

მაგრამ ეს არ მოხდა. სამაგიეროდ რუსეთმა დაკარგა მისი სამხედრო შესაძლებლობების თითქმის ნახევარი. უკრაინამ რუსეთი გააგდო მიტაცებული ტერიტორიების ნახევრიდან.
უკრაინამ უკან დაახევინა რუსეთის შავი ზღვის ფლოტს და ხელახლა გახსნა საზღვაოსნო კორიდორი, რომ მარცვლეული მიაწოდოს მსოფლიოს. უკრაინამ შეინარჩუნა მისი თავისუფლება და დამოუკიდებლობა. მარცხი განიცადა რუსეთის ეკონომიკამ. სანქციებმა რუსეთის ეკონომიკას წვდომა წაართვა თანამედროვე ტექნოლოგიებსა და ინოვაციებზე, რუსეთი დამოკიდებული გახდა ჩინეთზე. და ბოლოს, მარცხი განიცადა რუსეთის დიპლომატიამ. ფინეთი შეუერთდა ნატოს. მალე შვედეთიც შეუერთდება და უკრაინა, უფრო ახლოს არის ევროკავშირთან, ვიდრე ოდესმე ყოფილა. ეს ყველაფერი გვიჩვენებს, რომ უკრაინას შეუძლია ამ ომში გამარჯვება, მაგრამ ჩვენ უნდა გავაგრძელოთ მათი ბრძოლის გაძლიერება”. – განაცხადა, ლაიენმა.

“ყველაზე რთული მოლაპარაკებები მაშინ არის, როცა უბრალოდ გრძნობ, რომ გინდა ოპონენტს ცხვირში უთავაზო, მაგრამ ამის გაკეთება არ შეგიძლია. ეს მე 2-3-ჯერ დამემართა და ერთ-ერთი ასეთი შემთხვევა იყო, როდესაც 2022 წლის გაზაფხულზე ანტალიაში ლავროვს შევხვდი,”

ამის შესახებ, უკრაინის საგარეო საქმეთა მინისტრმა, დმიტრო კულებამ, უკრაინელ ბლოგერთან არაფორმალურ ინტერვიუში განაცხადა.

ყირიმი უკრაინის ტერიტორიის ყველაზე მნიშვნელოვანი ნაწილია, რომელიც ჯერ კიდევ ოკუპირებულია რუსეთის მიერ.[…]ს არის ის, რასაც ჩვენ ვეძახით „გადამწყვეტ ტერიტორიას“ და ვინც ყირიმს გააკონტროლებს, ჩემი აზრით, ის მოიგებს ამ ომს. არა მგონია, უახლოეს მომავალში მოხდეს სახმელეთო შეტევითი ოპერაცია ნახევარკუნძულზე, მაგრამ, ასეა თუ ისე, ეს უკვე მოძველებული აზროვნების გზაა. ვგულისხმობ, რომ პირველ რიგში, მნიშვნელოვანია ყირიმი გამოუსადეგარი გახდეს რუსული ჯარისკაცებისთვის.[…]პირველი არის უკანონოდ აშენებული ქერჩის ხიდი და მეორე არის ეგრეთ წოდებული სახმელეთო დერეფანი, რომელიც გადის როსტოვიდან აზოვის სანაპიროს გასწვრივ მარიუპოლისა და ბერდიანსკის გავლით ყირიმამდე და ვფიქრობ, რომ შესაძლებელია ორივე მარშრუტის მოჭრა. შორ მანძილზე ზუსტი სროლით“,

ამის შესახებ გადამდგარმა გენერალ-ლეიტენანტმა, ევროპაში აშშ-ის ჯარების ყოფილმა მეთაურმა, ბენ ჰოჯსმა გამოცემა Sestry-თან ინტერვიუში განაცხადა.

“თუ დასავლეთი ვერ შეძლებს რუსეთის შეჩერებას უკრაინაში, სხვას ვის შეუძლია შეაჩეროს იგი მსოფლიოს სხვა ნაწილებში? იარაღი რომც დაგვმთავრდეს, ნიჩბებით ვიბრძოლებთ, რადგან უკრაინისთვის აქ სასწორზე ამ ერის არსებობა დევს”.

ამბობს უკრაინის საგარეო საქმეთა მინისტრი, დმიტრო კულება ABC NEWS-სთვის მიცემულ ინტერვიუში.

ბაქოში, ავეჯის საწარმოში აფეთქების შედეგად დაღუპულთა რიცხვი, 6-მდე გაიზარდა.

დაშავებულია 24 ადამიანი.

ინფორმაციას ადგილობრივი მედია ავრცელებს.