Category: მსოფლიო

მსოფლიოში ყველაზე დიდი საკრუიზო გემი, Icon of the Seas, ფლორიდიდან, მაიამის პორტიდან კარიბის ზღვის აუზის პირველ შვიდდღიან მოგზაურობაში გაემგზავრა.

გემის სიგრძე რეკორდულია – 365 მ. შედარებისთვის ლეგენდარული ტიტანიკი თითქმის 100 მეტრით მოკლე იყო (269 მ), ხოლო აშშ-ს საზღვაო ძალების უდიდესი ავიამზიდის, ჯერალდ რ.ფორდის სიგრძე 333 მეტრია.

ხომალდის წყალში ჩაშვების ცერემონიალში მონაწილეობა მიიღო მსოფლიო ჩემპიონმა, არგენტინის ნაკრების კაპიტანმა ლიონელ მესიმ , რომელიც ამჟამად თამაშობს მაიამის ინტერში თამაშობს.

გემს შეუძლია 7600-მდე მგზავრის განთავსება, რომლებიც დაიძინებენ, ჭამენ და გაერთობენ 20 გემბანზე, სადაც 40-ზე მეტი რესტორანი, კაფე და ბარია. ასევე არის პატარა პარკი ტროპიკული მცენარეებით, თეატრი, კარაოკე, ჩოგბურთის და ფრენბურთის კორტები, ატრაქციონები ბავშვებისთვის და აკვაპარკი.

გემი რეგისტრირებულია ბაჰამის კუნძულებზე და ფინეთში აშენდა. მისი  ღირებულება 2 მილიარდი აშშ დოლარია.

ძრავები, რომლებიც ამ მცურავ გასართობ პარკს ამოძრავებს,  თხევად ბუნებრივ აირზე მუშაობს.

გარემოსდამცველები ამ ტიპის საწვავს აკრიტიკებენ და ამბობენ, რომ მისი გამოყენება ატმოსფეროში მეთანის გამოყოფას იწვევს.

ერთის მხრივ, ის იწვის უფრო სუფთად, ვიდრე ტრადიციული გემების საწვავი, როგორიცაა მაგალითად მაზუთი, მაგრამ თანამედროვე თხევადი ბუნებრივი აირი  85-95%–ით მეთანისგან შედგება.

ამიტომ მისი გამოყენებისას ატმოსფეროში მეთანის გაჟონვის ალბათობა იზრდება და მეთანი უფრო საშიში სათბურის აირია, ვიდრე ნახშირორჟანგი.

ბოლო 20 წლის განმავლობაში მეთანი ინარჩუნებს 80-ჯერ მეტ სითბოს, ვიდრე ნახშირორჟანგი, რაც ამ გამონაბოლქვის რადიკალურ შემცირებას სასიცოცხლო მიზნად აქცევს კლიმატის ცვლილებასთან ბრძოლაში.

”ეს არასწორი ნაბიჯია,” – განუცხადა როიტერს ბრაიან კომერმა, სუფთა ტრანსპორტის საერთაშორისო საბჭოს (ICCT) საზღვაო პროგრამის დირექტორმა. „ჩვენი შეფასებით, თხევადი ბუნებრივი აირის,  როგორც საზღვაო საწვავის გამოყენება გამოიწვევს 120%-ით მეტი სათბურის გაზების შეღწევას ატმოსფეროში გემის  ექსპლუატაციის მანძილზე, ვიდრე ჩვეულებრივი საზღვაო გაზოილის გამოყენების შემთხვევაში“

ამ კვირის დასაწყისში, ICCT-მ გამოაქვეყნა მოხსენება, რომელშიც ნათქვამია, რომ თხევად ბუნებრივ აირზე მომუშავე გემებიდან მეთანის ემისია უფრო მაღალია, ვიდრე მიმდინარე რეგულაციებით არის დადგენილი.

თუმცა,გემის მფლობელი კომპანიის, Royal Caribbean–ის წარმომადგენლები , ამტკიცებენ, რომ Icon of the Seas 24%-ით უფრო ენერგოეფექტურია, ვიდრე ამას მოითხოვს  საზღვაო ტრანსპორტის წესები მოითხოვს. კომპანია ასევე გეგმავს ნულოვანი ემისიის გემის წარმოდგენას 2035 წლისთვის.

საკრუიზო ხაზების საერთაშორისო ასოციაციის თანახმად, საკრუიზო ინდუსტრია ერთ-ერთი ყველაზე სწრაფად მზარდი ტურისტული სექტორია, რომელიც პირველ რიგში ახალგაზრდებს იზიდავს. 2021 წელს ამ ტურისტულმა ბიზნეს სექტორმა 75 მილიარდი აშშ დოლარი შეიტანა გლობალურ ეკონომიკაში.

ძირითადი ციფრები:

• Icon of the Seas არის მსოფლიოში ყველაზე დიდი საკრუიზო გემი, რომელიც იწონის 250 800 ტონას და სიგრძით თითქმის 365 მეტრია.
• თავად გემის მშენებლობა და შეძენა Royal Caribbean International-ს თითქმის 2 მილიარდი აშშ დოლარი (1,65 მილიარდი ევრო) დაუჯდა.
• Royal Caribbean-ის ვებსაიტის მიხედვით, ბილეთების ფასები მერყეობს $1,723-დან $2,639-მდე ერთ ადამიანზე. თუმცა, პოპულარულ საშობაო კრუიზში ფასი იზრდება 5,124 აშშ დოლარამდე ერთ ადამიანზე.

პირველი კრუიზის გაჩერებებია: სენტ-კიტსი და ნევისი და აშშ-ს ვირჯინიის კუნძულების დედაქალაქი: შარლოტა–ამალია.

ამერიკელმა სამხედროებმა განაცხადეს, რომ იორდანიაში, სირიის საზღვართან, დრონის თავდასხმის შედეგად სამი ამერიკელი ჯარისკაცი დაიღუპა და 25 დაიჭრა.

აშშ-ის პრეზიდენტმა ჯო ბაიდენმა განაცხადა, რომ თავდასხმა განხორციელდა შეიარაღებული ჯგუფების მიერ, რომლებსაც ირანი უჭერს მხარს.

„მიუხედავად იმისა, რომ ჩვენ ჯერ კიდევ ვაგროვებთ ყველა ფაქტს ამ თავდასხმის შესახებ, ჩვენ ვიცით, რომ ის განხორციელდა სირიასა და ერაყში მოქმედი რადიკალური შეიარაღებული ჯგუფების მიერ, რომლებსაც მხარს უჭერს ირანი“, – თქვა ბაიდენმა.

”თქვენ შეგიძლიათ დარწმუნებული იყოთ, რომ ჩვენ  პასუხს ვაგებნებთ ყველას, ვინც პასუხისმგებელია ამაზე იმ დროს, და იმ ფორმით, როგორსაც საჭიროდ ჩავთვლით.“ – დასძინა ბაიდენმა.

მან ასევე მიუსამძიმრა დაღუპული ამერიკელი ჯარისკაცების ნათესავებსა და მეგობრებს.

თეთრმა სახლმა განაცხადა, რომ თავდაცვის მდივანმა ლოიდ ოსტინმა და სხვა ოფიციალურმა პირებმ აცნობეს ბაიდენს თავდასხმის შესახებ კვირა დილით აცნობეს.

7 ოქტომბერს ჰამასის ისრაელზე თავდასხმის შემდეგ, ეს პირველი შემთხვევაა, როცა ამერიკელი ჯარისკაცები დაიღუპნენ რეგიონში.

მას შემდეგ შუა აღმოსავლეთში ამერიკულ ბაზებზე არაერთხელ განხორციელდა თავდასხმა, მაგრამ აშშ-ს არმიას აქამდე არ უთქვამს მსხვერპლის შესახებ მის ჯარებში.

დაღუპული და დაჭრილი ამერიკელი ჯარისკაცების ვინაობა ჯერ არ სახელდება. მომხდარის შესახებ ინფორმაციას ახლა მათი ოჯახის წევრები ეცნობიან.

იორდანიაში, ქვეყანაში, რომელიც შეერთებული შტატების ახლო მოკავშირეა, არის რამდენიმე ამერიკული სამხედრო ბაზა.  იქ დაახლოებით 3 ათასი ამერიკელი სამხედრო მოსამსახურე იმყოფება.

უკრაინის თავდაცვის სამინისტროს დეპარტამენტის ყოფილ და ამჟამინდელ ხელმძღვანელებს, ლვოვის არსენალის კომპანიის მენეჯერებს და უცხოური კომპანიის წარმომადგენელს ბრალი წაუყენეს ჭურვების შესყიდვიდან 1,5 მილიარდი გრივნას (დაახლოებით 40 მილიონი აშშ დოლარი) მოპარვის მცდელობაში.

უკრაინის უშიშროების სამსახურის ინორმაციით, რომელიც დაკავებულების ვინაობას არ ასახელებს, საქმეში ხუთი ბრალდებული ეჭვმიტანილია უკრაინის სისხლის სამართლის კოდექსის  191-ე მუხლით (ორგანიზებული ჯგუფის მიერ ჩადენილი ქონების მითვისება, მიტაცება ან მისი დაუფლება სამსახურებრივი მდგომარეობის ბოროტად გამოყენების გზით). „ბოროტმოქმედები ცდილობდნენ მოეპარათ თითქმის 1,5 მილიარდი საბიუჯეტო გრივნა უკრაინის შეიარაღებული ძალებისთვის 100 ათასი ნაღმმტყორცნის შეძენისას,“ – წერია უკრაინის უშიშროების სამსახურის განცხადებაში

ეჭვმიტანილები არიან თავდაცვის სამინისტროს სამხედრო-ტექნიკური პოლიტიკის დეპარტამენტის ყოფილი და მოქმედი ხელმძღვანელები, ლვოვის არსენალის ხელმძღვანელი და კომერციული დირექტორი, ასევე უცნობი უცხოური კომერციული სტრუქტურის წარმომადგენელი. უშიშროების სამსახურმა  ერთ-ერთი ბრალდებული უკრაინის დატოვების მცდელობისას დააკავა, ამიტომ ის ახლა პატიმრობაშია, განმარტავს უკრაინსკა პრავდა.

გამოძიების თანახმად, 2022 წლის აგვისტოში, ანუ იმ დროს, როდესაც უკრაინაში ომი უკვე მიმდინარეობდა, ოფიციალურმა პირებმა გააფორმეს კონტრაქტი ლვოვის არსენალთან საარტილერიო ჭურვების პარტიის შესაძენად. თანხის მიღების შემდეგ კომპანიის ხელმძღვანელობამ თანხის ნაწილი გადარიცხა უცხოური კომპანიის ბალანსზე, რომელსაც შეკვეთილი საბრძოლო მასალა უკრაინისთვის უნდა მიეწოდებინა.

კომპანიას არც ერთი ჭურვი არ გაუგზავნია, მაგრამ მიღებული თანხები გადარიცხა ბალკანეთის შვილობილი სტრუქტურის ანგარიშებზე, ციტირებს გამოძიების პოზიციას Ukrayinska Pravda. დარჩენილი თანხა უკრაინის ერთ-ერთ ბანკში ანგარიშებზე დარჩა.

ამ კვირის დასაწყისში სააპელაციო სასამართლომ დაადასტურა გადაწყვეტილება უკრაინის თავდაცვის სამინისტროს სასარგებლოდ ლვოვის არსენალიდან 1,5 მილიარდი გრივნის ამოღების შესახებ.

უკრაინსკა პრავდამ გასული წლის ივლისში თავის გამოძიებაში დაწერა, რომ თავდაცვის სამინისტრომ გააფორმა კონტრაქტი ნაკლებად ცნობილ კომპანია Lviv Arsenal-თან. ალექსეი რეზნიკოვმა, რომელიც თავდაცვის მინისტრის პოსტს იკავებდა 2022 წელს, გამოცემას უთხრა, რომ მოხდა კონტრაქტით გათვალისწინებული თანხის წინასწარ გადახდა,  ( თანხის თითქმის 100%), მაგრამ უკრაინელ სამხედროებს ამ კონტრაქტით არც ერთი ჭურვი არ მიუღიათ.

გუშინ ღამით რუსმა ოკუპანტებმა  მირნოგრადი და ხერსონი დაბომბეს, რის შედეგადაც 7 ადამიანი დაშავდა, მათ შორის ბავშვები. ინფორმაციას ხერსონისა და დონეცკის რეგიონული სამხედრო ადმინისტრაციის ხელმძღვანელები ავრცელებენ.

დაზიანდა მაღალსართულიანი კორპუსები, სავაჭრო ცენტრი, სკოლა, საბავშვო ბაღი და ადმინისტრაციული შენობა.

თეთრ სახლს ჯერ არ აქვს საკმარისი ინფორმაცია იმის დასადგენად, თუ რა დაემართა რუსულ Il-76-ს, რომელიც 24 იანვარს, რუსეთში, ბელგოროდის ოლქში ჩამოვარდა. ამის შესახებ თეთრი სახლის ეროვნული უშიშროების საბჭოს კოორდინატორმა ჯონ კირბიმ ბრიფინგზე განაცხადა. კირბიმ ასევე აღნიშნა, რომ თეთრი სახლი ყველაფერს აკეთებს, რათა მეტი ინფორმაცია მიიღოს Il-76-ის ინციდენტის შესახებ.

• “ამ ავიაკატასტროფის შესახებ კომენტარისთვის საკმარისი ინფორმაცია არ გვაქვს. უკრაინელები ერთს ამბობენ, რუსები – მეორეს. ჩვენ ჯერ არ გაგვაჩნია ფაქტები, რომ ამაზე კომენტარი გავაკეთოთ.” – თქვა მან.

აშშ-ის სახელმწიფო დეპარტამენტმა როგორც რუსეთს, ასევე უკრაინას მოუწოდა “ჩაატარონ შესაბამისი გამოძიება და დაადგინონ ფაქტები.”

ცნობისთვის, გუშინ ბელგოროდის ოლქში სამხედრო სატრანსპორტო თვითმფრინავი ილ-76 ჩამოვარდა რუსეთის თავდაცვის სამინისტროს ცნობით, სამხედრო-სატრანსპორტო თვითმფრინავი ილ-76 ბელგოროდის რაიონში ადგილობრივი დროით დაახლოებით 11:00 საათზე ჩამოვარდა.

რუსეთის თავდაცვის სამინისტროს ინფორმაციით ილ-76–ის ბორტზე იმყოფებოდა უკრაინის შეიარაღებული ძალების 65 ტყვედ ჩავარდნილი სამხედრო მოსამსახურე, რომლებიც ბელგოროდის რეგიონში გაცვლის მიზნით გადაჰყავდათ,  თვითმფრინავის ეკიპაჟის ექვსი წევრი და სამი თანმხლები პირი.

უკრაინული მედია უკრაინის შეიარაღებულ ძალებში წყაროზე დაყრდნობით ამტკიცებს, რომ „ეს მათი ნახელავია“. ეს ციტატა გამოაქვეყნეს Ukrayinska Pravda-მ და RBC-Ukraine-მა. წყაროს ცნობით, ჩამოვარდნილ ილ-76-ს არ გადაჰყავდა პატიმრები, არამედ დიდი ალბათობით გადაჰქონდა რაკეტები S-300 საჰაერო თავდაცვის სისტემისთვის.

მოგვიანებით, უკრაინსკა პრავდამ დაარედაქტირა ახალი ამბები, და ამოიღო სიტყვები უკრაინელი სამხედროების “ნახელავის” შესახებ.

ამასთანავე, დღეს ცნობილი გახდა, რომ   „ილ-76“ -ის თვითმფრინავის ჩამოვარდნის ადგილზე შავი ყუთები იპოვეს, ისინი კარგ მდგომარეობაშია.

„ორივე შავი ყუთი აღმოაჩინეს – ფრენის პარამეტრების სარეგისტრაციო მოწყობილობა და ხმის ჩამწერი“, – განაცხადა წყარომ რუსულ საინფორმაციო სააგენტოსთან საუბარში.

 

რუსეთში, ბელგოროდის ოლქში, რუსული „ილ-76“ -ის თვითმფრინავის ჩამოვარდნის ადგილზე შავი ყუთები იპოვეს, ისინი კარგ მდგომარეობაშია, – ამის შესახებ ინფორმაციას „რია ნოვოსტი“ საგანგებო სიტუაციების სამსახურის წარმომადგენელზე დაყრდნობით ავრცელებს.

„ორივე შავი ყუთი აღმოაჩინეს – ფრენის პარამეტრების სარეგისტრაციო მოწყობილობა და ხმის ჩამწერი“, – განაცხადა წყარომ რუსულ საინფორმაციო სააგენტოსთან საუბარში.

ცნობისთვის, გუშინ ბელგოროდის ოლქში სამხედრო სატრანსპორტო თვითმფრინავი ილ-76 ჩამოვარდა

რუსეთის თავდაცვის სამინისტროს ცნობით, სამხედრო-სატრანსპორტო თვითმფრინავი ილ-76 ბელგოროდის რაიონში ადგილობრივი დროით დაახლოებით 11:00 საათზე ჩამოვარდა.

რუსეთის თავდაცვის სამინისტროს ინფორმაციით ილ-76–ის ბორტზე იმყოფებოდა უკრაინის შეიარაღებული ძალების 65 ტყვედ ჩავარდნილი სამხედრო მოსამსახურე, რომლებიც ბელგოროდის რეგიონში გაცვლის მიზნით გადაჰყავდათ,  თვითმფრინავის ეკიპაჟის ექვსი წევრი და სამი თანმხლები პირი.

უკრაინული მედია უკრაინის შეიარაღებულ ძალებში წყაროზე დაყრდნობით ამტკიცებს, რომ „ეს მათი ნახელავია“. ეს ციტატა გამოაქვეყნეს Ukrayinska Pravda-მ და RBC-Ukraine-მა. წყაროს ცნობით, ჩამოვარდნილ ილ-76-ს არ გადაჰყავდა პატიმრები, არამედ დიდი ალბათობით გადაჰქონდა რაკეტები S-300 საჰაერო თავდაცვის სისტემისთვის.

მოგვიანებით, უკრაინსკა პრავდამ დაარედაქტირა ახალი ამბები, და ამოიღო სიტყვები უკრაინელი სამხედროების “ნახელავის” შესახებ.

ბელგოროდის გუბერნატორმა, სამხედრო თვითმფრინავის ჩამოვარდნის შესახებ შეტყობინების გარეშე, მანამდე ტელეგრამის არხზე დაწერა: ”ინციდენტი კოროჩანსკის რაიონში. შემთხვევის ადგილზე ამ წუთებში საგამოძიებო ჯგუფი და საგანგებო სიტუაციების სამინისტროს თანამშრომლები მუშაობენ. სამუშაო განრიგი შევცვალე და რაიონში წავედი. ყველა დეტალი მოგვიანებით.”

ილ–76 სოფელ იაბლონევოდან ხუთ-ექვს კილომეტრში დაეცა, ადგილზე ნგრევა არ მომხდარა, განუცხადა TASS-ს ადგილობრივი ეკლესიის ხელმძღვანელმა.

იყვნენ თუ არა მართლაც ბორტზე უკრაინელი ტყვეები, ამის შესახებ მედიას გასხვავებული ვერსიები აქვს.

არაფერია უცნაური იმაში, რომ ავიაცია გამოიყენება გაცვლის განსახორციელებლად.
ტყვეთა გაცვლის კადრებში ჩვეულებრივ ვხედავთ, რომ პატიმრები შეხვედრის ადგილზე ავტობუსით გადაჰყავთ. მაგრამ პატიმრები, რომლებიც ტყვედ ჩავარდნის შემდეგ თვეების ან თუნდაც წლების განმავლობაში რუსეთის ტერიტორიის სიღრმეში მდებარე დაკავების ადგილებში იყვნენ გადაყვანილი, მაშინ ისინი როგორმე უნდა მიუახლოვდნენ საზღვარს და სავსებით შესაძლებელია, რომ საჭირო გახდეს პირის დაუყოვნებლივ გადაყვანა ტიუმენიდან ბელგოროდში, ხარკოვის რეგიონის საზღვართან.

აქამდე გაცვლილი უკრაინელი ჯარისკაცების ნათესავებთან ინტერვიუებში არსებობს ცნობები იმის შესახებ, რომ თვითმფრინავები გამოიყენებოდა პატიმრების გაცვლის ადგილზე გადასაყვანად. და ამისთვის ძირითადად ილ–76 გამოიყენებოდა.

რუსეთში, ბელგოროდის ოლქში სამხედრო სატრანსპორტო თვითმფრინავი ილ-76 ჩამოვარდა

რუსეთის თავდაცვის სამინისტროს ცნობით, სამხედრო-სატრანსპორტო თვითმფრინავი ილ-76 ბელგოროდის რაიონში ადგილობრივი დროით დაახლოებით 11:00 საათზე ჩამოვარდა.

რუსეთის თავდაცვის სამინისტროს ინფორმაციით ილ-76–ის ბორტზე იმყოფებოდა უკრაინის შეიარაღებული ძალების 65 ტყვედ ჩავარდნილი სამხედრო მოსამსახურე, რომლებიც ბელგოროდის რეგიონში გაცვლის მიზნით გადაჰყავდათ,  თვითმფრინავის ეკიპაჟის ექვსი წევრი და სამი თანმხლები პირი.

დეპარტამენტში არ აკონკრეტებენ, არიან თუ არა ავიაკატასტროფის შედეგად გადარჩენილები.

მანამდე ტელეგრამის არხებმა და სამხედრო ბლოგერებმა გაავრცელეს ინფორმაცია ბელგოროდის რეგიონის კოროჩანსკის რაიონში ილ-76-ის ჩამოვარდნის შესახებ და გამოაქვეყნეს ვიდეო, სადაც ჩანს თვითმფრინავის დაცემა და აფეთქება მიწაზე.

უკრაინული მედია უკრაინის შეიარაღებულ ძალებში წყაროზე დაყრდნობით ამტკიცებს, რომ „ეს მათი ნახელავია“. ეს ციტატა გამოაქვეყნეს Ukrayinska Pravda-მ და RBC-Ukraine-მა. წყაროს ცნობით, ჩამოვარდნილ ილ-76-ს არ გადაჰყავდა პატიმრები, არამედ დიდი ალბათობით გადაჰქონდა რაკეტები S-300 საჰაერო თავდაცვის სისტემისთვის.

მოგვიანებით, უკრაინსკა პრავდამ დაარედაქტირა ახალი ამბები, და ამოიღო სიტყვები უკრაინელი სამხედროების “ნახელავის” შესახებ.

ბელგოროდის გუბერნატორმა, სამხედრო თვითმფრინავის ჩამოვარდნის შესახებ შეტყობინების გარეშე, მანამდე ტელეგრამის არხზე დაწერა: ”ინციდენტი კოროჩანსკის რაიონში. შემთხვევის ადგილზე ამ წუთებში საგამოძიებო ჯგუფი და საგანგებო სიტუაციების სამინისტროს თანამშრომლები მუშაობენ. სამუშაო განრიგი შევცვალე და რაიონში წავედი. ყველა დეტალი მოგვიანებით.”

ილ–76 სოფელ იაბლონევოდან ხუთ-ექვს კილომეტრში დაეცა, ადგილზე ნგრევა არ მომხდარა, განუცხადა TASS-ს ადგილობრივი ეკლესიის ხელმძღვანელმა.

იყვნენ თუ არა მართლაც ბორტზე უკრაინელი ტყვეები, ამის შესახებ მედიას გასხვავებული ვერსიები აქვს.

არაფერია უცნაური იმაში, რომ ავიაცია გამოიყენება გაცვლის განსახორციელებლად.
ტყვეთა გაცვლის კადრებში ჩვეულებრივ ვხედავთ, რომ პატიმრები შეხვედრის ადგილზე ავტობუსით გადაჰყავთ. მაგრამ პატიმრები, რომლებიც ტყვედ ჩავარდნის შემდეგ თვეების ან თუნდაც წლების განმავლობაში რუსეთის ტერიტორიის სიღრმეში მდებარე დაკავების ადგილებში იყვნენ გადაყვანილი, მაშინ ისინი როგორმე უნდა მიუახლოვდნენ საზღვარს და სავსებით შესაძლებელია, რომ საჭირო გახდეს პირის დაუყოვნებლივ გადაყვანა ტიუმენიდან ბელგოროდში, ხარკოვის რეგიონის საზღვართან.

აქამდე გაცვლილი უკრაინელი ჯარისკაცების ნათესავებთან ინტერვიუებში არსებობს ცნობები იმის შესახებ, რომ თვითმფრინავები გამოიყენებოდა პატიმრების გაცვლის ადგილზე გადასაყვანად. და ამისთვის ძირითადად ილ–76 გამოიყენებოდა.

რუსეთმა დღეს დილით უკრაინაზე მორიგი მასირებული სარაკეტო შეტევა განახორციელა. კიევის და ხარკოვის ოლქების დაბომბვა ადგილობრივი დროით დილის ექვსი საათისთვის დაიწყო.

Ту-95МС–ების მიერ გაშვებულმა ფრთოსანმა რაკეტებმა დილის ექვს საათზე უკრაინის საზღვარი გადალახა და მანევრების შემდეგ კიევზე, ხარკოვზე და პავლოგრადზე დარტყმა განახორციელდა. გამოცხადდა საჰაერო განგაში. სოციალურ ქსელებში დაიწყო ინფორმაციის გავრცელება რაკეტების კურსის და მოსალოდნელი სამიზნეების შესახებ. ამუშავდა საჰაერო თავდაცვის სისტემა. მალევე გამოჩნდა პირველი კადრები, რომლებიც სარაკეტო დაბომბვის შედეგებს ასახავს. დაშავდა ათობით ადამიანი. არიან დაღუპულებიც.

დეკემბრის ბოლოდან მოყოლებული ეს არის რუსეთის მიერ უკრაინაზე განხორციელებული მეხუთე კომბინირებული შეტევა. ამჯერადაც რუსეთმა ერთდროულად გამოიყენა ფრთოსანი, ბალისტიკური, საავიაციო და საზენიტო მართვადი რაკეტები. უკრაინის შეიარაღებული ძალების სარდლის, ვალერი ზალჟნის ინფორმაციით რუსეთმა უკრაინის მიმართულებით დღეს 41 რაკეტა ისროლა, რომელთაგან 21 უკრაინის ჰაერსაწინააღმდეგო თავდაცვის სისტემამ მოიგერია.

დილით უკრაინის შს მინისტრმა, იგორ კლიმენკომ განაცხადა, რომ მასირებული სარაკეტო შეტევის შედეგად ქვეყანაში 5 ადამიანი დაიღუპა, აქედან ერთი კიევში. თუმცა, მოგვიანებით ქალაქის ხელისუფლებამ განაცხადა, რომ ქალი, რომელიც დაღუპულად ითვლებოდა, გადარჩა და საავადმყოფოშია.

კიევის მერის ინფორმაციით დაშავდა 20 ადამიანი, მათ შორის ბავშვები.

კიევის სოლომენსკის რაიონში რაკეტის ნამსხვრევები სპორტკომპლექსის სახურავს და კოლეჯის სახელოსნოს დაეცა. კიევის აქიტექტურის და მშენებლობის კოლეჯის შენობა შიგნიდან მნიშვნელოვნად დაზიანდა. კოლეჯის დირექტორის თქმით ნამსხვრევების ჩამოვარდნის ადგილზე ქუჩაში მან ბევრი სისხლი და დაჭრილი მამაკაცი დაინახა.

კიევის სვიატოშინსკის რაიონში რაკეტის ნამსხვრევები კერძო სახლს დაეცა და ხანძარი გააჩინა. მეზობელ სახლებში ჩაიმსხვრა შუშები, დაზიანდა პარკირებული მანქანები. ცეცხლის ჩასაქრობად ადგილზე მეხანძრეები მივიდნენ.

კიევის დარიცინის რაიონში რაკეტის ნამსხვრევები მრავალსართულიან სახლს და საბავშვო ბაღის ტერიტორიას დაეცა. პეჩერსკის რაიონში კი ცეცხლი გაუჩნდა არასაცხოვრებელ შენობას.

რუსულმა არხებმა გაავრცელეს კიევის თავზე მფრინავი რუსული რაკეტის კადრები, რომელიც სითბურ ხაფანგებს იგერიებს.

უფრო მნიშვნელოვნად დაზიანდა ხარკოვის საცხოვრებელი უბნები. ხარკოვის დაბომბვის შედეგად ადგილობრივი პოლიციის ინფორმაციით დაზიანდა 30 საცხოვრებელი სახლი. ფანჯრები ჩაიმსხვრა ათასამდე ბინაში. პოლიცია და მაშველები დაჭრილებს ეხმარებოდნენ და დანგრეული სახლებიდან მოსახლეობის ევაკუაცია მოახდინეს. გარდაიცვალა სამი ადამიანი – ორი ქალი და ერთი მამაკაცი. მინიმუმ 40 ადამიანი დაშავდა.

ხარკოვი გვიან ღამითაც დაიბომბა, დილით კი სარაკეტო შეტევის სამიზნე კიდევ ერთხელ გახდა. ხარკოვში რუსების საჰაერო შეტევის შედეგად გაზსადენს ცეცხლი გაუჩნდა. არიან დაჭრილები. მათ შორის ბავშვები.

ერთი ადამიანი – 43 წლის ქალი დაიღუპა პავლოგრადში, დნეპროპეტროვსკის ოლქში მაშინ, როცა სამსახურში მიდიოდა და ქალაქის ერთ–ერთ სკვერში გაიარა. დაშავდა ერთი მამაკაცი. სარაკეტო შეტევის შედეგად დაზიანდა რვა მრავალსართულიანი სახლი და ერთი სკოლა.

რუსეთსი თავდაცვის სამინისტრომ განაცხადა, რომ ჯგუფური შეტევა “მაღალი სიზუსტის შორეული მანძილის იარაღით “ უკრაინის სამხედრო სამრეწველო კომპლექსზე განახორციელა და თითქოსდა შეტევის მიზანი მიღწეულია. კრელის სპიკერმა, დიმიტრი პესკოვმა კი განაცხადა, რომ კიევის და ხარკოვის დაბომბვა არ შეიძლება ჩაითვალოს საპასუხო დარტყმად დონეცკის ბაზარზე განხორციელებულ შეტევაზე, სადაც კვირას 27 ადამიანი დაიღუპა.

როგორც რუსეთის თავდაცვის სამინისტრო, ასევე პესკოვი კვლავ ამტკიცებენ, რომ რუსი სამხედროები არ ახორციელებენ დარტყმებს სოციალურ ობიექტებზე, საცხოვრებელ კვარტლებზე და მშვიდობიან მოსახლეობაზე, თუმცა ამ მტკიცებულებებს ეწინააღმდეგება დღევანდელი ფოტო და ვიდეო მასალა, რომლებიც მორიგი სარაკეტო დარტყმის შედეგებს ასახავენ.

„რუსული ენის შევიწროებაზე“ პოსტის გამო,  რუს პროპაგანდისტს,  თინა კანდელაკს, ყაზახეთში შესვლა აუკრძალეს.

ყაზახეთის საგარეო საქმეთა სამინისტროს წარმომადგენლის განცხადებით, სახელმწიფო ამას არასდროს პატიობს. აიბაკ სმადიაროვის თქმით, საწყენია, როდესაც ყაზახეთის შესახებ ხალხს არასწორი ინფორმაცია აქვს.

„სახელმწიფო ასეთ რამეს არასოდეს აპატიებს, ის ვერ ჩამოვა ყაზახეთში და თუ ჩამოვა, ვერ შემოვა“, – უთხრა ჟურნალისტებს კანდელაკთან დაკავშირებულ კითხვაზე სმადიაროვმა.

კანდელაკმა დაწერა, რომ „ყაზახეთში ნელა, მაგრამ ერთგულად აგრძელებენ რუსული ენის შევიწროებას სახელმწიფო დონეზე“.

ამის შესახებ, კანდელაკმა მას შემდეგ დაწერა,  რაც ყაზახეთის ხელისუფლებამ გადაწყვეტილება მიიღო,  შეუცვალონ რკინიგზის სადგურებს რუსული სახელწოდებები.

ყაზახეთში, 1989 წლიდან სახელმიწფო ენად ყაზახურია აღიარებული, თუმცა კონსტიტუციის თანახმად, ოფიციალური სტატუსი რუსულ ენასაც უნარჩუნდება.

ფლორიდის გუბერნატორმა რონ დესანტისმა კვირას გამოაცხადა, რომ ის ტოვებს რბოლას რესპუბლიკური პარტიის საპრეზიდენტო ნომინაციისთვის და მხარს დაუჭერს რბოლის წინამორბედს, ყოფილ პრეზიდენტ დონალდ ტრამპს.

DeSantis-მა გადაწყვეტილება გამოაცხადა ვიდეოში მის Network X (ყოფილი Twitter) ანგარიშზე.

ვიდეოში დესანტისი ამბობს, რომ აიოვას ჯგუფში მეორე ადგილის დაკავების შემდეგ, მას არ შეუძლია „ჩვენს მხარდამჭერებს სთხოვოს, დათმოს დრო და შესწირონ რესურსები, თუ ჩვენ არ გვაქვს გამარჯვების მკაფიო გეგმა“.

პირველ კოკუზებში, პარტიულ არჩევნებში საპრეზიდენტო კანდიდატისთვის, აიოვაში ერთი კვირის წინ, დესანტისი მეორე ადგილზე გავიდა, ტრამპმა კი დიდი სხვაობით გაიმარჯვა. ტრამპმა ამ შტატში GOP-ის ხმების 51% მოიპოვა, დესანტისმა კი მხოლოდ 21%.

„აშკარაა, რომ რესპუბლიკელების პრაიმერის ამომრჩეველთა უმრავლესობას სურს დონალდ ტრამპს მეორე შანსი მისცეს […] მე მხარს ვუჭერ მას, რადგან ჩვენ არ შეგვიძლია დავუბრუნდეთ წარსულ რესპუბლიკურ გვარდიას ან ხელახლა შეფუთულ კორპორატიზმს, რომელსაც ნიკი ჰეილი წარმოადგენს. “- თქვა დესანტისმა.

რონ დესანტისმა არჩევნები დატოვა მეორე შტატში, ნიუ-ჰემფშირში, GOP-ის პრაიმერის დაწყებამდე ორი დღით ადრე. თუმცა, ერთ-ერთმა უახლესმა გამოკითხვამ აჩვენა, რომ ამ შტატში ის დაიკავებდა მესამე ადგილს ხუთი პროცენტით, ბევრად ჩამორჩება ტრამპს (50%) და ზომიერ კანდიდატს ნიკი ჰეილის (34%).

ახლა ტრამპს რესპუბლიკური პარტიიდან ნომინაციისთვის ბრძოლაში მხოლოდ ერთი სერიოზული კონკურენტი დარჩა – სამხრეთ კაროლინას ყოფილი გუბერნატორი და აშშ-ის ყოფილი ელჩი გაეროში, ინდოელი ამერიკელი ნიკი ჰეილი.