Category: კავკასია

პრეზიდენტის აპარატის უფროსის მრჩეველმა მიხაილო პოდოლიაკმა განაცხადა, რომ უკრაინა უკვე აწარმოებს მოლაპარაკებებს დასავლელ პარტნიორებთან თვითმფრინავების და ოპერატიულ-ტაქტიკური რაკეტების მიწოდებაზე.

მისი თქმით, უკრაინას სჭირდება რაკეტები, რათა გაანადგუროს საბრძოლო მასალის საწყობები ყირიმში, თვითმფრინავები კი, პირველ რიგში, ფრონტის ხაზზე სახმელეთო ძალების ჰაერიდან დასაცავად.

„არა მგონია, რომ ომის ფარგლებში ვინმემ ეს ვერ გაიგოს. ამიტომ, ჯერ ერთი, უკვე მიმდინარეობს მოლაპარაკებები, მეორეც, მოლაპარაკებები დაჩქარებული ტემპით მიმდინარეობს და მესამე, ეს ყველა პარტნიორს კარგად ესმის“–განაცხადა მან FreeDom-თან ინტერვიუში.

ამავდროულად, პოდოლიაკმა აღიარა, რომ ჯერ კიდევ არსებობს ნიუანსები “პარტნიორ ქვეყნებში შიდა ფსიქოლოგიურ სტატუსთან დაკავშირებით”: უკრაინის ზოგიერთ მოკავშირეს ჯერ კიდევ არ შეუძლია უარი თქვას შიდა კონსერვატიზმზე, უკრაინის ომის ფონზე მსოფლიო არქიტექტურაში ცვლილებების შიშის გამო–თქვა მან, თუმცა დაუკონკრეტებია რაზეა საუბარი. მაგრამ გამოთქვა რწმენა, რომ თვითმფრინავებისა და შორი დისტანციის რაკეტების შესახებ მოლაპარაკებები მალე წარმატებით დაგვირგვინდება.

როგორც მანამდე ესპანური გაზეთი El Pais იტყობინებოდა, უკრაინის საჰაერო ძალების წარმომადგენლის იური იგნატის სიტყვებზე დაყრდნობით, უკრაინას სურს მიიღოს  გამანადგურებლების პირველი პარტია – 24 ერთეული თვითმფრინავი.

ამავდროულად, კიევი იმედოვნებს ამერიკულ F-16-ების მიღებას, მაგრამ ასევე განიხილავენ ვარიანტებს შვედური გამანადგურებელი Gripen-თან ან ფრანგულ Rafale-თან დაკავშირებითაც.

მოგვიანებით, უკრაინულ მედიასთან ინტერვიუში იგნატმა განმარტა, რომ უკრაინა თვითმფრინავებთან დაკავშირებით  ამჟამად მხოლოდ  მოლაპარაკების ეტაპზეა. თვითმფრინავების მოდელები და მათი რაოდენობა ჯერ კიდევ დგინდება.

”ყველაფერი უნდა გაკეთდეს ეტაპობრივად, მათ შორის, მფრინავების და ტექნიკური პერსონალის მომზადების გათვალისწინებით,” – ციტირებს Interfax-Ukraine-ს საჰაერო ძალების სარდლობის წარმომადგენელს– ”აქედან გამომდინარე, თავიდან შეიძლება ვისაუბროთ იმაზე, რომ შეიძლება იყოს ორი ესკადრილია. და ერთი ესკადრილია 12 თვითმფრინავია“.

ზოგადად, მისი თქმით, უკრაინას სჭირდება ბევრად უფრო თანამედროვე მრავალფუნქციური თვითმფრინავი, რომელიც დაიცავს ქვეყნის ცას.

ფიგურულ ციგურაობაში, საქართველო ნაკრების წევრმა ანასტასია გუბანოვამ ფინეთში მიმდინარე ევროპის ჩემპიონატზე ოქროს მედალი მოიპოვა. 20 წლის მოციგურავე მოკლე პროგრამის შემდეგ პირველ ადგილზე იყო და თავისუფალი პროგრამის ოცდაოთხ მონაწილეს შორისაც საუკეთესო შედეგი აჩვენა. გუბანოვამ ორი დისციპლინის ჯამში 199,91 ქულა დააგროვა და საკმაოდ დიდი უპირატესობით – 6,43 ქულით გაუსწრო მეორე ადგილზე გასულ ბელგიელ ლეონა ჰენდრიკს. ბრინჯაოს მედალს კი შვეიცარიელი კიმი რეპონდი დაეუფლა.

დღემდე საქართველოს მოციგურავეთა ნაკრების არცერთ წევრს ისტორიაში ევროპის ჩემპიონის ტიტული  არ მოუპოვებია. აქამდე არსებული საუკეთესო შედეგი სამი ბრინჯაო იყო. ელენე გედევანიშვილმა ბრინჯაოს მედალი ორჯერ მოიპოვა, მორის ყვითელაშვილმა ერთხელ.

გერმანიის კანცლერმა ოლაფ შოლცმა გაავრცელა ვიდეო მესიჯი, რომელშიც ისაუბრა ბერლინის პოლიტიკურ კურსზე რუსეთის მიმართ და უკრაინის ომზე . შოლცმა ხაზგასმით აღნიშნა, რომ ითვალისწინებს არა მხოლოდ უკრაინის მხარდაჭერის აუცილებლობას, არამედ მისი ქვეყნის უსაფრთხოების საკითხებსაც.

ხელისუფლების პრიორიტეტად, შოლცის თქმით, გერმანიის უსაფრთხოება რჩება. „ჩვენი მიზანი ნათელია – რუსეთმა ძალის გამოყენებით საზღვრების გაფართოება არ უნდა შეძლოს“, – განაცხადა მან და დასძინა, რომ გერმანელებს სურთ “მშვიდობა ევროპაში და რათა ომი მათაც არ მიუახლოვდეს”.

კანცლერის თქმით, გერმანიის საგარეო პოლიტიკა ეფუძნება სამ პრინციპს – უკრაინის ჰუმანიტარულ, ფინანსურ და სამხედრო-ტექნიკურ მხარდაჭერას; კონფლიქტის ესკალაციის თავიდან აცილებას, რუსეთისა და ნატოს ომში მისი გადაზრდის აღკვეთას; ყველა მოქმედების მჭიდრო კოორდინაციას მოკავშირეებთან და პარტნიორებთან შეერთებული შტატების ხელმძღვანელობით.

შოლცის თქმით, უკრაინაზე რუსეთის თავდასხმის დაწყებიდან გერმანიის მთავრობა ღებულობს ინფორმირებულ გადაწყვეტილებებს, რომლებიც ყოველთვის შეთანხმებულია საერთაშორისო დონეზე. მან გაიხსენა, რომ უკრაინაში “საშინელი, სასტიკი და უაზრო ომი” რუსეთის პრეზიდენტმა გამოიწვია.

იმავდროულად, Wall Street Journal-ის თანახმად, თავის წყაროებზე დაყრდნობით, ოლაფ შოლცმა, რომელიც გააკრიტიკეს დასავლური ტანკების უკრაინაში გადაცემის საკითხში ყოყმანის გამო, ფაქტობრივად მნიშვნელოვანი როლი ითამაშა დასავლეთის მხრიდან ამ მიწოდების არაოფიციალური ტაბუს მოხსნაში.

WSJ-ის ცნობით, სწორედ შოლცმა დაარწმუნა აშშ-ის პრეზიდენტი ჯო ბაიდენი ამერიკული ტანკების მიწოდების აუცილებლობაში, რომელიც ეჭვობდა, რომ ეს უნდა გაეკეთებინა.

Wir unterstützen die #Ukraine bei der Verteidigung gegen Russlands Aggression auch mit Waffen. Viele haben Sorge, der furchtbare Krieg könnte näherrücken. Ich verspreche: Jede Entscheidung treffen wir mit Blick auf die Sicherheit Deutschlands und Europas. #KanzlerKompakt pic.twitter.com/qnjZbbE1kN

— Bundeskanzler Olaf Scholz (@Bundeskanzler) January 28, 2023

ისრაელი უკრაინას რუსეთის წინააღმდეგ ომში უფრო ფართო მასშტაბით უჭერს მხარს, ვიდრე ეს საზოგადოებისთვის არის ცნობილი, განაცხადა ისრაელის ახალმა ელჩმა გერმანიაში რონ პროსორმა პორტალ Waz-თან ინტერვიუში.

ისრაელი ეხმარება უკრაინას, „მაგრამ კულისებში უფრო მეტად, ვიდრე საჯაროდ“–ამბობს ის.

ელჩმა გაიხსენა, რომ ისრაელი, სხვა საკითხებთან ერთად, ხელს უშლის ირანული დრონების მიწოდებას, რომლებსაც რუსეთი უკრაინის ინფრასტრუქტურაზე თავდასხმისთვის იყენებს .

“ისრაელის არმია რეგულარულად თრგუნავს ირანიდან იარაღის მიწოდებას სირიასა და ლიბანში. მათ შორისაა ირანული დრონებბი და რაკეტები, რომლებსაც რუსეთი იყენებს უკრაინაში”, – ხაზგასმით აღნიშნა მან.

მისი თქმით, ისრაელს სირიაში რუსეთის ყოფნისა და რუსეთის ტერიტორიაზე დიდი ებრაული თემის გამო „ჩრდილში დარჩენას“ ურჩევნია.

ადრე ისრაელის მედიაში გამოითქმებოდა მოსაზრებები, რომ თუნდაც ისრაელს უკრაინისთვის მხოლოდ თავდაცვითი შეიარაღების სისტემები მიეწოდებინა, ეს მას ბუმერანგივით დაუბრუნდებოდა უკან.

„რუსებმა, იმავე ლოგიკით, შესაძლოა დაიწყონ თანამედროვე საჰაერო თავდაცვის სისტემების მიწოდება, როგორიცაა S-300 და S-400, ირანსა და სირიაში. მოსკოვი შეძლებს თქვას, რომ ეს სისტემები მხოლოდ ახლო აღმოსავლეთის ქვეყნებს იცავს ისრაელის საჰაერო თავდასხმებისგან“, – წერდა ისრაელის გაზეთი Haaretz.

საქართველოს მთავრობა რუსეთისთვის სასარგებლო ინსტრუმენტია საერთაშორისო სანქციებისთვის გვერდის ასავლელად, – ამის შესახებ საქართველოს ყოფილმა პრეზიდენტმა მიხელ სააკაშვილმა გერმანულ გამოცემა Spiegel-თან ინტერვიუში განაცხადა.

მიხეილ სააკაშვილის თქმით, რუსეთის პრეზიდენტმა ვლადიმირ პუტინმა, მისმა წინამორბედმა დიმიტრი მედვედევმა და რუსეთის საგარეო საქმეთა მინისტრმა არა მხოლოდ მისი ფიზიკურად განადგურების, არამედ საქართველოში დაკავებისა და გასამართლების ბრძანება გასცეს.

“რუსეთის გარდა მსოფლიოში სხვა არც ერთმა ქვეყანამ არ აღიარა ჩემ წინააღმდეგ ბრალდებები ან განაჩენები. საქართველოში დაბრუნება მინდოდა, მაგრამ დრო იყო ცუდი – ასე ახლოს უკრაინის წინააღმდეგ რუსეთის ომის დაწყებამდე. გამორიცხული არ არის, რომ ხალხი, რომელმაც 2021 წლის ოქტომბერში საქართველოში ჩემი დაბრუნება დაგეგმა, რუსეთის ჩანერგილი აგენტები იყვნენ…

სიმართლე გითხრათ, ჩემი დაბადების ქვეყანა დიდი ხანია, რაც პუტინის ფარული მოკავშირე გახდა”, – ამბობს სააკაშვილი.

ამზადებს თითქმის ერთი წლის შემდეგ უკრაინაში შეჭრიდან, რომელიც რამდენიმე კვირა უნდა დასჭირვებოდა, რუსეთის პრეზიდენტი ვლადიმერ პუტინი უკრაინის წინააღმდეგ ახალ შეტევას , ამავდროულად ამზადებს თავის ქვეყანას შეერთებულ შტატებთან და მის მოკავშირეებთან კონფლიქტისთვის, ნათქვამია Bloomberg-ის სტატიაში. სტატიის მიხედვით, პუტინი მოემზადა იმისთვის, რომ კონფლიქტი მრავალი წელი გაგრძელდეს.

კრემლს სურს აჩვენოს, რომ მის ძალებს შეუძლიათ დაიბრუნონ ინიციატივა თვეების უკან დახევის შემდეგ, ზეწოლით კიევზე და მის მოკავშირეებზე, რომ შეთანხმდნენ რაიმე სახის ზავზე, რომელიც საშუალებას მისცემს რუსეთს შეინარჩუნოს კონტროლი იმ ტერიტორიებზე, რომლებიც ახლა ოკუპირებულია. ასე აღწერეს  ვითარება რუსმა ოფიციალურმა პირებმა და მათმა მრჩევლებმა Bloomberg-თან საუბარში.

პუტინიც კი ვერ უარყოფს რუსული არმიის სისუსტეებს, რომლის გაძლიერებაზეც ათწლეულები დახარჯა. რუსულმა ჯარებმა უკრაინაში თავდაპირველი მიღწევების ნახევარზე მეტი დაკარგეს, წერს სააგენტო. მისმა წყაროებმა განაცხადეს, რომ მუდმივმა წარუმატებლობამ ფრონტზე ბევრი აიძულა კრემლში უფრო რეალისტურები იყვნენ თავიანთი ამბიციების მიმართ და აღიარონ, რომ ამჟამინდელი ფრონტის ხაზის შენარჩუნებაც კი მიღწევა იქნებოდა.

თუმცა, პუტინი დარწმუნებულია, რომ უფრო დიდი ძალები და რუსეთის მზადყოფნა გაიღოს დანაკარგები ( აშშ-სა და ევროპული შეფასებით უკვე ათიათასობით,) საშუალებას მისცემს მას გაიმარჯვოს წარუმატებლობის მიუხედავად.

კრემლთან დაახლოებული Bloomberg-ის წყაროების ვარაუდით, შეტევის განახლება შესაძლოა თებერვალ-მარტში დაიწყოს. მათი კომენტარები ემთხვევა უკრაინისა და მისი მოკავშირეების შიშებს და შეტევა შეიძლება დაიწყოს მანამ, სანამ კიევი  საბრძოლო ტანკებს აშშ-დან და ევროპიდან მიიღებს.

პუტინის გადაწყვეტილება ომის მორიგი სისხლისმღვრელი ესკალაციის მაუწყებელია, რადგან კიევი შეტევისთვის ემზადება და უარყოფს ნებისმიერ შეთანხმებას ცეცხლის შეწყვეტის შესახებ, რომელიც რუსეთის მიერ ოკუპირებული ტერიტორიებს რუსეთის ხელში დატოვებას გულისხმობს. პუტინი თვლის, რომ მას სხვა ალტერნატივა არ აქვს, გარდა იმისა, რომ მოიგოს კონფლიქტში, რომელსაც , ეგზისტენციალურ  თვლის. მობილიზაციის ახალი რაუნდი შესაძლებელია ამ გაზაფხულზე, ამბობენ Bloomberg-ის წყაროები, რუსეთის ეკონომიკა და საზოგადოება კი სულ უფრო მეტად ერგება ომის საჭიროებებს.

აშშ-ს და ევროპის სადაზვერვო სააგენტოებს აინტერესებთ, აქვს თუ არა რუსეთს რესურსი ახალი მსხვილი შეტევისთვის, რადგან უკრაინის მოკავშირეები პირველად ემზადებიან საბრძოლო ტანკების გაგზავნისთვის, რომლებიც დაეხმარებიან უკრაინულ ძალებს რუსული პოზიციების გარღვევაში, ნათქვამია სტატიაში.

გერმანიის ოფიციალური პირები აცხადებენ, რომ ბოლო რამდენიმე საათის განმავლობაში რუსმა ჰაკერებმა თავს დაესხნენ გერმანიის რამდენიმე სამთავრობო უწყების ვებგვერდს შეუტიეს  და მათი ნაწილობრივ გათიშვა შეძლეს.

რუსული Killnet ჯგუფის ჰაკერები, როგორც წესი, თავს ესხმიან იმ ქვეყნების ვებგვერდებს, რომლებიც რუსეთისთვის არახელსაყრელ პოლიტიკურ გადაწყვეტილებებს იღებენ.

Killnet–ის ტელეგრამ არხზე გადაიცა   “შეტევებს გერმანიის მთავარ ვებ რესურსზე შეტევის ქრონიკა”.დაიდო სქრინშოტები, თითქოსდა გერმანიის შსს-ს ვებ-გვერდიდანაა  და ერთ-ერთი სადგურის ცხრილი, რომელზეც ქაოსია.

ჰაკერები აღიარებენ, რომ შეტევა მიიტანეს ბერლინის საავადმყოფოს შიდა ქსელზე. “ბერლინის მთავარი მრავალფუნქციური საავადმყოფო გათიშულია ქსელიდან. რატომ და როგორ? დიახ, ყველაფერი მარტივია – ექიმებს არ აქვთ წვდომა თავიანთ ონლაინ კაბინეტებზე”, – წერენ ისინი.

ჰაკერები ასევე აცხადებენ, რომ წაშალეს ბუნდესტაგის ვებსაიტი, თუმცა ვებსაიტი ისევ ხელმისაწვდომია.

ამერიკული მედია საკუთარ წყაროებზე დაყრდნობით იუწყება, რომ პრეზიდენტი ჯო ბაიდენი შესაძლოა უკრაინაში რუსეთის შეჭრის წლისთავთან დაკავშირებით ევროპაში ვიზიტით ჩავიდეს.

ამის შესახებ ინფორმაცია ჯერ ტელეკომპანია NBC-მ გაავრცელა, შემდეგ კი ინფორმაცია CNN-ის წყაროებმა დაადასტურეს.

ამასთან, ვრცელდება ინფორმაცია, რომ ბაიდენის სამომავლო მოგზაურობა ჯერ არ არის საბოლოოდ შეთანხმებული და მისი დეტალები დადგენილი არ არის.

CNN-ის წყაროს თქმით, ბაიდენის მოგზაურობის დროს ერთ-ერთი გაჩერება შესაძლოა პოლონეთი იყოს. ამასთან, წყაროს ინფორმაციით უკრაინაში აშშ-ის პრეზიდენტის ვიზიტის ალბათობა უკიდურესად დაბალია უსაფრთხოების ვითარებიდან გამომდინარე.

რუსეთის შეჭრის დაწყებიდან რამდენიმე კვირაში ბაიდენი ეწვია ბრიუსელსა და პოლონეთს, რათა გამოეხატა სოლიდარობა უკრაინისა და მის მოკავშირეებისადმი.

შეჭრის წლისთავთან დაკავშირებით, ბაიდენის ადმინისტრაციამ შესაძლოა ასევე გამოაცხადოს უკრაინის სამხედრო დახმარების ახალი მაშტაბური პაკეტი, იტყობინება NBC.

უკრაინული მედიის ცნობით, კიევისა და დნეპროპეტროვსკის რაიონებში აფეთქებების ხმა ისმის.

“არის შეტყობინებები აფეთქებების ხმების შესახებ დნეპროპეტროვსკისა და კიევის რაიონებში. წინასწარი ინფორმაციით წარმატებით მუშაობს საჰაერო თავდაცვის სისტემა”, წერს UNIAN.

ოდესაში, კრივოი როგში და რიგ სხვა ქალაქებში ადგილობრივმა ხელისუფლებებმა ელექტროტრანსპორტის შეაჩერეს.

დილით, უკრაინის ხელისუფლებამ ახალი სარაკეტო თავდასხმის შესახებ განაცხადა, რაც ღამით კამიკაძეების დრონების შეტევას  მოჰყვა. უკრაინის შეიარაღებული ძალების საჰაერო ძალების ინფორმაციით ჩამოგდებულია 24 შაჰედის დრონი.