ევგენი პრიმაკოვის სახელობის ცენტრის ხელმძღვანელი გაზეთ საქართველო და მსოფლიოსთან ინტერვიუში სანკტ–პეტერბურგში „ ქართულ–რუსული დიალოგის “ ფარგლებში გამართული ფორუმის შესახებ ყვება, რომელსაც მისი თქმით რუსეთის ფედერაციის უმაღლესი სასწავლებლების პროფესორები, ქართველი და რუსი ექსპერტები ესწრებოდნენ. დიმიტრი ლორთქიფანიძე ამბობს, რომ ფორუმზე განიხილეს ქართულ–რუსული უნივერსიტეტის შექმნის საკითხი, რომელიც სტუდენტებისთვის უფასო იქნება და მას მთლიანად რუსეთის ფედერაცია დააფინანსებს. ლორთქიფანიძის თქმით, ამ ეტაპზე მიმდინარეობს ადგილის ძებნა, სადაც ეს უნივერსიტეტი განთავსდება:
“ეს იქნება უნიკალური სასწავლებელი, რომელსაც მთლიანად რუსეთის მხარე დააკომპლექტებს. ვფიქრობთ, სექტემბრის ბოლოს უნივერსიტეტის შესახებ გარკვეული სურათი გვექნება“–ამბობს დიმიტრი ლორთქიფანიძე.
ამავე ინტერვიუში დიმიტრი ლორთქიფანიძე რუსეთ–საქართველოს შორის სავაჭრო ეკონომიკური ურთიერთობების განვითარებაზეც საუბრობს და რუსული გამოცდილების გადმოტანაზე საქრათველოში სხვადასხვა საკითხებში.
პრიმაკოვის ფონდის ხელმძღვანელის თქმით, ფორუმზე საუბარი იყო რუსეთ–საქართველოს შორის ავიაბილეთების ფასის გადახედვაზე და ითქვა, რომ მოხდება სახელმწიფოს მხრიდან სუბსიდირება, რადგან ბილეთები ძვირია.
აშშ-ის თავდაცვის სამინისტროს სადაზვერვო სააგენტომ განაცხადა, რომ „არ აქვს საფუძველი ეჭვი შეიტანოს“ რუსეთის პრეზიდენტის ვლადიმერ პუტინის განცხადებაში, რომ ტაქტიკური ბირთვული იარაღის პირველი პარტია ბელორუსიას გადაეცა. ამის შესახებ CNN დაზვერვის წარმომადგენლებზე დაყრდნობით იუწყება.
აღნიშნულია, რომ გასულ თვეში პეტერბურგის საერთაშორისო ეკონომიკურ ფორუმზე პუტინმა განაცხადა, რომ პირველი ბირთვული ქობინი ბელორუსის ტერიტორიაზე იქნა გადატანილი.
აშშ და დასავლელი ოფიციალური პირები საჯაროდ არ ადასტურებენ, რომ ბელორუსს რაიმე იარაღი გადაეცა. მაგრამ აშშ-ს დაზვერვის ოფიციალურმა პირებმა განაცხადეს, რომ ანალიტიკოსებს “არ აქვთ საფუძველი ეჭვი შევიტანონ” პუტინის განცხადებებში და არ აქვთ საფუძველი ეჭვი შეიტანონ, რომ იარაღის გადაცემაში “გარკვეული წინსვლა არსებობს“.
ოფიციალური პირები არ ასახელებენ რატომ ფიქრობენ ასე. მათ აღიარეს, რომ აშშ-ს დაზვერვისთვის რთულია ამ იარაღის თვალყურის დევნება, თუნდაც სატელიტური სურათებით.
ამ თვის დასაწყისში აშშ-მა და დასავლელმა ოფიციალურმა პირებმა განუცხადეს CNN-ს, რომ ბელორუსს, როგორც ჩანს, არ დაუსრულებია საჭირო საცავის განახლება ტაქტიკური ბირთვული იარაღის შესანახად და რომ ხელმისაწვდომი სატელიტური გამოსახულება არ აჩვენებდა მომზადების ან უსაფრთხოების ნიშნებს, რაც სტანდარტი იქნებოდა რუსული ბირთვული ობიექტისთვის. თუმცა, სხვა წყაროებმა განუცხადეს CNN-ს, რომ ბელორუსში არის საბჭოთა ეპოქის სხვადასხვა ობიექტები, სადაც შეიძლება იარაღის ნაწილი განთავსდეს.
ბელორუსის პრეზიდენტმა ალექსანდრე ლუკაშენკომ გასულ თვეში თქვა, რომ აგრესიის ფონზე რუსულ ტაქტიკურ ბირთვულ იარაღს გამოიყენებდა “ყოყმანის გარეშე”. თუმცა, აშშ-ს დაზვერვას არ სჯერა, რომ ლუკაშენკოს ექნება კონტროლი არსენალზე. ოფიციალური პირების თქმით, ის, სავარაუდოდ, მთლიანად რუსეთის მიერ იქნება კონტროლირებადი.
აშშ-ს დაზვერვას ასევე არ სჯერა, რომ იარაღის გადატანა ბელორუსიაში შეცვლის გლობალურ ბირთვულ ლანდშაფტს ან გაზრდის ბირთვული ინციდენტის რისკს, რადგან ისინი შეინახება საწყობებში და გაკონტროლდება რუსული ძალების მიერ.
უკრაინის პრეზიდენტმა ვლადიმირ ზელენსკიმ ასპენის უსაფრთხოების ფორუმზე ვიდეო ჩართვით მიმართა და ყირიმის ხიდზე დარტყმის შესაძლებლობაზე ისაუბრა, რომელიც რუსეთის ტერიტორიას ანექსირებულ ყირიმთან აკავშირებს.
„ჩვენთვის ეს არის მტრის ობიექტი, რომელიც აშენდა კანონის მიღმა, საერთაშორისო სამართლისა და შესაბამისი ნორმების მიღმა. ამიტომ, ეს არის ჩვენი მიზანი და ნებისმიერი მიზანი, რომელსაც მოაქვს ომი და არა მშვიდობა, უნდა განეიტრალდეს“, – განაცხადა უკრაინის პრეზიდენტმა.
2018 წელს გახსნილ ყირიმის ხიდს აქვს საგზაო და სარკინიგზო მონაკვეთი და უკრაინელი სამხედრო და დამოუკიდებელი ექსპერტები აღნიშნავენ, რომ ეს არის სამხრეთ უკრაინაში რუსული ჯარების მიწოდების ერთ-ერთი მთავარი მარშრუტი (ამ კვირაში პუტინმა მტკიცებულების გარეშე განაცხადა, რომ სამხედრო ტრანსპორტირება შეწყდა).
ბოლო 10 თვის განმავლობაში ხიდი ორჯერ გახდა დივერსიის ობიექტი, რამაც მნიშვნელოვანი ზიანი მიაყენა მას, რამაც მნიშვნელოვნად შეამცირა მისი გამტარუნარიანობა. უკრაინამ მხოლოდ არაოფიციალურად აღიარა მისი მონაწილეობა ამ ოპერაციებში.
“ჩვენი გუნდი 2024 წლის არჩევნებისთვის არცერთ პარტიასთან არ გაერთიანდება. წერტილი!“– ეს განცხადება პარტია “საქართველოსთვის” სოციალურ ქსელში გამოქვეყნდა. ეს არის პასუხი კითხვაზე, ვისთან აპირებს გაერთიანებას გახარიას გუნდი, რომელიც განსაკუთრებით მას შემდეგ გახდა აქტუალური, რაც სტრატეგია აღმაშენებლისა და ნაციონალური მოძრაობის გაერთიანების შესახებ გამოცხადდა, ოპოზიციაში კი მოსალოდნელ გაერთიანებებზე დაიწყო საუბარი.
სავარაუდოდ ჩინეთი რუსეთს სამხედრო დახმარებას უწევს.ამის შესახებ CNN–ს საფრანგეთის პრეზიდენტის მრჩეველმა საგარეო პოლიტიკაში ემანუელ ბონმა განუცხადა.
ოფიციალურმა პირმა ხაზგასმით აღნიშნა, რომ საუბარია სამხედრო ტექნიკაზე, რომელსაც რუსეთის ფედერაცია უკრაინაში იყენებს.
“დიახ, არის ნიშნები იმისა, რომ ისინი (ჩინეთი) აკეთებენ იმას, რასაც ჩვენ ვამჯობინებდით, რომ არ გაეკეთებინათ. რამდენადაც ვიცით, ჩინეთი აწვდის მნიშვნელოვან სამხედრო სიმძლავრეებს რუსეთს”, – უპასუხა მრჩეველმა ჟურნალისტის შეკითხვას, არის თუ არა მტკიცებულებები ჩინეთის მხრიდან რუსეთის მხარდაჭერის შესახებ.
ფრანგმა ოფიციალურმა პირებმა განმარტეს, რომ ბონი გულისხმობდა ორმაგი გამოყენების ტექნოლოგიას და არალეტალურ დახმარებას , როგორიცაა ჩაფხუტები და ჯავშანი.
“ყველაზე მეტად გვჭირდება, რომ ჩინეთმა თავი შეიკავოს ამისგან. მათ გაიგონ, რომ უკრაინის ომი არის კონფლიქტი გლობალური მასშტაბით და რომ ჩვენ არ შეგვიძლია შევთავაზოთ ქვეყანას წაგება არა მხოლოდ ფუნდამენტური, არამედ ძალიან ოპერატიული მიზეზების გამო. ეს ეხება არა მხოლოდ სუვერენიტეტს, არამედ სტაბილურობას მთელ მსოფლიოში”, – განაცხადა ბონმა.
საფრანგეთის სახელმწიფო მდივანი მარლენ შიაპა, რომელიც ამ გაზაფხულზე ჟურნალ Playboy-სთვის პოზირებდა, თანამდებობიდან გაათავისუფლეს, იტყობინება BFMTV.
აპრილში პრემიერ-მინისტრმა ელიზაბეტ ბორნმა უსაყვედურა სახელმწიფო მდივანს ჟურნალის წინადადებაზე თანხმობის გამო. გაზეთ Le Figaro-ს ცნობით, ბორნმა დაურეკა სახელმწიფო მდივანს და უთხრა, რომ მისი ინტერვიუ და ფოტოსესია “კატეგორიულად უადგილოა”.
თავად მინისტრმა ტვიტერში გამოცემის წინადადებაზე თანხმობა იმით ახსნა, რომ ის “იცავს ქალთა უფლებებს ყველგან”, და დასძინა, რომ “ქალები საფრანგეთში თავისუფალნი არიან”.
ჟურნალ Playboy-ის აპრილის ნომერი 100 000–იანი ტირაჟით საფრანგეთში გამოშვებიდან სამ საათში სრულად გაიყიდა. ჟურნალმა მოგვიანებით დამატებითი ტირაჟი დაბეჭდა. 40 წლის მარლენ შიაპა, 2022 წლის 4 ივლისიდან არის სოლიდარობისა და სოციალური ეკონომიკისა და საზოგადოებრივი ცხოვრების საკითხებში სახელმწიფო მინისტრის პოსტს იკავებდა.
შეერთებულმა შტატებმა სანქციები დაუწესა ოთხ ყირგიზულ კომპანიას, რომლებიც ვაშინგტონის თქმით, მონაწილეობდნენ რუსეთის მცდელობებში, გვერდი აევლო უკრაინაში შეჭრასთან დაკავშირებით დაწესებული სანქციებისთვის. მანამდე ყირგიზეთის ხელისუფლებამ პირობა დადო, რომ ყველაფერს გააკეთებდა სანქცირებული საქონლის რუსეთში რეექსპორტის თავიდან ასაცილებლად.
„უკრაინაში სრულმასშტაბიანი შეჭრის დაწყების შემდეგ, ყირგიზეთის რესპუბლიკაში მდებარე საწარმოები ხშირად ახორციელებენ კონტროლირებადი ელექტრონული კომპონენტების და სხვა ტექნოლოგიების ექსპორტს რუსეთში. ზოგიერთი მიწოდება მოიცავდა ორმაგი დანიშნულების მგრძნობიარე ნივთებს რუსეთის თავდაცვის სექტორისთვის“, – აცხადებენ აშშ-ს ხაზინაში.
აშშ–ს ამ განზრახვის შესახებ ჯერ კიდევ გადაწყვეტილების ოფიციალურად გამოცხადებამდე წერდა ამერიკული გამოცემა ვაშინგტონ პოსტი. პრეზიდენტ ჯო ბაიდენის ადმინისტრაციის ორმა ოფიციალურმა პირმა გამოცემას ანონიმურობის პირობით განუცხადა, რომ გადაწყვეტილება მიღებული იქნა ბიშკეკში ამერიკელი და ევროპელი დიპლომატების მიერ რამდენიმე თვის “უნაყოფო ვიზიტების” შემდეგ.
The Washington Post აშშ-ს მთავრობის წყაროებზე დაყრდნობით იუწყება, რომ შეერთებული შტატები ამზადებს ახალ სანქციებს ყირგიზეთის კომპანიების წინააღმდეგ, რომლებიც რუსეთს აწვდიან საქონელს ევროპიდან და აზიიდან უკრაინაში შეჭრის გამო დაწესებული სანქციების გვერდის ავლით.
პრეზიდენტ ჯო ბაიდენის ადმინისტრაციის ორმა ოფიციალურმა პირმა, რომელთა ვინაობა არ სახელდება, გამოცემას განუცხადა, რომ გადაწყვეტილება მიღებული იქნა ბიშკეკში რამდენიმე ამერიკელი და ევროპელი დიპლომატების მიერ რამდენიმე თვის “უნაყოფო ვიზიტების” შემდეგ. ეკონომიკური ზომების მიღება შესაძლებელია უკვე ამ კვირაში, განაცხადეს ოფიციალურმა პირებმა ანონიმურობის პირობით.
„მიუხედავად იმისა, რომ ყირგიზეთი სხვებთან შედარებით პატარა ქვეყანაა, მისი მაგალითი ნათლად აჩვენებს ყველა იმ ფაქტორს, რომელიც გამონაკლისის გარეშე ქმნის მიუღებლად ხელსაყრელ გარემოს სანქციების გვერდის ავლისთვის“, – ციტირებს გაზეთი მაღალჩინოსანს.
ამერიკული მხარის ინფორმაციით, სანქცირებული საქონლის რეექსპორტში რუსული სპეცსამსახურები არიან ჩართული. ფირმები, რომლებიც იღებდნენ საქონელს ყირგიზეთიდან, იყვნენ რუსეთის თავდაცვის ინდუსტრიის მიმწოდებლები, აღნიშნავს Washington Post.
ყირგიზეთის საელჩომ ვაშინგტონში, ამერიკული გაზეთის კითხვის საპასუხოდ განაცხადა, რომ ქვეყნის ხელისუფლება მზად არის დაიცვას საერთაშორისო ნორმები და ებრძოლოს კონტრაბანდასა და სხვა უკანონო ვაჭრობას. საელჩომ მოსკოვთან ვაჭრობის ზრდა ახსნა საქონლის გადაადგილებისთვის თვალყურის დევნების ელექტრონული სისტემების გაუმჯობესებით.
19 მაისს აშშ-ს ხელისუფლებამ უკვე დააწესა სანქციები ყირგიზეთში რეგისტრირებული Tro.Ya-ს წინააღმდეგ.
აშშ-ს იუსტიციის დეპარტამენტმა ყირგიზეთის კომპანია 70 სხვა ფირმასთან ერთად შეიყვანა იურიდიული პირების სიაში, რომლებიც, ეხმარებიან რუსეთის სამხედრო და თავდაცვის სექტორებს. ჟურნალისტებმა განაცხადეს, რომ Tro.Ya ეწევა ელექტრონული კომპონენტების და სანავიგაციო აღჭურვილობის მიწოდებას.
The Washington Post ირწმუნება, რომ ყირგიზეთის საელჩომ ვაშინგტონში აღიარა ცნობები სანქციების თავიდან აცილების შესახებ. თუმცა, დიპლომატიურმა მისიამ აღნიშნა, რომ კრიტიკოსებმა არ გაითვალისწინეს ყირგიზეთსა და რუსეთს შორის ურთიერთობების „რეალური ეკონომიკური კონტექსტი“, რადგან ორივე ქვეყანა ევრაზიის ეკონომიკური კავშირის წევრია.
”ზოგადად, რუსეთი არის ჩვენი ერთ-ერთი მთავარი სავაჭრო პარტნიორი […] მილიონზე მეტი ჩვენი მოქალაქე მუშაობს [ამ ქვეყანაში]”, – ციტირებს გაზეთი ყირგიზეთის საელჩოს განცხადებას.
14 მაისს ყირგიზეთის საგარეო საქმეთა მინისტრმა ჯინბეკ კულუბაევმა სახელმწიფო ტელეარხ Rossiya-1-თან ინტერვიუში განაცხადა, რომ ბიშკეკი გააგრძელებს მოსკოვთან თანამშრომლობას დასავლეთის მხრიდან მეორადი სანქციების დაწესების მუქარის მიუხედავად.
„ჩვენ ვართ სტრატეგიული პარტნიორები, თანამშრომლობისთვის არანაირი დაბრკოლება არ გვაქვს. ჩვენი დასავლელი პარტნიორები შესაძლო სანქციებზე საუბრობენ. მაგრამ ჩვენც ვიცავთ ჩვენს წესებს და პრობლემას ვერ ვხედავ“, – განაცხადა მინისტრმა.
თუმცა, 2 ივნისს, ცენტრალური აზია-ევროპის კავშირის სამიტზე, ყირგიზეთის პრეზიდენტმა სადირ ჯაფაროვმა განაცხადა, რომ ქვეყანა ღიაა ევროკავშირთან დიალოგისთვის სანქციების განსახილველად.
ჯაფაროვმა აღნიშნა, რომ „გაგებით“ ეკიდება ევროპელი პარტნიორების თხოვნას სანქციების შესრულების შესახებ.
როგორ უვლის გვერდს რუსეთი სანქციებს ყაზახეთისა და ყირგიზეთის გავლით:
აშშ-ის ხელისუფლებამ ასევე გაამახვილა ყურადღება ინფორმაცაზე ყაზახეთში ჩინური დრონების პარტიის კონფისკაციის, რომელიც ყირგიზეთიდან რუსეთში იგზავნებოდა, ნათქვამია პუბლიკაციაში.
ივნისის დასაწყისში ცნობილი გახდა, რომ ყაზახეთის საბაჟოებმა ყირგიზეთის კომპანია Impulse-Invest-ს 14 DJI Agras T30 დრონი ჩამოართვეს, რადგან მას დრონების ექსპორტის ლიცენზია არ გააჩნდა. ეს დრონები განკუთვნილია სასოფლო-სამეურნეო მიზნებისთვის, მაგრამ აქვთ ომში გამოყენების პოტენციალი, რადგან მათ შეუძლიათ 30 კგ-მდე ტვირთის გადატანა, იტყობინება გამოცემა. მოგვიანებით დრონები აუქციონზე გაიტანეს, მათი ღირებულება ყაზახეთის ხელისუფლებამ 83,6 მილიონი ტენგედ (193 ათასი დოლარი) შეაფასა.
ყირგიზეთის ოფიციალურმა პირებმა უარი თქვეს ვაშინგტონ პოსტისთვის კომენტარის გაკეთებაზე ჩინური დრონების რუსეთში ექსპორტის მცდელობის შესახებ.
სანქცირებული საქონლის რეექსპორტის შესახებ ყაზახეთიდან ასევე იტყობინებიან გამომძიებელი ჟურნალისტები Important Stories–დან , OCCRP და ჟურნალი Spiegel. 20 მაისს, ამ გამოცემების ერთობლივი გამოძიების შედეგად, ცნობილი გახდა, რომ რუსეთი ყოველთვიურად ყიდულობს მილიონობით დოლარის ღირებულების დრონებს და მიკროელექტრონულ ტექნიკას ყაზახეთის გავლით, დასავლეთის სანქციების გვერდის ავლით.
ჟურნალისტების თქმით, ყაზახური კომპანია Da Group 22 ჩიპებს და სხვა კომპონენტებს აწვდის რუსულ კომპანია Stack-ს. “სტაკის” მთავარი შემსყიდველი არის კომპანია, რომელიც ავითარებს და აწარმოებს სპეციალურ აღჭურვილობას რუსეთის ძალოვანი სტრუქტურებისთვის.
გამოძიების ინფორმაციით, ომის დაწყების შემდეგ ყაზახეთში დაარსებულმა სხვა კომპანიამ,“ ასპან არბამ“, რუსეთის “ციურ მექანიკას “ 500 დრონი მიაწოდა. დრონებს იმავე კომპანიისგან ყიდულობს შეიარაღებული კონფლიქტების ვეტერანთა ფედერაცია „ფოცხვერი“ და მოქმედი რუსი სამხედროები, წერენ ავტორები.
ყირგიზეთიდან რუსეთში იმპორტის მკვეთრი ზრდა
რადიო Azattyk-ის( რომელიც რადიო თავისუფლების ყირგიზეთის და ყაზახეთის რედაქციაა) გამოძიებამ ასევე გამოავლინა რუსეთისთვის სამხედრო ტექნიკის მიწოდების ფაქტები.
ჟურნალისტებმა დაადგინეს, რომ ფირმები ყაზახეთიდან და ყირგიზეთიდან რუსეთში ახორციელებენ მიკროჩიპების, სატელეკომუნიკაციო აღჭურვილობის და სხვა კომპონენტების ექსპორტს, რომლებსაც უკრაინელი სამხედროები პოულობენ რუსულ რაკეტებში, ტანკებში, ვერტმფრენებში, თვითმფრინავებსა და რადიო სისტემებში.
გამომძიებელი ჟურნალისტები ეყრდნობიან ორი ქვეყნის საბაჟო სამსახურების მონაცემებს და კომპანიების კორპორატიულ ინფორმაციას, რომლებიც რუსეთში ორმაგი დანიშნულების ტექნოლოგიების რეექსპორტს ახორციელებენ.
გამოძიებას ასევე მოჰყავს გაეროს ვაჭრობის მონაცემები, რომლის მიხედვითაც ყირგიზეთს 2021 წელს თვითმფრინავების, ვერტმფრენების და დრონების არანაირი ნაწილების იმპორტი არ განუხორციელებია, თუმცა, 2022 წელს ქვეყანამ 3,5 მილიონი დოლარის ღირებულების საფრენი აპარატების ნაწილები შემოიტანა და 1,5 მილიონი დოლარის ღირებულების რუსეთში გაიტანა.
ამავე პერიოდში ყაზახეთმა 2000-ჯერ გაზარდა კომპიუტერების ექსპორტი რუსეთში. 2021 წელს ქვეყანამ 127 000 დოლარის ღირებულების კომპიუტერები მიაწოდა რუსეთს , 2022 წელს კი უკვე 296 მილიონი დოლარის ღირებულების.
Financial Times წერს, რომ ბეჭდივისას დაშვებული შეცდომის გამო პენტაგონი წლების განმავლობაში წერილებს მალიში გზავნიდა. აშშ-ს შეიარაღებულ ძალებში MIL დომენი გამოიყენება , ხოლო მალის დომენი მსგავსია – ML. ჰოლანდიელი მეწარმის იოჰანეს ზუურბირის თქმით, რომელიც მალის დომენის სამართავად დაიქირავეს, ეს 10 წელზე მეტია გრძელდება.
და მიუხედავად იმისა, რომ შეცდომით გაგზავნილი ელ.ფოსტის უმეტესობა სპამია, ზოგიერთი შეტყობინება შეიცავს სენსიტიურ მონაცემებს, კერძოდ, აშშ-ს სამხედროების, კონტრაქტორების და მათი ოჯახების შესახებ.
პენტაგონმა უკვე განაცხადა, რომ მათ იციან პრობლემის შესახებ და MIL დომენიდან გაგზავნილი ელფოსტა გაგზავნამდე იბლოკება და შედეგად, მიმღებმა საკუთარი მონაცემები უნდა დაადასტუროს, რათა თანდართული ინფორმაცია ნახოს .
აშშ-ს ხელისუფლებამ გამოაცხადა მნიშვნელოვანი გარღვევა გაუხსნელი მკვლელობების სერიაში, რომელიც ნიუ-იორკის მახლობლად ათ წელზე მეტი ხნის წინ მოხდა.
საუბარია 11 ადამიანის, ძირითადად ახალგაზრდა ქალების მკვლელობაზე, რომელთა ცხედრები 2010-2011 წლებში ლონგ აილენდის სამხრეთ სანაპიროზე, გილგო ბიჩზე იპოვეს.
მრავალწლიანი გამოძიების შემდეგ, ადგილობრივმა პროკურორებმა პარასკევს განაცხადეს, რომ დააკავეს მთავარი ეჭვმიტანილი, 59 წლის ნიუ-იორკელი არქიტექტორი რექს ჰეუერმანი. პოლიციამ მისი დაკავება მას შემდეგ შეძლო, რაც დნმ-ის კვალი ამოიღეს მისი პიცის ნარჩენებიდან, რომელიც ერთ-ერთ მსხვერპლზე აღმოჩენილ ნიმუშებს ემთხვევა.
ჰეიერმანს ერთდროულად ბრალი წაუყენეს პირველი და მეორე ხარისხის მკვლელობაში სამი ქალის მკვლელობის საქმეებში, რომელთა ცხედრების ნარჩენების აღმოჩენის შემდეგ გამოძიება დაიწყო: მელისა ბართლემის, მოკლული 2009 წელს, მეგან ვატერმენისა და ამბერ კოსტელოს საქმეებზე რომლებიც 2010 წელს მოკლეს.
ჰეიერმანი ასევე არის მთავარი ეჭვმიტანილი მეოთხე ქალის, მორინ ბრეინარ-ბარნსის გაუჩინარებასა და სიკვდილში 2007 წელს.
ეს ოთხი ქალი პრესაში „გილგო ოთხეულის“ სახელით გახდა ცნობილი. მათი ნაშთები შემთხვევით იპოვეს 2010 წლის დეკემბერში, კიდევ ერთი დაკარგული ადამიანის – 23 წლის შენენ გილბერტის ძებნის ოპერაციის დროს, რომელიც იმავე წლის მაისში გაუჩინარდა.
პროკურორ რეი ტიერნის თქმით, „ოთხივე მსხვერპლი იპოვეს ერთსა და იმავე მდგომარეობაში, ერთნაირად შეკრული თასმებით ან წებოვანი ლენტით, ხოლო სამი მსხვერპლი გახვეული იყო ტომარის ტიპის მასალაში“.
გილგოს სანაპირო
ამ ოთხი გვამის შემდეგ პოლიციამ გილგოს სანაპიროზე აღმოაჩინა მსგავსი სამარხების მთელი სერია, სულ 11. გამომძიებლები თვლიან, რომ მოკლული ახალგაზრდა ქალების უმეტესობა პროსტიტუციით იყო დაკავებული.
სერიული მკვლელის მსხვერპლთა შორის მამაკაცი და გოგონაც არიან. ოთხის, მათ შორის გოგონას,მისი დედისა და მამაკაცის ვინაობა უცნობია.
“გარყვნილების უკიდურესი ხარისხის დანაშაულები”
ხელისუფლებამ განაცხადა, რომ ჰეიერმანი დააკავეს ხუთშაბათს საღამოს და პარასკევს, ბრალდების წარდგენის შემდეგ, სასამართლომ მისი გირაოთი გათავისუფლება უარყო დანაშაულების “უკიდურესი გარყვნილების” გამო.
”რექს ჰეუერმანი არის დემონი, რომელიც დადის ჩვენ შორის, მტაცებელი, რომელიც ანადგურებს ოჯახებს”, – თქვა საფოლკის ოლქის პოლიციის კომისარმა როდნი ჰარისონმა პრესკონფერენციაზე.
სასამართლო პროცესზე ადვოკატის მეშვეობით ბრალდებულმა თქვა, რომ ბრალს არ აღიარებს. ამის შემდეგ მას ცრემლები წამოუვიდა.
ჰეუერმანის ადვოკატმა მაიკლ ბრაუნმა თქვა, რომ მისი კლიენტი უკიდურესად დაჩაგრულია და მის წინააღმდეგ მტკიცებულებებს “უკიდურესად ირიბი” უწოდა.
ჰეიერმანის საქმეზე შემდეგი მოსმენა 1 აგვისტოს არის ჩანიშნული.
დნმ პიცის ქერქზე
სერიული მკვლელი არქიტექტორი
ჰეიერმანი – არქიტექტორი, რომელიც მანჰეტენზე 1987 წლიდან მუშაობდა – ეჭვმიტანილიად იდენტიფიცირებულ იქნა 2022 წლის დასაწყისში. მას შემდეგ გამომძიებლები აკვირდებოდნენ მას და მის ოჯახს, აგროვებდნენ დნმ-ის ნიმუშებს მათი ნაგვიდან.
ბოლო მტკიცებულება, რომელიც საჭირო იყო ბრალდების წასაყენებლად, სწორედ ნაგავი აღმოჩნდა – პიცის ნარჩენები, რომელიც მან მანჰეტენში 2023 წლის იანვარში ჩააგდო ურნაში, თქვა პროკურორმა.
მისი თქმით, პიცის ქერქზე აღმოჩენილი დნმ-ის სრულფასოვანი ნიმუში იდენტური იყო იმ გენეტიკური მასალისა, რომელიც ნაპოვნია ტომარაზე, რომელშიც ერთ-ერთი მსხვერპლი იყო გახვეული. ეს იყო გარღვევა გამოძიებაში.
2022 წლის თებერვალში ჰარისონმა შექმნა უწყებათაშორისი სამუშაო ჯგუფი გილგო ბიჩის მკვლელობების გამოსაძიებლად. ადგილობრივი პოლიციის თანამშრომლების გარდა, მასში შედიოდნენ ნიუ-იორკის შტატის პოლიცია და FBI.
ჰეუერმანის წინააღმდეგ საქმეში გამოყენებული იყო ჩანაწერები სატელეფონო ანძებიდან, ასევე საკრედიტო ბარათებისა და მობილური ტელეფონის გადასახადები, რომლებმაც გამომძიებლებს აჩვენეს, რომ ის დანაშაულის ჩადენის დროს დანაშაულის ადგილის სიახლოვეს იმყოფებოდა.
სამართალდამცავები დარწმუნებულები არიან, რომ ბრალდებულს ჰქონდა სპეციალური „ერთჯერადი“ მობილური ტელეფონები, რომლებითაც მოკლულ ქალებს ურეკავდა, შემდეგ კი ეს ტელეფონები მოიშორა.
გარდა ამისა, ისინი თვლიან, რომ ჰეუერმანმა გამოიყენა თავისი მსხვერპლების, ბრეინარ-ბარნსისა და ბართლემის პირადი ტელეფონები მათი ხმოვანი ფოსტის შესამოწმებლად, ასევე რამდენიმე დამცინავი ზარი გააკეთა ქალების ნათესავებთან მათი გაუჩინარების შემდეგ.
კიდევ ერთი ხელჩასაჭიდი საქმეში იყო მწვანე პიკაპი, რომელიც მოწმემ დანაშაულის ადგილის მიმდებარე ტერიტორიაზე ნახა. მოგვიანებით ხელისუფლებამ დაადგინა, რომ ჰეუერმანმა მართავდა მწვანე პიკაპს, რომელიც დარეგისტრირდა მის ძმაზე და დაემთხვა თვითმხილველთა აღწერილობას, იტყობინება CNN.
გამომძიებლები ამტკიცებენ, რომ გასული წლის განმავლობაში, ჰეუერმანმა 200-ზე მეტჯერ შეიყვანა საძიებო სისტემაში კიდევ ერთი „ერთჯერადი“ ტელეფონიდან კონკრეტიზირებული მოთხოვნები სერიულ მკვლელებთან და ლონგ აილენდის მკვლელობის გამოძიებებთან დაკავშირებით.
ტიერნის თქმით, ჰეიერმანის კომპიუტერში ნაპოვნი იქნა „წამების პორნო“ და „ქალებზე ძალადობისა და მათი მკვლელობის სურათები“ .
სხვა ნაპოვნ ცხედრებთან დაკავშირებით გამოძიება გრძელდება.
“სამსახურში კოსტიუმით და ჰალსტუხით დადიოდა”
შენენ გილბერტის ნეშტი, რომლის გაუჩინარებით დაიწყო საზარელი აღმოჩენები გილგოს სანაპიროზე, 2011 წელს იპოვეს, მაგრამ ოფიციალურმა გაკვეთამ შედეგი არ გამოიღო. მისი ოჯახი თვლის, რომ ის შეიძლება მოკლული ყოფილიყო, და ეს თეორია, დამოუკიდებელი გაკვეთითაც დადასტურდა, რომელიც მათ შეუკვეთეს.
ამ მოვლენებს მიეძღვნა Netflix-ის სატელევიზიო ფილმი Lost Girls, რომლის მთავარი გმირი იყო გილბერტის დედა, რომელიც აიძულებდა პოლიციას საქმის საწყის ეტაპზე უფრო აქტიურად ეძია მისი ქალიშვილი. ფილმში აღნიშნული იყო, რომ პოლიციაში და საზოგადოებაში ბევრი გოგონების სიკვდილში ისევ გოგოებს ადანაშაულებდა იმის გამო, რომ ისინი პროსტიტუციით იყვნენ დაკავებულნი.
ჰეიერმანი არის RH Consultants and Associates-ის მფლობელი, მანჰეტენზე დაფუძნებული არქიტექტურული ფირმისა, რომელიც საკუთარ თავს ნიუ-იორკის წამყვან არქიტექტურულ ფირმას უწოდებს.
სააგენტო AP-ის ცნობით, მას ჰყავს ქალიშვილი და გერი ბიჭი.
ეჭვმიტანილის მეზობელი ამბობს, რომ მთელი ამ წლების განმავლობაში, არქიტექტორი ყოველ დილით სამსახურში მიდიოდა კოსტიუმითა და ჰალსტუხით, პორტფელით ხელში.
ტიერნის თქმით, ჰეუერმანს ჰქონდა ლიცენზია 92 იარაღზე და “ძალიან დიდი სეიფი”, რომელშიც ცეცხლსასროლი იარაღი ინახებოდა.
”ზოგადად, რუსეთი არის ჩვენი ერთ-ერთი მთავარი სავაჭრო პარტნიორი […] მილიონზე მეტი ჩვენი მოქალაქე მუშაობს [ამ ქვეყანაში]”, – ციტირებს გაზეთი ყირგიზეთის საელჩოს განცხადებას.
სანქცირებული საქონლის რეექსპორტის შესახებ ყაზახეთიდან ასევე იტყობინებიან გამომძიებელი ჟურნალისტები Important Stories–დან , OCCRP და ჟურნალი Spiegel. 20 მაისს, ამ გამოცემების ერთობლივი გამოძიების შედეგად, ცნობილი გახდა, რომ რუსეთი ყოველთვიურად ყიდულობს მილიონობით დოლარის ღირებულების დრონებს და მიკროელექტრონულ ტექნიკას ყაზახეთის გავლით, დასავლეთის სანქციების გვერდის ავლით.
