Category: კავკასია

აშშ-ს ვიცე-პრეზიდენტმა კამალა ჰარისმა თქვა, რომ ის მადლიერებით იღებს ჯო ბაიდენის მხარდაჭერას, რომელმაც უარი თქვა წინასაარჩევნო კამპანიაში მონაწილეობაზე და დემოკრატიული პარტიის კანდიდატად მისი წარდგენა შესთავაზა. გავრცელებული ინფორმაციით, მან უკვე დაიწყო ბრძოლა ნომინაციისთვის და ცდილობს თანაპარტიელების მხარდაჭერა მოიპოვოს.

„ჩემთვის პატივია პრეზიდენტის მხარდაჭერა და ვაპირებ მივაღწიო ჩემს ნომინირებას კანდიდატად. მე ყველაფერს გავაკეთებ, რომ გავაერთიანო დემოკრატიული პარტია და გავაერთიანოთ ჩვენი ერი – იმისათვის, რომ დავამარცხოთ დონალდ ტრამპი. არჩევნებამდე 107 დღეა. ჩვენ ერთად ვიბრძოლებთ და გავიმარჯვებთ – ერთად“, – თქვა მან.

ვიცე-პრეზიდენტის თქმით, ბაიდენის გადაწყვეტილება არჩევნებიდან გასვლის შესახებ პატრიოტიზმის მაგალითია. „პრეზიდენტი ბაიდენი აკეთებს იმას, რასაც აკეთებდა მთელი ცხოვრების განმავლობაში თანამდებობაზე: ეს არის ამერიკელი ხალხისა და ჩვენი ქვეყნის ინტერესების პირველ ადგილზე დაყენება.

მიუხედავად იმისა, რომ გრძელდებოდა დისკუსიები იმის შესახებ, შეეძლო თუ არა პრეზიდენტს დარჩენა საპრეზიდენტო არჩევნების რბოლაში ტრამპთან დებატებში ცუდი შედეგის შემდეგ, ჰარისი ბაიდენის ერთგული დარჩა.

დებატების შედეგად სკანდალის დაწყებიდან ერთი დღის შემდეგ, მან დემოკრატიული კამპანიის ერთ-ერთ შეხვედრაზე განაცხადა: „ჩვენ გვჯერა ჩვენი პრეზიდენტის ჯო ბაიდენის“.

დემოკრატებს ჯერ არ ყავთ ოფიციალური კანდიდატურა: მიუხედავად იმისა, რომ ბაიდენმა ჰარისს მხარდაჭერა გამოუცხადა, არ შეიძლება ითქვას, რომ მას კონკურენტები არ ეყოლება. კენჭისყრა დემოკრატიული პარტიის ეროვნულ ყრილობაზე გაიმართება, რომელიც ჩიკაგოში 19 აგვისტოს გაიხსნება.

მედია წყაროებზე დაყრდნობით წერს,  რომ ჰარისმა უკვე დაიწყო სატელეფონო ზარების განხორციელეა  კვირას გვიან, გამოჩენილი დემოკრატების, მათ შორის დეპუტატებისა და გუბერნატორების მხარდაჭერის უზრუნველსაყოფად.

ჰარისის გუნდმა მთელი ძალისხმევა დახარჯოს – განუცხადეს წყაროებმა CNN-ს და მოიპოვოს მისი კანდიდატურის რაც შეიძლება მეტი მხარდაჭერა პირველი კენჭისყრის წინ, რომელიც როგორც  მის მოკავშირეებს სჯერათ, შესაძლოა 1 აგვისტოს ჩატარდეს.

„ამ მიზნის მისაღწევად, გუნდი ახლა ძალიან აგრესიულ ოპერაციას ატარებს კონგრესის დელეგატებთან ჩამორეკვით  მათი მხარდაჭერის მისაღებად“, – წერს ტელეკომპანია.

გუნდმა ასევე დაიწყო ელ.წერილების გაგზავნა ჰარისის სახელით შემოწირულობების მოთხოვნით.

ერთ-ერთ ასეთ წერილში ვკითხულობ: ”მე კენჭს ვიყრი  შეერთებული შტატების პრეზიდენტად. ჩემთვის პატივია პრეზიდენტის მხარდაჭერა და ვაპირებ მოვიპოვო და მოვიგო ეს ნომინაცია.“

ფონდების მოზიდვის პლატფორმა ActBlue-მ თქვა, რომ ჰარისის კამპანიისთვის შემოწირულობების მნიშვნელოვანი ზრდაა, ბაიდენის განცხადებიდან პირველი ხუთი საათის განმავლობაში 27,5 მილიონ დოლარზე მეტი შეგროვდა, რამდენიმე საათის შემდეგ კი თანხა 46,7 მილიონ დოლარამდე გაიზარდა.

„შემთხვევითი ამომრჩევლები ენერგიულნი არიან და მზად არიან მხარი დაუჭირონ მას, როგორც დემოკრატიულ კანდიდატს“, – თქვა ActBlue-მ.

არაპროგნოზირებადი კონგრესი

ჰარისი არ არის ერთადერთი პოტენციური კანდიდატი. სხვა შესაძლო კანდიდატებს შორის იყვნენ მიჩიგანის გუბერნატორი გრეტჩენ უიტმერი, კალიფორნიის გუბერნატორი გევინ ნიუსომი და აშშ-ს ტრანსპორტის მდივანი პიტ ბუტიჯიგი. ნიუსომმა უკვე განაცხადა, რომ მხარს დაუჭერს ჰარისს.

”ძლიერი, უშიშარი, გამძლე. იმ დროს, როდესაც სასწორზე ჩვენი დემოკრატია და ჩვენი მომავალი დევს, ვიცე-პრეზიდენტ კამალა ჰარისზე უკეთ აღჭურვილი არავინაა, რომ წინ აღუდგეს დონალდ ტრამპის ბნელ გეგმებს და წარმართოს ჩვენი ქვეყანა ჯანსაღი მიმართულებით“, – თქვა მან განცხადებაში.

როგორც BBC-ის ვაშინგტონის კორესპონდენტი ენტონი ცურკერი აღნიშნავს, დემოკრატების კონგრესი ამჯერად ნამდვილად არ იქნება წინა წლების მსგავსად საგულდაგულოდ დაგეგმილი და გამოზომილი შეხვედრა  ტელემაყურებლებისთვის წარსადგენად.

ის აღნიშნავს, რომ თუნდაც პარტიამ კამალა ჰარისს დაუჭიროს მხარი, რთული იქნება იმის პროგნოზირება, თუ რა მოხდება ყრილობის დარბაზში.

”და კონგრესი გახდება სრულიად არაპროგნოზირებადი, თუ ჰარისი ვერ გააერთიანებს  პარტიის წევრებს თავის გარშემო. ყრილობა გადაიქცევა ამაღელვებელ და ცოცხალ პოლიტიკურ თეატრად, ამერიკულ საზოგადოებას მსგავსი არაფერი უნახავს“, – თვლის ცურკერი.

პრეზიდენტი ჯო ბაიდენი აცხადებს, რომ ის არ აპირებს ნოემბრის საპრეზიდენტო არჩევნებში საკუთარი კანდიდატურა მოხსნას. ამის შესახებ მან პლატფორმა X-ზე დაწერა.

ბაიდენი ამბობს, რომ ამერიკელ ხალხს ამ კვირის ბოლოს უფრო დეტალურად გაესაუბრება.

81 წლის პრეზიდენტი წერილში, რომელიც მან თავის X -ის ანგარიშზე გამოაქვეყნა წერს:

“მიუხედავად იმისა, რომ ჩემი განზრახვა იყო ხელახლა არჩევა, მე მჯერა, რომ ჩემი პარტიისა და ქვეყნის საუკეთესო ინტერესებშია გვერდზე გადგომა და მხოლოდ ჩემი, როგორც პრეზიდენტის მოვალეობების შესრულებაზე, ვადის დარჩენილი პერიოდის განმავლობაში ფოკუსირება. მე ვესაუბრები ერს ამ კვირის ბოლოს უფრო დეტალურად ჩემი გადაწყვეტილების შესახებ”.– წერს ბაიდენი.

ბოლო დღეები განმავლობაში ინტენსიურად ვრცელდებოდა ინფორმაცია, რომ ჯო ბაიდენს საპრეზიდენტო მარათონიდან გასვლისკენ საკუთარი თანაპარტიელების დიდი ნაწილი მოუწოდებდა.

FBI-მ გამოაცხადა, რომ მამაკაცი, ვინც დონალდ ტრამპს ესროლა ბატლერში, პენსილვანიის შტატში, 20 წლის თომას მეთიუ კრუქსი იყო. ის მშობლებთან ერთად წყნარ გარეუბანში ცხოვრობდა და რესპუბლიკური პარტიის რეგისტრირებული მხარდამჭერი იყო.

მას შემდეგ, რაც ტყვია ტრამპს ააცილა, უფრო ზუსტად – ყურში მოარტყა,მსროლელმა რამდენიმე ტყვია ესროლა შეკრებილ ხალხს, რის შედეგადაც ერთი დაიღუპა და კიდევ ორი ​​მძიმედ დაჭრა. მას ესროლეს და მოკლეს საიდუმლო სამსახურის ოფიცრებმა, რომლებიც ტრამპს იცავდნენ, როგორც ყოფილ პრეზიდენტს და როგორც ოფიციალურ საპრეზიდენტო კანდიდატს.

თომას კრუქსს თან არანაირი საბუთი არ ჰქონია და გამოძიებამ მისი იდენტიფიკაცია დნმ-ით შეძლო.

თომას კრუქსი მშობლებთან ერთად ცხოვრობდაპიტსბურგის  წყნარ გარეუბანში, ბეთელ პარკში, მკვლელობის მცდელობის ადგილიდან დაახლოებით 70 კილომეტრში. 2022 წელს მან დაამთავრა სკოლა და მიიღო პრიზი – 500 დოლარი მათემატიკასა და საბუნებისმეტყველო მეცნიერებებში მიღებული შედეგებისთვის. ამის შესახებ ადგილობრივი გაზეთი წერდა.

სკოლის დამთავრების შემდეგ კრუქსი იქვე, მოხუცთა სახლის სამზარეულოში მუშაობდა.

როგორც ამერიკულმა პრესამ გაარკვია, ახალგაზრდა მამაკაცი, რომელმაც რესპუბლიკელი კანდიდატის, ტრამპის მკვლელობა სცადა, თავად ოფიციალურად დარეგისტრირდა რესპუბლიკური პარტიის მხარდამჭერად.

თუმცა, სამი წლის წინ მან თანხა  – $15 შესწირა ორგანიზაცია ActBlue-ს, რომელიც მხარს უჭერს დემოკრატიულ პარტიას. ამერიკული პრესის ცნობით, მკვლელობის დროს კრუქსს ეცვა მაისური Demolition Ranch-ის ლოგოთი. ეს არის YouTube არხი მილიონობით გამომწერით, რომელიც აქვეყნებს ვიდეოებს იარაღითა და ასაფეთქებელი მოწყობილობებით.

სამართალდამცავებმა აღმოაჩინეს, რომ იარაღი, რომელიც თომას კრუქსმა გამოიყენა სროლისას,  მამამისმა ექვს თვეზე მეტი ხნის წინ ლეგალურად იყიდა. ამის შესახებ Associated Press ანონიმურ წყაროებზე დაყრდნობით წერს.

მოტივები უცნობია

”ჩვენ ვერ დავადგინეთ მისი მოტივი ამ დროისთვის,” – თქვა კევინ როჟეკმა, FBI-ის პიტსბურგის ოფისის ხელმძღვანელმა შაბათს გამართულ ბრიფინგზე.

მისი თქმით, გამოძიება შეიძლება რამდენიმე თვე გაგრძელდეს და გამომძიებლები ძალ-ღონეს არ დაიშურებენ, რათა გაარკვიონ, თუ რამ აიძულა კრუქსი ტრამპისთვის ესროლა.

თომასის მამამ, მეთიუ კრუქსმა, CNN-თან ინტერვიუში თქვა, რომ მას აბსოლუტურად არ აქვს წარმოდგენა რა მოხდა და მან უნდა ისაუბროს სამართალდამცავებთან, სანამ შვილზე პრესასთან ისაუბრებს.

მკვლელობის მცდელობის შემდეგ, კვირას ღამით, პოლიციამ ალყა შემოარტყა კრუქსის სახლს და მიმდებარე სახლებს და სასწრაფოდ მოახდინა მათი მეზობლების ევაკუაცია. ადგილობრივმა პოლიციამ განმარტა, რომ ამის მიზეზი კრუქსის სახლში სახლში ასაფეთქებელი მოწყობილობების აღმოჩენა გახდა.

საქართველოს პრემიერ–მინისტრი აშშ–ს პრეზიდენტობის კანდიდატზე, დონალდ ტრამპზე განხორციელებულ თავდასხმას გლობალურ ომის პარტიას უკავშირებს, თუმცა მხოლოდ ქართული აუდიტორიისთვის განკუთვნილ განცხადებაში.

“გლობალური ომის პარტია მეთოდებს არ ცვლის. XXI საუკუნეში ლიბერალური ფაშიზმი, რადიკალიზმი, პოლარიზაცია, სიძულვილი და პოლიტიკოსებზე სისხლიანი თავდასხმები ამერიკაში თუ ევროპაში ჩვეულებრივ მოვლენად აქციეს. სოლიდარობას ვუცხადებ და ჯანმრთელობას ვუსურვებ დონალდ ტრამპს.“– დაწერა კობახიძემ ფეისბუქზე.

ფეისბუქზე ქართულ ენაზე გამოქვეყნებული მისი ეს განცხადება განსხვავდება სოციალურ ქსელ X-ზე (ყოფილი ტვიტერი) გამოქვეყნებული ტექსტისგან, სადაც გლობალური ომის პარტია ნახსენები არ არის.

“ძალადობას პოლიტიკაში ადგილი არ აქვს და ჩვენ მის ყველანაირ ფორმას ვგმობთ. პრეზიდენტ ტრამპს ვუსურვებ სწრაფ და სრულ გამოჯანმრთელებას. ჩემი ფიქრები ახლა მის და მისი ოჯახის გვერდითაა. ჩვენ ამერიკელი ხალხის გვერდით ვდგავართ!” – ეს ტექსტი კობახიძის ტვიტერის ოფიციალურ გვერდზე ინგლისურად გამოქვეყნდა.

სროლის ხმა გაისმა აშშ-ს საპრეზიდენტო კანდიდატის დონალდ ტრამპის სიტყვით გამოსვლისას პენსილვანიის საარჩევნო კამპანიის ფარგლებში გამართულ მიტინგზე. ტრამპმა სიტყვა შეწყვიტა და სცენა დატოვა.

მალევე გავრცელდა ინფორმაცია სამართალდამცავ წყაროებზე დაყრდნობით, რომ მსროლელი „განეიტრალებულია“. მოგვიანებით ოლქის პროკურორმა ოფიციალურად განაცხადა, რომ  მსროლელი მოკლეს, ასევე მოკლულია აქციის მინიმუმ ერთი მონაწილე.

სროლის დაწყებისთანავე, ტრამპი ტრიბუნისკენ დაიხარა, მასთან მცველები მივარდნენ და წაიყვანეს.

ვიდეო კადრებში ჩანდა, რომ ტრამპის მარჯვენა ყური სისხლით იყო მოსვრილი.

რესპუბლიკური პარტიის საპრეზიდენტო კანდიდატი  მხარდამჭერებს ბატლერში, პენსილვანიის შტატში მიმართავდა სიტყვით,  რომელიც გადამწყვეტი შტატია ნოემბრის არჩევნებში.

ტრამპის უკან მისი მხარდამჭერები იდგნენ პლაკატებით. სროლის ხმის გაგონებისთანავე ისინიც დაიხარნენ.

კადრების მიხედვით თუ ვიმსჯელებთ, ხალხიდან მხრიდან სროლა მაშინ გაისმა, როცა   ტრამპი აშშ-ში არალეგალური მიგრანტების რაოდენობაზე საუბრობდა.

ტრამპის სპიკერმა სტივენ ჩანგმა განაცხადა, რომ ყოფილი პრეზიდენტი იმყოფება საავადმყოფოში, სადაც ექიმები მის მდგომარეობას აფასებენ. „პრეზიდენტი ტრამპი მადლობას უხდის სამართალდამცავებს და საგანგებო სიტუაციების თანამშრომლებს ამ საშინელი მოვლენის დროს სწრაფი რეაგირებისთვის. ის კარგად არის და ადგილობრივ საავადმყოფოში გადის გამოკვლევას“.

ტრამპის დაცვაზე პასუხისმგებელი საიდუმლო სამსახურის წარმომადგენლის თქმით, ექს-პრეზიდენტი უსაფრთხოდ არის და მომხდარზე გამოძიება დაიწყო.

პირველი რეაქცია

პენსილვანიის გუბერნატორმა, დემოკრატმა ჯოშ შაპირომ განაცხადა, რომ შტატის პოლიცია ადგილზე მუშაობს ფედერალურ სააგენტოებთან ერთად. „ძალადობა ნებისმიერი პოლიტიკური პარტიის ან პოლიტიკოსის მიმართ სრულიად მიუღებელია“, – განაცხადა შაპირომ. “მას ადგილი არ აქვს პენსილვანიაში და შეერთებულ შტატებში.”

ისრაელის პრემიერ მინისტრი ბენიამინ ნეთანიაჰუ იყო ერთ-ერთი პირველი უცხოელი ლიდერი, რომელმაც რეაგირება მოახდინა მომხდარზე. „მე და სარა შოკირებული ვართ პრეზიდენტ ტრამპზე თავდასხმით, ჩვენ ვლოცულობთ მისი უსაფრთხოებისთვის და სწრაფად გამოჯანმრთელებისთვის“, დაწერა მან X-ზე (ყოფილი Twitter).

პოლიტიკოსების მკვლელობის მცდელობები მთელ მსოფლიოში იზრდება

ექსპერტები აღნიშნავენ, რომ ბოლო დროს მთელ მსოფლიოში გაიზარდა პოლიტიკური მკვლელობის მცდელობებისა და სიკვდილით გამოწვეული მუქარის რიცხვი.

გასულ წელს კიტოში მოკლეს ეკვადორის საპრეზიდენტო კანდიდატი ფერნანდო ვილავიჩენსიო.

არგენტინის ვიცე-პრეზიდენტი კრისტინა ფერნანდეს დე კირშნერი მკვლელობის მცდელობას გადაურჩა, რადგან თავდამსხმელის იარაღი გაიჭედა.

იაპონიის პრემიერ მინისტრი შინზო აბე თვითნაკეთი იარაღით მოკლეს.

ამ წლის დასაწყისში სამხრეთ კორეის ოპოზიციის ლიდერი ლი ჯე-მიუნგი კისერში დაიჭრა, გაზაფხულზე კი სლოვაკეთის პრემიერ-მინისტრი რობერტ ფიცო მკვლელობის მცდელობას გადაურჩა.

ასეთი გახმაურებული შემთხვევები აშშ-ში ჯერ არ ყოფილა, მაგრამ ამერიკელი მაღალჩინოსნების მიმართ მუქარა გახშირდა.

New York Times იტყობინება, რომ გასულ წელს პოლიციამ გამოიძია რვა ათასზე მეტი მუქარა კონგრესის წევრების მიმართ და მუქარა განხორციელდა ფედერალური მოსამართლეების მიმართაც.

გასული წლის ოქტომბერში ამერიკელების თითქმის მეოთხედი დაეთანხმა განცხადებას, რომ „პატრიოტებს შესაძლოა ძალადობა მოუწიოთ ქვეყნის გადასარჩენად“ (ეს არის ყველაზე მაღალი მაჩვენებელი  ბოლო სამი წლის განმავლობაში).

კონსტიტუციონალისტი ვახუშტი მენაბდე განიხილავს რამდენიმე ვერსიას, როგორ შეიძლება პარლამენტში პროცესები განვითარდეს მას შემდეგ, რაც სალომე ზურაბიშვილმა რუსულ კანონს ვეტო დაადო. ვახუტში  მენაბდე წერს, არსებობს რამდენიმე ვარიანტი:

კანონზე მოტივირებული შენიშვნები ჯერ არ გამოქვეყნებულა. სალომე ზურაბიშვილმა რუსულ კანონს  ვეტო გუშინ  დაადო. ამის შესახებ მან რეზიდენციაში გამართულ ბრიფინგზე განაცხადა და თქვა, რომ კანონპროექტი, რომელიც მმართველმა პარტიამ მიიღო რამდენიმე ოპოზიციონერ დეპუტატთან ერთად, არის „რუსული კანონი“.

„დღეს დავადე ვეტო რუსულ კანონს. ეს კანონი არის თავისი არსით, სულისკვეთებით რუსული კანონი, რომელიც ეწინააღმდეგება ჩვენს კონსტიტუციას და ეწინააღმდეგება ყველა ევროპულ სტანდარტს. ამდენად, წარმოადგენს შეფერხებას ჩვენს ევროპულ გზაზე. ეს ვეტო არის სრულიად გამართული იურიდიულად და დღესვე გადაეცემა პარლამენტს. ეს კანონი არ ექვემდებარება არავითარ ცვლილებას, გაუმჯობესებას. ამდენად, არის ძალიან მარტივი ვეტო – ეს კანონი უნდა გაუქმდეს“, – განაცხადა სალომე ზურაბიშვილმა.

სალომე ზურაბიშვილმა “საერთაშორისო გავლენის გამჭვირვალობის შესახებ“ კანონს, ვეტო დაადო. პრეზიდენტმა ამის შესახებ სპეციალურ ბრიფინგზე განაცხადა. სალომე ზურაბიშვილმა თქვა, რომ ვეტო იურიდიულად გამართულია, თუმცა ის არ ემსახურება კანონის გაკეთილშობილებას.  “ეს კანონი უნდა გაუქმდეს”- თქვა სალომე ზურაბიშვილმა.

„დღეს დავადე ვეტო რუსულ კანონს. ეს კანონი არის თავისი არსით, თავისი სულისკვეთებით რუსული კანონი, რომელიც ეწინააღმდეგება ჩვენ კონსტიტუციას და ყველა ევროპულ სტანდარტს და წარმოადგენს შეფერხებას ევროპულ გზაზე. ვეტო სრულიად გამართულია იურიდიულად და დღესვე გადაეცემა პარლამენტს. კანონი არ ექვემდებარება არავითარ ცვლილებას, არავითარ გაუმჯობესებას. ეს კანონი უნდა გაუქმდეს“, – განაცხადა პრეზიდენტმა.

ქართული ოცნება ბოლო კვირაა აცხადებს, რომ მზად არის პრეზიდენტის მოტივირებული შენიშვნები გაითვალისწინოს და კანონში ცვლილებები შეიტანოს, თუმცა სალომე ზურაბიშვილმა რამდენჯერმე თქვა, რომ არ აპირებს ოცნებას კანონის გაკეთილშობილბაში დაეხმაროს.

ახლა ოცნებას ორი არჩევანი აქვს: ან ვეტო დაძლიოს და ის კანონი აამოქმედოს, რომელსაც მრავალათასიანი საპროტესტო აქციები, დასავლეთის კრიტიკა და სანქციების მუქარა მოჰყვა, ან ვეტო არ დაძლიოს და კანონი ჩააგდოს.

4 ივნისს, საქართველოში მიმდინარე მოვლენების შესახებ ჰელსინკის კომისიის ფარგლებში აშშ-ის კონგრესში მოსმენა გაიმართება, – ამის შესახებ განცხადებას აშშ-ის ჰელსინკის კომისია ავრცელებს.

„რუსული სტილის „უცხოური აგენტების შესახებ“ კანონის ამჟამინდელი მიღება მმართველი „ქართული ოცნების“ მთავრობის აშკარა ანტიდასავლურ ნაბიჯს და მის რუსეთთან, ისევე როგორც სხვა ავტორიტარულ ძალებთან, როგორიც ჩინეთია, იმავდროულ დაახლოებას ასახავს. სამი ათწლეულის განმავლობაში არსებული პროდასავლური, დემოკრატიული და ევროატლანტიკური სტრატეგიული პროგრამის შემდეგ, ამ და კრემლის მიერ შთაგონებული სხვა კანონების მიღებით საქართველოს მთავრობა საქართველოს მოსახლეობის აბსოლუტური არჩევანის მიმართ ნდობას აშკარად და უხეშად არღვევს. „ქართული ოცნების“ მთავრობის ამ სტრატეგიულმა ვექტორის ცვლილებამ მთელი ქვეყნის მასშტაბით რამდენიმე კვირის განმავლობაში მასობრივი საპროტესტო აქციები გამოიწვია და იგი ქვეყანაში უკვე არსებულ მყიფე პოლიტიკურ და სოციალურ მდგომარეობას არყევს“, – ნათქვამია განცხადებაში.

ჰელსინკის კომისიის განცხადებაში აღნიშნულია, რომ მოსმენის „საქართველოს სუვერენიტეტისა და დემოკრატიის მხარდაჭერა“ ფარგლებში, ჩვენებას „ღია საზოგადოების ფონდის“ ევროინტეგრაციის პროგრამის ხელმძღვანელი, ივანე ჩხიკვაძე, ევროკავშირში საქართველოს ყოფილი ელჩი და „ჩეთემ ჰაუსის“ უფროსი მკვლევარი, ნატალი საბანაძე და საქართველოში აშშ-ის ყოფილი ელჩი და „რენდის კორპორაციის“ უფროსი მკვლევარი, უილიამ კორტნი მისცემენ.

„აღნიშნული მოსმენის ფარგლებში წამყვანი ექსპერტები საქართველოში განვითარებული მოვლენების, საქართველოს დემოკრატიასა და სუვერენიტეტზე მისი გავლენის და აშშ-ის შესაძლო პოლიტიკური პასუხების შესახებ ჩვენებას მისცემენ“, – წერია განცხადებაში.