Category: არქივი

{{ARTICLEIMAGE}}

საქართველოს საელჩომ გერმანიაში განაცხადა, რომ ოკუპირებული ცხინვალის რეგიონის რეჟიმის წარმომადგენლის, დიმიტრი მედოევის ინტერვიუს გამო, კომუნიკაცია ჰქონდა გერმანულ გამოცემა “ნოიეს დოიჩლანდთან,” რომელსაც მიეწოდა დეტალური ინფორმაცია ცხინვალის რეგიონის სამართლებრივი სტატუსის შესახებ. ამ გამოცემასთან ინტერვიუში მედოევი აცხადებს, რომ ყაზბეგი “ისტორიულ აღმოსავლეთ ოსეთს წარმოადგენს, ეს სამხრეთ ოსეთის რესპუბლიკის უმაღლესი ხელმძღვანელობის მკაფიო პოზიციაა და ადრე თუ გვიან ეს ტერიტორიები ოს ხალხს დაუბრუნდება.”

საქართველოს საელჩოს განცხადებაში, რომელიც საზოგადოებრივმა მაუწყებელმა გაავრცელა, ნათქვამია, რომ ინტერვიუს ავტორი, ჟურნალისტი დავიდ ნოაკი სტატიებს აქვეყნებს ძირითადად, მემარცხენე ორიენტაციის გამოცემებში და 2012 წლიდან არის ორგანიზაცია “რუსეთის ხალხების ბერლინელი მეგობრების” წევრი და აქტიური მხარდამჭერი. საელჩოს ინფორმაციით, თავად გამოცემა “ნოიეს დოიჩლანდი” დაბალტირაჟიანი მედიასაშუალებაა და სხვადასხვა უწყების მიერ მიჩნეულია გამოცემად, რომელიც აშკარად ავლენს მემარცხენე-რადიკალურ მიდრეკილებას. საქართველოს საელჩოს ცნობითვე, ამ გამოცემის სტატიები გამოირჩევა რუსეთის მიმართ დადებითი განწყობით და ძირითადად, გაჟღერებულია მოსაზრებები, რომლებიც ამართლებს რუსეთის აგრესიულ ქმედებებს და ჰეგემონურ დამოკიდებულებას პოსტსაბჭოთა სახელმწიფოების მიმართ.

ნარკოდანაშაულის ბრალდებით თბილისის საჯარო ბაღის თანამშრომელი დააკავეს.

საჯარო ბაღის ყოფილ აღმზრდელს, რომელიც ნარკოდანაშაულისთვის დააკავეს, დირექტორი დადებითად ახასიათებს.

25-ე საჯარო საჯარო ბაღის დირექტორი, თიკო ნოზაძე აღნიშნავს, რომ ნარკოდანაშაულში ეჭვმიტანილს ძალიან თბილი ურთიერთობა ჰქონდა ბავშვებთან და ის ერთ-ერთ საუკეთესო აღმზრდელად ითვლებოდა.

დაკავებული ბაღში სამი წლის განმავლობაში მუშაობდა. სასამართლოს დასრულებამდე მას ახლა სტატუსი შეჩერებული აქვს.

შინაგან საქმეთა სამინისტროს ინფორმაციით, საჯარო ბაღის აღმზრდელი, 1975 წელს დაბადებული მ.რ. ნარკოდანაშაულისთვის 4 იანვარს დააკავეს, ამოღებულია 130 აბი სუბოტექსი. გამოძიება საქართველოს სსკ-ს 260-ე მუხლის მე-6 ნაწილის “ა” ქვეპუნქტით მიმდინარეობს, რაც განსაკუთრებით დიდი ოდენობით ნარკოტიკული საშუალების უკანონო შეძენა-შენახვას გულისხმობს. ბრალის დამტკიცების შემთხვევაში ძიძას 20 წლამდე ან უვადოდ თავისუფლების აღკვეთა ემუქრება.

ბრალდებულის ადვოკატი აცხადებს, რომ დაკავებული დანაშაულს არ აღიარებს.

ეკონომიკისა და მდგრადი განვითარების მინისტრის შეფასებით, ქვეყანაში ბევრი პრობლემაა, თუმცა საქართველოში კორუფცია ნამდვილად არ არის პრობლემა.  ამ კომენტარით მინისტრი ეროვნულ დემოკრატიული ინსტიტუტის კვლევას შეეხო, რომლის მიხედვითაც მოსახლეობა ამბობს, რომ სახელმწიფო უწყებებში კორუფცია სხვადასხვა ფორმით არსებობს. სასამართლოში, პოლიციაში, პარლამენტში, პროკურატურასა და საჯარო დაწესებულებებში კორუფციის ყველაზე გავრცელებული ფორმა კი ნეპოტიზმია და ვხვდებით ქრთამის აღებას, ბიუჯეტის ფლანგვას პირადი მიზნებისთვის, ოფიციალური ინფორმაციის და ანგარიშების გაყალბებას.

“ნახევარ წლამდე არის რაც ვმუშაობ სახელმწიფო სტრუქტურებში. მე არ შემიმჩნევია ასეთი შემთხვევა, სადაც იყო კორუფციული გარიგება და არც მსმენია არავისგან ამის შესახებ. ჩვენ გვაქვს ბევრი პრობლემა მთავრობაშიც, ქვეყანაშიც. ამ პრობლემებს ჩვენ ვწყვეტთ, მაგრამ ჩვენ შეგვიძლია ვთქვათ, რომ კორუფცია ნამდვილად არ არის ის პრობლემა, რომელიც ჩვენს ქვეყანაში არსებობს”,განაცხადა გიორგი ქობულიამ.

{{ARTICLEIMAGE}}
მამუკა კობახიძემ დაწერა განცხადება გადადგომასთან დაკავშირებით და მუშაობის გაგრძელებას “ყაზტრანსგაზ თბილისში” აპირებს, განაცხადა თბილისის ვიცე-მერმა, ირაკლი ხმალაძემ. 

მისივე ინფორმაციით, აქამდე მამუკა კობახიძე “ყაზტრანსგაზის” დირექტორად იყო დანიშნული, თუმცა ის დირექტორის უფლებამოსილებას არ ფლობდა, ვინაიდან “ყაზტრანსგაზი” დღეს იმყოფება სპეციალური მართვის რეჟიმში და დღემდე სახელმწიფოს მიერ დანიშნული სპეციალური მმართველი მართავს.

“თუმცა, როგორც ჩანს, სპეციალურ მმართველობასთან დაკავშირებით, “ყაზტრანსგაზში” განხორციელდება გარკვეული ცვლილებები და შესაბამისად, უახლოეს პერიოდში მამუკა კობახიძე დაიწყებს ამ კომპანიის მმართველობას. რაც შეეხება სატრანსპორტო კომპანიას, აქ ჩვენ დავნიშნეთ დროებითი დირექტორი გიორგი შარკოვი, რომელიც კომპანიას 3 თვის განმავლობაში უხელმძღვანელებს და ამ ვადის გასვლის შემდეგ უკვე თბილისის მერია მიიღებს გადაწყვეტილებას დირექტორის დანიშვნასთან დაკავშირებით”, ამბობს ირაკლი ხმალაძე.

(more…)