Category: არქივი

შინაგან საქმეთა სამინისტრომ ფონიჭალაში ნარკორეალიზატორი დააკავა. ნარკოტიკული საშუალების უკანონო შეძენა-შენახვა-გასაღების ბრალდებით დაკავებულია 1987 წელს დაბადებული პირი. გამოძიებამ დაადგინა, რომ ბრალდებული ნარკოტიკებს სისტემატურად ყიდდა. პოლიციის მიერ ნივთმტკიცებად ამოღებულია მის მიერ გაყიდული რამდენიმე შეკვრა ნარკოტიკული საშუალება. დანაშაული 8-დან 20 წლამდე ვადით ან უვადო პატიმრობას ითვალისწინებს.

ქართული ოცნების ოფისში უმრავლესობის შეკრება დაიწყო. წინასწარ დაანონსებული ერთადერთი თემა მოსამართლეების შერჩევის საკითხია. როგორც უმრავლესობის წევრები ამბობენ, დღეს კონკრეტულად მოსამართლეთა შერჩევის კრიტერიუმებზე არ იმსჯელებენ, თუმცა იმსჯელებენ იმ პრინციპებზე, რომოლითაც მოსამართლეების შერჩევა, წარდგენა და პარლამენტში დამტკიცება უნდა მოხდეს.სხდომას ესწრება პარტიის თავმჯდომარე, ბიძინა ივანიშვილი. სხდომას ესწრებიან ეკა ბესელია და ირაკლი კობახიძეც.

სხდომის დაწყებამდე ეკა ბესელიამ განაცხადა, რომ მისთვის მნიშვნელოვანია ოთხი საკითხი: სამუშაო ჯგუფის ფორმატის ცვლილება, რომ მოსამართლეთა შერჩევის კრიტერიუმებზე და პროცედურებზე იმსჯელონ კანონმდებლებმა და არ მოხდეს ამ პროექტის დაწერა იმ მოსამართლეების მიერ, ვისაც ინტერესთა კონფლიქტი აქვთ. შეჩერდეს მოსამართლეთა უვადოდ დანიშვნა. კრიტერიუმები და პროცედურა შემუშავდეს პარლამენტში. მეოთხე საკითხი ბესელიას განცხადებით იურიდიული კომიტეტის თავმჯდომარის საკითხია. სხდომაზე საავრაუდოდ ეკა ბესელიას პირადი ცხოვრების ამსახველი კადრების გავრცელების

საკითხსაც განიხილავენ. უმრავლესობის წევრებს შორის დაპირისპირება, რომელიც უმრავლესობის წინა შეხვედრაზე თითქოს დარეგულირდა დღესაც იქნება განხილვის თემა, რადაგნ სწორედ წინა შეკრების შემდეგ იყო მოსამართლეთა სკანდალური კონფერენცია, მოსამართლე გვრიტიშვილის სკანდალური სატელვიზიო გამოსვლა და ეკა ბესელიას პირადი კადრების გავრცელება, რასაც მისი მწვავე შეფასებები მოჰყვა არა მხოლოდ მოსამართლეების,არამედ საკუთარი გუნდის წევრების მიმართაც.

(more…)

შეხვედრა პრეზიდენტთან, პრეზიდენტის გარეშე. სალომე ზურაბიშვილმა არასამთავრობო ორგანიზაციების წარმომადგენლები რეზიდენციაში შეხვედრაზე მიიწვია, თუმცა მისასალმებელი სიტყვის წარმოთქმის შემდეგ დარბაზი დატოვა. სალომე ზურაბიშვილს არასამთავრობო ორგანიზაციების წარმომადგენლებთან ცილისწამების შესახებ კანონის გამკაცრებაზე უნდა ემსჯელა. მესამე სექტორში ამბობენ, რომ ვერ გაიგეს რისთვის დაიბარა ისინი პრეზიდენტმა, თუ მათთან საუბარი არ სურდა

არასამთავრობო ორგანიზაციების მიერ გამოთქმული უკმაყოფილება პრეზიდენტის ადმინისტრაციისთვის გაუგებარია. ადმინისტრაციის უფროსის მოადგილე, ქეთევან მახარაშვილი ამბობს, რომ მათ ცილისწამების შესახებ კანონპროექტთან დაკავშირებით არასამთავრობო ორგანიზაციებისგან რეკომენდაციების მოსმენა და მსჯელობის პროცესში მათი თავიდანვე ჩართვა სურდათ, რისი პრაქტიკაც აქამდე არ არსებობდა.

{{VIDEO}}

საქართველოს საპატრიარქომ გამოაქვეყნა მიმართვა, რომელიშიც მოსკოვის საპატრიარქოს მიტროპოლიტ ილარიონს პასუხობს. მიტროპოლიტმა ილარიონმა ერთ–ერთ ინტერვიუში საქართველოს თემატიკაზე ისაუბრა, რაც საქართველოს საპატრიარქოს აზრით საზოგადოების ნაწილმა უხეშ ზეწოლად აღიქვა.

გთავაზობთ საპატრიარქოს განცხადების სრულ ტექსტს:

გადაცემაში „ეკლესია და მსოფლიო“ მოსკოვის საპატრიარქოს საგარეო ურთიერთობების განყოფილების თავმჯდომარის, მიტროპოლიტ ილარიონის (ალფეევი) ინტერვიუს იმ ნაწილმა, სადაც მეუფე საქართველოს თემატიკას ეხება, მძიმე შთაბეჭდილება დატოვა მთელს საზოგადოებაზე, რადგან იგი აღქმულ იქნა ერთგვარ უხეშ ზეწოლად და დავალდებულებად.

ჟურნალისტის შეკითხვას იმის შესახებ, საქართველოს მხრიდან უკრაინის ახლადგამოცხადებული ეკლესიის აღიარების შემთხვევაში, მოყვება თუ არა მოსკოვის საპატრიარქოსაგან აფხაზეთისა და ცხინვალის რეგიონში საეკლესიო სტატუსის გადახედვა, მიტროპოლიტმა ილარიონმა არ გასცა პირდაპირი პასუხი და ნაცვლად ამისა, ბუნდოვნად ისაუბრა საქართველოს ეკლესიისიისთვის მოსალოდნელ საფრთხეებზე. მაშინ, როდესაც, ცხინვალის რეგიონში, რუსეთის სამხედრო ბაზაზე, ჩვენთან სრულიად შეუთანხმებლად, შენდება ტაძარი, ხოლო აფხაზეთის ტერიტორიაზე პერიოდულად საეკლესიო მსახურებას არაკანონიკურად აღასრულებენ რუსეთის ეკლესიის იურისდიქციაში მოქმედი სასულიერო პირები, ინტერვიუში დატოვებული ორაზროვნება, ბუნებრივია, მუქარის შინაარსს იძენს.

შევნიშნავთ იმასაც, რომ მიტროპოლიტმა ილარიონმა, სრულიად არასწორად გააკეთა აქცენტი კრეტის კრებაზეც და დიპტიხთან დაკავშირებითაც. მან თქვა, თითქოს ჩვენდამი სოლიდარობაც იყო მიზეზი იმისა, რომ რუსეთის ეკლესია ამ კრებაზე არ წავიდა. ჩვენ არ ვიცით, რა მიზეზებმა განაპირობა მათი გადაწყვეტილება, მაგრამ ფაქტი ერთია, საქართველოს ეკლესიას თავისი პოზიციის გამო მხარდსაჭერად არავისთვის მიუმართავს. ასევე ის, რომ მოსკოვის საპატრიარქო დიპტიხში მე 6 ადგილზე გვიხსენიებს, ხოლო კონსტანტინოპოლი,- მე 9 ზე, არ ნიშნავს, რომ ამის გამო მოსკოვის საპატრიარქოს პოზიცია სავალდებულოდ გასათვალისწინებელია.

როგორც კრეტის კრებასთან მიმართებაში, ასევე უკრაინის საკითხთან დაკავშირებით, საქართველოს ეკლესია ყოველთვის ცდილობდა პოზიცია არ განესაზღვრა პოლიტიკური ნიშნით და პოლიტიკური პროცესებიდან გამომდინარე, არამედ ეყრდნობოდა და ეყრდნობა საეკლესიო კანონიკასა და სახარებისეულ სწავლებას. ვხელმძღვანელობთ რა ამ პრინციპით, დღეს არსებულ ვითარებაში, ჩვენ, ჩენი შესაძლებლობისამებრ, ვზრუნავთ მართლმადიდებელთა ერთობისათვის და დაძაბულობის განმუხტვისათვის, რაც მიგვაჩნია პირველი რიგის ამოცანად ყველა ეკლესიისთვის. P.S. როგორც ახლახანს საქართველოს ეკლესიის წარმომადგენლებმა მოსკოვიდან შეგვატყობინეს, ისინი შეხვდნენ მიტროპოლიტ ილარიონს და სთხოვეს განმარტება ინტერვიუსთან დაკავშირებით.

“მეუფის განცხადებით, საშიშროებაში იგი გულისხმობდა იმ პრობლემებს, რომელიც, ტომოსის აღიარების შემთხვევაში დაუდგება არაერთ ეკლესიას, მათ შორის, საქართველოსასაც და არ ლაპარაკობდა აფხაზეთისა და სამაჩაბლოს რუსეთის ეკლესიის იურისდიქციად გამოცხადების საფრთხეზე. გვაცნობეს ისიც, რომ იგი მზად იყო ჩვენი რომელიმე არხისთვის განმარტების მისაცემად, მაგრამ საქართველოს ტელევიზიის არცერთი ჯგუფი ამჟამად მოსკოვში არ იმყოფებოდა.

საქართველოს ყოფილი პრეზიდენტის, მიხეილ სააკაშვილის განცხადებით, პირადი ცხოვრება მისთვის ხელშეუხებელია, ივანიშვილისთვის კი ეს მართვის ინსტრუმენტია. ამ შინაარსის ვიდეომიმართვა ექს-პრეზიდენტმა სოციალურ ქსელში გაავრცელა.

“ჩვენ ვაქვეყნებდით კადრებს, როგორ ცეკვავდა ამერიკის პრეზიდენტი კადრებში, ივანიშვილი აქვეყნებს ბესელიას კადრებს”, ამბობს სააკაშვილი. 

საქართველოს ყოფილი პრეზიდენტი, მიხეილ სააკაშვილი მიმდინარე მოვლენებზე საუბრისას, მათ შორის პირადი ცხოვრების კადრების გავრცელების თემაზე, ძველ ებრაულ გამოთქმას “ქართული ოცნების” ქმედებებს არგებს. სააკაშვილი ბესელიას “კორუფციის დედას და მამაშას” უწოდებს. “ერთი ფაქტი გახსოვთ, რომ ჩემ დროს პირადი ცხოვრების კადრები გასაჯაროებულიყოს?! სამაგიეროდ, ივანიშვილი მოვიდა და გამოაგდეს კადრები. “ხომ არ ბნელა? ან ივანიშვილია იდიოტი, ან ყველა ვგონივართ იდიოტები”, ამბობს სააკაშვილი. მისი თქმით, ივანიშვილი “ქართუში” ყველა თანამშრომელს უსმენდა, ბესელიას კი სპეცრაზმელის სიკვდილს არ აპატიებს”.