newsreport.ge

Category: არქივი

  • ჩვენი მტკიცებულებები საკმარისია, რომ დამნაშავეებს ბრალი წარედგინოთ – ბაჩანა შენგელია

    ზუგდიდის მე-6 საჯარო სკოლაში ჩატარებულ ინსპექტირებასთან დაკავშირებით დაწყებული გამოძიების ფარგლებში, მთავარ პროკურატურაში მოწმის სახით ია კერზაიას შვილი, ბაჩანა შენგელია გამოიკითხა. გარდაცვლილის შვილი 4 საათის განმავლობაში პროკურორებს იმ დეტალებზე ესაუბრა, რომლითაც, მისი თქმით, ია კერზაის გარდაცვალების საქმეზე კონკრეტული პირების პასუხისმგებლობის საკითხი იკვეთება.

    “ვისაუბრეთ საქმის აბსოლუტურად ყველა დეტალზე, საქმის ახალ გარემოებებზეც, ახალ პირებზეც, ვისი ბრალეულობაც გამოიკვეთა ამ საქმეში. ვისაუბრეთ განათლების მინისტრის როლზე ამ საქმეში და მისი გამოკითხვა მოვითხოვეთ. სრულიად საკმარისია ის მტკიცებულებები, რაც წარვადგინეთ და რასაც კიდევ წარვადგენთ, ბრალი წარედგინოს დამნაშავე პირებს, საუბარია მაღალი თანამდებობის პირებზეც”, განაცხადა ბაჩანა შენგელიამ პროკურატურაში გამოკითხვის შემდეგ. გარდაცვლილი დირექტორის შვილი ამბობს, რომ ეს იყო ეს იყო პოლიტიკური დევნა და პოლიტიკური ანგარიშსწორება.


    პროკურატურის განცხადებით, გამოძიება დაიწყო უფლებამოსილების შესაძლო ბოროტად გამოყენების ფაქტზე, საქართველოს სისხლის სამართლის კოდექსის 332-ე მუხლის პირველი ნაწილით: “    საქმეზე მიმდინარე გამოძიების პროცესში, ჩატარდება ყველა აუცილებელი საგამოძიებო და საპროცესო მოქმედება. ჩატარებული გამოძიების შედეგების შესახებ კი დამატებით ეცნობება საზოგადოებას”.

  • კაფე ახალი მზიურის გაქურდვის ახალი დეტალები

    შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს პოლიციის სამმართველოს თანამშრომლებმა, წინასწარი შეთანხმებით ჯგუფის მიერ ჩადენილ ქურდობის ფაქტზე ამხილეს 4 არასრულწლოვანი: 2004 წელს დაბადებული გ.ვ., 2005 წელს დაბადებული ს.დ., 2002 წელს დაბადებული ა.ჩ. და 2004 წელს დაბადებული მ.ბ. – ამ ინფორმაციას შსს ავრცელებს.

    ამავე წყაროს ცნობით, გამოძიებით დადგინდა, რომ მხილებულმა არასრულწლოვნებმა თბილისში, პარკ “მზიურში” სოციალური კაფე “ახალი მზიური” გაქურდეს, საიდანაც ლეპტოპი, მობილური ტელეფონი, აიპადი და 178 ლარის მოიპარეს, რის შემდეგაც შემთხვევის ადგილიდან მიიმალნენ.

    დადგინდა, რომ არასრულწლოვნებმა, ასევე, გაქურდეს მაღაზია “აიტექნიკი”, საიდანაც სხვადასხვა სახის ტექნიკა მოიპარეს.

    სამართალდამცველებმა ნაქურდალი ნივთების ნაწილი ნივთმტკიცებად ამოიღეს.

    გამოძიება წინასწარი შეთანხმებით ჯგუფის მიერ ჩადენილ ქურდობის ფაქტზე მიმდინარეობს, საქართველოს სისხლის სამართლის კოდექსის 177-ე მუხლის მე-2 ნაწილის “ა” და “ბ” ქვეპუქტებით, მე-3 ნაწილის “ა” ქვეპუნქტით და მე-4 ნაწილის “ბ” ქვეპუნქტით.

  • ზაზა სარალიძე: პროკურორისგან პასუხები ვერ მივიღეთ

    ისევ პასუხგაუცემელი კითხვები და დაპირებები შვილმოკლულ მამას. პროკურატურაში მთავარ პროკურორს, ხორავას ქუჩის საქმის პროკურორებსა და ზაზა სარალიძეს შორის რამდენიმესაათიანი შეხვედრა დასრულდა. ზაზა სარალიძე ამბობს, რომ საგამოძიებო უწყება კვლავ ცდილობს 2017 წლის პირველ დეკემბერს მოზარდების ჩხუბის ერთ-ერთი მთავარი ფიგურანტი მიხეილ კალანდია საქმიდან გაიყვანოს. ზაზა სარალიძის თქმით, შეხვედრაზე არაერთი კითხვა დასვა, თუმცა პასუხები კვლავ ვერ მიიღო. თუმცა უთხრეს, რომ მისი შვილის მკვლელობის საქმის გამომძიებლების მიმართ სამსახურებრივ გადაცდომებზე მოკვლევა უკვე დაწყებულია.

    ზაზა სარალიძემ შალვა თადუმაძისგან კიდევ ერთი შეთავაზება მიიღო. ორშაბათიდან საქმის მასალებთან წვდომის უფლებას კიდევ ერთხელ მიირებს სარალიძის უფლებადამცველი, რის შემდეგაც შვილმოკლული მამა საგამოძიებო უწყებაში ისევ მივა.

    ზაზა სარალიძეს მხარდაჭერა კიდევ ერთხელ გამოუცხადა ევროპული საქართველოს ლიდერმა. პროკურატურაში დღეს გიგი უგულავაც მივიდა. ის ამბობს, რომ აუცილებელია ხელისუფლებამ მკვლელების მფარველობა შეწყვიტოს.

    ვინ მოკლა 2017 წლის პირველ დეკემბერს ხორავას ქუჩაზე დავით სარალიძე და რა ეტაპზეა გახმაურებული საქმის ხელახალი გამოძიება ისევ უცნობია. შეგახსენებთ, საქალაქო სასამართლომ ამ საქმეზე დაკავებულ პირს პატიმრობა დავით სარალიძის მკვლელობის მცდელობისთვის მიუსაჯა, ერთი პირი კი გაამართლა.

  • მინისტრის “რჩევა” ადამიანს, რომელსაც 2-ათასი ლარი აქვს შემოსავალი და ბინას ვერ ყიდულობს – ქობულია პარლამენტში

  • ლარს და სიღარიბეს ვერ უშველეთ, რა გარანტია გვაქვს, რომ ფულს სწორად დააბანდებთ – ოპოზიცია ქობულიას

  • ეკონომიკის მინისტრი “გაზპრომთან” ხელშეკრულებაზე

    “გაზპრომთან” ხელშეკრულების თემაზე პარლამენტში მინისტრს დაუსვეს შეკითხვა.

  • “თქვენ, შეძლებული ადამიანი თქვენი ნებით ფულს არ დებთ, სხვებს კი აძალებთ – კამათი პარლამენტში

  • ჯერ ოპოზიციამ დაამუშავოს მინისტრი, მერე ჩვენ რეაბილიტაცია ჩავუტაროთ – ეკონომიკის მინისტრი პარლამენტში

  • ბრაიზა ივანიშვილის “რუს მეგობრებსა” და მათ “გეგმებზე”

    აშშ-ის სახელმწიფო მდივნის მოადგილის ყოფილი თანაშემწე, მეთიუ ბრაიზა რომელსაც ეს თანამდებობა მიხეილ სააკაშვილის პრეზიდენტობის დროს ეკავა, საქართველოში მიმდინარე მოვლენებს ახლა ევროპიდან ადევნებს თვალს. გაეცნო ლიეჟში განვითარებულ მოვლენებსაც, თუმცა მოკლე კომენტარით შემოიფარგლა, მმართველი პარტიის ბიზნესმენი ლიდერის, ბიძინა ივანიშვილის მიმართ ოპოზიციის კრიტიკაზე კი ამბობს, რომ ივანიშვილის “რუს მეგობრებს შესაძლოა, აქვთ გარკვეული გეგმები, თუმცა გადამწყვეტი ქართველი ხალხის არჩევანია”.

    “ვფიქრობ, ბატონი ივანიშვილის მეგობრები და კოლეგები რუსეთში იმედოვნებენ, რომ ქართველ ლიდერს (ივანიშვილი) შეუძლია, გამოიყენოს თავისი ფინანსური და პოლიტიკური რესურსი, მოახდინოს გავლენა და შეანელოს საქართველოს ინტეგრაცია ტრანსატლანტიკურ საზოგადოებაში.

    მაგრამ საქართველოს მოქალაქეეები უფროდაუფრო ახლო ურთიერთობას ამყარებენ ევროპასთან და ამერიკის შეერთებულ შტატებთან. გეოგრაფიული და კულტურული თვალსაზრისით საქართველო ყოველთვის იყო ევროპის ნაწილი, მიუხედავად იმისა, რომ ის არ არის NATO-ს და ევროკავშირის წევრი, თუმცა – ჯერჯერობით”,ამბობს ამერიკელი დიპლომატი Newsrepot.ge-სთან.

    რაც შეეხება საქართველოში ექსპრეზიდენტის დაბრუნების თემას:

    “როგორც თავად ყოფილმა პრეზიდენტმა, მიხეილ სააკაშვილმაც აღნიშნა, ის საბოლოოდ საქართველოში აპირებს დაბრუნებას, თუმცა აცნობიერებს, რომ ახლა შესაფერისი დრო არ არის”,ამბობს მეთიუ ბრაიზა.

  • მმართველ გუნდში დაპირისპირება პრემიერისთვის “ნორმალური მოვლენაა”

    “ქართული ოცნებაში” სასამართლოს საკითხზე არსებულ დაპირისპირებას პრემიერ-მინისტრი ნორმალურ მოვლენას უწოდებს და აცხადებს, რომ ეს აზრთასხვადასხვაობაა, რომელსაც უნდა მივეჩვიოთ. მამუკა ბახტაძის თქმით. მმართველი პოლიტიკური გუნდის პოზიციაა, რომ მკაცრად გაიწეროს ის კრიტერიუმები, რომლითაც უვადო მოსამართლეების შერჩევა უნდა მოხდეს, ის პოლიტიკური პროცესი კი, რაც პარლამენტში მიმდინარეობს, მისი შეფასებით, ლოგიკურია და პლურალიზმი, ასეთი მნიშვნელოვანი რეფორმის განხილვისას, მისასალმებელია.

    “ძალიან ლოგიკურად მიმაჩნია ის, რაზეც საუბრობენ, რომ ობიექტური კრიტერიუმების და პროცედურების დადგენა არის ძალიან მნიშვნელოვანი წინაპირობა იმისთვის, რომ თითოეული მოქალაქე დარწმუნდეს, რომ ჩვენ გვაქვს მაღალი პროფესიონალური სტანდარტის მქონე პროცედურასთან საქმე. ეს არის ძალიან მნიშვნელოვანი. რაც შეეხება სახელსა და გვარებს, მე რა თქმა უნდა, როგორც მოქალაქეს შეიძლება მქონდეს ჩემი პირადი დამოკიდებულება ნებიმიერი ადამიანის მიმართ, მაგრამ კიდევ ერთხელ უნდა გავიმეორო, აღმასრულებელი ხელისუფლება არასდროს ჩაერევა კონკრეტული მოსამართლეების, მათი სახელების და გვარების მიხედვით დანიშვნა ან არ დანიშვნაში. ეს არის მიუღებელი და ეს წარსულს ჩაბარდა”, განაცხადა ბახტაძემ.