newsreport.ge

Category: არქივი

  • აფეთქებისას დაშავებულ ბავშვს სავარაუდოდ დღეს გაწერენ

    დიღმის მასივში მომხდარი  აფეთქებისას დაშავებულ ბავშვს საავადმყოფოდან სავარაუდოდ, დღესვე გაწერენ.

    დაშავებული  8 თვის ბავშვი იაშვილის კლინიკაში კიდევ რამდენიმე საათით,ექიმების დაკვირვების ქვეშ რჩება– ამის შესახებ ჟურნალისტებს იაშვილის კლინიკის გადაუდებელი დახმარების ექიმმა, ნათია თურქაძემ განუცხადა.

    ექიმის შეფასებით,ბავშვი კლინიკას სავარაუდოდ დღესვე დატოვებს.

    „სასწრაფო დახმარების მიერ შემოყვანილი იქნა რვა თვის გოგონა. შემოსვლისას პაციენტი იყო აბსოლუტურად კონტაქტური. შუბლისა და მარჯვენა ლოყის მიდამოში აღენიშნებოდა ექსკორეაცია ანუ ნაკაწრები. ჩაუტარდა ლაბორატორიული კვლევები, სადაც რაიმე პათოლოგიური დარღვევა არ გამოვლინდა. ამჟამად ის კლინიკაში რჩება შემდგომი მონიტორინგისათვის. პაციენტი კიდევ რამდენიმე საათით დაყოვნდება, მდგომარეობა შეფასდება და სავარაუდოდ საღამოსვე გაეწერება ბინაზე“, – განაცხადა ექიმმა ნათია თურქაძემ.

    დიღმის მასივში ბუნებრივი აირის დაგროვების შედეგად აფეთქება დღეს მოხდა. აფეთქებას მსხვერპლი არ მოჰყოლია, დაშავდა რვა ადამიანი.

  • პოლიციაში მოსახლეობასა და „ყაზტრანსგაზის“ თანამშრომლებს კითხავენ

    დიღმის პოლიციაში „ყაზტრანსგაზის“ რამდენიმე თანამშრომლის   და იმ კორპუსის მცხოვრებთა ნაწილის გამოკითხვა მიმდინარეობს, სადაც დღეს გაზის გაჟონვის შედეგად   აფეთქება მოხდა.

    აფეთქება დიღმის მასივში მდებარე  კორპუსში დღეს დილით მოხდა. ადგილობრივების ინფორმაციით, მათ აფეთქებამდე ერთ საათით ადრე კორპუსში ბუნებრივი აირის სუნი იგრძნეს და ყაზტრანსგაზის ცხელ ხაზზე დარეკეს. კორპუსის მცხოვრებლების თქმით,  ადგილზე არავინ მისულა. ყაზტრანსგაზში კი აცხადებენ, რომ შემთხვევის ადგილზე შეტყობინების მიღებიდან 10 წუთში მივიდნენ, თუმცა აფეთქება უკვე მომხდარი იყო. პირველადი ინფორმაციით, აფეთქება კუსტარულად დამონტაჟებულმა გამათბობელმა გამოიწვია.

    აფეთქების შედეგად 8 ადამიანი დაშავდა, მათგან ერთი 7 თვის ბავშვია. სხეულის დამწვრობა მიიღო  მამაკაცმა, რომელიც იმ ბინაში იმყოფებოდა სადაც აფეთქება მოხდა.

    გამოიკვეთება თუ არა “ყაზტრანსგაზ თბილისის” თანამშრომლების პასუხისმგებლობა, ამ ეტაპზე უცნობია.გამოძიება სისხლის სამართლის კოდექსის 240-ე პრიმა მუხლის მე-2 ნაწილით მიმდინარეობს, რაც ელექტრო ან გაზის ობიექტზე უსაფრთხოების წესების დარღვევას ითვალისწინებს, რასაც მძიმე შედეგი მოჰყვა.

    დანაშაული 4-დან 7 წლამდე ვადით თავისუფლების აღკვეთას ითვალისწინებს.

  • ბავშვზე ძალადობისთვის დაკავებული აღმზრდელი სასამართლომ გირაოთი გაათავისუფლა

    ბავშვზე ძალადობაში დადანაშაულებულ საბავშვო ბაღის აღმზრდელს სასამართლომ 5 ათას ლარიანი გირაო შეუფარდა. ინციდენტი სამეგრელოში, სოფელ ზედა ეწერში მოხდა.
    ბავშვის მშობლის მტკიცებით, ის საბავშვო ბაღის ოთახში  იმ დროს შევიდა, როცა პედაგოგი, ინგა ვეკუა მისი 5 წლის კუთხეში მდგარ შვილს აჯანჯღარებდა და სიტყვიერ შეურაცხყოფას აყენებდა. ამის გამო მშობელსა და აღმზრდელს შორის შელაპარაკება მოხდა.  თათია გამსახურდიამ პოლიცია გამოიძახა.
    ბავშვების მიმართ უდიერ მოპყრობას უარყოფს საბავშვო ბაღის პედაგოგი, ინგა ვეკუა. მისი მტკიცებით, მისი აღსაზრდელი საკმაოდ უხეში ბავშვია და ის თანატოლებზე ხშირად ძალადობს, რის გამოც მან მშობელს ბაღში მისვლა თხოვა და ამტკიცებს, რომ თათია გამსახურდიას მხრიდან პოლიციაში ჩივილის მიზეზი, სიტყვიერი შელაპარაკების გამო შურისძიებაა.

  • „ძვირფასო ზესტაფონელებო…” – არჩილ თალაკვის მიმართვა ჭიათურლებს

    „ძვირფასო ზესტაფონელებო…” – ამ სიტყვებით დაიწყო უმრავლესობის ლიდერმა არჩილ თალაკვაძემ ჭიათურელებისადმი მიმართვა. მან ჭიათურაში ჭიათურის მერობის კანდიდატად გივი მოდებაძე წარადგინა. თალაკვაძის სიტყვას ადგილობრივების ხმაური მოჰყვა, რის შემდეგაც მას უკარნახეს რომ ის ჭიათურაში იმყოფება. თალაკვაძემ ვითარება გამოასწორა და აღნიშნა, რომ ჭიათურიდან ზესტაფონში მიდიოდა.
    “ქართული ოცნების“ სახელით, გივი მოდებაძის კანდიდატურა ჭიათურელებს უმრავლესობის ლიდერმა და ჯანდაცვის მინისტრმა წარუდგინეს. არჩილ თალაკვაძემ ჭიათურაში განსახორციელებელი პროექტების შესახებ ისაუბრა.
    „ძვირფასო ზესტაფონელებო… ჭიათურელებო. აქედან ზესტაფონში მივდივართ. მე მინდა კიდევ ერთხელ გავიხსენო, რომ საქმეები, რაც აქ არის დაწყებული, ეს არის საბაგირო სისტემის მთლიანი მოდერნიზაცია, ეს არის ეკოლოგიური სიტუაცია, რომელიც დღეს კიდევ რჩება გამოწვევად, ეს არის შრომითი პირობები მაღაროელებისთვის, ეს არის სოციალური პრობლემები, რომელიც დღეს აქვს ჭიათურას, რომელიც აქ აქვს საზოგადოებას, ქალაქს უ სოფლებს. ჩვენ ვფიქრობთ და ჩვენ ჩავთვალეთ, რომ ამ საკითხების გადასაჭრელად, ამ პროექტების ბოლომდე მისაყვანად, ყველაზე საუკეთესო კანდიდატურა და ადამიანი, ვინც ამას შეძლებს თქვენი მხარდაჭერით, იქნება ბატონი გივი მოდებაძე,“ – განაცხადა არჩილ თალაკვაძემ.
    გივი მოდებაძემ, მხარდაჭერისა და ნდობისთვის პარტია „ქართულ ოცნებას“ და მის თავმჯდომარეს, ბიძინა ივანიშვილს მადლობა გადაუხადა.
    „მინდა მოგახსენოთ, რომ ჭიათურაში დაწყებულია და დაიწყება მნიშვნელოვანი ინფრასტრუქტურული პროექტების განხორციელება, დასრულდება 24 საათიანი წყალმომარაგების პროექტი, დასრულდება ბაგირ გზების მშენებლობა, რომელიც მნიშვნელოვნად გაზრდის ტურისტულ პოტენციალს ჩვენს ქალაქში, დაიგება სხვადასხვა მიმართულებით 50კმ-დე ასფალტის და ბეტონის გზა. მე მჯერა, 2019 წლის 19 მაისს, ჩვენ ავირჩევთ მშვიდობას და სტაბილურობას,“ – განაცხადა გივი მოდებაძემ.
    საქართველოში პარლამენტის შუალედური, მუნიციპალიტეტების მერების რიგგარეშე და საკრებულოების შუალედური არჩევნები 19 მაისს ჩატარდება.

  • დიღმის მასივში აფეთქებისას 8 დაშავებულიდან ორს სასუნთქი გზების დამწვრობა აქვს

    დიღმის მასივის მეოთხე კვარტალში მომხდარი აფეთქების შედეგად დაშავებული 8 ადამიანის ჯანმრთელობის მდგომარეობის შესახებ განცხადება ჯანდაცვის მინისტრმა გააკეთა. მისი ინფორმაციით დაშავებულების მდგომარეობა საშუალო სიმძიმისაა. შედარებით რთულია ორი პაციენტის მდგომარეობა, რომლებსაც სასუნთქი გზების დამწვრობა აქვთ. მათ სამედიცინო დახმარება დაზიანების პირველივე წუთებში გაუწიეს. დაშავებულები სხვადასხვა კლინიკაში არიან გადაყვანილი და მათი ჯანმრთელობის შენარჩუნებისთვის სერგეენკოს თქმით ექიმები ყველაფერს აკეთებენ.

    აფეთქება დიღმის მასივის მეოთხე კვარტლის მეხუთე კორპუსში დღეს 12:20 საათზე მოხდა. მიზეზი წინასწარი ინფორმაციით გაზის გაჟონვა გახდა. დაზიანებულია ხუთსართულიანი კორპუსის ზედა სართულები. 

  • დიღმის მასივში აფეთქებისას დაშავებულთა რიცხვი 7–მდე გაიზარდა

    დიღმის მასივის 4–ე კვარტალში მომხდარი აფეთქების შედეგად დაშავებულთა  რიცხვი შვიდამდე გაიზარდა. შვიდივე დაშავებული სხვადასხვა კლინიკებში გადაიყვანეს. ერთი მათგანის –21 წლის მამაკაცის მდგომარეობა ყველაზე მძიმეა. მან აფეთქების შედეგად დამწვრობა მიიღო და დამწვრობის ცენტრშია გადაყვანილი. დაშავებულებს შორის არის 7 თვის ბავშვიც, თუმცა მისი მდგომარეობა ნაკლებად მძიმეა.
    აფეთქება დღეს დიღმის მასივში ხუთსართულიანი კორპუსის მესამე სართულზე 12:20 საათზე მოხდა. აფეთქება იმდენად ძლიერი იყო, რომ მესამე სართულის ყველა ბინა დაანგრია, დაზიანდა ბინები სხვა სართულებზეც. წინასწარი ინფორმაციით აფეთქება ბინაში ბუნებრივი აირის გაჟონვამ გამოიწვია. მეზობლები ამბობენ, რომ ამ ეს ბინა ქირავდებოდა და აფეთქების მომენტისთვის ის დაკეტილი იყო. მოსახლეობა ამბობს, რომ აფეთქებამდე მათ გაზის სუნი იგრძნეს და ყაზტრანსგაზში დარეკეს, თუმცა ადგილზე არავინ მისულა.
    ამ დროისთვის ადგილზე მუშაობენ მეხანძრე–მაშველები და კრიმინალისტები. კორპუსიდან და მიმდებარე ტერიტორიიდან ევაკუირებულია მოსახლეობა. უახლოეს მომავალში ტერიტორიის გაწმენდა დაწყება, რის შემდეგაც ტერიტორიაზე საგამოძიებო მოქმედებები ჩატარდება.

  • “ყაზტრანსგაზ თბილისი” დიღომში მომხდარ აფეთქებაზე განცხადებას ავრცელებს

    დიღომში მომხდარ აფეტქებაზე “ყაზტრანსგაზი” განცხადებას ავრცელებს. განცხადებაში ნათქვამია, რომ შემთხვევის მიზეზი სავარაუდოდ ექსპლუატაციის წესების უხაში დარღვევა გახდა.
    “სავარაუდოდ, ექსპლუატაციის წესების უხეში დარღვევა გახდა დიღმის მასივში მე-4 კვარტლის მე-5 კორპუსში ბუნებრივი გაზის დაგროვების და მომხდარი აალების მიზეზი. შემთხვევას არ მოჰყოლია მსხვერპლი, ამ დროისთვის მიმდინარეობს შემთხვევის ადგილის დათვალიერება და შესაბამისი საგამოძიებო მოქმედებები. ბინა სადაც აალება, მოხდა მეზობლების ინფორმაციით ქირავდებოდა და ამ დროისთვის დაკეტილი იყო. დამქირავებლებმა საცხოვრებელი ფართი წინასწარი ინფორმაციით გუშინ დატოვეს. “ყატრანსგაზ თბილისი” კიდევ ერთხელ მოგიწოდებთ არ დატოვოთ გაზდანადგარები უყურადღებოდ, გაუფრთხილდით თქვენი და მეზობლების სიცოცხლეს.”– ნათქვამია ყაზტრანსგაზის განცხადებაში

  • დიღმის მასივში აფეთქების შედეგად 4 ადამიანი დაშავდა

    დიღმის მასივის 4–ე კვარტალში  მომხდარი აფეთქების შედეგად დაზარალებული ოთხი  ადამიანი საავადმყოფოებში გადაიყვანეს. აფეთქება ხუთსართულიანი კორპუსის მესამე სართულზე მოხდა. აფეთქება იმდენად ძლიერი იყო, რომ მესამე სართულის ყველა ბინა დაანგრია, დაზიანდა ბინები სხვა სართულებზეც. წინასწარი ინფორმაციით აფეთქება ბინაში ბუნებრივი აირის გაჟონვამ გამოიწვია. მეზობლები ამბობენ, რომ ამ ეს ბინა რამდენიმე დღის წინ გაქირავდა. მოსახლეობა ამბობს, რომ აფეთქებამდე მათ გაზის სუნი იგრძნეს და ყაზტრანსგაზში დარეკეს, თუმცა ადგილზე არავინ მისულა.
    ამ დროისთვის ადგილზე მუშაობენ მეხანძრე–მაშველები და კრიმინალისტები. კორპუსიდან და მიმდებარე ტერიტორიიდან ევაკუირებულია მოსახლეობა.

  • აფეთქება დიღმის მასივში. მიზეზი სავარაუდოდ ბუნებრივი აირია

    დიღმის მასივში, მეოთხე კვარტალში სავარაუდოდ ბუნებრივი აირის გაჟონვის შედეგად აფეთქება მოხდა. აფეთქებას ადასტურებს საგანგებო სიტუაციების სამსახური, თუმცა მიზეზი და დეტალები ჯერჯერობით უცნობია. ადგილზე მობილიზებულია სახანძრო და სამაშველო ჯგუფები. დაშავებულია 4 ადამიანი, რომლებიც საავადმყოფოებში გადაიყვანეს. აფეთქება ხუთსართულიანი კორპუსის მესამე სართულზე მოხდა. ის იმდენად ძლიერი იყო, რომ გარდა მესამე სართულისა ზედა სართულების ბინებიც დააზიანა.
    დაუზუსტებელი ინფორმაციით ბინა, სადაც აფეთქება მოხდა დაკეტილი იყო.

  • გიორგი დანელია შვილის ტრაგედიას ვერ მოერია–რეჟისორის მეგობრის მონათხრობი

    ლეგენდარული რეჟისორი, გიოროგი დანელია 88 წლის ასაკში სამი დღის წინ გარდაიცვალა. მისმა ახლო მეგობარმა, ვიქტორია ტოკარევამ რუსულ ტელეარხზე ანდრეი მალახოვის შოუში, “პირდაპირ ეთერში “ სტუმრობისას დანელიას გარდაცვალებაზე ისაუბრა.
    ის ამბობს, რომ რეჟისორი წლების მანძილზე ძალიან განიცდიდა მისი ერთადერთი შვილის გარდაცვალებას. ნიკოლაი დანელია 26 წლის ასაკში გარდაიცვალა. ის დიდი ხნის მანძილზე მოიხმარდა ნარკოტიკებს. მეგობრის თქმით, გიორგი დანელია ძალიან იტანჯებოდა იმის გამო, რომ ტრაგედიის აღვეთა ვერ შეძლო. ის თავს ადანაშაულებდა იმაში, რომ მეტისმეტად დაკავებული იყო საქმით და დროულად ვერ მიხვდა, რომ შვილს პრობლემები ჰქონდა.
    “ამ ტრაგედიამ მოტეხა გიორგი. ის თავს იდანაშაულებდა. “– ამბობს ტოკარევა.
    გიორგი დანელიას ერთადერთი შვილი მსახიობ ლიუბოვ სოკოლოვასთან ქორწინებიდან ჰყავდა. მათ ერთად 27 წელი იცხოვრეს, თუმცა ნიკოლაის ტრაგედიის შემდეგ ერთმანეთს დაშორდნენ.
    რეჟსორის ბოლო სიყვარული მსახიობი გალინა იურკოვა იყო. სწორედ ის უვლიდა გიორგი დანელიას, როცა მას ჯანმრთელობის სერიოზული პრობლემები დაეწყო.
    თებერვლის ბოლოს დანელია მოსკოვის კლინიკაში გადაიყვანეს, სადაც გარდაცვალებამდე იმყოფებოდა. ლეგენდარული რეჟისორი 4 აპრილს გარდაიცვალა. მას გული გაუჩერდა.