რუსთავის მეტალურგიულ ქარხანაში დასაქმებულთა ნაწილი გაიფიცა.
150-მდე თანამშრომელი სამუშაო პირობების გაუმჯობესებას, ხელფასის 1000 ლარამდე გაზრდას და 8 საათიან სამუშაო დღეს ითხოვს.
გაფიცულები აცხადებენ, რომ მათი ხელფასი 570 ლარია და 10 წელზე მეტია მათი ანაზღაურება არ გაზრდილა.
გეგმიური პროფილაქტიკური სამუშაოების ჩატარების გამო, დღეს, თბილისის ზოგიერთ უბანში ელექტრომომარაგება დროებით შეიზღუდება.
საბურთალოს რაიონში 10:00 საათიდან 18:00 საათამდე შეზღუდვა შეეხება კანდელაკის ქუჩის მცხოვრებლებს. 10 საათიდან 17:00 საათამდე შეზღუდვა შეეხება სოფელი დიღმის, დიდი დიღმის III მიკრორაიონის, ვეფხისტყაოსნის და მეფე მირიანის ქუჩების მცხოვრებლებს.10:00 საათიდან 16:00 საათამდე შეზღუდვა შეეხება ვაჟა-ფშაველას II კვარტლის მცხოვრებლებს.
გლდანის რაიონში, 10:00 საათიდან 17:00 საათამდე შეზღუდვა შეეხება ელეფთერ ანდრონიკაშვილის ქუჩის მცხოვრებლებს. 11:00 საათიდან 15:00 საათამდე შეზღუდვა შეეხება გლდანის მასივის V მიკრორაიონის მცხოვრებლებს. 13:00 საათიდან 14:00 საათამდე შეზღუდვა შეეხება გლდანის მასივის VI მიკრორაიონის მცხოვრებლებს.
სამგორის რაიონში 10:00 საათიდან 17:00 საათამდე შეზღუდვა შეეხება: მეტრო „ვარკეთილი“-ს მიმდებარე ტერიტორიის, ვარკეთილის III დასახლების II, III, IV მიკრორაიონების, გარდაბნის გზატკეცილის, კახეთის გზატკეცილის, სამხედრო დასახლების, ნავთლუღის დასახლების, ალექსეევკის დასახლების, აფრიკის დასახლების, ლილოს დასახლების, ქინძმარაულის, გიორგი მაჩაბელის, გიორგი გურჯიევის, ირინა შტენბერგის, ქიზიყის, ჯამბულ წურწუმიას, ჭიჭინაძის, გიორგი გვაზავას, ილია ბახტაძის, მერაბ ქვილითაიას, ველის, ალადასტურის, კორნელი სანაძის, ირინე ალექსიძის, ემა ლალაევა-ედიბერიძის, ენუქიძის, გუმათჰესის, გიორგი ოდიშელიძის, გიორგი გურგენიძის, იდუმალის, ცისკარიშვილის, გრიგოლ ლორთქიფანიძის, ორხევის, ენგურჰესის, მოსტკოვის, ჯავახეთის, თურაშაულის, ნიკოლოზ აფხაზის, ლევან რაზიკაშვილის, მებაღეობის, სესილია თაყაიშვილის, კუპრაძის, ნაზი შამანაურის და გახოკიძის ქუჩების მცხოვრებლებს.
ისნის რაიონში 10:00 საათიდან 18:00 საათამდე შეზღუდვა შეეხება რაზიკაშვილის, კვალეთის, საინგილოს, გუმბრის, კაიშაურის, სამრეკლოს, ახალუბნის, ხივინის, ოძისის და შაქრიანის ქუჩების მცხოვრებლებს. 10:30 საათიდან 17:00 საათამდე შეზღუდვა შეეხება: ვაზისუბნის II მიკრორაიონის, ვაზისუბნის III მიკრორაიონის II კვარტლის, ვაზისუბნის IV მიკრორაიონის II კვარტლის, იოზეფ პილსუდსკის გამზირის და პატარიძის ქუჩის მცხოვრებლებს. 11:00 საათიდან 16:00 საათამდე შეზღუდვა შეეხება: მეტრომშენის დასახლების, საბანაკოს დასახლების, არველაძის, კალანდაძის, ამირეჯიბის, შერვაშიძის, წალენჯიხის, ნანეიშვილის, ონიანის, მიქელაძის, დურმიშიძის, აშშ პრეზიდენტის ჯორჯ ბუშის, აფანასიევის, ხაჩატურიანის, გელა მებაღიშვილის, ტოლენჯის და გიორგი ანწუხელიძის ქუჩების მცხოვრებლებს.
11:00 საათიდან 13:00 საათამდე შეზღუდვა შეეხება: რიყის მიმდებარე ტერიტორიის და წმინდა ქეთევან დედოფლის გამზირის მაცხოვრებლებს.
ვაკის რაიონში 11:00 საათიდან 18:00 საათამდე შეზღუდვა შეეხება: ვაკის პარკის მიმდებარე ტერიტორიის, ილია ჭავჭავაძის გამზირის, გივი სვანიძის, გიორგი წერეთლის, ყიფშიძის, გაბაშვილის და მიხეილ თამარაშვილის ქუჩების მცხოვრებლებს.
კრწანისის რაიონში 11:00 საათიდან 13:00 საათამდე შეზღუდვა შეეხება გრიშაშვილის ქუჩის მცხოვრებლებს. 13:30 საათიდან 16:00 საათამდე შეზღუდვა შეეხება გორგასლის ქუჩის მცხოვრებლებს.
მთაწმინდის რაიონში 10:00 საათიდან 15:00 საათამდე შეზღუდვა შეეხება რუსთაველის გამზირის, რევაზ ლაღიძის, ჩიტაძის, ბესიკის, გრიბოედოვის, ვასო აბაშიძის, ზურაბ ჟვანიას, მიტროფანე ლაღიძის, ლესია უკრაინკას, ძმები ზუბალაშვილების, ჭანტურიას, შევჩენკოს, ინგოროყვას და ალექსანდრე ჭავჭავაძის ქუჩების მცხოვრებლებს.
დიდუბის რაიონში 10:00 საათიდან 18:00 საათამდე შეზღუდვა შეეხება: მეტრო „დიდუბე“-ს მიმდებარე ტერიტორიის, რობაქიძის გამზირის, აკაკი წერეთლის გამზირის, აღმაშენებლის გამზირის (ნაწილობრივ), წინამძღვრიშვილის, ბაქოს და ესმა ონიანის ქუჩების მცხოვრებლებს.
ნაძალადევის რაიონში 10:00 საათიდან 17:00 საათამდე შეზღუდვა შეეხება: თორნიკე ერისთავის, ქსნის და კარალეთის ქუჩების მცხოვრებლებს. 10:30 საათიდან 17:00 საათამდე შეზღუდვა შეეხება: ცოტნე დადიანის II მიკრორაიონის, ცოტნე დადიანის, მახინჯაურის, ჭყონდიდელის, ალექსანდრე მრევლიშვილის, დეპოს, საყვირის, კავთისხევის, წმინდა მელქისედეკ-I, კოხრეიძის, სვანეთის, ილურიძის და ეკა ბეჟანიშვილის ქუჩების მცხოვრებლებს. 11:00 საათიდან 16:00 საათამდე შეზღუდვა შეეხება: გურამიშვილის გამზირის, ერწოს და ხევისუბნის ქუჩების მცხოვრებლებს.
კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.
გვიან ღამემდე იყვნენ შეკრებილნი ბესიკ დგებუაძის ოჯახის წევრები და ახლობლები ზუგდიდის სამხარეო პოლიციასთან.
ისინი ბესიკ დგებუაძისთვის აღკვეთის ღონისძიების შეცვლას ითხოვდნენ. მათი თქმით ბესიკ დგებუაძე უდანაშაულოა და ყურადღებას მისი ჯანმრთელობის გაუარესებაზე ამახვილებენ.
ძმები ბესიკ და ჯონი დგებუაძეები შსს-ს ზუგდიდის სამმართველოს თანამშრომლებმა 4 აპრილს გამთენიისას დააკავეს. როგორც ოჯახი ამბობს, დაკავება სასამართლო განჩინების გარეშე მოხდა. ზუგდიდის რაიონულმა სასამართლომ ორივეს ერთად გირაო შეუფარდა, რაც პროკურატურამ გაასაჩივრა. ქუთაისის სააპელაციო სასამართლოს გადაწყვეტილებით ბესიკ დგებუაძე პატიმრობაში დარჩა, რაც შეეხება მის ძმას ჯონი დგებუაძეს, მას 30 ათას ლარიანი გირაო აქვს შეფარდებული.
ბესიკ დგებუაძეს, ქალაქის ცენტრში ბიზნეს მეწილეების ფიზიკური დაპირისპირების გამო, დანაშაულის დაფარვის ბრალდებით დააკავეს.
დაკავებულის ახლობლები ამბობენ, რომ 19 მაისს დაგეგმილი მერის არჩევნებს სოფელში არ ჩაატარებინებენ.
“გირაოთი ჩემი შვილი გაანთავისუფლონ, ჩემ შვილზე არ ვრცელდება ეს იმიტომ რომ აქ ზის დიასამიძე, რომლის პირადი პატიმარია ჩემი შვილი,”-აცხადებს ბესიკ დგებუაძის მამა, ზაქრო დგებუაძე
საქართველოს დამოუკიდებლობის დღეს, 26 მაისს, 17:10 საათზე, ქვეყნის მასშტაბით საქართველოს ჰიმნი შესრულდება.
ღონისძიებების ორგანიზატორების განცხადებით, ჰიმნი მთელი ქვეყნის მასშტაბით – მოედნებზე, მატარებლებსა და ავტობუსებში გაჟღერდება.
დრო სიმბოლურად შეირჩა, 17:10 საათი არის დრო, როდესაც 1918 წელს ნოე ჟორდანიამ საზოგადოებას საქართველოს პირველი დამოუკიდებელი რესპუბლიკის შექმნა მიულოცა და შესაბამის აქტს ხელი მოაწერა.
ორგანიზატორები საქართველოს მოსახლეობას მოუწოდებენ, 26 მაისს ქალაქების მთავარ მოედნებზე შეიკრიბონ, რათა 17:10 საათზე, საქართველოს სახელმწიფო ჰიმნი ყველამ ერთად შეასრულოს.
ბორჯომის ხეობაში გაჩენილი ხანძრის ჩაქრობის სამუშაოები დღეს დილიდან კვლავ განახლდა.
ადგილზე მობილიზებულია სახანძრო-სამაშველო სამსახური,სამუშაოებში ჩართულია სასაზღვრო პოლიციის ვერტმფრენიც.
180-მდე მეხანძრე-მაშველი და მეტყევე სოფელ საკირეს მიმდებარედ, მთის ფერდობზე არსებულ ტყის მასივში ცეცხლს გვიან ღამემდე ებძროდა. ღამითვე მოხერხდა ორივე კერის ლოკალიზება. ხანძრის კერების გავრცელების თავიდან ასაცილებლად მაშველები და მეხანძრეები ადგილზე მთელი ღამე დარჩნენ.
ამ წერტილთან ქართული ოცნება დიდი ხანია მიახლოებულია და ანტიმიშას რესურსი ფაქტობრივად საპრეზიდენტო არჩევნების მეორე ტურზე ამოწურა. ის მასობრვი ფსიქოზი, რაც ამ თემას ახლდა, სისხლიანი ცხრა წელის თემას, მეორე ტურის წინ ისტერიკაში გადაიყვანეს. ახლა ანტიმიშას ტესტირება ხდება. ანუ მიშას რეაბილიტაცია ხდება. რეალურად გაფორმება არჩევნების წაგების, დე ფატო შეიძენს იმ მნიშვნელობას, რომ ანტიმიშას ნარატივი დასრულდა.
“…არის ერთი დეგრადირებული ყოფილი დეპუტატი ხულოში, ბოლქვაძე, ჩემი სირცხვილი, რომ ის ჩემი პარტიის წევრი იყო. ვაი, მართლა კახა ბენდუქიძემ რომ თქვა, ანზორ ბოლქვაძე რომ ჩემ გვერდით დაჯდებოდა და მისი სუნი რომ არ მაწუხებდა, ესეც ჩემი პრობლემაა, მაგრამ ანზორ ბოლქვაძემ ამას წინათ რაღაცებში თავი გამოიჩინა მორიგი სისულელეებით და ცოლი გაფორმებული ჰყავს ხულოს სამხატვრო გალერეის თანამშრომლად. ხულოს სამხატვრო გალერეა… ფსიქიატრები რომ გაუქმდნენ, ვიცი, მაგრამ ხულოს სამხატვრო გალერეა რა არის, სამხატვრო გალერეა და ხულო რა შუაშია?” – თქვა მან.
მიხეილ სააკაშვილის ამ გამონათქვამებს კრიტიკა და განცხადებები მოჰყვა იმის შესახებ, რომ მას ხულოელებისთვის ბოდიში აქვს მოსახდელი. საპასუხო ვიდეომიმართვაში სააკაშვილი ამბობს, რომ ხულოელებისთვის ბოდიში ივანიშვილს აქვს მოსახდელი:
“ხულოსთვის და ხულოელებისთვის ბოდიში აქვს მოსახდელი ივანიშვილს და მის ბანდას!
ბორჯომის ხეობაში ხანძრის კერები ლოკალიზებულია. ხანძრის ლიკვიდაციის სამუშაოები დილიდან განახლდება, რადგან სიბნელის გამო ვერტმფრენის გამოყენება არაეფექტურია. ინფორმაციას ამის შესახებ საგანგებო სიტუაციების მართვის სამსახური ავრცელებს. უცნობია, რა ფართობი დაიწვა ხანძრის შედეგად. გაჩენილი ხანძრის ქრობის პროცესში შინაგან საქმეთა სამინისტროს სასაზღვრო პოლიციის ვერტმფრენი ჩაერთო.
შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები ბორჯომის ხეობაში, სოფელ საკირეს მიმდებარედ, მთის ფერდობზე არსებულ ტყის მასივში გაჩენილი ხანძრის ლოკალიზების სამუშაოებს ინტენსიურ რეჟიმში აწარმოებენ. ხანძრის ქრობის პროცესში უკვე ჩაერთო სასაზღვრო პოლიციის ვერტმფრენიც.
ადგილზე იმყოფებიან თბილისის, ბორჯომის, ახალციხის, ასპინძისა და ადიგენის სახანძრო-სამაშველო განყოფილებების 150-მდე მეხანძრე-მაშველი. რთული რელიეფის გამო, ხანძრის კერასთან სახანძრო-სამაშველო ტექნიკის შეყვანა ვერ ხერხდებოდა.
გადაუდებელი დახმარების ოპერატიული მართვის ცენტრ “112”-ში ბორჯომის ხეობაში, სოფელ საკირეს მიმდებარედ, შერეული ტყის მასივში გაჩენილი ხანძრის შესახებ შეტყობინება დღეს შევიდა. ცოცხალი ძალა და საჰაერო ტექნიკა მთის ფერდობზე გაჩენილი ხანძრის ორივე კერასთან მუშაობდა.
შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ს 187-ე მუხლის მე-2 ნაწილის „ა“ ქვეპუნქტით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს. დანაშაული 3-დან 5 წლამდე ვადით თავისუფლების აღკვეთას ითვალისწინებს.
ფილმის “Terminator Salvation ” მსახიობმა ისააკ კაპმა სიცოცხლე თვითმკვლელობით დაასრულა. 42 წლის მსახიობი არიზონას შტატში ხიდიდან გადმოხტა. ინფორმაციას “Nbcnews”– ავრცელებს.
მსახიობმა თავი მაყურებლებს ფილმ “ტერმინატორით” დაამახსოვრა, მას ასევე აქვს შესრულებული როლები ისეთ ფილმებში როგორიცაა “Terminator Salvation”, “Thor” და ასევე პოპულარულ ამერიკულ სერიალში “Breaking Bad”-ში.
მან გარდაცვალებამდე საკუთარ ინსტაგრამზე პოსტი გამოაქვეყნა სათაურით : “უფრთხილდი მას ვისაც დასაკარგი არაფერი აქვს, რადგან მას დასაცავიც არაფერი აქვს”
კიდევ ერთი ინციდენტი ზუგდიდში, გაერთიანებული ოპოზიციის ზუგდიდის მერობის კანდიდატი მხარდამჭერებთან შეხვედრას მართავდა რა დროსაც დიდი სიჩქარით მოძრავი მერსედესის მარკის ავტომობილი მათი მიმართულებით შევარდა. შემთხვევის შედეგად არავინ დაშავებულა. „მოვიდა მერსედესი და ძალიან დიდი სისწრაფით უნდოდა ხალხში შესვლა. ხედავთ რამდენი ბავშვი დგას აქ? რომელიმე ბავშვს თმაც, რომ ჩამოუვარდეს, ხომ გესმით მე რა დღეში ჩავვარდები? რა უხერხულში? რამხელა პასუხისმგებლობაა ხო,“-განაცხადა სანდრა რულოვსმა
თუმცა ადგილობრივები ამბობენ რომ ავტომობილში “ოცნების” აქტივისტები ისხდნენ და მათი მიზანი დაპირისპირების პროვოცირება იყო.