Category: არქივი

სასამართლომ პროკურატურის მოთხოვნა დააკმაყოფილა და 4 ფეხბურთელ მათ პატიმრობა შეეფარდათ. საქმე ეხებათ: ვახტანგ ჯაყელს, ირაკლი ხუჭუას, ლაშა ჩაფიძეს და ნიკა დაუშვილს. 7 ფეხბურთელი 10 000-ლარიანი გირაოთი გათავისუფლდება: ირაკლი ბაჯელიძე, რობერტ იმერლიშვილი, ჯონი შეროზია, გიორგი ბედიაშვილი, პაატა ღუდუშაური, ნიკოლოზ მაისურაძე და ნოდარ კიკნაველიძე.

შეგახსენებთ, რამდენიმე დღის წინ მატჩების გარიგებისთვის სუს-მა 11 ფეხბურთელი დააკავა. მათი ინფორმაციით, მოქმედებდა ორგანიზებული ჯგუფი, ფეხბურთელებს უკავშირდებოდნენ და წინასწარ ათანხმებდა მატჩების შედეგებს. ჯგუფმა და ფეხბურთელებმა ამ გზით ჯამში 93 500 ლარი მიიღეს.

გამოძიება პროფესიული სპორტული შეჯიბრების მოსყიდვის ფაქტზე მიმდინარეობს (საქართველოს სსკ-ის 203-ე მუხლის მე-3 და მე-4 ნაწილებით, რაც სასჯელის სახით 4-დან 6 წლამდე თავისუფლების აღკვეთას ითვალისწინებს).

ზუგდიდში 9 წლის ბავშვს ავტომანაქანა დაეჯახა. დაშავებული  საავადმყოფოშია გადაყვანილი.

შსს-ს ინფორმაციით, გამოძიება სისხლის სამართლის კოდექსის 276-ე მუხლის მე-2 ნაწილით მიმდინარეობს, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

პარასკევია და შაბათ-კვირა მოდის, ჯობია დავასვენოთ- ეს კომენტარი პარლამენტის წევრმა დავით ჭიჭინაძემ ბახტაძის პარლამენტში დაბარებასთან დაკავშირებით  საზოგადოებრივ მაუწყებელთან გააკეთა.

ჭიჭინაძე  ბახტაძის  პარლამენტში მისვლის აზრს ვერ ხედავს. მისი თქმით, პარლამენტარებისთვისაც  დროის კარგვაა. 

„პრემიერ-მინისტრი პარლამენტშია დაბარებული და არ მგონია, რომ ის რამეზე პასუხის გაცემაში კომპეტენტური იყოს. ან დეპუტატებმა ჩვენი დრო რატომ უნდა დავკარგოთ, ან იმ კაცმა. პარასკევია და შაბათ-კვირა მოდის. ჯობია დავასვენოთ. ის მუშაობას ხუთშაბათობით არის მიჩვეული მთავრობის სხდომაზე გამოძახებით. პარასკევს, მგონი სამდღიანი დასვენება ჩავუშალეთ.
აზრს ვერ ვხედავ, პრემიერ-მინისტრს ადამიანმა რამე კითხვა დაუსვას”, – განაცხადა ჭიჭინაძემ.

საქართველოს პარლამენტში 27-31 მაისის პლენარულ კვირაში პრემიერ-მინისტრ მამუკა ბახტაძეს, ჯანდაცვის მინისტრ დავით სერგეენკოსა და ცენტრალური საარჩევო კომისიის თავმჯდომარე თამარ ჟვანიას მოუსმენენ.

საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო, ავტომატური სადგურების საშუალებით, ატმოსფერული ჰაერის ხარისხის უწყვეტ მონიტორინგს აგრძელებს. მონიტორინგის შედეგად ის ქალაქები და უბნები დაფიქსირდა, სადაც ჰაერი ყველაზე მეტად არის დაბინძურებული.

დამაბინძურებელი ნივთიერებების კონცენტრაციების კონტროლი თბილისში, ბათუმში, რუსთავსა და ქუთაისში გაიზომა. შედეგად ამ ქალაქებში  ატმოსფერულ ჰაერში  აზოტის დიოქსიდისა (NO2) და მყარი ნაწილაკების (PM10) კონცენტრაციები გადაჭარბებით დაფიქსირდა. 

16 მაისს მყარი ნაწილაკების PM10-ის კონცენტრაციების ნორმაზე გადაჭარბება დაფიქსირდა ქ.თბილისში წერეთლის გამზირზე და ბათუმში 1.1-ჯერ, რუსთავში 1.4-ჯერ, ხოლო ქუთაისში 2.2-ჯერ.

17 მაისს მყარი ნაწილაკების PM10-ის კონცენტრაციების ნორმაზე გადაჭარბება დაფიქსირდა ქ.თბილისში წერეთლის გამზირზე 1.2-ჯერ, ხოლო ქ. ქუთაისსა და ქ.რუსთავში 1.5-ჯერ.

18 მაისს ქ.თბილისში წერეთლის გამზირსა და რუსთავში 1.3-ჯერ, ყაზბეგის გამზირზე – 1.2-ჯერ, ქუთაისში 2.3-ჯერ, ხოლო ვარკეთილში უმნიშვნელოდ.18 მაისს დაფიქსირებული ნორმაზე გადაჭარბები ასევე გამოწვეული იყო სინოპტიკური პროცესით.

19 მაისს გადაჭარბება დაფიქსირდა მხოლოდ ქ.ქუთაისში 1.4-ჯერ. 14, 15 და 20 მაისს მყარი ნაწილაკების PM10-ის კონცენტრაციების ნორმაზე გადაჭარბება არ დაფიქსირებულა.

სამგორის რაიონის გამგებელი კახა გულედანი თანამდებობას ტოვებს, – ინფორმაცია გამგებლის გადადდგომის შესახებ  დედაქალაქის მერმა, კახა კალაძემ დაადასტურა.

„კახა არის ერთ-ერთი საუკეთესო გამგებელი ყველანაირი თვალსაზრისით, ის  სამწუხაროდ, ტოვებს პოსტს. მან მიიღო გადაწყვეტილება, გადავიდეს კერძო სექტორში, ბიზნესში, ამისგან ვერავის შევზღუდავ. გული გვწყდება, რომ ასეთი კადრი ტოვებს ჩვენს რიგებს. წარმატებები მას“,- განაცხადა კალაძემ.

როგორც კახა გულედანმა აღნიშნა, თანამდებობას თვის ბოლოს დატოვებს, მიზეზად კი სამუშაო ადგილის ცვლილებას ასახელებს.

ბათუმის საქალაქო სასამართლოში, მუსლიმი თემის ნაწილმა, ფოიეში ყურანიდან ამონარიდი წაიკითხა. ამის შესახებ ინფორმაციას აჭარის საზოგადოებრივი მაუწყებელი ავრცელებს.

მაუწყებლის ინფორმაციით, სასამართლოში ყურანის წაკითხვის პროცესში, მლოცველებისთვის ხელი არავის შეუშლია.

მუსლიმების განცხადებით, მათ ლოცვა დემონსტრაციულად სპეციალურად წაიკითხეს, იმის სადემონსტრაციოდ,რომ მშვიდობიანი მოქალაქეები არიან და სამართლებრივად სურთ მეჩეთის მშენებლობის საკითხის გადაწყვეტა.

შეგახსენებთ, რომ დღეს ბათუმის საქალაქო სასამართლოში, მუსლიმი თემის სარჩელის  განხილვა მიმდინარეობდა. პროცესი 12 ივნისამდე გადაიდო. მუსლიმი თემი  ბათუმში მეჩეთის მშენებლობაზე ნებართვის აგაცემას მოითხოვს.

ახალი მეჩეთის მშენებლობის საქმესთან დაკავშირებით სასამართლო დავა 2017 წლიდან მიმდინარეობს.

შინაგან საქმეთა სამინისტროს ინფორმაციით 22 მაისს 08:00 საათიდან 23 მაისს 08:00 საათამდე ქობულეთის შემოვლით საავტომობილო გზაზე მდებარე გვირაბებში ავტომობილების მოძრაობა აიკრძალა.

გეგმიური სამუშაოების გამო საავტომობილო მოძრაობა ყველა სახის ტრანსპორტისთვის  შეიზღუდა.

ავტომობილების მძღოლებს საშუალება აქვთ ​ სენაკი-ფოთი-სარფის საავტომობილო გზაზე ციხისძირის უღელტეხილის გავლით იმოძრაონ.

უწყების ინფორმაციით, ადგილზე მოძრაობას საპატრულო პოლიციის ეკიპაჟები აკონტროლებენ.

კასპში მომხდარ შემზარავ დანაშაულს  უფლებადამცველი  საკუთარ ფეისბუქ გვერდზე გამოეხმაურა.

“16 წლის დედამ შვილი მოგუდაო. ჯერ ერთი რატომ არის 16 წლის ბავშვი სხვა ბავშვის დედა? რატომ სძინავს სახელმწიფოს? 16 წლის ბავშვის დედობა სისხლის სამართლის დანაშაულზე მეტყველებს უკვე. იყო გამოძიება დაწყებული ამაზე? არ იყო.

მეორეც, ამ ქვეყანაში ყველას ფეხებზე ჰკიდია დედების საჭიროებები. არც ცოდნა გვაქვს და არც საშუალება, რომ იმკურნალონ პოსტ-სამშობიარო დეპრესიის მქონე ქალებმა (ამ შემთხვევაში ბავშვებმა). ფსიქიკური ჯანმრთელობა პრიორიტეტი არ არსი ქვეყანაში, სადაც ყოველ მეორე ადამაინს ფსიქიკური ჯანმრთელობის პრობლემა აქვს.ამ ერთ ამბავში იმდენი ტრაგედია იკითხება… ვისწავლით კი რამეს? შევცვლით კი რამეს?

პ.ს. ახლა ამბობენ, ბავშვს ცუდად ექცეოდაო. მერე??? სად ეგდო ბავშვის მამა? სად იყვნენ სხვა ოჯახის წევრები, როცა ეტყობა ადამიანს არაადეკვატურობა??? მარამ პატარა ბავშვი, ხომ მხოლოდ დედის საზრუნავია ამ ქვეყანაში, თუნდაც ის დედა 16 წლის იყოს თვითონ და ვერ უმკლავდებოდეს დედობას.

პ.პ.ს. არა, არ გვიდნა სექსუალური განათლება და იმის ცოდნა, როგორ არ დაორსულდეს არავინ 14 წლის ასაკში. გაირყვნებიანო ცოდნით. იქნებ გადარჩებიან ამ ცოდნით?! ვინმე გრძნობს პასუხისმგებლობას?” – წერს ბაია პატარაია

კასპის რაიონის სოფელ აღაიანში დედამ – მ.შ. თავისი შვიდი თვის ჩვილი გაგუდა. დანაშაულის ჩადენის შემდეგ სავარაუდოდ, გოგონამ, რომელიც არასრულწოლვანია, მიმალვა სცადა, ის პოლიციამ დააკავა.

გამოძიების მასალების მიხედვით, რომელშიც არასრულწლოვანი დედის ჩვენება დევს, დაკავებული დანაშაულს აღიარებს და მოტივად ბავშვის მამაზე შურისძიება სახელდება.

“PimeTime” დედის გამონათქვამს წერს:  “ტკივილი მინდოდა მიმეყენებინა, უფრო მეტად ჩემი თავისთვის“- ამბობს ჩვილის დედა. როგორც ადგილობრივები ყვებიან არასრულწლოვანი დედა საკუთარ ჩვილს ხშირად უყვიროდა, რადგან ბავშვის ტირილი აღიზიანებდა. მათივე ინფორმაციით, ბავშვის გაგუდვის შემდეგ მ.შ.-მ სახლიდან ფული, ოქროული და ტანსაცმელი წაიღო და თბილისში გაიქცა.

გამოძიება უმწეო მდგომარეობაში მყოფი არასრულწლოვანი ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სსკ-ს 11 პრიმა 109-ე მუხლის მე-2 ნაწილის „ბ“ და „ვ“ ქვეპუნქტებით მიმდინარეობს“, – აცხადებენ შსს-ში.

ბათუმის შოთა რუსთაველის სახელობის სახელმწიფო უნივერსიტეტის მეორე კურსის სტუდენტი გოგონა ლექტორ მამაკაცს სექსუალურ შევიწროებაში ადანაშაულებს. სტუდენტმა ის მიმოწერა გაასაჯაროვა, სადაც სავარაუდოდ, ლექტორი სექსუალურ შევიწროებას ახდენდა.

ლექტორს ბათუმის სახელმწიფო უნივერსიტეტმა სტუდენტებთან სააუდიტორიო საქმიანობა დროებით შეუჩერა.
ადმინისტრაციაში განაცხადეს, რომ   მას სააუდიტორიო საქმიანობას შეუჩერებენ, მანამ სანამ ვითარება საბოლოოდ არ გაირკვევა.

ფაკულტეტის დეკანგანცხადებით,  სტუდენტის წერილობით განცხადებას ელოდებიან რათა მოხდეს საქმის განხილვა.

ფაქტზე საქართველოს შინაგან საქმეთა სამინისტრომ გამოძიება “სისხლის სამართლის კოდექსის” 150-ე მუხლით დაიწყო. ამ ეტაპზე გამოიკითხა გოგონა.