Category: არქივი

დავით გარეჯის ლავრის გარდა გადაადგილება ყველგან აიკრძალა. ჩაკეტილია აღდგომის ტაძრისკენ მისასვლელი გზა და ტერიტორია ჩიჩხიტურის კოშკთან.

ქართველი მესაზღვრეები მომლოცველებს და ტურისტებს თითქმის არცერთ პერიმეტრზე აღარ ატარებენ. რაც შეეხება გზის სამშენებლო სამუშაოებს, ვითარება უცვლელია. აზერბაიჯანელები გზის მასშტაბებს ტექნიკის დახმარებით ზრდიან.

ადგილობრივი გიდი, რომელიც წლებია დავით გარეჯში მუშაობს, ამბობს, რომ აქამდე არასდროს მომხდარა ლავრის იქით არ გაეშვათ მომლოცველები და ტურისტები.

“მესაზღვრეები უკვე ქვემოთ დგანან და ქედზეც არ გვიშვებენ. მაშინ გვახსოვს, მოვლენები რომ დაიწყო, ქედიდან ვიღებდით და იმათი მესაზღვრეების გადაღების საშუალებაც გვქონდა. ახლა ჩაკეტილია, საერთოდ იქ ვერ ახვალ და არაფრის ნახვის და გადაღების საშუალება არ არის.ასე ფარულად, ქურდულად, გზის გაყვანა, არ იცოდა, ფაქტია… იქ საზღვართან ამხელა სამშენებლო ტექნიკა გყავს მოყვანილი, ბულდოზერები და უზარმაზარი ექსკავატორები და ამ დროს არ იცის მეზობელმა ქვეყანამ, იმათი პოზიცია გასაგებია – ბოდიში და ფეხებზე გვკიდიაა იმათი პოზიცია. დღეს, როგორც ვიცით დაისმება ეგ საკითხი და გაირკვევა, თუ რატომ აკეთებენ გზას. მარტივი მისახვედრია, რომ იქ უნდათ ტურისტების ამოყვანა,“-ამბობს გიდი,ზვიად ანანაიაშვილი.

პოლიციამ აჭარაში 200 აბი „სუბოქსინი“ ამოიღო – განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, დაკავებულია თურქეთის მოქალაქე, 1970 წელს დაბადებული პირი. დანაშაული 8-დან 20 წლამდე ან უვადო ვადით პატიმრობას ითვალისწინებს.

თბილისის ქუჩებში დილიდან საცობებია, რაც დამოუკიდებლობის დღისადმი მიძღვნილ ღონისძიებებსა და მათ მოსამზადებელი სამუშაოებს უკავშირდება. ხვალიდან კი ღამის 12 საათიდან 26 მაისის ჩათვლით, თავისუფლების მოედნისა და რუსთაველის გამზირის მიმართულებით ტრანსპორტის მოძრაობა ოფიციალურად შეიზღუდება. საზოგადოებრივი ტრანსპორტი ბარათაშვილის ქუჩიდან ფილარმონიისკენ და უკუმიმართულებითაც, მტკვრის მარჯვენა სანაპიროსა და მიხეილ ჯავახიშვილის ქუჩის -ყოფილი ელბაქიძის დაღმართის გავლით იმოძრავებს. კოტე აფხაზის -ყოფილი ლესელიძის ქუჩაზე ამავალი მიკროავტობუსები გორგასლის ქუჩიდან სვლას მტკვრის მარჯვენა სანაპიროზე განაგრძობენ, ხოლო, წავკისის, კოჯრის, ოქროყანის, შინდისის, ტაბახმელასა და კიკეთის ავტობუსები მოძრაობას ამაღლების ქუჩის 11 ნომერთან თან დაასრულებენ. რუსთაველის გამზირზე და პირველი რესპუბლიკის მოედანზე ტრანსპორტის მოძრაობა ჩვეულ რეჟიმში 27 მაისიდან აღდგება.

“მასში 3 ადამიანი ცხოვრობს”- წერს გია ხუხაშვილი ბიძინა ივანიშვილის შესახებ და მიიჩნევს, რომ მას პოლიტიკური იდენტურობის დისოციაციური აშლილობა აქვს. 

“მას სურდა გაეფილტრა საქართველოს უახლესი ისტორია…შეეთავსებინა ყველაფერი კარგი წინა ლიდერებისგან – ზვიადის ემოციური ბმა საქართველოსთან, შევარდნაძის ბალანსირების უნარები, სააკაშვილის ინსტიტუციური მშენებლობის დინამიკა და მოეშორებინა მათი სისუსტეები. კომპეტენცია არ ეყო და მთლიანად შეისრუტა, თავისი პლიუს-მინუსებით. ახლა მასში სამივე ცხოვრობს და ეს არის მისი რეალური გუნდი. ზვიადია, ედუარდი და მიშა.
ერთი რამეა უცვლელი, რაც სამივეს აერთიანებს – ძალაუფლება.
თვითონ ბიძინა აღარ არსებობს. ხან მიშა იღვიძებს და მურუსიძეს ლობირებს, ხან შევარდნაძე ალაგებს და აბალანსებს შიდა თუ გარე ინტერეს-ჯგუფებს და ხან ზვიადი თავისუფლების სურნელს გვასუნთქებს. ყველა ეს ქმედება სუროგატული, ფსევდო-შედეგის მომტანია. უფრო მეტიც, ისინი ერთმანეთის ნამოქმედარს ანგრევენ.
მიშა მაინც ყველაზე მაგარია! ის კი არა, ჰოლანდიაში რომ ცხოვრობს. ის, ბიძინას ქვეცნობიერში რომ ჩაიბუდა”-წერს ხუხაშვილი საკუთარ ფეისბუქზე. 

მას შემდეგ რაც ტაივანმა ერთნაირსქესიანთა ქორწინება ლეგალურად სცნო, ქვეყანაში  პირველი გეი ქორწინებები გაიმართა. 

შეინ ლი და მარკ იუნი პირველი გეი წყვილი გახდნენ, ვინც იქორწინეს. მათ გარდა კიდევ რამდენიმე  გეი და ლესბოსელმა წყვილმა იქორწინა.

პირველი გეი ქორწინებები, საზოგადოების ნაწილმა აქციებით გააპროტესტა, ისინი  ერთნაირსქესიანთა ქორწინების აკრძალვას ითხოვნდნენ. 

ტაივანში ერთნაირსქესიანთა ქორწინების ლეგალიზების გადაწყვეტილება პარლამენტმა 17 მაისს მიიღო. ტაივანი პირველი ქვეყანა გახდა აზიაში, სადაც ერთნაირ სქესიანთა ქორწინება ლეგალურია.

„რუსთავი 2“-ის 9%-იანი წილის მფლობელის მოთხოვნით ხვალ პარტნიორთა კრება გაიმართება. ნიჟარაძის ადვოკატმა მოთხოვნები ბრიფინგზე გაახმოვანა. ნიჟარაძე რამდენიმე მოთხოვნას აყენებს. 

ყავლაშვილის განცხადებით, თუ მოხდება არბიტრაჟზე შეთანხმება, მაშინ სასამართლოდან სარჩელს უკან გაიწვევენ. ნიჟარაძის მხარეს აინტერესებს “რუსთავი 2”-ის გენერალური დირექტორის და პარტნიორების პოზიცია მათთვის საინტერესო ფინანსურ საკითხებთან დაკავშირებით.

„შევთავაზეთ არბიტრაჟის მეშვეობით საკითხის გადაჭრა, არბიტრაჟში დავის გადატანა,. ეს გაჟღერდა რუსთავი 2-ის დირექტორის მხრიდან, ჩვენ ვეხმიანებით ამ განცხადებას და მზად ვართ, რომ მივაღწიოთ ამ საკითხთან მიმართებაში შეთანხმებას და ასევე, ვთავაზობთ კიდევ უფრო მარტივ გზას და ეს მარტივი გზა გახლავთ ფინანსური და იურიდიული დოკუმენტების გადაცემა მსოფლიოში წამყვანი 4 აუდიტორული კომპანიისთვის, სხვადასხვა შესაბამისი საკითხებით და წინასწარ ვაცხადებთ, რომ მხარეთა შეთანხმებით, თუკი იქნება არჩეული ასეთი აუდიტორული კომპანია, ჩვენ ყველანაირად ვენდობით იმ შედეგებს, რომელსაც ეს აუდიტორული კომპანია დადებს,“ – განაცხადა გიორგი ყავლაშვილმა.

ნინო ნიჟარაძე პარტნიორთა კრებაზე მედიის დასწრებას ითხოვს.

„მოვითხოვთ შეუჩერდეს უფლებამოსილება სექსუალურ შევიწროებაში დადანაშაულებული ბათუმის უნივერსიტეტის ლექტორს“, – ეს განცხადება, დღეს ბათუმის საკრებულოს ოპოზიციურმა წევრებმა გააკეთეს.

ბათუმის უნივერსიტეტის ლექტორი, რომელიც სტუდენტმა სექსუალურ შევიწროებაში დაადანაშაულა, ამავე დროს  საკრებულოს წევრია.

ოპოზიცია მიიჩნევს, რომ გამოძიების დასრულებამდე მას უფლებამოსილება უნდა შეუჩერდეს. მოთხოვნა დღეს ბათუმის საკრებულოში არ დაკმაყოფილდა.

შეგახსენებთ, რომ 19 წლის სტუდენტი ბათუმის სახელმწიფო უნივერსიტეტის სამართლის ლექტორს სექსუალურ შევიწროებაში ადანაშაულებს. 

მეორე კურსელმა ლექტორის გარყვნილი ქმედების შესახებ სამართალდამცველებს და ბათუმის უნივერსიტეტის რექტორატს აცნობა.

უნივერსიტეტის ლექტორი და საკრებულოს წევრი სტუდენტის ბრალდებას უარყოფს.

ფარულად გასულ წელს 9 ათასზე მეტ ადამიანს უსმენდნენ. ბოლო სამი წლის განმავლობაში მიყურადების ოფიციალურად რეგისტრირებული შემთხვევები სამჯერ არის გაზრდილი. 

ინფორმაციის თავისუფლების ინსტიტუტის მიერ გამოქვეყნებული მონაცემების მიხედვით, ფარული მოსმენების შესახებ სპეცსამსახურების მიერ სასამართლოში წარდგენილი შუამდგომლობების 98%-ს მოსამართლეები აკმაყოფილებენ.

2015 წელს სასამართლოს საგამოძიებო უწყებებიდან ფარული მოსმენა-მიყურადების მიზნით მიმართეს 2719-ჯერ, 2018 წელს კი 9606-ჯერ. აღნიშნული მოთხოვნების 97 პროცენტი კი მოსამართლემ დააკმაყოფილა.

რაც შეეხება  სატელეფონო მიყურადების მონაცემებს,  2018 წელს წინა წელთან შედარებით, თითქმის, ორჯერ არის გაზრდილი სატელეფონო მიყურადებაზე სასამართლოში განხილული და დაკმაყოფილებული შუამდგომლობები – 93 პროცენტი დააკმაყოფილა მოსამართლემ.

თუ რა ტიპის დანაშაულზე ითხოვენ საგამოძიებო უწყებები ფარულ მოსმენა-მიყურადებაზე თანხმობას, ამასთან დაკავშირებით IDFI-ის თანახმად, მოყვანილია რამდენიმე ტიპის დანაშაული, მათ შორის, თაღლითობა, გამოძალვა, ქურდული სამყაროს წევრობა, კანონიერი ქურდობა, ქრთამის აღება და ნარკოტიკული საშუალებების უკანონო დამზადება.

2018 წელს წინა წელთან შედარებით 17-ჯერ არის გაზრდილი ქურდული სამყაროს წევრობისა და კანონიერი ქურდობის დანაშაულთან დაკავშირებით სასამართლოში განხილული შუამდგომლობები.

ინფორმაციის თავისუფლების განვითარების ინსტიტუტის (IDFI)” აღმასრულებელი დირექტორის გიორგი კლდიაშვილის თქმით, აღნიშნული პროცენტული მაჩვენებლები ცხადყოფს, რომ სასამართლო მარტივად გასცემს ამ შუამდგომლობებს.

„საკმაოდ გაზრდილი არის ფარული საგამოძიებო მოქმედებები 2015 წლიდან. კერძოდ, თუ 2015 წელს ჩვენ გვქონდა 2700 ფარული საგამოძიებო მოქმედება განხორციელებული, 2018 წელს ეს საკმაოდ გაზრდილი არის და წარმოადგენს 9600-ს ანუ ზრდა საკმაოდ საგრძნობი არის. ამ სტატისტიკაში განსაკუთრებით აღსანიშნავი არის სატელეფონო მიყურადების სტატისტიკა… ეს სტატისტიკაც საკმაოდ გაზრდილი არის ბოლო წლების განმავლობაში და ასევე, მნიშვნელოვანი არის, რომ გაზრდილი არის სასამართლოში ფარული მიყურადების დაკმაყოფილება,“ – განაცხადა გიორგი კლდიაშვილმა.

ბრიტანეთის პრემიერ-მინისტრმა ტერეზა მეიმ თანამდებობა დატოვა. მან განცხადება, თანამდებობის დატოვების შესახებ, ცოტა ხნის  წინ გააკეთა.

მიზეზად ტერეზა მეი  ბრექსიტის პროცესის წარუმატებლობას ასახელებს.ის თავის მოვალეობას 7 ივნისამდე შეასრულებს. ტერეზა მეი დიდი ბრიტანეთის პრემიერ-მინისტრად 2016 წლის 13 ივლისიდან დაინიშნა.

თბილისში, საცხოვრებელი სახლის აივანი და სახურავი ჩამოინგრა.შემთხვევაკრწანისის რაიონში, ყავლაშვილის 10 ნომერში მოხდა.  შემთვევის შედეგად 3 ოჯახი უბინაოდ დარჩა. ადგილზე კრწანისის გამგეობის წარმომადგენლები იმყოფებოდნენ, გამგეობის ცნობით, დაზარალებულ ოჯახებს დროებით სასტუმროებში გადაიყვანენ.

მოსახლეობის განცხადებით, მიმდებარე საცხოვრებელი სახლებიც ცუდ დღეშია და არ არის გამორიცხული, ნგრევა ისევ განმეორდეს.

საგანგებო სიტუაციების მართვის სამსახურის ინფორმაციით, მოსახლეობის ევაკუაცია მოხდა, შემთხვევის შედეგად არავინ დაშავებულა.