საქართველოში ბრიტანეთის საელჩომ საკუთარ ფეისბუქ გვერდზე ბრიტანეთის დედოფლის, ელისაბედ მეორეს მისალოცი წერილი გამოაქვეყნა. მისი უდიდებულესობა დედოფალი ელისაბედ მეორე საქართველოს პრეზიდენტს და საქართველოს მოსახლეობას დამოუკიდებლობის დღეს ულოცავს:
“დიდი სიხარულით გილოცავთ ეროვნულ დღესასწაულს და ბედნიერებას და წარმატებას ვუსურვებ საქართველოს მოსახლეობას.”
მაჩალიკაშვილების ოჯახი შაბათის კურიერში მას შემდეგ ჩაერთო, რაც ეთერში გავიდა სოსო გოგაშვილის ინტერვიუ. ინტერვიუში სუსის უფროსის ყოფილი მოადგილე აცხადებდა:
„მაჩალიკაშვილს დაუდგა ერთ-ერთი პოლიტიკური ძალა გვერდში, ნაციონალური მოძრაობა და მე უბრალოდ ვთვლიდი, რომ ამ ადამიანს ისინი, სპეციალურად აძახებდნენ. შვილმკვდარ მამას იყენებდნენ ისინი.
ის ადამიანი ამას რომ იძახდა, იქამდე სანამ შევიტყობდი, რომ ის მკვლელობას გეგმავდა ჩემსას, ის ადამიანი, როცა ჩემს სახელს იძახდა ანუ მე ვთვლიდი, რომ მას ამას ეუბნებოდნენ და ის ამ შეკვეთას ასრულებდა და იძახდა ამ სახელს იმიტომ, რომ იქამდე ნაციონალურ მოძრაობას და მის წევრებს და მასთან ასოცირებულ ადამიანებს ძალიან ბევრი ცილი დაუწამებია ჩემთვის, თვითონ ნაცმოძრაობის წევრებსაც და მათ ახლობლებს და მეგობრებსაც და მე ვთვლიდი, რომ ის ადამიანიც ამას აკეთებდა იქამდე, სანამ მე არ დავრწმუნდი იმაში, რომ მან დაიჯერა ეს და დაგეგმა ჩემი მიკვლა და ჩემი ოჯახის. იმ ადამიანს მართლა დააჯერეს, რომ მე ვიყავი ბრძანების გამცემი,“ – განაცხადა გოგაშვილმა.
სუს-ის ყოფილი მაღალჩინოსნის თქმით, მალხაზ მაჩალიკაშვილმა დაიჯერა, რომ სპეცოპერაციაში მისი შვილის მკვლელობის ბრძანება მართლა გოგაშვილმა გასცა.
სახელმწიფო უსაფრთხოების სამსახურის ყოფილი მაღალჩინოსანი ბიძინა ივანიშვილს ბოლოს, დაახლოებით, ორი კვირის წინ შეხვდა,- ამის შესახებ სოსო გოგაშვილმა კურიერთან ინტერვიუში განაცხადა.მისი თქმით, შეხვედრის ინიციატორი ქართული ოცნების თავმჯდომარე იყო.
გოგაშვილის განცხადებით, ივანიშვილი გასცემს პარტიაში დავალებებს, რომელსაც მის დაქვემდებარებაში მყოფი პირები ასრულებენ.
„პარტიის თავმჯდომარე ყველას თავის დავალებას აძლევს და ისინი დავალებებს ასრულებენ. მე არ მაქვს ისეთი პირდაპირი დაქვემდებარება, რომ უშუალოდ პირდაპირი დავალება მივიღო. ბოლოს ვნახე, დაახლოებით, ორი კვირის წინ,“ – განაცხადა სოსო გოგაშვილმა.
“დადასტურებული ინფორმაცია გვაქვს სტრასბურგის მოსამართლის და საქართველოს ხელისუფლების ურთიერთშეთანხმებული ქმედების”- ამის შესახებ ნიკა გვარამიამ სულ ცოტა ხნის წინ საგანგებო ბრიფინგზე განაცხადა.
მისი თქმით, სტრასბურგში ქართველი მოსამართლე ლადო ჭანტურია საქართველოს ხელისუფლებისგან ინსტრუქციებს იღებს იმისთვის რომ არხისთვის სტრასბურგის მიერ გამოტანილი დროებითი ღონისძიება მოიხსნას.
“ჩვენი ინფორმციით საქართველოს წარმომადგენელს სტრასბურგის სასამართლოში ბატონ ლადო ჭანტურიას აქვს კომუნიკაცია საქართველოს ხელისუფლებასთან და იგი იღებს ინსტრუქციებს საქართველოს ხელისუფლების მხრიდან როგორ იმოქმედოს რუსთავი 2-ის საქმეზე და მიმდინარეობს ორკესტრირებულად დაგეგმვა საქმესთან დაკავშირებული დეტალების. რამდენიმე დღის წინ ხელისუფლებაში გაჟონილი ინფორმაციით, რომელიც ლადო ჭანტურიამ მიაწოდა იუსტიციის სამინისტროს შედგა რუსთავი 2-თან დაკავშირებული საქმის პროექტის განხილვა სასამართლო კოლეგიის მიერ, პროექტი იქნა დაწუნებული და მიუბრუნდა უკან მომხსენებელს შენიშვნებით, ეს არის ინფორმაცია, რომელიც დაზუსტებით ცნობილია იუსტიციის სამინისტროში არსებული წყაროების მხრიდან, ხოლო იუსტიციის სამინისტრომ ეს ინფორმაცია მიიღო ჭანტურიასგან, რაც არის სამოსამართლეო ეთიკის დარღვევა და ამ საფუძვლით ჩვენ აცილებას ვუცხადებთ ლადო ჭანტურიას და მიგვაჩნია რომ მისი თანამონაწილეობით ეს საქმე არ უნდა გადაწყდეს”-აცხადებს გვარამიამ და მოსამართლეს აცილებას უცხადებს.
შეგახსენებთ, რომ დღეს “რუსთავი 2”-ის ოფისში პარტნიორთა კრება შედგა, რომელიც არხის 9-პროცენტიანი წილის მფლობელის ნინო ნიჟარაძის მოთხოვნით ჩაინიშნა. კრებაზე 3 საკითხი განიხილეს, მათ შორის, ნიჟარაძის მოთხოვნა, რომელიც არხის მფლობელებს და მენეჯმენტს მისთვის ზიანის მიყენებაში ადანაშაულებს და კომპენსაციას მოითხოვს.
„ჩვენი უტყუარი ინფორმაციით, საქართველოს წარმომადგენელს, მოსამართლეს სტრასბურგის სასამართლოში, ბატონ ლადო ჭანტურიას აქვს კომუნიკაცია საქართველოს ხელისუფლებასთან და იღებს ინსტრუქციებს საქართელოს ხელისუფლების მხრიდან, როგორც იმოქმედოს რუსთავი 2-ის საქმეზე. მიმდინარეობს ორკესტრირებულად დაგეგმვა საქმესთან დაკავშირებული დეტალების. ეს სარჩელიც, რომელიც შესულია სასამართლოში, ემსახურება სწორედ ამ მიზანს და არის ამ სქემის ნაწილი. სქემის, რომელიც ლაგდება სტრასბურგში საქართველოს წარმომადგენლის თანამონაწილეობით.“ –ამბობს გვარამია.
შინაგან საქმეთა სამინისტროს ინფორმაციით, თბილისში ფსიქოაქტიური ნივთიერების უკანონოდ გასაღების მცდელობის ბრალდებით 1 პირი დააკავეს. მათივე თქმით, ბრალდებულმა 1994 წელს დაბადებულმა ს.ა.-მ უკანონოდ შეიძინა 43 შეკვრად დაფასოებული ახალი ფსიქოაქტიური ნივთიერება “ალფა პვპ”.
დანაშაული 6-დან 11 წლამდე ვადით თავისუფლების აღკვეთას ითვალისწინებს.
“გამოძიებამ დაადგინა, რომ ს.ა.-მ შემდგომი რეალიზაციის მიზნით, უკანონოდ შეიძინა 43 შეკვრად დაფასოებული ახალი ფსიქოაქტიური ნივთიერება “ალფა პვპ”. სამართალდამცველებმა ბრალდებული თბილისში, ჯიქიას ქუჩის მიმდებარედ, სასაფლაოებთან ახლოს, ტყის მასივში იმ დროს დააკავეს, როდესაც იგი ნარკოტიკის მცირე შეკვრების სხვადასხვა ლოკაციებზე განთავსებას ცდილობდა.
გამოძიება ნარკოტიკული საშუალების უკანონო შეძენა-შენახვის და ახალი ფსიქოაქტიური ნივთიერების უკანონო გასაღების მცდელობის ფაქტებზე მიმდინარეობს, სისხლის სამართლის კოდექსის 260-ე მუხლის 1-ლი ნაწილით და 19-260-ე მუხლის მე-4 ნაწილით”,-ნათქვამია შსს-ს განცხადებაში.