Category: არქივი

თავდაცვის ყოფილი მინისტრი გორის რაიონში სეტყვით დაზარალებულთა პროტესტს და სოფლის მეურნეობის მინისტრის მიერ მათთვის მიცემულ დაპირებებს სოციალურ ქსელში გამოეხმაურა:

“შევარდნაძე ცოცხალი რომ იყოს, დაღლილ ვირს სოფლის მეურნეობის დღევანდელ მინისტრს დაარქმევდა.

მასთან შეხვედრაზე იმდენი სეტყვით დაზარალებული ნაცნობი სახე მომხვდა თვალში, ვისაც დღემდე შუბლზე და თვალის ქუთუთოებზე 41 აქვთ “დანაკოლკებული” და ოცნების დროშით დარბის, რომ (დანარჩენებმა რა დააშავეს თორემ) ალალია მათზე 200 ლარიანი კომპენსაცია ჰექტარზე.“ –წერს ირაკლი ოქრუაშვილი.

გორის მუნიციპალიტეტის ტერიტორიაზე სეტყვამ 30-ზე მეტი სოფელი დააზარალა. ძირითადად, განადგურდა კურკოვანი ხილი და ბოსტნეული კულტურები. დაზარალებულებმა ზარალის ანაზღაურება მოითხოვეს და პროტესტის ნიშნად ავტობანის გადაკეტვა სცადეს. აქციის მონაწილეებსგარემოს დაცვისა და სოფლის მეურნეობის მინისტრი და შიდა ქართლის გუბერნატორი შეხვდნენ.

მოსახლეობა ერთჯერად დახმარებას ითხოვდა, თუმცა მინისტრის შეთავაზებები მათთვის მიუღებელი აღმოჩნდა და დიდმა ნაწილმა დარბაზი დატოვა.

დავითაშვილი მოსახლეობას პირდება, რომ ბანკებთან იშუამდგომლებს სესხების გადავადების ან შეღავათების თაობაზე. ასევე, პირობა დადო, რომ მთავრობა სეტყვის საწინააღმდეგო სისტემების დამონტაჟებაზე იზრუნებს.

გორის მუნიციპალიტეტის სოფელ ნაწრეტში მოხუცი ცოლ-ქმარი საკუთარ სახლში გარდაცვლილი იპოვეს. გარდაცვალების მიზეზი ჯერჯერობით უცნობია, თუმცა სავარაუდოდ ცოლ-ქმარი ბუნებრივი აირის ნაწვით გაიგუდა. ადგილზე პოლიცია მუშაობს. გარდაცვლილები სკოლაში მუშაობდნენ.

გამოძიება სისხლის სამართლის კოდექსის 240 პრიმა მუხლის მე-3 ნაწილით მიმდინარეობს, რაც ელექტრო- ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევა, რასაც მოჰყვა ორი ან მეტი ადამიანის სიცოცხლის მოსპობა და ისჯება თავისუფლების აღკვეთით ვადით ექვსიდან ათ წლამდე.

ესპანური პოლიციის ინფორმაციით ძალოვანებმა დანაშაულებრივი ჯგუფი სათვალთვალო კამერებიდან მიღებული ინფორმაციის დახმარებით დააკავეს. მათი ბინებიდან ამოღებულია თანხა, მობილური ტელეფონები და კომპიუტერები.

სტიქია მარნეულის რაიონის სოფელ ლემშვენიერაში – დაახლოებით ერთსაათიანი წვიმისა და სეტყვის შედეგად მოსახლეობის ძირითადი ნაწილი დაზარალდა. მათ უმეტესობას სრულად დაეტბორა საცხოვრებელი სახლების პირველი სართულები, განადგურებულია ავეჯი, ტექნიკა. ადგილობრივების თქმით, მოვარდნილმა წყალმა წაიღო ღობეები, გაანადგურა ვენახები და სხვა კულტურები.

ლემშვენიერას მოსახლეობა ამბობს, რომ ადგილობრივი ხელისუფლება მათთან მხოლოდ დღეს მივიდა და აუნაზღაურებს თუ არა ზარალს, ჯერჯერობით უცნობია.

„ქართული ოცნებიდან” წასული დეპუტატები პრემიერს და საგარეო საქმეთა მინისტრს პარლამენტში იბარებენ. ლევან გოგიჩაიშვილი ამბობს, რომ დავით გარეჯის საკითხზე მმართველი პარტიის მითითება, რომ ყველა გაჩუმდეს, სწორი არ არის.

„პოზიცია, რომ მოდი ჩუმად ვიყოთ და ხმა არ ამოვიღოთ, ეს არ არის სწორი. შესახვედრია იმ საბჭოსთან, რომელიც ამ საკითხზე საუბრობს, პრემიერი მოდის პარლამენტში და ეს კითხვები იქნება, კარგი იქნება თუ მოვა საგარეო საქმეთა მინისტრი,“-ამბობს ლევან გოგიჩაიშვილი.

კანონმდებლების შეფასებით, მამუკა ბახტაძემ და დავით ზალკალიანმა უნდა განმარტონ, დავით გარეჯთან მიმართებაში რა თემებზე მიმდინარეობს მოლაპარაკებები აზერბაიჯანულ მხარესთან.

გარდა ამისა, დეპუტატების ნაწილი აცხადებს, რომ პარლამენტმა ერთობლივი დოკუმენტი უნდა მიიღოს, რითაც ის დავით გარეჯში შექმნილ ვითარებას გამოეხმაურება.

უმრავლესობაში კი კიდევ ერთხელ აცხადებენ, რომ მათ ყველაფერი უნდა გააკეთონ რათა ვითარების ხელოვნურად დაძაბვა თავიდან აიცილონ.

„მოლაპარაკების დროს ვითარების ხელოვნურად დაძაბვა არ არის საჭირო და არ არის სახელმწიფოებრივად სწორი და გამართული. ვითარების დაძაბვის დიდოსტატები რომ არიან ჩვენი ოპონენტები, ამაში ეჭვი არც მათ მხარდამჭერებს ეპარებათ,“-ამბობს გია ვოლსკი.

ლექტორს, რომელსაც სტუდენტი სექსუალურ შევიწროებაში ადანაშაულებს, დისციპლინური კომისიის გადაწყვეტილებით, ხელშეკრულება შეუწყდა. ომარ მახარაძის საკითხი ბათუმის უნივერსიტეტის დისციპლინურმა კომისიამ გუშინ საღამოს განიხილა.

დახურულ სხდომაზე დასწრებას ითხოვდნენ სტუდენტებიც, თუმცა მათ ამის უფლება არ მიეცათ.

სტუდენტთა საინიციატივო ჯგუფი 19 წლის გოგოს სოლიდარობას უცხადებენ. თავად ომარ მახარაძე მიწვევის მიუხედავად სხდომაზე არ გამოცხადდა.

„კომისიის თითოეულმა წევრმა შინაგანი რწმენით და იმ მასალაზე დაფუძნებით, რაც ჩვენ გვქონდა, კენჭი ვუყარეთ და გადავწყვიტეთ, რომ აქ უნდა ყოფილიყო სახდელი შრომითი უფლებების შეწყვეტა. ერთხმად მივიღეთ გადაწყვეტილება,“-აცხადებს სახელობის სახელმწიფო უნივერსიტეტის დისციპლინური კომისიის თავმჯდომარე ანზორ ბერიძე.

ომარ მხეიძე სტუდენტმა სექსუალურ შევიწროებაში ერთი კვირის წინ დაადანაშაულა და მათი მიმოწერა გაასაჯაროვა. ომარ მხეიძე ბრალდებას უარყოფდა და ამბობდა, რომ ტელეფონი გაუტეხეს. თუმცა უნივერსიტეტმა მას ლექციებზე შესვლა მეორე დღესვე აუკრძალა. მხეიძე ბათუმის საკრებულოს წევრიც იყო. ოპოზიციამ მისთვის საკრებულოს წევრობის შეჩერებაც მოითხოვა.ორი დღის წინ ომარ მხეიძემ საკრებულოს იურიდიული კომიტეტის თავმჯდომარის პოსტი და ფრაქცია ქართული ოცნება– მრეწველების რიგები დატოვა.

„ნაციონალური მოძრაობის“ თავმჯდომარის გრიგოლ ვაშაძის განცხადებთ, მიხეილ სააკაშვილისთვის უკრაინის მოქალაქეობის დაბრუნება საქართველოსთვისაც დადებითი მოვლენაა.

„რაც მოხდა უკრაინაში, ამტკიცებს, რომ ფულს ყოველთვის დაამარცხებს იდეოლოგია და ღირებულებები“ – განაცხადა გრიგოლ ვაშაძემ სპეციალურად გამართულ ბრიფინფზე და „გაერთიანებული ოპოზიციისა“ და „ნაციონალური მოძრაობის“ სახელით, სააკაშვილს სამართლიანობის აღდგენა მიულოცა. გრიგოლ ვაშაძის თქმით, მიხეილ სააკაშვილის მოქალაქეობის გარეშე დატოვება იყო როგორც პოლიტიკური, ისე სამართლებრივი და მორალური პრობლემა.

„ჩვენთვის ეს ძალიან დიდი სიხარული და ძალიან დიდი გამარჯვებაა, რადგან საქართველო და უკრაინა ერთნაირ ომში იმყოფებიან და იმიტომ, რომ მიხეილ სააკაშვილი უფრო ახლოს იქნება საქართველოსთან. მიხეილ სააკაშვილი უკრაინის მოქალაქეა, ძალიან ცოტა დრო დარჩა ჩვენს გამარჯვებამდე საქართველოში და იმ მომენტამტე, როცა სააკაშვილს დაუბრუნდება მოქალაქეობა საქართველოში და ერთად გავაგრძელებთ იმ გზას, რაც დაიწყო 2003 წელს“ – განაცხადა ვაშაძემ

უბედური შემთხვევა ესპანეთში.ტარაგონაში რუსთავიდან წასული ოჯახის დასვენება ტრაგედიით დასრულდა. “ინფო რუსთავის” ინფორმაციით მცირეწლოვანი ბავშვები მამასთან ერთად ზღვის ნაპირზე იმყოფებოდნენ. ესპანური მედიის ცნობით იყო ქარი და ტალღები, მოულოდნელად ტალღებმა ბავშვები წყლის სიღრმეში შეიყვანა.

ბავშვების მამამ წყლიდან ორი მცირეწლოვანის გამოყვანა მოახერხა, ხოლო მესამე კი დინებამ გაიტაცა. მაშველებმა მალევე დაიწყეს 5 წლის გოგონას ძებნა, რამდენიმე წუთში, ნაპირიდან დაახლოებით 200 მეტრში მიაგნეს კიდევაც თუმცა მცირეწლოვანის გადარჩენა ვეღარ მოახერხეს.

„გირჩის“ ლიდერი ზურა ჯაფარიძე „ფეისბუქის“ გვერდზე ვიდეოს ავრცელებს, სადაც აცხადებს, რომ „გირჩისთვის“ ფინანსების მოძიებას იწყებს და დღეიდან მისი საქმიანობის ერთ-ერთი მნიშვნელოვანი ნაწილი სწორედ ფინანსების მობილიზება იქნება.

„ბევრ ცვლილებას ვგეგმავთ 2020 წლის არჩევნებისთვის. პარტიულუი სისტემის გამართვის პრიცესში ვართ. გვაქვს ძალიან ბევრი გამოწვევა, რაც დროში ძალიან სწრაფად არის მოსაგვარებელი, მათ შორის არის ყველაზე მნიშვნელოვანი „გირჩის“ ფინანსური სტაბილურობის საკიხი. „გირჩი“ არის ერთადერთი პარტია, რომელიც უარს ამბობს საბიუჯეტო დაფინანსებაზე და არსებობს მხოლოდ საკუთარი შემოსავლებით, მაგრამ ეს შემოსავლები სავსებით არ არის საკმარისი, რომ რეალურ საარჩევნო კონკურენციაში შევიდეთ მსხვილ პარტიებთან. არადა, გვინდა სწორედ ასეთ კონკურენციაში შესვლა“ – აცხადებს ჯაფარიძე. მისივე თქმით, „გირჩი“ აკეთებს წარმატებული ადამიანების სიას, და ინდივიდუალურად დაურეკავენ და შეხვდებიან ამა თუ იმ ბიზნესმენს. ვინ წავა ასეთ თანამშრომლობაზე „გირჩთან“ და ვინ – არა, ზურა ჯაფარიძე ამბობს, რომ ამის შესახებ ყველაფერს საჯაროდ იტყვის.

„ვის შევხვდი, როგიორ ჩაიარა შეხვედრამ, ვინ ითანამშრომლებს ჩვენთან . ასევე საჯაროდ მოვყვები ვინ არ ითანამშრომლებს და რა მიზეზებს იტყვის. მსგავსი რამ ამ ქვეყანაში არავის გაუკეთებია. ამ თვალსაზრისითაც „გირჩი“ ახალ სტანდარტს დადებს ქვეყანაში“ – აცხადებს ჯაფარიძე.

“ეს არის მნიშვნელოვანი ისტორიული პრეცედენტი,” – ასე აფასებს მიხეილ სააკაშვილი უკრაინის პრეზიდენტის გადაწყვეტილებას, რომელმაც მას მოქალაქეობა აღუდგინა.

საქართველოს მესამე პრეზიდენტი და ოდესის ყოფილი გუბერნატორი კიევში ხვალ ჩავა.

მიხეილ სააკაშვილის განცხადებით, ზელენსკიმ მიღებული გადაწყვეტილებით სამართლიანობა აღადგინა.

საქართველოს მესამე პრეზიდენტის თქმით, მას შემდეგ, რაც უკრაინაში ხელისუფლება შეიცვალა, პოროშენკოს ხელისუფლების გენერალურმა პროკურორმა აღიარა, თუ როგორ აყალბებდა მის წინააღმდეგ მტკიცებულებებს. მისივე თქმით, სწორედ ასევე მოხდება საქართველოშიც.

„მოსალოცია იმიტომ, რომ რეალურად მოხდა სამართლიანობის აღდგენა. სამართლიანობის აღდგენა იმ გაგებით, რომ უკრაინაში ჩემს წინააღმდეგ აღძრეს ზუსტად ისეთივე სისხლის სამართლის საქმე, ზუსტად ისეთივე ოლიგარქებმა, როგორიც აღძრეს საქართველოში – თითიდან გამოწოვილი, მოგონილი, ძალიან თავხედურად გაყალბებული. მთავარმა პროკურორმა მოხსნა პირი და მოყვა, როგორ ავალებდა პოროშენკო ჩემს წინააღმდეგ მტკიცებულებების ფალსიფიცირებას. ზუსტად ასევე, როგორც კი ივანიშვილი კიდევ უფრო შეირყევა, მოხსნიან პირს ფარცხალაძეები, კბილაშვილები, წულუკიანები და აუცილებლად მოყვებიან, როგორ ხდებოდა მტკიცებულებების გაყალბება, ყალბი ჩვენებების მიღება, როგორ ხდებოდა პოლიტიკური დევნა,“ – განაცხადა მიხეილ სააკაშვილმა გადაცემა არჩევანში ჩართვისას.

მიხეილ სააკაშვილმა დღეს იმ გეგმებზეც ისაუბრა, რომელსაც უკრაინაში დაბრუნების შემდეგ განახორციელებს.

მისი თქმით, ის გაუზიარებს გამოცდილებას და დაეხმარება უკრაინის ხელისუფლებას მის იდეებს.

მიხეილ სააკაშვილი ზელენსკის პოლიტიკურ კურსთან თანხვედრაზე საუბრობს და აცხადებს, რომ უკრაინის პრეზიდენტს ჰქონდა სიმპატიები იმ რეფორმების მიმართ, რაც მან თავის დროზე გაატარა და ასევე იმ პროექტების მიმართ, რაზეც ბოლო პერიოდია, საუბრობს. მათ შორის არის ელექტრონული არჩევნების სისტემის დანერგვა.

მიხეილ სააკაშვილის განცხადებით, ივანიშვილი ცდილობდა, რომ ის უკრაინაში არ შეეშვათ, თუმცა, მას გეგმები ჩაეშალა.

„ივანიშვილისთვის ეს შავი დღეა ნამდვილად,“ – განაცხადა მიხეილ სააკაშვილმა.