Category: არქივი

პარლამენტის პლენარულ სხდომაზე, სადაც გარემოს დაცვისა და ბუნებრივი რესურსების თავმჯდმარეს თბილისის ატმოსფერული ჰაერის მდგომაროების შესახებ უსმენენ, „პატრიოტთა ალიანსის“ წევრმა ადა მარშანიამ ყურსასმენები მოითხოვა. მისი თმით, დარბაზის ჰარმონიული დაგეგმერება დარღვეულია.

„ძალიან ცუდად ისმის, ეს არ არის მხოლოდ ხმაურის ბრალი, როდის დაადგება საშველი ამ გახმოვანებას? ამ დარბაზში გავატარე ცხოვრების ნახევარი – სამწუხაროდ, საუბედუროდ თუ საბედნიეროდ. ძალიან გთხოვთ, ქალბატონო სხდომის თავმჯდომარე, ყურსასმენები დაგვირიგეთ, წესიერად მოვუსმინოთ, მნიშვნელოვან საკითხს“ – განუცხადა თამარ ჩუგოშვილს ადა მარშანიამ, რაზეც პასუხი მიიღო, რომ ტენდერის საჭიროებიდან გამომდინარე, საშემოდგომო სესიიდან ეს პრობლემა მოგვარდება.
„მანამდე ამ რეჟიმში მოგვიწევს მუშაობა. ყურსასმენები ვისაც ჭირდება იმისთვის, რომ ხმის პრობლემა არ ჰქონდეს, აპარატს ვთხოვ, მიაწოდოს“ – განაცხადა თამარ ჩუგოშვილმა.

დედაქალაქის მერის განცხადებით, პირველი აგვისტოდან ქალაქში ზონალური პარკირების წესი ამოქმედდება. კახა კალაძის თქმით, საათობრივი პარკირების გადასახადი პირველი ივლისიდან უნდა ამოქმედებულიყო, თუმცა ეს პროცესი ერთი თვით გადაიწევს. მიზეზი დედაქალქის მერის განცხადებით ავტობუსების პარკის განახლებაა. კალაძის თქმით, პირველ ივლისამდე ვერ ესწრება ავტობუსების სრულად ჩამოყვანა ამიტომ ზონალური პარკირების წესი ერთი თვით გადაიწევს.

„დედაქალაქის საკრებულომ დაამტკიცა ზონალური საათობრივი პარკირების წესი, რომლის ინიციატორიც არის თბილისის მერია.ამ ინიციატივის უმთავრესი მიზანია ქალაქში გარემოს დაბინძურების და საცობების შემცირება, საზოგადოებრივი ტრანსპორტის როლის გაზრდა.კონკრეტული ნაბიჯები არის გადადგმული. 90 ერთეული „მანის“ ავტობუსები შევიძინეთ და 40 ჩამოვა უახლოეს ერთ თვეში, თვენახევარში და მოემსახურება დედაქალაქის მცხოვრებლებს.სატრანსპორტო სისტემის მოწესრიგებასთან ერთად ერთ-ერთი მნიშვნელოვანი მიმართულებაა ზონალური პარკირება. მისი ამოქმედება დაგეგმილი იყო პირველი ივლისიდან, თუმცა მივიღეთ გადაწყვეტილება, რომ 1-ელი ივლისის ნაცლად ზონალური პარკირება ამოქმედდეს 1-ელი აგვისტოდან,“-განაცხადა კახა კალაძემ.

ზონალურ-საათობრივი პარკირება, რომლის საპილოტე არეალი კოტე აფხაზის ქუჩა და აბათონუბანი იქნება, 1 ლარიდან 3 ლარამდე ეღირება. ამის შესახებ თბილისის მერის მოადგილემ, ირაკლი ხმალაძემ დედაქალაქის მთავრობის სხდომის დასრულების შემდეგ განაცხადა.

“ამასთან, მნიშვნელოვანია, რომ გადახდა შესაძლებელი იქნება როგორც გადახდის აპარატების მეშვეობით, ასევე მობილური აპლიკაციის მეშვეობით. ჩვენ ახალ ველოსიპედს არ ვიგონებთ, გადმოგვაქვს საუკეთესო მაგალითები, რომელიც განვითარებულმა დიდმა ქალაქებმა განახორციელეს. რეფორმა ეტაპობრივად ხორციელდება, ამიტომ საწყის ეტაპზე, საპილოტე პროექტი ორ ადგილზე ხორციელდება. მომავალში კი სხვა ადგილების მიმართაც ანალოგიური მიდგომა გვექნება”, – თქვა კახა კალაძემ.

თბილისში, აზერბაიჯანის რესპუბლიკის დამოუკიდებლობის 100 წლისთავი, სასტუმრო “ბილტმორში” აღნიშნეს. აზერბაიჯანის ელჩმა დურსუნ ჰასანოვმა განაცხადა, რომ დავით გარეჯის თემა “საკეთილდღეოდ გადაწყდება”.  ამის შესახებ განცხადება ელჩმა  ღონისძიებაზე განაცხადა.

„აზერბაიჯანი და საქართველო მეგობრები და ძმები არიან. ჩვენ ძმური და მეგობრული თანამშრომლობა დიდი ხანია არსებობს და მრავალი საუკუნე  გაგრძელდება. დავით გარეჯის თემასთან დაკავშირებით, საქართველოსა და აზერბაიჯანის სამთავრობო კომისიები მუშაობენ ასევე საგარეო საქმეთა უწყებებიც მუშაობენ და ძალიან ბევრი შეხვედრა იმართება მესაზღვრეებსა და დიპლომატებს შორის. ყველა საკითხი მოგვარდება. საქართველო და აზერბაიჯანი ძმები არიან და ეს თემა ორი ქვეყნის კეთილი ურთიერთობის სასარგებლოდ გადაწყდება. სადემარკაციო კომისია მუშაობას აგრძელებს და მას საშუალება უნდა მივცეთ, ყველა კითხვას გასცეს პასუხი. დარწმუნებული ვარ და თქვენც გარწმუნებთ, რომ ყველაფერი კარგად დასრულდება“- განაცხადა ელჩმა

პარლამენტის ვიცე-სპიკერმა, გია ვოლსკიმ მიხეილ სააკაშვილის მისამართით განცხადება გააკეთა.

„რაც შეეხება თავად მიხეილ სააკაშვილს, ვფიქრობ, რომ ალტრუისტია, მე ვფიქრობ, რომ მნიშვნელოვნად დაუპირისპირდა დასავლეთის ინტერესებს, როცა საქართველოს პრეზიდენტი იყო, მათ შორის 2008 წლის ომის წინა პერიოდში ყველანაირად იგნორირება მოახდინა ჩვენი პარტნიორების რეკომენდაციების და მე ვფიქრობ, ამასთან, არის ადამიანი, რომელიც ყველა ნაბიჯზე იტყუება ყველა საკითხთან დაკავშირებით. აქედან გამომდინარე, ვფიქრობ, რომ უკრაინისთვის მისი ჩართვა გარკვეულ საქმიანობაში არ იქნება სწორი და იქნება დამაზიანებელი,“ – განაცხადა გია ვოლსკიმ.

მიხეილ სააკაშვილი ახალი პოლიტიკური გეგმებით უკრაინაში ბრუნდება. ინაუგურაციის შემდეგ ვლადიმერ ზელენსკიმ ერთ-ერთი პირველი განკარგულებით პოროშენკოს ხელმოწერილი დოკუმენტი გააუქმა, რის საფუძველზეც ოდესის ყოფილ გუბერნატორს მოქალაქეობა აღუდგა.

თბილისის მუნიციპალიტეტის მთავრობის სხდომაზე თბილისის მერმა კახა კალაძემ განაცხადა რომ ჭავჭავაძის გამზირის რეაბილიტაციის გამო ვარაზისხევიდან ატენის ქუჩამდე ავტოტრანსპორტის მოძრაობა დღეიდან შეიზღუდება.

ჭავჭავაძის გამზირის რეაბილიტაციას15 მილიონი ლარი დაიხარჯება. ქუჩაზე მოეწყობა ავტობუსების ზოლები, საფეხმავლო ბილიკები და სრულად შეიცვლება განათება.

„ვიწყებთ ჭავჭავაძის გამზირის სრულ რეაბილიტაციას და დღეს საღამოდან უკვე კონკრეტულ ლოკაციაზე შეიზღუდება მოძრაობა, ვარაზისხევიდან „პიქსელის“ შენობამდე, ატენის ქუჩამდე შეიზღუდება მოძრაობა. გვინდა, რომ სრულად მოხდეს ქუჩის რეაბილიტაცია. გუშინდელმა წვიმამ და სეტყვამ გვაჩვენა, რომ ჩვენი გადაწყვეტილება არის სწორი, როდესაც ფუნდამენტურად ვახორციელებთ რეაბილიტაციას. მხოლოდ მოასფალტება არ შველის საქმეს და ეს არ არის გაკეთებული საქმე. გუშინდელმა დღემ გვაჩვენა, რომ მძიმე მდგომარეობა გვაქვს ქალაქში მიწისქვეშა ინფრასტრუქტურაზე. ფუნდამენტურად უნდა შეიცვალოს სანიაღვრე სისტემები ამ მიმართულებით ჭავჭავაძეზე გვაქვს მძიმე მდგომარეობა. საჭიროებს გადაუდებელ სამუშაოებს. იმის გამო, რომ სატრანსპორტო კოლაფსი არ გამოვიწვიოთ ქალაქში, მთლიანად ჭავჭავაძეს ვერ გადავკეტავდით, მოხდება ლოკაციების შერჩევა და ადგილების გადაკეტვა. პირველი ეტაპი ვარაზის ხევიდან ატენის ქუჩამდე გვაქვს. ჩამოყვანილი გყავს უცხოელი სპეციალისტები, რომლებიც დააკვირდებიან პროცესს“, – განაცხადა კახა კალაძემ.