მუნიციპალური ტრანსპორტით უბილეთო მგზავრობაზე დაკისრებული ჯარიმა 5 ლარიდან 20 ლარამდე გაიზრდება. ცვლილება ადმინისტრაციული სამართალდარღვევათა კოდექსში ხორციელდება და იგი პარლამენტმა მესამე მოსმენით დაამტკიცა.
გარდა ამისა, მგზავრებს ტრანსპორტში ასვლისთანავე მოუწევთ ბილეთის ყიდვა ადგილზე ან ელექტრონული გადახდის საშუალებით.
საქართველოს პროკურატურა აგრძელებს მიხეილ სააკაშვილის საექსტრადიციო პროცედურებს – ამის შესახებ განცხადება საგამოძიებო უწყებაში გაკეთდა. კოკა კაციტაძის თქმით, საქართველოს მესამე პრეზიდენტის საექსტრადიციო პროცედურები ისევ გრძელდება.
პროკურატუაში ამბობენ, რომ მიხეილ სააკაშვილისთვის მოქალაქეობის აღდგენის საკითხი მის მიმართ დაწყებულ სამართლებრივ დევნაზე გავლენას ვერ მოახდენს.
“საქართველოს პროკურატურას მიხეილ სააკაშვილის საექსტრადიციო პროცედურები დაწყებული აქვს, ეს სამართლებრივი პროცედურები გრძელდება და არ შეწყვეტილა. რაც შეეხება მისი მოქალაქეობის საკითხის, მოქალაქეობის დაკარგვა ან აღდგენა ვერანაირ გავლენას ვერ მოახდენს მის მიმართ დაწყებულ სისხლის სამართლებრივ დევნასა და საექსტრადიციო პროცედურებზე. მიხეილ სააკაშვილი გასამართლებულია ქართული სასამართლოს მიერ. მას მოუწევს ქართული მართლმსაჯულების წინაშე წარდგენა და პასუხისმგებლობის დაკისრება იმ დანაშაულებისთვის, რომლისთვისაც უკვე არის გასამართლებული. კერძოდ, იგი მსჯავრდებული არის სანდრო გირგვლიანის საქმეზე, პარლამენტის წევრ ვალერი გელაშვილის ცემის საქმეზე, ხოლო ბრალდებულია და სასამრთლო განხილვები მიმდინარეობს სახელმწიფო სახსრების გაფლანგვის საქმეზე და 7 ნოემბრისა და ტელეიმედის დარბევის საქმეებზე,“ – აღნიშნა კოკა კაციტაძემ.
გადაწყვეტილება სააკაშვილისთვის უკრაინის მოქალაქეობის აღდგენის შესახებ უკრაინის ახალარჩეულმა პრეზიდენტმა, ვლადიმერ ზელენსკიმ გუშინ მიიღო, რომელმაც პეტრო პოროშენკოს 2017 წლის განკარგულება გააუქმა.
მთაწმინდაზე ცესკო-მ ამომრჩეველი ბუჩქის ძირას დაარეგისტრირდა. შუალედური არჩევნების მეორე ტურის წინ სიების გადამოწმების შემდეგ დადგინდა, რომ ერთ-ერთ მოქალაქეს, რომლის გვარს მედია არ ასაჯაროებს, ცესკო-ს სიაში ფაქტობრივ მისამართად მითითებული აქვს იუსტიცის სახლის მიმდებარე ბუჩქის ძირას. თუმცა უცნობია, კონკრეტულად რომელი ბუჩქის ძირს არის რეგისტრირებული გიორგი ნ.
თავდაპირველად ინფორმაცია ამის შეახებ სოციალური ქსელით გავრცელდა. მონაცემები ამომრჩეველთა ერთიან სიაში გადამოწმდა და აღმოჩნდა, რომ ცესკო-ს ვებგვერდზე სიაში მოქალაქე მართლაც ბუჩქის ძირას არის რეგისტრირებული.
იტალიის ციხეში ქართველ ემიგრანტს სცემეს, დაასახიჩრეს და გაუპატიურებით ემუქრებიან – ამ ინფორმაციას პატიმრის ადვოკატები ავრცელებენ.
სპეციალურ პრესკონფერენციაზე მათ განაცხადეს, რომ 32 წლის ანტონ ჭელიძეს იმ დანაშაულის აღიარებას თხოვენ, რაც არ ჩაუდენია, სასჯელად კი აწამებენ.
“ევროპის ცენტრში, იტალიაში ქურდობის მცდელობის ბრალდებით 2018 წელს ანტონ ჭელიძე დააკავეს. დაკავება ძალის გადამეტებით მოხდა და ორივე მხარემ დაზიანება მიიღო. იმის გამო, რომ არ აღიარა დანაშაული უთხრეს, რომ დაისჯებოდა. გადაიყვანეს იზოლატორში, მოხდა წამება, შემდეგ ფლორენციის ციხეში სექსუალური უმცირესობების საკანში მოათავსეს და ეს გამოიყენეს სასაჯელად. შელახეს მისი ღირსება. ის მზად არის ნებისმიერი სამართლიანი სასჯელისთვის, ოღონდ ღირსება დაიცვას. არაადამიანური წამების მსხვერპლია არაბული წარმომავლობის პატიმრებისგან და ციხის თანამშრომლებისგან. სხეულზე აქვს დაზიანებები, თვითმკვლელობა, სცადა. ყველას ვალდებულებაა დავიცვათ უდანაშაულო ადამიანი”-განაცხადა ადვოკატმა ლედი ტუკვაძემ.
პატიმრის უფლებას ასევე იცავ “ემიგრაციის საერთაშორისო ცენტის” ადვოკატი მარი ლევიძე. ადვოკატების თქმით, საქმის შესახებ ინფორმირებულია საგარეო საქმეთა სამინისტრო, პრეზიდენტის ადმინისტრაცია და საპარლამენტო მდივანი. ისინი მოუწოდებენ შესაბამის უწყებებს დროულად მოხდეს თემით დაინტერესება და ჩაერიონ, რომ შეწყდეს პატიმრის წამება.
ბარსელონაში მიტოვებული ინსტიტუტის შენობიდან 119 ადამიანი გაასახლეს. გასახლებულებს შორის 79 საქართველოს მოქალაქეა. ინფორმაციას ამის შესახებ ესპანური მედია ავრცელებს.
მედიის ცნობით, შენობაში 1 წლის განმავლობაში რამდენიმე ოჯახი ცხოვრობდა, შენობას დავს ასევე ქართველი კრიმინალებიც აფარებდნენ.
როგორც პოლიციაში განაცხადეს, შენობა იყო ქართველი ე.წ. კანონიერი ქურდების თავშესაფარი. გამოძიების მიხედვით, აღნიშნული პირები ეჭვმიტანილები არიან 70-ზე მეტი სახლის გაქურდვაში.
მიტოვებული ინსტიტუტის შენობიდან 119 ადამიანის გამოსახლებაში 200-ზე მეტი პოლიციელი მონაწილეობდა.საქართველოს 79 მოქალაქიდან 28 საიმიგრაციო კანონმდებლობის დარღვევის გამო დააპატიმრეს.
„მოხდა გამოსახლება, როგორც მოქალაქეები ამბობენ, ყოველგვარი წინასწარი გაფრთხილების გარეშე. შეხვედრა მქონდა როგორც საემიგრაციო ცენტრის წარმომადგენლებთან, წითელ ჯვართან, ქალაქის მმართველობასთან, რა თქმა უნდა იქ ვიყავი, არის 11 ოჯახი მათ შორის არის 19 არასრულწლოვანი, თავის დრო როცა მოვა გამოვლენ ინტერვიუზე და გადაწყვეტს მადრიდი მისცემენ თუ არა თავშესაფარს, მანამდე მათ თავის თავს უნდა მიხედონ,“-აცხადებს საქართველოს გენერალური კონსული ბარსელონაში ქეთი გოგოლაშვილი.
აპრილში იმავე მიტოვებული ინსტიტუტის შენობაში 53 ადამიანი დააკავეს, რომელთაც „ქართველი კანონიერი ქურდების ბანდის წევრობაში ადანაშაულებდნენ“.
ნეიმარისთვის კოპა ამერიკისთვის მიმდინარე მოსამზადებელი პერიოდი ჯერ-ჯერობით წარმატებით ვერ მიმდინარეობს. 27 წლის ბრაზილიელს ჯერ კაპიტნის სამკლაური ჩამოართვეს, შემდეგ 19 წლის ფეხბურთელმა ვარჯიშზე მოხდენილი ფინტით შეარცხვინა, ახლა კი საერთოდ ტრავმა მიიღო.
სამშაბათს ნეიმარი იძულებული გახდა ვარჯიში შეეწყვიტა და მან მოედანი ფიზიოთერაპევტებმის დახმარებით დატოვა. ერთი შეხედვით უბრალო სათამაშო ეპიზოდში მას როგორც ჩანს ფეხი გაეჭიმა და ვარჯიშის გაგრძელება ვეღარ მოახერხა.
როგორც აღმოჩნდა ტრავმა არც თუ უმნიშვნელო აღმოჩნდა, რადგან მეორე დღეს ნეიმარმა საერთოდ ვეღარ ივარჯიშა.
ბოლო პერიოდში ნეიმარი ძალიან ხშირად ტრავმიანობს. მას ტრავმა ჰქონდა შარშანაც ჩემპიონთა ლიგის პლეიოფის პერიოდში. წელსაც, იანვარში მიღებული ტრავმის შემდეგ მან მხოლოდ 4 მატჩის ჩატარება შეძლო.
ჯერ-ჯერობით უცნობია მოახერხებს თუ არა ნეიმარი სალესაოს დახმარებას კოპა ამერიკაზე, არადა მასზე ძალიან დიდ იმედებს ამყარებდნენ. შეგახსენებთ, კოპა ამერიკა სტარტს 14 ივნისს აიღებს.
ბაქოში გამართულ ევროპა ლიგის ფინალზე ლონდონურ დერბიში ჩელსიმ არსენალი დიდი ანგარიშით 4:1 დაამარცხა. მატჩის ერთ-ერთი გამორჩეული ფეხბურთელი ჩელსის ლიდერი ედენ აზარი გახდა. მან დუბლი გაიფორმა და ერთი საგოლე გადაცემაც შეასრულა.
როგორც აღმოჩნდა ეს მისთვის ჩელსის მაისურით ჩატარებული ბოლო მატჩი აღმოჩნდა. ბელგიელმა თავდამსხმელმა მატჩის შემდეგ ოფიციალური განცხადებაც გააკეთა: “გადაწყვეტილება 2 კვირის წინათ მივიღე. ვფიქრობ, ეს დამშვიდობებაა. ვფიქრობ, ახალი გამოწვევების დროა”.
ედენ აზარი დიდი ალბათობით მადრიდის რეალში გადაბარგდება. ამ ტრანსფერის შესახებ ბოლო პერიოდში არაერთხელ დაიწერა და ვრცელდებოდა ჭორები, რომ ედენს პირადი კონტრაქტი უკვე შეთანხმებული ჰქონდა და დარჩენილი მხოლოდ კლუბებს შორის სატრანსფერო თანხის შეთანხმება იყო.
ედენ აზარს ჩელსისთან კონტრაქტი 2020 წლის ზაფხულამდე აკავშირებს.
“თავს ვალდებულად ვთვლი, ე.წ „გარიგებული მატჩების“ საქმეზე გავაკეთო განცხადება და პირველ რიგში, ბოდიში მოვუხადო საზოგადოებას, ჩემი კლუბის წევრებს, ფეხბურთის გულშემატკივრებს და ჩემს ახლობლებს. არასდროს მდომებია და შესაბამისად, ჩემი სპორტული შესაძლებლობები არ გამომიყენებია არაკანონიერი ან არაკეთილსინდისიერი მიზნებისთვის.