Category: არქივი

ირლანდიელი მებრძოლი და UFC-ის ორი სხვადასხვა წონის ყოფილი ჩემპიონი კონორ მაკგრეგორი ფლოიდს მატჩრევანშს ითხოვს.

ენტონი ჯოშუას სენსაციური მარცხის შემდეგ კონორმა ტვიტერს მიაშურა და ფლოიდი კიდევ ერთხელ გამოიწვია: “დიდებული საკრივო შეხვედრა გამოვიდა და სურვილი მაქვს, კიდევ ერთით დავტკბე. მატჩ-რევანშში ვიწვევ ხუან-მანუელ მეივეზერს. კიდევ შევხვდებით მეგობარო”.

შეგახსენებთ, 2017 წელს ფლოიდმა ირლანდიელი მე-10 რაუნდში ტექნიკური ნოკაუტით დაამარცხა და იმის შემდეგ არ წყდება ჭორები განმეორებითი შეხვედრის შესახებ.

საგულისხმოა ის ფაქტიც, რომ რამდენიმე დღის წინ ფლოიდის მენეჯერმა საინტერესო განცხადება გააკეთა: ,,თუ კონორს რემატჩი სურს, მან იცის როგორ უნდა მოიქცეს. ფლოიდი ყოველთვის მზადაა მის დასასჯელად და ჭკუის სასწავლებლად. მაკგრეგორსა და დანა უაითს დიდ პატივს ვცემ, ასევე ფლოიდიც, ამიტომ მათთან ერთად საქმის კეთება სიამოვნება იქნება”.

მძიმეწონის დივიზიონის სამი საჩემპიონო ქამრის მფლობელი ენტონი ჯოშუა დღეს გამთენიისას სენსაციურად დამარცხდა აუტსაიდერ ენდი რუისთან. მექსიკელმა გამარჯვება ტექნიკური ნოკაუტით მოიპოვა.

იმის მიუხედავად, რომ ენტონი უპირატესობას ფლობდა და მესამე რაუნდში მეტოქე ნოკდაუნშიც ჩააგდო რუისი არ დანებდა, შესანიშნავად იბრძოლა და მეშვიდე რაუნდში ოთხჯერ დაანოკდაუნა და საბოლოოდ ბრძოლა მსაჯმა ტექნიკური ნოკაუტით შეაჩერა და გამარჯვება ენდი რუისს მიაკუთვნა.

ენტონი დამარცხების შემდეგ ენტონი ღირსეულად მოიქცა – მეტოქეს გამარჯვება მიულოცა და მას ღირსეული მებრძოლი და ღირსეული ჩემპიონი უწოდა. ასევე მან განაცხადა, რომ ეს მარცხიც მისი თავგადასავალის ნაწილი იქნება და ის უფრო ძლიერი დაბრუნდება.

სენსაციურ შედეგს არაერთი მებრძოლი გამოეხმაურა. განსაკუთრებით საინტერესო იყო ენტონის მთავარი კონკურენტის დეონტე უაილდერის განცხადება. მან საკუთარ ტვიტერის გვერდზე დაწერა: ,, ის ნამდვლი ჩემპიონი არასდროს ყოფილა. მთელი მისი კარიერა ტყუილებზე და იღბალზე იყო აგებული. ფაქტები ფაქტებად რჩება და ეხლა უკვე იცით ვინ ვის გაურბოდა.” შეგახსენებთ, უაილდერი და ჯოშუა ერთმანეთს აბრალებენ, რომ ისინი ბრძოლას გაურბიან და ერთმანეთის ეშინიათ.

შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ჩატარებული საგამოძიებო მოქმედებების შედეგად, 1990 წელს დაბადებული ნ. კ. ცეცხლსასროლი იარაღის მართლსაწინააღმდეგო შეძენა-შენახვის ბრალდებით დააკავეს.

დანაშაული 3-დან 6 წლამდე ვადით თავისუფლების აღკვეთას ითვალისწინებს.

სამართალდამცველებმა, მოსამართლის განჩინების საფუძველზე, დაკავებულის საცხოვრებელი ბინის ჩხრეკისას, “ბრაუნინგის” და “ტოზის” მოდელის არარეგისტრირებული ცეცხლსასროლი იარაღი, 2 მჭიდი და საბრძოლო ვაზნები ამოიღეს.

გამოძიება ცეცხლსასროლი იარაღის მართლსაწინააღმდეგო შეძენა-შენახვის ფაქტზე მიმდინარეობს, სისხლის სამართლის კოდექსის 236-ე მუხლის მე-3 ნაწილით.

“მომავალი წლის ბოლომდე რაჭაში ყველა სკოლის რეაბილიტაციას დავასრულებთ და ახალ სკოლებს ავაშენებთ”,-ამის შესახებ  საქართველოს პრემიერ-მინისტრმა მამუკა ბახტაძემ რაჭაში, სოფელ გოგოლათში განაცხადა.

პრემიერ-მინისტრმა რაჭველებს მიმართა და  ინფრასტრუქტურულ პროექტებზე ისაუბრა, რომელიც მისი თქმით, რეგიონში მოსახლეობის უკან დასაბრუნებლად ხორციელდება.

„მე მაქვს განსაკუთრებული დამოკიდებულება ამ ულამაზესი კუთხის მიმართ და ძალიან მიხარია, რომ ის პროექტები, რომელიც შარშან დავიწყეთ მიმდინარეობს წარმატებით. მე ვიყავი ორივე მუნიციპალიტეტში: ონში და ამბროლაურში. ძალიან კარგი ტემპებით მიმდინარეობს ინფრასტრუქტურული პროექტები და ჩვენთვის მნიშვნელოვანია, რომ რაჭაში შემოვიტანოთ ახალი სიცოცხლე, რომ ადგილობრივ მოსახლეობას და იმ მოსახლეობას, რომელიც იძულებული იყო დაეტოვებინა თავისი მამა-პაპისეული სახლები შესაძლებლობები შევუქმნათ, რომ დაბრუნდნენ თავიანთ ულამაზეს კუთხეში. ძალიან მნიშვნელოვანი ინფრასტრუქტურული პროექტები უკვე დასრულდა, რომელიც მოიცავს წყლის პრობლების ერთხელ და სამუდამოდ გადაჭრას, ტურისტული ინფრასტრუქტურის განვითარებას. შარშან ჩვენ ჩავატარეთ ყველაზე წარმატებული რთველი დამოუკიდებელი საქართველოს ისტორიაში და მე დარწმუნებული ვარ, რომ კიდევ უფრო წარმატებული ეკონომიკური წელი გვექნება მიმდინარე წელს. ძალიან მნიშვნელოვანია, რომ რაჭა შემოუერთდა ჩვენს ეროვნულ იდეას და ეს არის განათლება. ეს არის კუთხე, სადაც წიგნი ყოველთვის განსაკუთრებით უყვარდათ და აფასებდნენ“,-განაცხადა ბახტაძემ.

მთავრობის გადაწყვეტილებით, ისტორიულ-კულტურული მემკვიდრეობის ძეგლ გოგოლათს ეროვნული კატეგორიის სტატუსი მიენიჭა.

ლესბოსელი აქტივისტი და უფლებადამცველი ნინო ბოლქვაძე საქართველოს პატრიარქს, ილია მეორეს ღია წერილით მიმართავს.
ბოლქვაძე ყურადღებას იმ მსგავსებებზე ამახვილებს, რაც ლგბტქ თემს დანარჩენ საზოგადოებასთან აქვს. ასევე ყვება ეკლესიის მიმართ საკუთარ  დამოკიდებულებაზე და განსხვავებული ორიენტაციის ადამიანების მიმართ არსებულ ზიზღზე.

1977 წელს დავიბადე. ბავშვობაში ვერის პარკში მდებარე ქართულ ეკლასიას მამასთან ერთად რომ ჩავივლიდი ხოლმე კარი მუდამ დაკეტილი იყო და ზედ დიდი ბოქლომი ეკიდა. შემდგომში კარიც გაიღო და ჩვენ, საბჭოთა კავშირში დაბადებულ ბავშვებს, მოგვეცა იქ შესვლის უფლება.
მერე რა რომ ლესბოსელი ქალი ვარ, მეც ადამიანი ვარ, მეც ამ ქვეყნის შვილი ვარ, რომლისთვის ახლოა სარკმევლის სურნელიც, სხვა ადამიანების გვერდით ლოცვის მადლიც, საკუთარი ცოდვების დაძლევის საჭიროებაც და უსუსურობაც, რომელიც ადამიანად დაბადებას უკავშირდება.
მსურს დაგვინახოთ. არაფერია ჩვენში განსაკუთრებულად საშიში. იგივე ხორცისგან შევდგებით და იგივე ვნებები გვაქვს რაც ნებისიერ სხვას. იგივენაირად გვტკივა და გვიხარია. იგივენაირად ვტირით და განვიცდით. იგივენაირად გვიყვარს ჩვენი ახლობლები და ვცდილობთ გვიყვარდეს მოყვასი მაშინაც როდესაც მას ვძულვართ.
ალბათ მკითხავთ, რა საჭიროა გარეთ გამოსვლა. მეტყვით რომ ჩვენი ცოდვის დემონასტრაციას ვახდენთ, საკუთარ სიცოცხლეს საფრთხეში ვაგდებთ და საზოგადოებაში ვნებათაღელვას ვიწვევთ. გეტყვით რომ საქართველოში ლგბტ ჯგუფის მიმართ წლების მანძილზე არსებულმა რეპრესიებმა განაპირობა ჩვენდამი შიში, ზიზღი და აგრესია. 2000 წლამდე ციხეში გვსვამდნენ. შემდეგ სენსაციასა და რეიტინგზე ორიენტირებული მედიები ჩვენ ეგზოტიცაციას და შედეგად მეტ მარგინალიზაციას იწვევდნენ.
შეუძლებელია ცხოვრება როდესაც შენს ირგვლივ ადამიანებს ეზიზღები ან როდესაც შენი ეშინიათ. გვსურს ჩვენმა დებმა და ძმებმა დაგვინახონ, რომ ჩვენ არც ურჩხულები ვართ და არც დემონები, მიხვდნენ რომ ჩვენ შორის მსგავსება გაცილებით მეტია ვიდრე სხვაობა. ვიზიარებთ სხვა საზოგადოებების გამოცდილებას და ვხედავთ რომ მხოლოდ ამგვარად შეიძლება გაქრეს ჩვენ შორის უფსკრული, რომელიც არავის არაფერს არგებს.
გთხოვთ გაგვიგოთ და დაგვეხმაროთ ამ რთულ გზაზე”,-წერს ნინო ბოლქვაძე სოციალურ ქსელში.

რუსეთში,ქალაქ ძერჟინსკის ქარხანაში მომხდარი აფეთქებების შედეგად 85 ადამიანი დაშავდა. დაშავებულების უმეტესობა, 46 ადამიანი, ობიექტის სიახლოვეს მცხოვრები მოქალაქეა, ხოლო 39 ქარხნის თანამშრომელი.

აფეთქებები ტროტილის საამქროში გუშინ მოხდა, რასაც ხანძარი მოჰყვა. 

ქალაქში საგანგებო მდგომარეობა გამოცხადაა, მიმდინარეობს ძიება.

კორუფციული სკანდალი აჭარაში – მოქმედი და ყოფილი მაღალჩინოსნები სასამართლომ პატიმრობაში დატოვა. გადაწყვეტილება საღამოს თერთმეტი საათისთვის მოსამართლე ლევან გელოვანმა გამოაცხადა, რასაც დაკავებულთა ოჯახის წევრების მხრიდან ხმაური მოჰყვა.

სასამართლო დაცვისა და ბრალდების მხარეს 7 საათის განმავლობაში უსმენდა. პროკურატურა დაკავებულების მიმართ შესაძლო ბრალის დამძიმებაზეც საუბრობდა. ბრალდების მხარის მტკიცებით, მათი გათავისუფლების შემთხვევაში, არსებობდა მიმალვისა და მტკიცებულებების განადგურების საფრთხე.

ბრალდებულებს პროცესზე სიტყვის თქმის შესაძლებლობა მიეცათ. ბათუმის ყოფილი მერი და მერიის მაღალჩინოსნები თავს უდანაშაულოდ მიიჩნევენ. ისინი აღკვეთის ღონისძიების სახით გირაოს შეფარდებას ითხოვდნენ.

სამ დაკავებულს გამოძიება სამსახურებრივი უფლებამოსილების ბოროტად გამოყენებას და საბიუჯეტო თანხების გაფლანგვას ედავება. ბრალის დამტკიცების შემთხვევაში, მათ 7-დან 11 წლამდე პატიმრობა ემუქრება. ბათუმის მერიის დაკავებულ კიდევ ოთხ თანამშრომელს გამოძიება სამსახურებრივი უფლებამოსილების ბოროტად გამოყენებას ედავება.

საქმე 2015 წელს მერიის სოციალური პროექტ „იაფი სახლის“ ტენდერს ეხება. გამოძიების ინფორმაციით, ყოფილმა და მოქმედმა მაღალჩინოსნებმა 4 მილიონ ლარად შეფასებულ ტენდერში აზერბაიჯანულ კომპანია კონვენტ ჯორჯიას ყალბი დოკუმენტების საფუძველზე გაამარჯვებინეს.

ქართული ოცნების ლიდერი საჩხერის ჩიხურას თამაშს დაესწრო, გულშემატკივრებს მიესალმა, გაესაუბრა, თამაშის ბოლომდე დარჩა და ჩიხურას გულშემატკივრობაში აქტიურად და ემოციურად ჩაერთო. 

მაყურებლის ტრიბუნაზე ასულ ივანიშვილს გულშემატკივრები “გაუმარჯოს! და ბიძინა! ბიძინა!“–ს ძახილით შეხვდნენ.

“არ დაიღალოთ, შეინახეთ ენერგია, მაგარ ჯანზე ხართ საჩხერლებო.“– მიმართა ივანიშვილმა გულშემატკივრებს.

თამაშის შემდეგ ივანიშვილი ხალხს გამოელაპარაკა, რომელთაგან ზოგი ლოცავდა, ზოგი კი მხარდაჭერას უცხადებდა:
“თქვენს გვერდში ვართ მთელი საქართველო“ –უთხრეს საჩხერელმა გულშემატკივრებმა ივანიშვილს.