Category: არქივი

ეს დამღუპველად იმოქმედებს ჩვენს ურთიერთობებზე- ეს განცხადება კარასინმა საქართველოს ნატოში შესაძლო  გაწევრიანების გამო გააკეთა-ამის შესახებ რუსეთის საგარეო საქმეთა მინისტრის მოადგილემ, რადიო “თავისუფლებასთან” ინტერვიუში აბაშიძე-კარასინის შეხვედრის მორიგი რაუნდის დაწყებამდე განაცხადა.

გრიგორი კარასინმა ანაკლიის პორტზეც ისაუბრა და თქვა, რომ რუსეთს არ “აწყობს” ამერიკის სახელმწიფო მდივნის იმ განცხადების ტონი, რომლის დროსაც მაიკ პომპეომ საქართველოს მიერ რუსეთისა და ჩინეთის გავლენების დაძლევის შესახებ ისაუბრა.

“დასავლეთში ნერვიულობა გამოწვეულია იმით, რომ საქართველოსა და რუსეთს შორის ნორმალური ურთიერთობები მყარდება. ისინი ფიქრობენ, რომ საქართველო უკვე არის გარკვეული ბლოკის შემადგენელი ნაწილი, რომელზეც შესაძლებელია დაყრდნობა რუსეთის ფედერაციის წინააღმდეგ მიმართული გარკვეული არამეგობრული მოქმედების შემთხვევაში. ეს ხალხი გააქტიურდა და ნატოს დეკემბრის სამიტისთვის ემზადება. შეერთებული შტატების სახელმწიფო მდივანი პომპეო ღიად აცხადებს, რომ ნატოში საქართველოს დაჩქარებული მიღებაა საჭირო. იმის თქმა, რომ ეს ვითარება რუსეთისთვის საგანგაშოა, ძალიან რბილი ნათქვამი იქნება. სინამდვილეში, ჩვენ ვფიქრობთ, რომ ეს დამღუპველად იმოქმედებს ჩვენს ურთიერთობებზე. თუ რა უნდა გაკეთდეს ანაკლიის პორტთან დაკავშირებით, ეს საქართველომ უნდა გადაწყვიტოს, მაგრამ ის, რაც პომპეომ რუსეთისა და ჩინეთის მიმართ თქვა, არ არის ის ტონი, რომელიც ჩვენ გვაწყობს,”-განაცხადა კარასინმა.

ჩინეთში ძლიერი წვიმით გამოწვეული წყალდიდობის შედეგად, ბოლო მონაცემებით, 61 ადამიანი დაიღუპა.

მაშველებმა 4300-ზე მეტი ადამიანის გადარჩენა შეძლეს.სტიქიის ეპიცენტრებიდან 356 ათასი ადამიანის ევაკუაცია განხორციელდა. 

ჩინეთის საგანგებო სიტუაციების მართვის  მინისტრის ინფორმაციით,   9300 სახლი სტიქიამდაანგრია, ასევე განადგურებულია სასოფლო-სამეურნეო დანიშნულების 3,71 მილიონი ჰექტარი მიწა, რაც პირდაპირ აისახება ეკონომიკაზე.ზარალი  1,93 მილიარდ დოლარად არის შეფასებული. 

მარნეულის რაიონის მცხოვრებლების პროტესტი – სოფელ დაშთაფას მოსახლეობამ საკუთარი მოსავალი ქუჩებში გამოიტანა და მთელი წლის ნაშრომი საკუთარი ხელით გაანადგურა.

ადგილობრივები ამბობენ, რომ ხელისუფლების არასწორი ეკონომიკური პოლიტიკის გამო, ტონობით მოსავალი ულპებათ და პომიდვრის გასაღებას ვეღარ ახერხებენ.

ადგილობრივი წარმოების ნაცვლად, მარნეულის მოსახლეობა ამბობს, რომ მმართველი გუნდი ხელს იმპორტირებული პროდუქციის შემოტანას უწობს და ადგილობრივ მეწარმეებს კონკურენციის საშუალებას ართმევს.

აქციის მონაწილეებთან დღეს, „ნაციონალური მოძრაობის“ მარნეულის საკრებულოს წევრიც მივიდა.

ადგილობრივები კიდევ ერთ პრობლემაზე საუბრობენ. ამბობენ, რომ წყლის დეფიციტსაც განიცდიან და მოსავლის მორწყვას ვერ ახერხებენ. წყალი მას შემდეგ გაუშვეს სოფელში, რაც გაიგეს, რომ ადგილზე “რუსთავი 2”- მიდიოდა.

„ბანკიდან კრედიტი გამოვიტანეთ და პამიდორი დავთესეთ, ამასაც ვერ ვყიდით. სხვა ქვეყნებიდან შემოდის პამიდორი, ჩვენი მოსავალი კი სახლებში გვიფუჭდება, ბაზარშიც ვერ გაგვიტანია. მოსავალს რომ ვერ ვრწყავთ, ეს ცალკე პრობლემაა, წყალი მხოლოდ მას შემდეგ გამოუშვეს, რაც გაიგეს რომ “რუსთავი2” მოდის. ხელისუფლება დროულად თუ არ მოგვხედავს, მარნეულში ცენტრალურ გზას გადავკეტავთ“ – ამბობს სოფელ დაშთაფას ერთ-ერთი მკვიდრი, თამაზ მამედოვი.

მოსახლეობის თქმით, თუ ცენტრალური ხელისუფლება დროულად მათ ყურადღებას არ მიაქცევს, ისინი პროტესტს რადიკალურ ზომებს მიმართავენ და ცენტრალურ მაგისტრალს გადაკეტავენ.

„ბიძინა ივანიშვილი ცოტა ხნით საკუთარ ბიზნესს მოეშვას და ხალხს მიაქციოს ყურადღება. მე “ოცნების” მხარდამჭერი ვიყავი მაგრამ დღეს ამ მთავრობიდან მოტყუებული ვარ. ტონობით პამიდორი გამიფუჭდა. 20 კაპიკადაც ვერ ვყიდით. სოფელში ყველა ყრის პომიდორს. ივანიშვილმა გაიგოს, რომ თუ ხალხის პრობლემით არ დაინტერესდება, გზას გადავკეტავთ. პროტესტის ნიშნად თავს დავიწვავ, სხვა გამოსავალი არ მაქვს“ – განაცხადა ჰუმბათ ჯალილოვმა.

სოფელ დაშთაფაში მცხოვრებლები ხელისუფლებას ყურადღებას და დახმარებას სთხოვენ.

„სააკაშვილის დროს ასე არ ვიტანჯებოდით, ნორმალურად ვყიდდით მოსავალს. ივანიშვილი კი მხოლოდ საკუთარ ბიზნესს ავითარებს. ჩვენნაირი მშრომელი ხალხი კი ასე ვიტანჯებით,“ – ამბობს სოფელ დაშთაფას მკვიდრი, აილიას გაჰრამანოვი.

“გადავუდგებით წინ მშვიდობიანად, ლოცვით და არ მივცემთ უფლებას, რომ ისინი გადაადგილდნენ,” –  “ქართული მარშის” ლიდერი, სანდრო ბრეგაძე ივნისში დაგეგმილ ლგბტქ პრაიდს ეხმაურება და აცხადებს, რომ ისინი  ლგბტქ მარშის ჩატარებას არ დაუშვებენ.  პრაიდთან დაკაცშირებით სანდრო ბრეგაძემ მედიაცენტრ “მთავარში” პრესკონფერენცია გამართა.

ბრეგაძე ამბობს, რომ მარშის ჩატარებას რისკებს შეიცავს, რადგან მის წინააღმდეგ 100 ათასი ადამიანი გამოვა. 

“ცალსახად გვაქვს გადაწყვეტილი, რომ ლგბტ მარში, აღლუმი არ ჩატარდება და ჩვენ არავითარ შემთხვევაში არ დავუშვებთ ლგბტ მარშის ჩატარებას. რამდენიმე დღე არის დარჩენილი ამ ავადსახსენებელი ლგბტ კვირეულის დაწყებამდე და ერთი რამე იცოდეს ყველამ, არცერთ შემთხვევაში არ არსებობს არანაირი შანსი იმისა, რომ მამათმავლების და ლესბოსელების აღლუმი გაიმართოს საქართველოს დედაქალაქში. ამაზე ფიქრიც კი თავიდან უნდა ამოიგდონ იმ გარყვნილმა და მოღალატეობრივმა ძალებმა, რომლებიც ცდილობენ უმცირესობების ხარჯზე თანხების მოძიებას და ამითი თავისი კეთილდღეობის მოწყობას. ეს არის ჩვეულებრივი თაღლითების ჯგუფი. ჩვენ მშვიდობიანად არ დავუშვებთ ამას, ყველანი გადავალთ სხვა მუშაობის რეჟიმზე განსაკუთრებით 23-ში. მოხდება სრული მობილიზება, გადავუდგებით წინ მშვიდობიანად, ლოცვით და არ მივცემთ უფლებას, რომ ისინი გადაადგილდნენ, ოღონდ ეს იქნება მშვიდობიანად, არანაირი ძალადობა აქ არ იქნება.

“ქართველი ერის და საქართვლოს მოსახლეობის განწყობა არის ცალსახა, რომ გარყვნილების აღლუმი ე.წ. ლგბტ გეიმარში არ უნდა ჩატარდეს და არ ჩატარდება. სერიოზული რისკების წინაშე დგება ჩვენი ქვეყანა. შსს-მ რაც აუხსნა მათ, ეს ყველაფერი არის აბსოლუტურად ლოგიკური და რეალური. საშიშროება ბევრად უფრო მძიმეა და სურათი ბევრად უფრო მძიმე, ვიდრე ეს დღეს წარმოჩენილია. ჩემს ხელთ არსებული ინფორმაციით, დაახლოებით 100 ათასი ადამიანი გამოვა ქუჩაში, ლგბტ „გეი მარშის“ გამართვის დღეს. ამ დროს ასი ათასი ადამიანის გაკონტროლება ვერ მოხდება და ეს ყველაფერი გადაიზრდება საერთო სახალხო მღელვარებაში და ეს მღელვარებები როგორც მთავრდება, არამარტო საქართველოში, არამედ მსოფლიოს სხვადასხვა ქვეყნებში, ეს ალბათ ყველას კარგად მოგეხსენებათ. არ გვინდა, რომ რაიმე ქაოსი და არეულობა მოყვეს ამ ყველაფერს, ამიტომ ვაცხადებთ რომ, თავი შეიკავონ ღონისძიებისგან, მოვუწოდებთ, როგორც შსსმ- მოუწოდა,“, –განაცხადა ბრეგაძემ.

ლგბტ პრაიდის კვირეული თბილისში 18-23 ივნისს ჩატარდება.

“ლურჯი ვეშაპის” კიდევ ერთი სავარაუდო მსვერპლი.14 წლის გოგონა ბავშვთა კლინიკაში მძიმე მდგომარეობაში მე–5 დღეა მკურნალობს. მას გვიან ღამით თავის ტვინის ოპერაცია ჩაუტარდა. ოჯახის წევრების განცხადებით, მოზარდი უკვე 2 კვირაზე მეტია უცნაურად იქცეოდა, ჰქონდა შიშები და გარკვეული პერიოდის განმავლობაში ცდილობდა ფიზიკური დაზიანებების მიყენებას საკუთარი თავისთვის. შემთხვევის დღეს მოზარდს ხელზე აღენიშნებოდა ნაჩხვლეტი ჭრილობები, რაც მშობლებს ეჭვს უჩენდა, რომ მას ამის გაკეთებას ვიღაც აიძულებდა. 

„დედამისმა ერთხელ შენიშნა, რომ რაღაცას თამაშობდა და მისი დანახვისთნავე გათიშა, თუმცა ბავშვი რაიმე სახიფათო თამაშის თამაშს კატეგორიულად უარყოფდა. გარდა ამისა, ამ ბოლო პერიოდში ბავშვს ორჯერ დაეჯახა მანქანა, რაც დიდი ეჭვს ბადებს, რომ ეს შემთხვევითობა არ იყო. ძალიან ბევრი რაღაც მიდის იქითკენ, რომ ბავშვს ნათამაშები აქვს „ლურჯი ვეშაპი”, – განაცხადა ბავშვის დეიდამ.

„9 ივნისს, მძიმე მდგომარეობაში მყოფი 14 წლის პაციენტი კლინიკაში 112-მა შემოიყვანა. ბავშვი იპოვეს ბინაში, მას სავარაუდოდ, გული ჰქონდა გაჩერებული. მოთავსდა კრიტიკული მედიცინის განყოფილებაში. გოგონას ნეიროქირურგიული ოპერაცია ჩაუტარდა. გულის მუშაობა აღდგა და ამჟამად ბავშვი მართვით სუნთქვაზეა გადაყვანილი. ამ ეტაპზე მდგომარეობა კრიტიკულად მძიმეა”, – განაცხადა ექიმმა

შინაგან საქმეთა სამინისტრომ, 14 წლის გოგონას საქმეზე, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

„ეს არის პირდაპირი საფრთხე მედიისა და პოლიტიკური დისკუსიის თავისუფლებისთვის, რომელსაც ამართლებენ, ვითომ კეთილშობილური დროშით სიძულვილის ენის წინააღმდეგ,“ –  „ევროპული საქართველოს“ ერთ-ერთი ლიდერი გიგა ბოკერია ხელისუფლების ახალ ინიციატივას გამოეხმაურა, რომლის მიხედვითაც სიძულვილის ენის წინააღმდეგ  “მაუწყებლობის შესახებ” კანონში ცვლილებები უნდა შევიდეს.

ოპოზიცია მიიჩნევს, რომ ახალი რეგულაცია, სინამდვილეში თავისუფალი მედიის და ოპოზიციის დევნის ახალი გეგმაა.

„მაშინ, როდესაც ყველამ ვიცით, რომ ივანიშვილი და მისი გუნდი არიან სიძულვილის მებაირახტრეები. სიძულვილის ენას სჭირდება თვითრეგულირება და პოლიტიკური პრინციპები და არა სახელმწიფოს ჩარევა. ჩვენ ვნახეთ საპრეზიდენტო საარჩევნო კამპანიის დროს, რომ მარეგულირებელმა კომისიამ სცადა აკრძალვა სალომე ზურაბიშვილის საწინააღმდეგო კლიპების. მაშინ, როდესაც საკანონმდებლო საბაბიც კი არ ჰქონდათ. ახლა უნდათ, რომ შექმნამ ეს საბაბი, რომ ეფექტურად შეზღუდონ სიტყვის, მედიის, პოლიტიკური დისკუსიის, პოლიტიკური ოპონენტების სიტყვის თავისუფლება საპარლამენტო არჩევნების წინა პერიოდში. მოქმედებენ სრულიად უტიფრად. ვიცით, რომ საქართველოს გააჩნია დღეს სამაგალითო კანონმდებლობა სიტყვის და პრესის თავისუფლების თვალსაზრისით. ახლა მათ სურთ, ეს საფუძველი გამოაცალონ ჩვენს დემოკრატიას იმიტომ, რომ შეშფოთებულები არიან საპარლამენტო არჩევნების წინ

ხელისუფლებამ გამოგვიცხადა, რომ სრულიად უკომპრომისო, აბსოლუტურ დაპირისპირებაზე მოდის და უნდათ, რომ მოასწრონ ეს საარჩევნო შემდეგი სეზონის დაწყების წინ. ჩვენ უნდა მივიღოთ ეს გამოწვევა და ყველა დემოკრატიული და კანონიერი მეთოდით დავუპირისპირდეთ მათ და მძიმე პოლიტიკური ფასი დავუჯინოთ. რადგან აირჩიეს სრული კონფრონტაცია საზოგადოებასთან და დემოკრატიულ ოპოზიციასთან, ჩვენ უნდა მივიღოთ და ვიღებთ ამ გამოწვევას. მათ არ მოსწონთ დღევანდელი კანონმდებლობა იმიტომ, რომ ის იცავს პოლიტიკური ოპონენტის, მედიის, ჟურნალისტის თავისუფლებას და რთულია, ხელისუფლებამ ამ კანონმდებლობის დაცვით შეზღუდოს კრიტიკა,“ – განაცხადაბოკერიამ.

არსებული კანონმდებლობით, თუ რომელიმე მაუწყებელი სიძულვილის ენას გამოიყენებდა, საკითხს თვითრეგულირების ორგანო განიხილავდა, კანონში ცვლილების შეტანის შემდეგ კი საქმე სასამართლოში გადაინაცვლებს.

გორთან, კარალეთი-ძევერის გზაზე ავტოსაგზაო შემთხვევას მსხვერპლი მოჰყვა.   ერთი მამაკაცი ადგილზე დაიღუპა.

დაშავდა ხუთი ადამიანი, მათ შორის ერთი არასრულწლოვანი.

მომხდარზე დაწყებულია გამოძიება. 

გეგმურ-პროფილაქტიკური სამუშაოების ჩატარების გამო, 14 ივნისს თბილისის ნაწილს ელექტრომომარაგება დროებით შეეზღუდება. 

“თელასის” ცნობით, ელექტრომომარაგება შემდეგ რაიონებს შეეზღუდება:

სამგორის რაიონში, 10 საათიდან 18 საათამდე შეზღუდვა შეეხება: ვარკეთილი-3 I, III, IIIა, IV მიკრორაიონების, ვარკეთილის მასივის ზედა პლატოს II მიკრორაიონის, ვარკეთილი-2 IIIა მიკრორაიონის, ვარკეთილის მასივის ზედა პლატოს, კახეთის გზატკეცილის, გარდაბნის გზატკეცილის, ხეხილ-სანერგე მეურნეობის, აეროპორტის დასახლების, თვალჭრელიძის, ენუქიძის, ქიზიყის, კოტეტიშივლის, კუპრაძის, მაჭავარიანი-წერეთლის, სადგურის, რწმენის, სესილია თაყაიშვილის, თრიალეთის, ჯავხეთის, რაფაელ დვალის, აკაკი ჩხენკელის, ქინძმარაულის, რქაწითელის, საფერავის, ნაკადულის, ზემო მეტალურგიის, ჩხიკვაძის, თავკვერის და ველისთავის ქუჩების მცხოვრებლებს.

ნაძალადევის რაიონში, 10 საათიდან 17 საათამდე შეზღუდვა შეეხება: ზღვისუბნის დასახლების IX, X კვარტლების, თემქის დასახლების IX კვარტლის, გურამიშვილის გამზირის, გურამიშვილის, ჯაფარიძის და ურეკის ქუჩების მცხოვრებლებს. 10 საათიდან 14 საათამდე შეზღუდვა შეეხება: ცოტნე დადიანის (ნაწილობრივ) ქუჩის მცხოვრებლებს.

გლდანის რაიონში, 10 საათიდან 18 საათამდე შეზღუდვა შეეხება: დავით სარაჯიშვილის გამზირის (ნაწილობრივ), მუხიანის I მიკრორაიონის, ავჭალის გზატკეცილის, შენგელიას, ახმეტელის, ალეკო გობრონიძის, კაჭარავას, იპოლიტოვ-ივანოვის, ქერჩის, ხიზამბარელის, ჭრებალოს, ულიანოვის, ანდრონიკაშვილის, ბარისახოს (ნაწილობრვ), დავით სარაჯიშვილის, გაგრის, უწერის და გელა ჭედიას ქუჩების მცხოვრებლებს.

10 საათიდან 14 საათამდე შეზღუდვა შეეხება: ლიბანის ქუჩის მცხოვრებლებს. მთაწმინდის რაიონში, 10 საათიდან 18 საათამდე შეზღუდვა შეეხება: ბროსეს, ლადო ალექსი-მესხიშვილის, თაბუკაშვილის, ჭანტურიას და ვირსალაძის ქუჩების მცხოვრებლებს.

დიდუბის რაიონში, 11 საათიდან 18 საათამდე შეზღუდვა შეეხება: წერეთლის გამზირის (ნაწილობრივ), მირცხულავას, ტრანსპორტის, თორნიკე ერისთავის, პროლეტარის, მიხეილ წინამძღვრიშვილის და კარალეთის ქუჩების მცხოვრებლებს.

ვაკის რაიონში, 11 საათიდან 18 საათამდე შეზღუდვა შეეხება: ჭავჭავაძის გამზირის და წყნეთის გზატკეცილის მცხოვრებლებს. ისნის რაიონში, 11 საათიდან 17 საათამდე შეზღუდვა შეეხება: წმინდა ქეთევან დედოფლის გამზირის, ცუცხვათის, ლეხ კაჩინსკის, აწყურის, ძეგლევის, თელავის, ძევერის, შორაპნის, შირაქის, ზინდისის, ავლიპ ზურაბაშვილის, კოშკოვანის, დოესის და გარეკახეთის ქუჩების მცხოვრებლებს.

საბურთალოს რაიონში, 10 საათიდან 13 საათამდე შეზღუდვა შეეხება: ვაჟა-ფშაველას გამზირის და ყაზბეგის გამზირის მცხოვრებლებს.

კომპანია “თელასი” ბოდიშს უხდის მომხმარებლებს შექმნილი დისკომფორტის გამო.