იურიდიულ კომიტეტში უზენაესი სასამართლოს მოსამართლეობის კანდიდატს,მირანდა ერემაძეს უსმენენ.
„ნაციონალური მოძრაობის“ წევრმა, რომან გოცირიძემ მოსამართლეობის კანდიდატს კითხვით მიმართა. გოცირიძე დაინტერესდა, რატომ თვლიდა 8 მარტს ქალთა დრესასწაულად ირემაძე, რაზეც მან უპასუხა, რომ ეს იყო საერთაშორისო დღე.
გოცირიძის შემდეგი შეკითხვა 17 მაისს ეხებოდა. ერემაძემ განაცხადა, რომ 17 მაისი მისთვის ოჯახის სიმტკიცის დღეა.
“17 მაისი არის ეკლესიის მიერ დაწესებული ოჯახის სიმტკიცის დღე”-უპასუხა ერემაძემ.
“რატომ არ ამბობთ, რომ 17 მაისი არის ჰომოფობიისა და ტრანსფობიის წინააღმდეგ დაწესებული საერთაშორისო დღე?-მიმართა გოცირიძემ ერემაძეს.
„მანდამაინც თარიღში თანხვედრა რომ მოხდა, იმას არ ნიშნავს, რომ ერთს ან მეორეს უნდა მივანიჭოთ უპირატესობა. ჩვენ სეკულარული სახელმწიფო ვართ. სახელმწიფო არ ერევა ეკლესიის გადაწყვეტილებებში. ეს ეკლესიის გადაწყვეტილება იყო, რომელსაც პატივი უნდა ვცეთ,”- განაცხადა მირანდა ერემაძემ.
დეპუტატი ასევე დაინტერესდა იყო თუ არა შემთხვევითობა ჰომოფობიასთან ბრძოლის დღეს ეკლესიის მიერ დღესასწაულის დაწესება, რაზეც მოსამართლეობის კანდიდატმა უპასუხა, რომ არ იცის.