Category: არქივი

{{ARTICLEIMAGE}}

{{ARTICLEIMAGE}}

11-12 დეკემბერს ჟენევის საერთაშორისო მოლაპარაკებების 46-ე რაუნდი გაიმართა. მის ფარგლებში განსაკუთრებული აქცენტი გაკეთდა კონფლიქტით დაზარალებული მოსახლეობის ჰუმანიტარული პრობლემების გადაჭრის აუცილებლობაზე, ინფორმაციას საქართველოს საგარეო უწყება ავრცელებს.  

“საქართველოს დელეგაციამ ვრცლად ისაუბრა რუსეთის ფედერაციის მიერ აფხაზეთისა და ცხინვალის რეგიონების უკანონო ოკუპაციისა და ფაქტობრივი ანექსიის პროცესის მძიმე შედეგებზე ადგილობრივი მოსახლეობისთვის. ყურადღება გამახვილდა რუსეთის მიერ საქართველოს ოკუპირებული ტერიტორიების მილიტარიზაციის პროცესზე, გახშირებულ სამხედრო წვრთნებსა და საქართველოს საჰაერო სივრცის დარღვევის ფაქტებზე. ქართველმა მონაწილეებმა ისაუბრეს საოკუპაციო ხაზის მავთულხლართებით გამაგრებაზე და დაგმეს სოფელ ატოცთან ხელოვნური ბარიერების აღმართვის უკანონო პროცესი.

საქართველოს წარმომადგენლებმა მწვავედ დასვეს რუსეთის ფედერაციის მიერ 2008 წლის 12 აგვისტოს ევროკავშირის შუამავლობით დადებული ცეცხლის შეწყვეტის შეთანხმების სრულად იმპლემენტაციის აუცილებლობა. საქართველოს ოკუპირებულ ტერიტორიებზე რუსეთის უკანონო სამხედრო ყოფნის გაძლიერების ფონზე, ქართულმა დელეგაციამ კვლავ დააყენა მოსკოვის მიერ ძალის არგამოყენების ვალდებულების დადასტურებისა და შესრულების საჭიროება და აღნიშნულის უზრუნველსაყოფად საქართველოს აფხაზეთისა და ცხინვალის რეგიონებში უსაფრთხოების საერთაშორისო მექანიზმების განთავსების აუცილებლობა. აღინიშნა, რომ ცეცხლის შეწყვეტის პირობების შესრულება, ძალის არგამოყენება და უსაფრთხოების საერთაშორისო მექანიზმების შექმნა წარმოადგენს ადგილზე მდგრადი მშვიდობისა და უსაფრთხოების უზრუნველყოფის აუცილებელ და განუყოფელ კომპონენტებს.

მოლაპარაკებებისას განსაკუთრებული აქცენტი გაკეთდა არჩილ ტატუნაშვილის, გიგა ოთხოზორიასა და დავით ბაშარული მკვლელობის ფაქტებზე. საქართველოს წარმომადგენლებმა კვლავ დააყენეს აღნიშნულ საქმეებზე მართლმსაჯულების აღსრულების საჭიროება.

ვრცლად იქნა განხილული აფხაზეთისა და ცხინვალის რეგიონებში, ისევე, როგორც საოკუპაციო ხაზის მიმდებარე ტერიტორიებზე მცხოვრები მოსახლეობის უფლებრივი მდგომარეობა. საუბარი შეეხო თავისუფალი გადაადგილების შეზღუდვის, მშობლიურ ენაზე განათლების მიღების აკრძალვის, საკუთრებისა და სხვა ფუნდამენტური უფლებების დარღვევის საკითხს. განსაკუთრებული განხილვის საგანი იყო გალისა და ახალგორის ქართველი მოსახლეობის ეთნიკური დისკრიმინაციის მძიმე შედეგები და ამ გამოწვევის დაუყოვნებლივ გადაჭრის აუცილებლობა. აღინიშნა, რომ არსებული დისკრიმინაციული შეზღუდვები და შედეგად ადგილზე შექმნილი რთული სოციალურ-ეკონომიკური ვითარება ქმნის ეთნიკური წმენდის ახალი ტალღის საფრთხეს. ამ კონტექსტში, ხაზი გაესვა რუსეთის ფედერაციის, როგორც ოკუპირებულ ტერიტორიებზე ეფექტური კონტროლის განმახორციელებელი ძალის, პასუხისმგებლობას.

ადგილზე უსაფრთხოებისა და ჰუმანიტარული კუთხით არსებული გამოწვევების ფონზე, კვლავ ხაზგასმით აღინიშნა გალისა და ერგნეთის ინციდენტების პრევენციისა და მათზე რეაგირების მექანიზმების შეხვედრების დროულად, ფუძემდებლური პრინციპების დაცვით აღდგენის აუცილებლობა.

რუსეთისა და მისი საოკუპაციო რეჟიმების წარმომადგენელთა დესტრუქციული პოზიციის გამო, ვერ მოხერხდა დღის წესრიგის ერთ-ერთი მთავარი თემის – ეთნიკური წმენდის შედეგად აფხაზეთისა და ცხინვალის რეგიონებიდან იძულებით გადაადგილებულ პირთა და ლტოლვილთა უსაფრთხო და ღირსეული დაბრუნების საკითხის განხილვა. აღნიშნულ თემაზე დისკუსიის თავიდან აცილების მიზნით, მონაწილეებმა მოსკოვიდან, სოხუმიდან და ცხინვალიდან დატოვეს მოლაპარაკებები.

ევროკავშირის, გაეროსა და ეუთოს მხრიდან თანათავმჯდომარეები და თანამოდერატორები ისევე, როგორც აშშ-ის წარმომადგენლები ერთიანი იყვნენ ადგილზე უსაფრთხოების, ჰუმანიტარული და ადამიანის უფლებათა კუთხით ვითარების გამოსწორების აუცილებლობის საკითხში.

მოლაპარაკებების დაწყებამდე გაიმართა საინფორმაციო სესია თემაზე “ქალები, მშვიდობა და უსაფრთხოება”, რომლის დროსაც განხილულ იქნა სამშვიდობო მოლაპარაკებებში ქალთა აქტიური ჩართულობისა და კონფლიქტით დაზარალებულ ქალთა პრობლემებზე ფოკუსირების აუცილებლობა ინკლუზიური და მდგრადი მშვიდობის უზრუნველსაყოფად.

მოლაპარაკებების მორიგი რაუნდი გაიმართება 2019 წლის 2-3 აპრილს.

ჟენევის საერთაშორისო მოლაპარაკებები შექმნილია 2008 წლის 12 აგვისტოს ცეცხლის შეწყვეტის შესახებ შეთანხმების საფუძველზე. დისკუსიები მიმდინარეობს ორი სამუშაო ჯგუფის ფარგლებში, სადაც მოლაპარაკებების მონაწილეები ინდივიდუალური სტატუსით არიან წარმოდგენილი. პირველი სამუშაო ჯგუფის ფარგლებში განიხილება საქართველოს ოკუპირებულ ტერიტორიებზე უსაფრთხოებისა და სტაბილურობის საკითხები, ხოლო მეორე სამუშაო ჯგუფში – აფხაზეთისა და ცხინვალის რეგიონებში ადამიანის უფლებებისა და ჰუმანიტარული კუთხით არსებული მდგომარება, ასევე იძულებით გადაადგილებულ პირთა და ლტოლვილთა საკუთარ საცხოვრებელ სახლებში უსაფრთხო და ღირსეულ დაბრუნებასთან დაკავშირებული საკითხები. მოლაპარაკებები იმართება ევროკავშირის, გაერო-სა და ეუთო-ს თანათავმჯდომარეობით და საქართველოს, რუსეთის ფედერაციისა და ამერიკის შეერთებული შტატების მონაწილეობით”,-წერია საგარეო უწყების განცხადებაში.

{{ARTICLEIMAGE}}
საქართველოს არჩეული პრეზიდენტი სალომე ზურაბიშვილი საჯარო მოხელეების შესახებ კანონში შესატან ცვლილებებთან დაკავშირებით პარლამენტში მმართველი გუნდის მიერ ინიცირებულ კანონპროექტზე საუბრობს. ზურაბიშვილი ამბობს, რომ კანონმდებლობა მას არ ეხება და ეს საკითხი საქართველოს პარლამენტის გადასაწყვეტია.

“ეს კანონმდებლობა მე არ მეხება. მე არ მაქვს მიღებული კანონი. კანონმდებელ ორგანოს ეხება ეს და იქ უნდა მიმართოთ თქვენი კითხვებით. მე არ მაქვს ჯერ არანაირი გადაწყვეტილება მიღებული ამის შესახებ”,-განაცხადა სალომე ზურაბიშვილმა.

ცვლილებები, რომელიც პრეზიდენტს საშუალებას მისცემს ადმინისტრაციის თანამშრომლები ყოველგვარი გაფრთხილების და კონპენსაციის გარეშე გაათავისუფლოს, არასამთავრობოების კრიტიკა და მოქმედი ადმინისტრაციის მწვავე განცხადებები მოჰყვა. 

პროექტის ინიციატორების განმარტებით, გადაწყვეტილება კანონპროექტის განხილვა დროებით შეჩერებულია. ეს გადაწყვეტილება კი არასამთავრობო სექტორისა და საზოგადოების მოთხოვნის საფუძველზე მიიღეს. რა ვადით შეჩერდება განხილვები, ჯერ უცნობია.

“ჩვენთვის მთავარი პრინციპი ამ შემთხვევაში არის ის, რომ ნებისმიერი გადაწყვეტილება იყოს მიღებული ფართო ჩართულობისა და არგუმენტებზე დაფუძნებული გადაწყვეტილებებით და არა გარკვეული ვადებით შემოვისაზღვროთ ჩვენი თავი. ამიტომ, ჩვენ ამ პრინციპით ვიხელმძღვანელებთ და არგუმენტებისა და კონსულტაციების შედეგად მივიღებთ გადაწყვეტილებას”,განაცხადა მმართველი გუნდიდან რატი იონათამიშვილმა.

{{ARTICLEIMAGE}}
საქართველოს პარლამენტი დღევანდელ სხდომაზე 2019 წლის სახელმწიფო ბიუჯეტის პროექტს უყრის კენჭს. მისი განხილვა 12 დეკემბერს გაიმართა, თუმცა, კენჭისყრა კვორუმის არარსებობის გამო გადაიდო.

სახელმწიფო ბიუჯეტის მისაღებად სულ მცირე 76 დეპუტატის ხმა იყო საჭირო, რეგისტრაცია კი მხოლოდ 67-მა გაიარა.

“კოლეგების უპასუხისმგებლობის გამო დღეს ბიუჯეტის პროექტზე კენჭისყრა ვერ შედგა”, ამ სიტყვებით დაასრულა 12 დეკემბრის სხდომა პარლამენტის თავმჯდომარემ ირაკლი კობახიძემ. მანამდე კი პარლამენტში საპარლამენტო უმცირესობისა და მმართველი გუნდის წარმომადგენლებს შორის ფიზიკურ და სიტყვიერ დაპირისპირებას ჰქონდა ადგილი. დაპირისპირებაში ჩაერთო “პატრიოტთა ალიანსის” ლიდერი ირმა ინაშვილიც, რომელმაც ნიკა მელია დარბაზს გარეთ გაიხმო და “თავ-ყბის დალეწვით” დაემუქრა. მისი ეს მუქარა ნიკა მელიას განცხადებებს მოჰყვა, რომელმაც საპარლამენტო უმრავლესობას მოძალადეები და კრიმინალები უწოდა, მმართველი გუნდი კი არჩევნების გაყალბებაში დაადანაშაულა.  

დღევანდელი პლენარული სხდომა 12 საათზეა დანიშნული.

{{ARTICLEIMAGE}}

ვებგვერდ vali.ge-ზე საკუთარი მონაცემების შემოწმება უკვე იმ მოქალაქეებსაც შეუძლიათ, ვისაც ე.წ. უიმედო სესხი “ვითიბი ბანკში“ აქვს. ამის გარდა, საიტზე ატვირთულია სხვა ბანკების მონაცემები: “საქართველოს ბანკი“, “თიბისი ბანკი“, “ლიბერთი ბანკი“, “სილქ როუდ ბანკი“, “ხალიკ ბანკი საქართველო“, “იშბანკი საქართველო“. სიას უახლოეს პერიოდში სხვა საფინანსო ორგანიზაციები დაემატება.

ვებგვერდზე განთავსებული ინფორმაციიდან ირკვევა, რომ ამ დროისთვის, მსესხებელთა ჯამურმა რაოდენობამ 412 ათასს გადააჭარბა, სესხების რაოდენობა 695 644-ს შეადგენს, დავალიანების ჯამური თანხა კი (ჯარიმებით და საურავებით) 3,148 მილიარდ ლარს შეადგენს.

{{ARTICLEIMAGE}}
საქართველოს პარლამენტში ერთმანეთს “ნაციონალური მოძრაობის” დეპუტატი ნიკა მელია და “პატრიოტთა ალიანსის” წევრი ირმა ინაშვილი დაუპირისპირდნენ.

პლენარულ სხდომაზე ნიკა მელიამ საპრეზიდენტო არჩევნების მეორე ტურზე საუბრისას თქვა, რომ არჩევნები გაყალბდა და მმართველ გუნდს კრიმინალები უწოდა. ამის შემდეგ სიტყვით გამოვიდა ირმა ინაშვილი, რომელსაც “ნაციონალური მოძრაობის” დეპუტატმა გამოსვლა რამდენჯერმე შეაწყვეტინა, რასაც დაპირისპირება მოჰყვა.

“ერთხელ ჩხუბი ჯობია მე მგონი და მართლა უნდა დაგილეწოთ თავ-ყბა ყველას თქვენ. ეს მართლა კრიმინალები”, მიმართა ირმა ინაშვილმა ნიკა მელიას.

დეპუტატებს სიმშვიდისკენ მოუწოდა პარლამენტის თავმჯდომარემ და აღნიშნა, რომ ნიკა მელიამ კლოუნადა მოაწყო.

ამის შემდეგ პლენარული სხდომა განახლდა და დეპუტატებმა ფიზიკური დაპირისპირების ადგილიდან კვლავ ტრიბუნებთან გადაინაცვლეს. “ძალიან უხერხული მდგომარეობა იქმნება, რა გინდათ, სადამდე მიდიხართ ამ პროვოკაციით, რა უნდა გავაკეთოთ, გამოგიყვანოთ, გაგანგრიოთ და მოგკლათ, თუ რა გაგიკეთოთ, მიმართა საპარლამენტო უმრავლესობის წევრმა ზაზა პაპუაშვილმა “ნაციონალური მოძრაობის” წევრებს.

“შთაბეჭდილება რომ არ დარჩეს ვინმეს ისეთი, კარგად განვმარტოთ, რა როგორ არის. არავის სჭირდება სწავლა, რომ ნებისმიერი კრიტიკული აზრი უნდა მოისმინო. ძალიან უხერხული მდგომარეობა იქმნება. სიმართლე გითხრათ, 54 წლის კაცი დავიბენი, აღარ ვიცი, როგორ მოვიქცე. ბოლოს და ბოლოს, რა გინდათ, სადამდე მიდიხართ ამ პროვოკაციით, რა უნდა მოაწყოთ, რომ გადიხართ და ხელებს იშვერთ. ორი საათი ვუსმენ კაცს, რომელიც ყეფდა, რეებს არ იძახდა, რას არ აკეთებდა, პასუხიც არ უნდა გავცეთ?! რა უნდა გავაკეთოთ, გამოგიყვანოთ, გაგანგრიოთ და მოგკლათ, თუ რა გაგიკეთოთ, გამაგებინეთ. თქვენ რა უნდა ასწავლოთ ხალხს, ნუ გამაგიჟეთ. გიყურებთ ხალხი, რვაასჯერ გაგაგდეს პოლიტიკიდან, აღარ ხართ ამ დედამიწის ზურგზე, რეალობაში აღარ ხართ, პასუხი როგორ გაგცეთ, მე აღარ მესმის. გაქაჩვ-გამოქაჩვები რა უბედურებაა. საჩხუბო მოედანიც კი არ არის ნორმალური, კაცმა რომ იჩხუბოს და ვის უნდა ეს ჩხუბი და დავიდარაბა. როგორ უნდა აგიხსნათ სხვანაირად, თქვენ გამოიწვიეთ ეს პროვოკაცია. ბოდიში მაინც მოიხადეთ, რომ არასწორად მოიქეცით. ზის კაცი, ყეფს, არ შეიძლება, რაც არ უნდა მტყუანი იყოს კაცი, არ უნდა გადახვიდე მის პირად შეურაცხყოფაზე”, განაცხადა ზაზა პაპუაშვილმა.

საქართველოს პარლამენტში ერთმანეთს “ნაციონალური მოძრაობის” დეპუტატი ნიკა მელია და “პატრიოტთა ალიანსის” წევრი ირმა ინაშვილი დაუპირისპირდნენ.

პლენარულ სხდომაზე ნიკა მელიამ საპრეზიდენტო არჩევნების მეორე ტურზე საუბრისას თქვა, რომ არჩევნები გაყალბდა და მმართველ გუნდს კრიმინალები უწოდა. ამის შემდეგ სიტყვით გამოვიდა ირმა ინაშვილი, რომელსაც “ნაციონალური მოძრაობის” დეპუტატმა გამოსვლა რამდენჯერმე შეაწყვეტინა, რასაც დაპირისპირება მოჰყვა.

“ერთხელ ჩხუბი ჯობია მე მგონი და მართლა უნდა დაგილეწოთ თავ-ყბა ყველას თქვენ. ეს მართლა კრიმინალები”, მიმართა ირმა ინაშვილმა ნიკა მელიას.

დეპუტატებს სიმშვიდისკენ მოუწოდა პარლამენტის თავმჯდომარემ და აღნიშნა, რომ ნიკა მელიამ კლოუნადა მოაწყო.

{{ARTICLEIMAGE}}

“ნაციონალური მოძრაობის” პოლიტიკური საბჭოს თავმჯდომარემ ნიკა მელიამ მმართველ გუნდს კრიმინალები და მოძალადეები უწოდა. 

მისი თქმით, პარლამენტის დარბაზში ჩვეულებრივი მოძალადე ზის, ენზელ მკოიანი, რომელიც თავს დაესხა გაერთიანებული ოპოზიციის შტაბის წევრებს.

“თქვენ ხართ დამნაშავეები და კრიმინალები, ბრმა მორჩილებაში მყოფი… ამ დარბაზში ვხედავ რამდენიმე კრიმინალს – ირაკლი კობახიძე ერთი და მეორე ენზელ მკოიანი. თქვენს სინდისზეა, როგორც მინიმუმ, ერთი ადამიანის მკვლელობა და ეს ეხება ზუგდიდის სკოლის დირექტორს. ახალქალაქში განხორციელებულ თავდასხმას გრიგოლ ვაშაძის შტაბზე.

მესამე, დღეს ვიდრე ასე თავს იწონებთ ვიღაცის წინაშე, ჩვენი ქვეყნის მოქალაქე ებრძვის სიკვდილს ონის გაერთიანებული შტაბის ხელმძღვანელი და ეს არის სისხლიანი არჩევნები, რომელიც თქვენ ჩაატარეთ”, მიმართა ნიკა მელიამ დეპუტატებს.

მელია ამბობს, რომ ძალიან მალე გაერთიანებული ოპოზიცია გაასაჯაროებს ვიდეოს, სადაც ნაჩვენებია, როგორ ყალბდებოდა არჩევნები. მის ამ განცხადებას “პატრიოტთა ალიანსის” ლიდერის ირმა ინაშვილის მწვავე რეაქცია მოჰყვა.

{{ARTICLEIMAGE}}
საქართველოს პრეზიდენტის პოლიტიკური მრჩეველი ფიქრია ჩიხრაძე ადმინისტრაციის საკადრო პოლიტიკაზე საუბრისას აცხადებს, რომ ძირითადი ბირთვის შეცვლა პოლიტიკური გემოვნების მიხედვით არ უნდა ხდებოდეს. 

ჩიხრაძის თქმით, პრეზიდენტის ადმინისტრაციაში არიან ადამიანები, რომლებიც პირველი პრეზიდენტის დროსაც მუშაობდნენ და ეს არის საკადრო განძი, რომელიც ინსტიტიციურ მეხსიერებას ინახავს. 

“არ შეიძლება, ეს ადამიანები ასე შეურაცხყოფილად, აგდებულად, ერთი ხელის დაკვრით კანონიში შეტანილი ცვლილებით გაუშვა თანამდებობიდან ისე, რომ ყველა რეგულაცია იყოს უგულველყოფილი. ბევრი ელოდება და ფიქრობს ახალ სამსახურზე, თუ შემცირება მოხდება, თუმცა ამ ხალხს ეუბნებიან, რომ ვითომ არც გიმუშავიათ ამ წლების განმავლობაში და ამის დაშვება არაფრით შეიძლება”,განუცხადა ჩიხრაძემ ჟურნალისტებს პრეზიდენტის ადამინისტრაციაში, სადაც არასამთავრობოებთან შეხვედრა იმართება. 

თანამშრომლები, რომელებიც უკვე წლებია, ადმინისტრაციაში მუშაობენ და საჯარო მოხელის სტატუსი აქვთ, უმუშევარი რჩებიან. მათი შესაძლო გათავისუფლების საკითხს სახალხო დამცველი შეისწავლის. 

პარლამენტი დაჩქარებული წესით განიხილავს საჯარო მოხელის შესახებ კანონში ცვლილებებს, რაც სალომე ზურაბიშვილს აძლევს უფლებას, გაათავისუფლოს ყველა ახსნა-განმარტებისა და კომპენსაციის გარეშე.

კანონპროეტზე ჩაშლილი საკომიტეტო მოსმენის შემდეგ პრეზიდენტის საპარლამენტო მდივანი, კანონპროეტის ავტორსა და საპროცედურო კომიტეტის თავმჯდომარეს შეხვდა.

ანა ნაცვლიშვილი მიიჩნევს, რომ თუ კანონი ძალაში შევა, პრობლემა სხვა საჯარო სამსახურების თანამშრომლებსაც შეექმნებათ.

საკითხთან დაკავშირებით საპარლამენტო უმრავლესობის წევრები კონსულტაციების გარეშე გადაწყვეტილების მიღებას გამორიცხავენ. გიორგი კახიანის თქმით, ინიციატივის შესახებ კითხვები მასაც ჰქონდა.

საპარლამენტო უმრავლესობის ინიციატივას, რომელიც პრეზიდენტის ადმინისტრაციის თანამშრომლებს სამსახურის გარეშე დატოვებს, მესამე სექტორი არაკონსტიტუციურ პოლიტიკურ გადაწყვეტილებად აფასებს. ამ თემის განსახილველად პრეზიდენტის ადმინისტრაციაში დღეს არასამთავრობო სექტორთან შეხვედრა იგეგმება.

ცვლილების მიხედვით, პრეზიდენტის ადმინისტრაციის ყველა თანამშრომელი ვალდებული ხდება ხელშეკრულება გააფორმოს, შესაბამისად, მათ საჯარო მოხელის სტატუსი გაუუქმდებათ და კანონი, როგორც საჯარო მოხელეებს, ვეღარ დაიცავს.

ცვლილებები სალომე ზურაბიშვილის უფლებას აძლევს, თანამშრომლები კონკურსის გარეშე აიყვანოს. საპარლამენტო უმრავლესობის ინიციატივას, რომელიც პრეზიდენტის ადმინისტრაციის თანამშრომლებს სამსახურის გარეშე დატოვებს, მესამე სექტორი არაკონსტიტუციურ პოლიტიკურ გადაწყვეტილებად აფასებს. ამ თემის განსახილველად პრეზიდენტის ადმინისტრაციაში დღეს არასამთავრობო სექტორთან შეხვედრა იგეგმება. ცვლილების მიხედვით, პრეზიდენტის ადმინისტრაციის ყველა თანამშრომელი ვალდებული ხდება ხელშეკრულება გააფორმოს, შესაბამისად, მათ საჯარო მოხელის სტატუსი გაუუქმდებათ და კანონი, როგორც საჯარო მოხელეებს, ვეღარ დაიცავს. ცვლილებები სალომე ზურაბიშვილის უფლებას აძლევს, თანამშრომლები კონკურსის გარეშე აიყვანოს.

{{ARTICLEIMAGE}}

გარდაცვლილი 13 წლის მოზარდის ისმაილ ბადალოვის ოჯახის წევრები გამოძიების დროულად ჩატარებას და დამნაშავეების დასჯას მოითხოვენ. ბადალოვების მტკიცებით, მათი შვილი ერთი თვის წინ, ბოლნისში, სახლში ნაცემი მივიდა, თავი სტკიოდა, სასწრაფო დახმარების ბრიგადა გამოიძახეს, ბავშვს სამედიცინო დახმარება სახლში აღმოუჩინეს, თუმცა ის მალევე კომაში ჩავარდა.

გარდაცვლილი მოზარდის მამის იდაიფ ბადალოვის განცხადებით, მათთვის ცნობილია დამნაშავის ვინაობა, პოლიცია კი იმის გამო, რომ ის არასრულწლოვანია არ აკავებს.

სამართალდამცავებმა უკვე გამოკითხეს მოზარდის თანასოფლელები, ბავშვები ცემის ფაქტს უარყოფენ.

13 წლის ბიჭს, ეზოში თამაშის დროს ხელი კრეს, ის წაიქცა, თუმცა წამოდგა და თამაში გააგრძელა, მოგვიანებით კი შეუძლოდ გახდა.

შსს-ში განაცხადეს, რომ ფაქტთან დაკავშირებით გამოძიება სსკ-ის 117-ე მუხლითაა დაწყებული, რაც ჯანმრთელობის განზრახ მძინე დაზიანების მიყენებას გულისხმობს.

გარდაცვლილი მოზარდის ცხედარს წუხელ გვიან ღამით ლევან სამხარაულის სახელობის ექსპერტიზის ეროვნულ ბიუროში ექსპერტიზა ჩაუტარდა და ის ბოლნისში, სახლში გადაასვენეს.