{{ARTICLEIMAGE}}
საკრებულოს სხდომის დატოვების შემდეგ ლევან ხაბეიშვილმა ჟურნალისტებთან კომენტარი გააკეთა. მან დარბაზის დატოვების მიზეზზე ისაუბრა.
“ეს საკრებულო კი არა, ნოტარიუსთა პალატაა. რა პოზიცია ჰქონდა უმრავლესობას ნახეთ – გამარჯობა, ნახვამდის ტაში, შუაში ტაში -“მეტაშეები ჰყავთ საკრებულოში. რა ბიუჯეტი, რა ავარიული კორპუსი, რა უწი-პუწიზე ვილაპარაკო, როდესაც მათ რეპრესიებს ქალბატონი შეეწირა”,განაცხადა ხაბეიშვილმა.
{{ARTICLEIMAGE}}
საკრებულოს დღევანდელ სხდომაზე მისულ თბილისის მერს და “ქართული ოცნების” გენერალურ მდივანს ოპონენტებმა ჰკითხეს, იცნობდა თუ არა ია კერზაიას და ნოდარ ბურდილაძის ისტორიებს. ოპოზიციამ კახა კალაძეს ასევე უთხრა, რომ საპრეზიდენტო არჩევნები “ქართულმა ოცნებამ გააყალბა, რის შემდეგაც “ნაციონალურმა მოძრაობამ” პროტესტის ნიშნად სხდომა დატოვა.
“ძალიან ბევრ ადამიანს უჭირს და ვალებით იხდიან კომუნალურ გადასახადებსაც კი. რატომ გადაწყვიტეთ თქვენ, რომ მომავალ წელს გაზარდოთ ბიუროკრატია და მათ შორის, გაზარდოთ სახელფასო ფონდი თქვენი, თუნდაც, რიგითი თანამშრომლების ფულადი ჯილდოებისთვის. მე მაქვს ერთადერთი შეკითხვა, ბატონო კახი, რატომ გააყალბეთ არჩევნები?”, განაცხადა განაცხადა “ნაციონალური მოძრაობის” წევრმა, ირაკლი ნადირაძემ.
“იმაზე მეტმა მისცა თქვენს წინააღმდეგ ხმა, ვიდრე აგირჩიათ. შესაბამისად, თქვენ ხართ გამყალბებლები”, განაცხადა ლევან ხაბეიშვილმა, რის შემდეგაც მან სხდომათა დარბაზი დატოვა.
{{ARTICLEIMAGE}}
“ხაბეიშვილი რომ რეპრესიებზე დაიწყებს ლაპარაკს… ჯერ ხელისუფლებაში იყვნენ და აჩვენეს, როგორი არ უნდა იყოს ხელისუფლება. ახლა ოპოზიციაში არიან და აჩვენებენ, როგორი არ უნდა იყოს ოპოზიცია”,-განაცხადა კალაძემ.
“ეს იყო ორ ადამიანს შორის დაპირისპირება, რომელიც სამწუხაროდ დასრულდა იმით, რომ ადამიანი არის მძიმედ. “ნაციონალური მოძრაობა” კი პოლიტიკური სარჩულის მიკერებას ცდილობს”.
სხდომის მიმდინარეობისას თბილისის მერმა რამდენჯერმა ახსენა, როგორ გაიქცა დარბაზიდან “ნაციონალური მოძრაობა”. კალაძემ აღნიშნა, რომ ეს ოპოზიციური ძალა მაინც ვერ გაიგებდა, რაზე საუბრობენ ისინი.
{{ARTICLEIMAGE}}
საკრებულოს სხდომა, სადაც 2019 წლის ბიუჯეტს განიხილავენ, “ნაციონალურმა მოძრაობამ” პროსტესტის ნიშნად დატოვა. სხდომის დატოვებამდე მათ თბილისის მერს კითხვებით მიმართეს.
“ნაციონალური მოძრაობის” ყველა წევრი კახა კალაძისგან როგორც პარტია “ქართული ოცნების” გენერალური მდივნისგან დაინტერესდა, რატომ გააყალბა არჩევნები
“ნაციონალური მოძრაობის” წევრებმა დარბაზი ლევან ხაბეიშვილის გამოსვლის შემდეგ დატოვეს.
დეპუტატმა სხდომაზე ნოდარ ბურდილაძის და ია კერზაიას ფოტოები წარადგინა და აღნინშნა, რომ ერთი მათგანი სიკვდილს ებრძვის, მეორე კი გარდაიცვალა სწორედ “ქართული ოცნების” რეპრესიული მანქანის შედეგად.
კალაძემ თქვა, რომ სამწუხაროა, რომ “ნაციონალური მოძრაობა” გაიქცა დარბაზიდან.
“მიუხედავად იმისა, რომ “ნაციონალური მოძრაობა” წარმოადგენს დესტრუქციულ ძალას ვეცდები ყველა მათ შეკითხვას გავცე პასუხი”, – განაცხადა კალაძემ.
თბილისის მერი კახა კალაძე დღეს, საკრებულოს სხდომაზე დედაქალაქის მერიის წლიური ანგარიში წარადგინა. ამის შემდეგ კი, დედაქალაქის 2019 წლის ბიუჯეტი უნდა დამტკიცდეს.
{{ARTICLEIMAGE}}
პარასკევი-შაბათი-კვირა ერთი ავტობუსი რომ დადის “ახმეტელიდან“ “ვარკეთილამდე“, ეს ააღორძინებს ღამის ეკონომიკას?! ამ საკითხით დაინტერესდა საკრებულოს სხდომაზე ფრაქცია “ნაციონალური მოძრაობის” თავმჯდომარე ირაკლი ნადირაძე.
“მან კალაძეს ჰკითხა, მიაჩნია, თუ არა, რომ “ღამის ეკონომიკა“ მისი წარუმატებელი პროექტი იყო.
“მას შემდეგ, რაც თქვენ ღამის ეკონომიკის განვითარება დააანონსეთ, ბატონი გახარია გამოვიდა და ლამის თავზე ჩამოიქცა ის მთავარი ობიექტები, რომელზეც დგას ე.წ. “ღამის ეკონომოკა“. ფიქრობთ, თუ არა, რომ ეს იყო თქვენი წარუმატებელი პროექტი?! როგორ ფიქრობთ, პარასკევი-შაბათი-კვირა ერთი ევტობუსი რომ დადის “ახმეტელიდან“ “ვარკეთილამდე“, ეს ააღორძინებს ღამის ეკონომიკას?!“, – მიმართა ირაკლი ნადირაძემ დედაქალაქის მერს.
{{ARTICLEIMAGE}}
თბილისის მერის კახა კალაძის განცხადებით, მან თავის დროზე შესთავაზა “ნაციონალურ მოძრაობას”, ჩართულიყო მიწისქვეშა პარკინგების მოწესრიგების საქმეში და ქალაქისთვის ერთი სასიკეთო საქმე მაინც გაეკეთებინათ, თუმცა ამაოდ. დედაქალაქის მერმა ამ საკითხზე საკრებულოში ისაუბრა, სადაც კითხვა-პასუხი ოპოზიციის ნაწილის გარეშე მიმდინარეობს.
თბილისის მერის თქმით, მიწისქვეშა პარკინგების მოწესრიგების მიზნით, ინტერესთა გამოხატვა გამოცხადდა, გაიმართა ყველა ინვესტორთან შეხვედრა და მათ შესთავაზეს, რომ ერთ ლარად გადაეცემოდათ კონკრეტული ადგილი იმის ვალდებულებით, რომ მოეწყობოდა საპარკინგე ადგილი, თუმცა კალაძის თქმით, ჯერჯერობით მხოლოდ ერთმა კომპანიამ გამოხატა ინტერესი, რაც საკმარისი არ არის.
რაც შეეხება ღამის ეკონომიკას, რომელიც ირაკლი ნადირაძემ გააკრიტიკა,თბილისის მერის თქმით, ეს პროექტი კიდევ უფრო განვითარდება, წარმატებული პროექტია და სიცრუეა ნაციონალური მოძრაობის წევრის განცხადება, რომ თითქოს, ღამით მხოლოდ თითო-ოროლა ავტობუსი მოძრაობს. “ჩვეულებრივ მდგომარეობაში არ ხართო, გამოჩნდა, ვინ არ არის ჩვეულებრივ მდგომარეობაში – ადგნენ და გაიქცნენ“,განაცხადა კალაძემ.
რაც შეეხება ღამის კლუბებს, კალაძის თქმით, პირველ რიგში ეს კლუბები არიან დაინტერესებული, რომ ჯანსაღი ცხოვრების წესი დაინერგოს და არა უთხრან ნარკოტიკს.
პარასკევი-შაბათი-კვირა ერთი ავტობუსი რომ დადის “ახმეტელიდან“ “ვარკეთილამდე“, ეს ააღორძინებს ღამის ეკონომიკას?! ამ საკითხით დაინტერესდა საკრებულოს სხდომაზე ფრაქცია “ნაციონალური მოძრაობის” თავმჯდომარე ირაკლი ნადირაძე.
მან კალაძეს ჰკითხა, მიაჩნია, თუ არა, რომ “ღამის ეკონომიკა“ მისი წარუმატებელი პროექტი იყო. “მას შემდეგ, რაც თქვენ ღამის ეკონომიკის განვითარება დააანონსეთ, ბატონი გახარია გამოვიდა და ლამის თავზე ჩამოიქცა ის მთავარი ობიექტები, რომელზეც დგას ე.წ. “ღამის ეკონომოკა“. ფიქრობთ, თუ არა, რომ ეს იყო თქვენი წარუმატებელი პროექტი?! როგორ ფიქრობთ, პარასკევი-შაბათი-კვირა ერთი ევტობუსი რომ დადის “ახმეტელიდან“ “ვარკეთილამდე“, ეს ააღორძინებს ღამის ეკონომიკას?!“, – მიმართა ირაკლი ნადირაძემ დედაქალაქის მერს.
{{ARTICLEIMAGE}}
თბილის მერის კახა კალაძის განცხადებით, მიუხედავად იმისა, რომ “ნაციონალური მოძრაობა” დესტრუქციულ ძალას წარმოადგენს, მზად იყო, პასუხი გაეცა მათი შეკითხვებისთვის.
“სამწუხაროა, რომ “ნაციონალური მოძრაობა” დარბაზიდან გაიქცა, ეს მათ სჩვევიათ”,-განაცხადა თბილისის მერმა.
{{ARTICLEIMAGE}}
{{ARTICLEIMAGE}}
შს სამინისტროს ინფორმაციით, მომხდარ ფაქტზე გამოძიება 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.
სრულიად საქართველოს კათოლიკოს-პატრიარქმა ილია მეორემ მცხეთაში, სვეტიცხოვლის ტაძარში სადღესასწაულო წირვის დასრულების შემდეგ ქადაგებისას განაცხადა:
“თქვენო აღმატებულებავ ქალბატონო პრეზიდენტო, ბატონო პრემიერ-მინისტრო, თქვენო ყოვლად სამღვდელოება, სულიერო შვილებო. პატრიარქობის 41 წელი მძიმე იყო, მაგრამ მუდამ ვგრძნობდი თქვენს დახმარებას და ღვთის ლოცვა-კურთხევას. ეს ლოცვა-კურთხევა ღვთის თანმდევი იყო მუდამ, სადაც კი ვიყავი. წყალობა შენი უფალო თანამავალ მეყავ მე ყოველთა დღეთა ცხოვრებისა.
ჩვენი ერი მოსიყვარულე ერია. თქვენ სიყვარული რომ არყოფილიყო, ვერ შევძლებდი, ბოლომდე მიმეტანა ეს ჯვარი. დალოცვილი იყავით და გაიხარეთ. დიდება და მადლობა ღმერთს”, განაცხადა ილია მეორემ.
წირვას საქართველოს პრეზიდენტი სალომე ზურაბიშვილი და პრემიერ-მინისტრი მამუკა ბახტაძე ესწრებოდნენ.
25 დეკემბერი საქართველოს კათოლიკოს-პატრიარქის ილია მეორის აღსაყდრების დღეა. ამასთან დაკავშირებით სადღესასწაულო საღმთო ლიტურგია სვეტიცხოვლის საკათედრო ტაძარში 10:00 საათზე დაიწყო.
სრულიად საქართველოს კათოლიკოს-პატრიარქის ინტრონიზაცია 1977 წლის 25 დეკემბერს სვეტიცხოვლის საკათედრო ტაძარში მოხდა. მას სახელად ილია მეორე ეწოდა.
პატრიარქის აღსაყდრების დროს საქართველოში 15 ეპარქია და 30-ზე მეტი მოქმედი ტაძარი იყო. დღეისათვის სულ 46 ეპარქიაა, პატრიარქის ჩათვლით კი 47 მღვდელმთავარია, მათგან 2 ტიტულარული. გაიზარდა ტაძრების, მონასტრების, ბერ-მონაზვნებისა და სასულიერო პირების რაოდენობა. დღეისთვის საქართველოში დაახლოებით 2 ათასამდე მოქმედი ეკლესია-მონასტერი და 3 ათასამდე სასულიერო პირი და ბერ-მონაზონია