newsreport.ge

Category: არქივი

  • საპრეზიდენტო არჩევნების დროს შესაძლო გაყალბების გარემოებაზე გამოძიება დაიწყო

    {{ARTICLEIMAGE}}
    საქართველოს პროკურატურამ საპრეზიდენტო არჩევნების მეორე ტურში, კონკრეტულ საარჩევნო უბნებზე კომისიის წევრების მხრიდან სავარაუდო ბიულეტენების ხელმოწერებით დამოწმების და საარჩევნო ყუთებში მოთავსების გამო, “ნაციონალური მოძრაობის” განცხადების საფუძველზე გამოძიება დაიწყო.

    პროკურატურის ინფორმაციით, “ერთიანი ნაციონალური მოძრაობისგან” 24 დეკემბერს მიღებულ განცხადებაში დასახელებული გარემოებების შესწავლის შემდეგ, გამოძიება დაიწყო სისხლის სამართლის კოდექსის 164-ე და 164 (ტერცია) მუხლებით გათვალისწინებული დანაშაულის ნიშნებით, რაც საარჩევნო კომისიის წევრის მიერ საარჩევნო დოკუმენტის გაყალბებას და არჩევნებთან დაკავშირებული დოკუმენტების, კერძოდ, ბიულეტენების განზრახ გაყალბებას გულისხმობს.

  • “აკრაძალული საჩუქრის მიღების” შემდეგ ყოფილ გუბერნატორს 5 000 ლარის ოდენობით გირაოს გადახდა დაეკისრა

     

    (more…)

  • რუსეთმა ახალი რაკეტა გამოსცადა

    {{ARTICLEIMAGE}}
    რუსეთი აცხადებს, რომ წარმატებით გამოსცადა ახალი ჰიპერზებგერითი რაკეტა “ავანგარდი”. გამოცდას 26 დეკემბერს თავდაცვის სამინისტროს საკონტროლო ოთახიდან თვალს ადევნებდა პრეზიდენტი ვლადიმირ პუტინი, რომელმაც შემდეგ განაცხადა, რომ ეს იყო “საუკეთესო საჩუქარი ქვეყნისთვის საახალწლოდ”.

    რადიო თავისუფლების ცნობით, რაკეტა ურალის მთებიდან გაუშვეს და მან სამიზნეს შორეულ აღმოსავლეთში, კამჩატკაზე, 6000-მდე კილომეტრის მოშორებით, წარმატებით მიაღწია. 

    “ავანგარდი” ერთ-ერთია იმ რამდენიმე მაღალტექნოლოგიური შეიარაღების სისტემიდან, რომელზეც პუტინმა მარტში, ყოველწლიურ გამოსვლაში ისაუბრა. მაშინ მან თქვა, რომ რუსეთმა ეს იარაღი განავითარა ვაშინგტონის მცდელობის გამო, გაეზარდა ანტისარაკეტო შესაძლებლობები.

  • ქვემო ფონიჭალაში მკვლელობა მოხდა

    {{ARTICLEIMAGE}}
    ქვემო ფონიჭალაში შუახნის კაცი მოკლეს. შემთხვევა ერთ-ერთ სავაჭრო ჯიხურში მოხდა. გარდაცვლილს მრავლობოთი ჭრილობები აღენიშნება. მკვლელობის მოტივი უცნობია. “ინტერპრესნიუსის” ცნობით, მკვლელობის ადგილზე ექსპერტ-კრიმინალისტები მუშაობენ.

  • პროკურატურა ცოტნე გამსახურდიასთან შეხვედრის დეტალებზე ინფორმაციას ავრცელებს

     

    (more…)

  • 27 დეკემბერს წლის ბოლო მთავრობის სხდომა ჩატარდება

    (more…)

  • 27 დეკემბერს სინოდის სხდომა გაიმართება

    {{ARTICLEIMAGE}}

    საქართველოს მართლმადიდებელი ეკლესიის სინოდის სხდომა ხვალ, 27 დეკემბერს 12:00 საათზე გაიმართება. სხდომაზე სავარაუდოდ უკრაინის ეკლესიის დამოუკიდებლობისთვის მხარდაჭერის საკითხსაც განიხილავენ, თუმცა საპატრიარქოში თემის დაკონკრეტებისგან თავს იკავებენ.


    პრეს-სამსახურში ამბობენ, რომ სხდომის დღის წესრიგი ცნობილი არ არის.
    2018 წლის შემოდგომაზე მსოფლიო პატრიარქმა ბართლომემ რუსეთის საპატრიარქოსგან უკრაინის ეკლესიის დამოუკიდებლობა აღიარა. საქართველოს საპატრიარქოს ოფიციალური პოზიცია არ გამოუთქვამს. უკრაინის ეკლესიის ავტოკეფალიას საჯარო განცხადებებით მიემხრო სინოდის წევრთა ნაწილი. მართლმადიდებელი ეკლესიის სინოდის სხდომას, რომელიც 12 საათზეა დანიშნული, სრულიად საქართველოს კათოლიკოს-პატრიარქი ილია მეორე უხელმძღვანელებს.





  • ბურჯანაძემ 2018 წელი შეაჯამა:დაგვცინიან (ვიდეო)

    2018 წელი შეაჯამა საგანგებო ბრიფინგზე დღეს “დემოკრატიული მოძრაობის” ლიდერმა. ნინო ბურჯანაძემ ყველა ის პრობლემა ჩამოთვალა, რომელიც, მისი შეფასებით, დღეს ქვეყანაში არსებობს და რის გამოც საქართველო წინ ვერ მიდის. ბურჯანაძემ ახალი კონსტიუციაც ახსენა, რომელიც, მისი თქმით, 2018 წელს, ბიძინა ივანიშვილის სასარგებლოდ შეიცვალა. “დემოკრატიული მორაობის” ლიდერმა განსაკუთრებით მწვავედ ისაუბრა არჩვნებზე და ქვეყანაში შექმჯილ ეკონომიკურ მდგომარეობაზეც.

  • ტონობით მანდარინს ნაგავსაყრელზე ყრიან: ვიდეოკადრები ოკუპირებული აფხაზეთიდან

    ოკუპირებულ აფხაზეთში ასეულობით ტონა ნაგავსაყრელზე გადაყრილი მანდარინის კადრები გავრცელდა – ეს ის მანდარინია, რომელიც რუსეთში გასაყიდად ვერ გააქვთ, რადგან სარეალიზაციოდ შესაბამისად არ გამოიყურება. ციტრუსით მდიდარ ოკუპირებულ რეგიონში კი არ არსებობს გადამამუშავებელი საწარმო, ამიტომ ტონობით პროდუქტს ნაგავში ყრიან.

  • რა იგეგმება ახალი წლის ღამეს თბილისში

    {{ARTICLEIMAGE}}
    თბილისის მერიაში 26 დეკემბერს დედაქალაქის მთავრობის წლის ბოლო სხდომა გაიმართა.

    თბილისის მერმა კახა კალაძემ დაგეგმილ საახალწლო ღონისძიებებზე ისაუბრა და რამდენიმე მნიშვნელოვანი ღონისძიება დააანონსა. კახა კალაძის თქმით, თბილისში 28 დეკემბრიდან 13 იანვრის ჩათვლით, რესპუბლიკის მოედანზე განთავსებულ საახალწლო სოფელში ყოველდღე გაიმართება კონცერტები, თეატრალური წარმოდგენები, სხვადასხვა გასართობი შოუები. მაგალითად, 29 დეკემბერს გაიმართება თბილისის “ბიგ-ბენდის” კონცერტი. 13 იანვარს ნინო ქათამაძის კონცერტი. სულ დაგეგმილია 50 ასეთი ღონისძიება.

    რაც შეეხება 31 დეკემბერს, ამ დღეს 23:00 საათიდან დაიწყება გალა-კონცერტი, ხოლო პირველი იანვრიდან 13 იანვრის ჩათვლით, რესპუბლიკის მოედანი ყოველდღიურ რეჟიმში იქნება დატვირთული. მთავარ ნაძვის ხესთან გაიმართება გალა-კონცერტი, რომელშიც მონაწილეობას მიიღებენ ევგენი მიქელაძის სახელობის ეროვნული მუსიკალური ორკესტრი ნიკოლოზ რაჭველის დირიჟორობით, მუსიკალური ჯგუფები, ბენდები, ესტრადის სოლო მომღერლები და მოცეკვავეები.

    “ხშირად გვწერენ, რატომ არ ტარდება კონცერტი სხვადასხვა რაიონებში – ამის პრეცედენტი შარშან გვქონდა – სამ ლოკაციაზე იყო საახალწლო კონცერტი – ევროპის მოედანი, ვარკეთილი და გლდანი. ყველაზე მეტი რაოდენობა ცენტრში იყო წარმოდგენილი, გლდანში 20 კაცი ესწრებოდა კონცერტს, ვარკეთილში ალბათ ცოტა მეტი”,-თქვა დედაქალაქის მერმა დაგეგმილ ღონისძიებებზე საუბრისას.

    კალაძემ მომსახურების ტენდერების გარეშე შესყიდვის მიზეზიც განმარტა.

    “1 778 800 ლარი არის მოთხოვნილი გამარტივებული შესყიდვებისთვის, ეს თანხა ძირითადად ორიენტირებულია კრეატიულ ღონისძიებებზე და ამ ტიპის მომსახურების შესყიდვა ტენდერით ვერ მოხდებოდა. ძირითადი ნაწილი მომღერლების ჰონორარს მოიცავს. თუ ვინმე მეტყვის, როგორ შევარჩიო მომღერალი ტენდერით, უკეთესი იქნება. ხმის ტემბრით შევარჩიო?!”