Category: არქივი

{{ARTICLEIMAGE}}თვითმფრინავით ხშირი მგზავრებისთვის სასიამოვნო ინფორმაციას ავრცელებს CNN.

მათი თქმით კომპანია BOEING-მა შეიმუშავა თვითმფრინავის ძალიან თხელი დასაკეცი ფრთები, რომლების უზრუნველყოფენ უკეთეს აეროდინამიკას და კომფორტს.

კომპანია აცხადებს, რომ ახალი ფრთებით თვითმფრინავები უფრო სწრაფად, ბგერის სიჩქარესთან მიახლოებული სიჩქარით იფრენენ. ამას გარდა პილოტები შეძლებენ აქამდე მიუღწეველ სიმაღლეზე ასვლას და გარდა ამისა ბევრად შემცირებული იქნება თვითმფრინავის რყევა.

ახალი ფრთებს ძველისგან განსხვავებული ფორმა ექნებათ. ისინი ბოლოებში დაწვრილდება, რაც უზრუნველყოფს უკეთეს აერონიმაკურობას და სტაბილიზაციას. ამასთანავე გაიზრდება მისი ზომაც და 51.8 მეტრს მიაღწევს რაც თვითმფრინავს უფრო მობილურს გახდის. პროექტი ჯერჯერობით სატესტო რეჟიმშია, თუმცა დეველოპერები აცხადებენ, რომ მახის სიჩქარე 0.7-დან 0.8-მდე გაიზრდება და ბგერის სიჩქარეს კიდევ უფრო მიუახლოვდება (1მახი).

BOEING-მა ახალი ფრთები ნასასთან ათწლიანი თანამშრომლობის შემდეგ შეიმუშავა.

{{ARTICLEIMAGE}}
ბიზნესმენ ავთანდილ წერეთლის შვილი და “ტვპირველის” მფლობელი ბიზნესმენი ვახტანგ წერეთელი “თიბისი ბანკთან” დაკავშირებით პროკურატურის მიერ დაწყებულ გამოძიებაზე პირველ კომენტარს აკეთებს.

პროკურატურის მიერ გავრცელებულ ინფორმაციაში ნახსენები კომპანიების – შპს “სამგორი თრეიდის” და შპს “სამგორი M”-ის “სოლიდურ წილს ფლობს” სწორედ ვახტან წერეთელი ფლობს და  შესაბამისად, მისთვის გაუგებარია, რატომ არ დაიბარა საგამოძიებო ორგანომ ის გამოკითხზვაზე.

“მთელი დღეა, მიზანმიმართულად არ დავწერე არაფერი ,,თიბისი ბანკის” ამბავზე… ველოდებოდი, როგორ განვითარდებოდა პროცესები და განვითარდა ძალიან სასაცილოდ, ძალიან ანეგდოტურად – პროკურატურა სერიოზული სახით ამბობს, გამოძიება მიდისო და დავკითხეთ ყველა ფიგურანტიო. რა მაინტერესებს, იცით? იმ ორი კომპანიიდან, რომელზეც ამბავია ატეხილი, ორივეს წილს ვფლობ მე, თანაც ძალიან სოლიდურს. რას იძიებენ ესენი, ვერ გავიგე, როცა მე ამ წამამდე არავის დავუბარებივარ გამოკითხვაზე; აი, ამიტომ მეცინება ამ გამოძიებაზე… თუ აქ რაღაც სხვა, მიღმა ამბავი არაა, წესით, მე ხომ უნდა დავებარებინე ვინმეს? მგონი, საბუთებში არც ჩაუხედავთ… ამ ჩემი სტატუსის მერე კი, როცა ჩემგანვე აღმოაჩენენ, რომ თურმე, გამოსაკითხი ვარ, ალბათ დამიბარებენ… ნუ, მინიმუმ, ყავაზე მაინც… სასწაული გამოძიება ჩაუტარებიათ, სასწაული”, – წერს წერეთელი სოციალურ ქსელში.

თიბისი ბანკის საქმე: ფაქტია, მამუკა ხაზარაძეს ივანიშვილი პერსონალურად დაემუქრა

თიბისი ბანკის საქმე: კულუარებიდან გამოჟონილი ინფორმაცია ცალკეული მედიასაშუალებებისათვის კამპანიის აგორების საფუძველი არ უნდა გახდეს

“თიბისი ბანკთან“ დაკავშირებით სისხლის სამართლის საქმის გამოძიება მიმდინარეობს

{{ARTICLEIMAGE}}ნაციონალური საკალათბურთო ასოციაციის ვარსკვლავი ენეს კანტერი აცხადებს, რომ ყოველდღე ასობით წერილს იღებს, სადაც მოკვლით ემუქრებიან და ეს ყველაფერი იმის შემდეგ დაიწყო, რაც მან უარი განაცხადა ლონდონში გუნდთან ერთად გამგზავრებაზე.

როგორც მოგეხსენებათ, რამდენიმე დღის წინ კალათბურთელმა სოციალურ ქსელში გულშემატკივრებს ბოდიში მოუხადა, რადგან გუნდს ლონდონში ვერ დაეხმარებოდა იმ მიზეზით, რომ შესაძლოა მის სიცოცხლეს სერიოზული საფრთხე დამუქრებოდა. იგი ყველაფერს თურქეთის პრეზიდენტს, რეჯიპ ტაი ერდოღანს აბრალებდა და აცხადებდა, რომ სწორედ ის იყო ამ მუქარის ინიციატორი. ამის შემდეგ კანტერმა თურქეთის პრეზიდენტი შეურაცჰმყოფელი სიტყვებით მოიხსენია და ამბობდა, რომ თავისი პოლიტიკური შეხედულების გამო ერდოღანი მას ნორმალურად ცხოვრების საშუალებას არ აძლევდა.

ყველაფერი იმით დაიწყო, რომ ენეს კანტერმა აქტიურად დაუჭირა მხარი თურქეთში ერდოღანის საპირისპიროდ შექმნილ ოპოზიციურ ძალებს. ამის შემდეგ კალათბურთელს დაეწყო სავიზო პრობლემები და 2018 წელს მას ოფიციალურად ჩამოართვეს თურქეთის მოქალაქეობა. თვითონ ვარსკვლავი აცხადებდა, რომ ერდოღანი დღევანდელობის ჰიტლერია და იგი ყველაფერს გააკეთებდა, რათა მისი მოწინააღმდეგეები გაენადგურებინა. ამის შემდეგ ენეს კანტერის მამამ სოციალურ ქსელში უცნაური პოსტი განათავსა, სადაც ბოდიშს უხდიდა თურქეთის მოსახლეობას და პრეზიდენტს რეჯიპ ტაი ერდოღანს მისი შვილის ქმედებების გამო და იგი უარს ამბობდა ენესის შვილად აღიარებაზე. ენეს კანტერმა თავის მხრივ განაცხადა, რომ იგი დარწმუნებული იყო, რომ ეს პოსტი მუქარის ქვეშ დააწერინეს მამამისს და რეალობასთან არანაირი კავშირი არ ჰქონდა. დღემდე მას საკუთარ ოჯახთან ურთიერთობა არ აქვს, რათა მათ სიცოცხლეს საფრთხე არ შეუქმნას.

ენეს კანტერი 2021 წლისთვის ამერიკის მოქალაქეობას მიიღებს და თავისუფლად შეეძლება ნებმისმიერ ადგილას გამგზავრება, თუმცა მისი თქმით, თავს უსაფრთხოდ მხოლოდ ამერიკაში გრძნობს.

{{ARTICLEIMAGE}}
საქართველოს ექს-პრეზიდენტი, მიხეილ სააკაშვილი “თიბისი ბანკის” ირგვლივ განვითარებულ მოვლენებზე ამბობს, რომ 10 წლის წინანდელ ამბებზე “საქმის შეკერვა” ივანიშვილის კანტორად ქცეული პროკურატურისთვისაც კი ყველა ჩარჩოებს სცდება”.

“ხაზარაძე ადამიანურად არ იმსახურებს თანაგრძნობას, ვინაიდან პირადად შეიტანა დიდი წვლილი იმაში, რომ ივანიშვილი თავზე მოჯდომოდა ქვეყანას, თუმცა სამართლებრივად ეს საქმე ვერანაირ კრიტიკას ვერ უძლებს. 2019 წელს 2008 წლის ამბებზე “საქმის შეკერვა” ივანიშვილის კანტორად ქცეული პროკურატურისთვისაც კი ყველა ჩარჩოებს სცდება. ივანიშვილს ამოძრავებს მხოლოდ ერთი ინსტიქტი – დარჩეს ქვეყანაში ერთადერთ მძარცველად და მევახშედ და თუ ეს გამოუვიდა, ძარცვის მასშტაბები მხოლოდ გაიზრდება. ამიტომ, ამ საქმეში, ჩვენ უნდა ვიყოთ სამართლის უზენაესობის მხარეს, რადგან სანამ ივანიშვილი არსებობს, სამართლის უზენაესობა მიუღწეველ ფანტაზიად რჩება. დიაგნოზი იგივეა, რაც ადრე, დაავადების განსაკურნად სასწრაფოდ საჭიროა ამ პარაზიტის მოკვეთა, რითაც ყველანი ვიქნებით დაკავებული წელს”, წერს სააკაშვილი სოციალურ ქსელში პირად გვერდზე. 

თიბისი ბანკის საქმე: ფაქტია, მამუკა ხაზარაძეს ივანიშვილი პერსონალურად დაემუქრა

თიბისი ბანკის საქმე: კულუარებიდან გამოჟონილი ინფორმაცია ცალკეული მედიასაშუალებებისათვის კამპანიის აგორების საფუძველი არ უნდა გახდეს

“თიბისი ბანკთან“ დაკავშირებით სისხლის სამართლის საქმის გამოძიება მიმდინარეობს

{{ARTICLEIMAGE}}

“ოცნების” ლიდერის განცხადება გუნდის ნაწილის პოზიციებს დაემთხვა, ბესელიას კი ივანიშვილი გუნდურობის პრინციპის დარღვევაში ადანაშაულებს

ბიძინა ივანიშვილი განცხადებას ავრცელებს

{{ARTICLEIMAGE}}

{{ARTICLEIMAGE}}
“ქართული ოცნება – დემოკრატიული საქართველოს” თავმჯდომარე ბიძინა ივანიშვილი უზენაესი სასამართლოს მოსამართლეების არჩევასა და მმართველ გუნდში მიმდინარე პროცესებთან დაკავშირებით განცხადებას ავრცელებს.

“გასული რამდენიმე კვირის განმავლობაში, უზენაესი სასამართლოს მოსამართლეების არჩევის საკითხი და მმართველ გუნდში არსებული სირთულეები საზოგადოების ყურადღების ცენტრში მოექცა. როგორც მმართველი პარტიის ლიდერი, თავს ვალდებულად მივიჩნევ, საზოგადოებას გავუზიარო ჩემი დამოკიდებულება ამ საკითხების შესახებ.

საქართველოს უზენაესი სასამართლოს შემადგენლობაში დღეს 28-დან მხოლოდ 10 მოსამართლეა წარმოდგენილი, რაც ხელს უშლის სასამართლოს ნორმალურ ფუნქციონირებას. აქედან გამომდინარე, იუსტიციის უმაღლესი საბჭოს სურვილს, სწრაფად წარმოედგინათ მოსამართლეობის კანდიდატები, ჰქონდა ობიექტური საფუძველი.

თუმცა, მიუხედავად ამისა, მიმაჩნია, რომ მმართველმა გუნდმა მიიღო გონივრული გადაწყვეტილება, როდესაც დაიტოვა მეტი დრო მოსამართლეების არჩევის საკითხის განხილვისათვის. უნდა აღინიშნოს, რომ ეს გადაწყვეტილება მიღებულ იქნა მმართველი გუნდის წარმომადგენლების უმრავლესობის პოზიციის შესაბამისად. პატივს ვცემთ განსხვავებულ მოსაზრებებს გუნდში და მიგვაჩნია, რომ გონივრული გადაწყვეტილებების მიღება მხოლოდ თავისუფალი დისკუსიის საფუძველზეა შესაძლებელი.

მისასალმებელია, რომ მმართველი გუნდის მიერ მიღებულ გადაწყვეტილებას წინ უსწრებდა იუსტიციის საბჭოს განცხადება იმის თაობაზე, რომ ისინი, საკითხის მნიშვნელობიდან გამომდინარე, მოსამართლეების არჩევის საკითხის საგაზაფხულო სესიაზე გადადებას გაგებით მოეკიდებოდნენ. როგორც საზოგადოებისთვის ცნობილია, გადაწყვეტილება საკითხის განხილვის გადადების თაობაზე პარლამენტის თავმჯდომარემ 26 დეკემბერს გამოაცხადა.

ამ ფონზე, გაუგებარი იყო ეკა ბესელიას განცხადება, როდესაც მან 27 დეკემბერს იურიდიული კომიტეტის თავმჯდომარის თანამდებობის დატოვება მოსამართლეების არჩევის საკითხს დაუკავშირა.

მსურს საზოგადოებას დავუდასტურო, რომ გადაწყვეტილება ეკა ბესელიას აღნიშნული თანამდებობიდან გადადგომისა და პარლამენტის თავმჯდომარის მოადგილის პოზიციაზე გადანაცვლების თაობაზე ჯერ კიდევ ზაფხულში იქნა მიღებული.

აღნიშნული გადაწყვეტილება უკავშირდებოდა იმ სირთულეებს, რომლებმაც მმართველ გუნდში 2017 წელს იჩინა თავი და რომლებიც პოლიტიკაში ჩემი დაბრუნების ერთ-ერთ მთავარ მიზეზად დავასახელე – ეს იყო გუნდურობის დეფიციტი.

ამ კონტექსტში, სამწუხაროა, რომ ჯერ კიდევ გასული წლის ზაფხულში, სრულიად სხვა საფუძვლით მიღებული გადაწყვეტილება ეკა ბესელიამ მოსამართლეების არჩევის საკითხს დაუკავშირა. კიდევ უფრო გაუგებარია ის გადაწყვეტილებები, რომლებიც მან თანამდებობიდან გადადგომის შემდეგ მიიღო – რამდენიმე დღის განმავლობაში პარლამენტის ბიუროსთვის განცხადების არწარდგენით, აგრეთვე პარლამენტის რეგლამენტის უხეში დარღვევის გზით გედევან ფოფხაძის კომიტეტის თავმჯდომარის პირველ მოადგილედ არჩევით, იგი წავიდა გუნდის და გუნდურობის პრინციპის წინააღმდეგ.

გუნდის მიმართ ამგვარი დამოკიდებულების გათვალისწინებით, სრულიად ბუნებრივია, რომ დღის წესრიგიდან მოიხსნა პარლამენტის თავმჯდომარის მოადგილედ ეკა ბესელიას არჩევის საკითხი.

შეგახსენებთ, რომ უზენაესი სასამართლოს მოსამართლეების საკითხის განხილვა ჯერ არც კი განახლებულა. ჯერ კიდევ არ არის ჩამოყალიბებული პოზიციები მოსამართლეების არჩევის პროცედურასთან და კრიტერიუმებთან დაკავშირებითაც კი. ამ საკითხების განხილვას დაეთმობა ერთი თვე, რომელიც პარლამენტის საგაზაფხულო სესიამდეა დარჩენილი, ხოლო საჭიროების შემთხვევაში, ამაზე ხანგრძლივი დროც. გადაწყვეტილებები მიიღება ფართო მსჯელობის საფუძველზე, რომელშიც სხვადასხვა დაინტერესებული მხარე იქნება ჩართული.

აქედან გამომდინარე, მოვუწოდებ იმ ადამიანებს, რომლებიც ცდილობენ, საკუთარი თავი ამ საკითხით დაინტერესებულ ერთადერთ მხარედ წარმოაჩინონ, დაელოდონ საკითხის განხილვას და თავი შეიკავონ იმგვარი განცხადებებისგან, რომლებიც აზიანებს როგორც გუნდის, ისე მოსამართლეთა არჩევის პროცესის ჯანსაღ გარემოში წარმართვის ინტერესებს.

დარწმუნებული ვარ, რომ საბოლოო გადაწყვეტილება კიდევ უფრო განამტკიცებს სასამართლოს დამოუკიდებლობასა და მიუკერძოებლობას, რომელიც 2012 წლის დემოკრატიული გარდატეხის ერთ-ერთი უმთავრესი მონაპოვარია და რომელსაც პირადად მე განსაკუთრებულად ვუფრთხილდები”, წერია ბიძინა ივანიშვილის განცხადებაში.

{{ARTICLEIMAGE}}
რუსეთს მიერ ოკუპირებული აფხაზეთის და ცხინვალის რეგიონების დე ფაქტო პრეზიდენტები, რაულ ხაჯიმბა და ანატოლი ბიბილოვი კარაკასში ჩავიდნენ. რადიო თავისუფლების ცნობით, ისინი დღეს ვენესუელას პრეზიდენტად მეორე ვადით არჩეული ნიკოლას მადუროს ინაუგურაციას დაესწრებიან.

2009 წლის სექტემბერში ვენესუელის იმჟამინდელმა პრეზიდენტმა უგო ჩავესმა რუსეთის მიერ ოკუპირებული აფხაზეთის და ცხინვალის რეგიონები ე.წ. დამოუკიდებელ რესპუბლიკად ცნო.

2013 წელს, ჩავესის გარდაცვალების შემდეგ, პრეზიდენტად მადურო აირჩიეს. მას ოპოზიცია ადანაშაულებს დიქტატურაში, კორუფციასა და ეკონომიკის დანგრევაში. ვენესუელაში მორიგი საპრეზიდენტო არჩევნები 2018 წლის დეკემბერში უნდა გამართულიყო, თუმცა, მადურომ რიგგარეშე არჩევნები მაისში ჩაატარა და ოფიციალური მონაცემებით, ხმების 67%-ით გაიმარჯვა. ოპოზიციამ ნიკოლას მადურო დაადანაშაულა არჩევნების გაყალბებაში. ეს პოზიცია გაიზიარეს დასავლეთის და ლათინური ამერიკის ქვეყნების უმრავლესობამ. აშშ-მა ვენესუელას დამატებითი ეკონომიკური სანქციები დაუწესა. არჩევნების შედეგებისადმი პროტესტის ნიშნად ვენესუელიდან ელჩები გაიწვია 10-ზე მეტმა ქვეყანამ, მათ შორის არგენტინამ, ბრაზილიამ და კანადამ. მადუროს გამარჯვება მიულოცა რუსეთის პრეზიდენტმა პუტინმა. ვენესუელის პრეზიდენტის არჩევნების შედეგები რუსეთის გარდა აღიარეს ჩინეთმა, კუბამ და სალვადორმა.

{{ARTICLEIMAGE}}
საავტომობილო გზების დეპარტამენტის ცნობით, მეტეოროლოგიური პირობებისა და ზვავსაშიშროების გამო, საავტომობილო გზებზე შეზღუდვებია დაწესებული.

საერთაშორისო მნიშვნელობის მცხეთა-სტეფანწმინდა-ლარსის გზის გუდაური-კობის მონაკვეთზე ყველა სახის ავტოტრანსპორტის მოძრაობაა აკრძალული. საავტომობილო გზების დეპარტამენტის ცნობით, ამის მიზეზი ინტენსიური თოვა და ზვავსაშიშროებაა. გაწმენდითი სამუშაოების დაწყება ჯერჯერობით ვერ ხერხდება.

მსუბუქი ავტოტრანსპორტის გადაადგილება გუდაური-კობის მონაკვეთზე 8 იანვარს ღამის საათებში აიკრძალა, ხოლო მისაბმელიანი და ნახევრადმისაბმელიანი ავტოტრანსპორტის გადაადგილება აკრძალულია 4 იანვრიდან.

ამავე გზის ფასანაური-გუდაურის მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის მოძრაობა მლეთა-გუდაურის მონაკვეთზე დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია.

ზვავსაშიშროების გამო, ასევე აკრძალულია გადაადგილება შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 173 კილომეტრიდან 186 კილომეტრამდე მონაკვეთზე. ზვავსაშიშროების რეჟიმის მოხსნამდე ამ მონაკვეთზე ვერ ხერხდება გაწმენდითი სამუშაოების დაწყება.

თოვლისა და ლიპყინულის გამო, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის ხაიში-კალას მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. დანარჩენი სახის ავტოტრანსპორტის მოძრაობა ჯვარი-დიზის მონაკვეთზე თავისუფალია. ხოლო დიზი-კალას მონაკვეთზე დასაშვებია, მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტისთვის მოძრაობა დაშვებულია.

ამავე გზის ზუგდიდი-ჯვარი მონაკვეთზე ყველა სახის ავტოტრანსპორტის მოძრაობა თავისუფალია.

ქარბუქისა და ნამქერის გამო, შიდასახელმწიფოებრივი მნიშვნელობის კოდა–ფარცხისი–მანგლისი–წალკა–ნინოწმინდის საავტომობილო გზის ფარავანის უღელტეხილის მონაკვეთზე აკრძალულია ყველა სახის ავტოტრანსპორტის მოძრაობა.

ძლიერი ქარის, ნამქერებისა და შეზღუდული ხილვადობის გამო, შიდასახელმწიფოებრივი მნიშვნელობის კოდა–ფარცხისი–მანგლისი–წალკა–ნინოწმინდის საავტომობილო გზის ფარავანი-ნინოწმინდას მონაკვეთზე და ახალციხე-ნინოწმინდას სომხეთის რესპუბლიკის საზღვარზე საავტომობილო გზის ნინოწმინდა-სომხეთის საზღვარის მონაკვეთზე აკრძალულია ყველა სახის ავტოტრანსპორტის მოძრაობა, ხოლო საერთაშორისო მნიშვნელობის ახალქალაქი-კარწახის მონაკვეთზე და ახალქალაქი-კარწახის გზის კიროვაკანი-კუმურდოს საავტომობილო გზის მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, დანარჩენი სახის ავტოტრანსპორტის მოძრაობა კი თავისუფალია

{{ARTICLEIMAGE}}
“ბათუმელების” ინფორმაციით, სახელმწიფო უსაფრთხოების დეპარტამენტის აჭარის რეგიონული მთავარი სამმართველოს (სუს) ხელმძღვანელი, ირაკლი ერისთავი თანამდებობიდან გადადგა.

სახელმწიფო უსაფრთხოების სამსახურის პრესცენტრში აცხადებენ, რომ “ყველა რეგიონში მიმდინარეობს საკადრო ცვლილებები”.

ირაკლი ერისთავი აჭარაში სუს-ის უფროსის თანამდებობაზე, ფაქტობრივად, ამ უწყების შექმნიდანვე, 2015 წლის სექტემბრიდან მუშაობდა.