იესო ქრისტე ამბობს სახარებაში: ბიძინას ტუტუცი ბუდაპეშტშიც ბიძინას ტუტუცია
ასე ეხმაურება, “გირჩი მეტი თავისუფლების” ლიდერი, ზურა ჯაფარიძე ირაკლი ღარიბაშვილი უნგრეთში საერთაშორისო კონსერვატიულ კონფერენციაზე სიტყვით გამოსვლას სადაც განაცხადა, რომ “შევძელით მშვიდობის უზრუნველყოფა, იესო ამბობს – ნეტარ არიან მშვიდობისმყოფელნი”.
მე ვხედავ რამდენიმე კოლეგას დარბაზში, მე ვხედავ იმ ადამიანებს რომლებსაც განსაკუთრებით ვაფასებ. აქ არის პრემიერმინისტრი საქართველოდან, ჩვენ შეგვიძლია ბევრი რამ ვისწავლოთ მისგან, როგორ უნდა მოახერხოს პატარა ქვეყანამ რუსეთის ჩრდილში ცხოვრება ისე, რომ შეინარჩუნოს საკუთარი ქვეყნის ღირებულებები. მისი ცოდნა ნამდვილად დასაფასებელია ამ მხრივ. გისურვებთ წარმატებებს.
განაცხადა უნგრეთის პრემიერმინისტრემა ვიქტორ ორბანმა ბუდაპეშტში კონსერვატიული პოლიტიკური მოქმედების ყოველწლიურ კონფერენციაზე სიტყვით გამოსვლისას.
“ჩვენ პატივს ვცემთ ჩვენი თითოეული მოქალაქის უფლებებს და ამას საქმით ვამტკიცებთ. 2014 წელს, ერთი მხრივ, ევროკავშირის ვიზალიბერალიზაციის სამოქმედო გეგმის მოთხოვნების შესაბამისად, მაგრამ ასევე, საკუთარი მოქალაქეების მიმართ პასუხისმგებლობის გრძნობით, ჩვენ მივიღეთ ანტიდისკრიმნაციული კანონი, რომელიც განუხრელად იცავს თითოეული მოქალაქის კონსტიტუციით გარანტირებულ უფლებებს. მაგრამ ჩვენ ასევე ვიცავთ უმრავლესობის უფლებებს, რომელთათვის ოჯახი – ქალსა და მამაკაცს შორის ერთობაა, დედა – ქალია, მამა კი – კაცი. იმ ადამიანების, მოსახლეობის უდიდესი უმრავლესობის უფლებებს, ვინც მხარი დაუჭირა ჩემს ინიციატივას, რომლის შედეგადაც ჩვენმა პარტიამ მოგვიანებით კონსტიტუციაში შეიტანა ქორწინების, როგორც ქალის და მამაკაცის ერთობის დეფინიცია. ჩვენი საზოგადოების უდიდესი უმრავლესობა ტრადიციულ, კონსერვატიულ, ოჯახურ ღირებულებს იზიარებს.
ეს ფასეულობები მხოლოდ წარსულის მემკვიდრეობა არ არის, იგი ცოცხალი დღევანდელობაა, გარემო, რომელშიც ჩვენ გავიზარდეთ და გვსურს, ჩვენი შვილები აღვზარდოთ. მე ოთხი შვილის მამა გახლავართ და ქართველი მშობლების უდიდეს უმრავლესობასთან ერთად, მსურს ჩვენი მომავალი თაობები ქრისტიანობაზე დაფუძნებულ უნიკალურ ღირებულებზე აღიზარდონ; ისე, როგორც ჩვენ აღგვზარდეს ჩვენმა მშობლებმა. ამიტომ, ჩვენ დავიცავთ ყველას უფლებებს, მაგრამ როგორც არ დავუშვებთ უმცირესობის წარმომადგენლებზე ძალადობას, ისევე არ დავუშვებთ უმცირესობის ძალადობას – უმრავლესობაზე. მხარს არ დავუჭერთ უმცირესობის მცდელობას, აგრესიული პროპაგანდით შეცვალოს ფასეულობები, რაც ჩვენი მოსახლეობის უმრავლესობას ღმერთის მიერ დადგენილად მიაჩნია, რომელსაც ქართველის იდენტობა, თვითყოფადობა, მთელი ჩვენი ისტორია ეფუძნება”.
თქვა პრემიერმა კონსერვატიული პოლიტიკური მოქმედების ყოველწლიურ კონფერენციაზე სიტყვით გამოსვლისას.
როგორ ცდილობენ ძალები, რომლებიც თავისუფლებას, სიმართლეს უპირისპირდებიან, საკუთარი მიზნების მიღწევას, სწორედ ტრადიციული ოჯახური ფასეულობების ნგრევითა და ყალბი თავისუფლების თავსმოხვევით. მაგალითად, ლგბტ პროპაგანდით, არასრულწლოვანი ბავშვებისათვის მშობლების გვერდის ავლით სქესის შეცვლის, დაკანონების მცდელობით. ასეთი. ე.წ. სიახლეების იძულებით, რომლებიც ადამიანს საკუთარ ფესვებს, ოჯახს, ტრადიციას, კულტურას, ისტორიას მოწყვეტს. ასეთი ადამიანის მართვა, ვინც დაივიწყა საკუთარი ისტორია, რწმენა, უფესვებო ადამიანის მართვა ადვილია. ამიტომ ასეთ რთულ დროში ჩვენი უმთავრესი იარაღი სწორედ ტრადიციული, ქრისტიანული, ოჯახური კონსერვატიული ფასეულობებია.
განაცხადა პრემიერმა ირაკლი ღარიბაშვილმა უნგრეთში კონსერვატულ ღონისძიებაზე სიტყვით გამოსვლისას.
დღევანდელი ტერაქტის შემდეგ, სხვა გზა არ დარჩა, გარდა ზელენსკის ლიკვიდაციისა. ის უპირობო კაპიტულაციაზე ხელმოწერისთვისაც კი არ არის საჭირო. როგორც ცნობილია, ამ აქტისთვის ჰიტლერსაც არ მოუწერია ხელი. შემცვლელი ყოველთვის მოიძებნება.
„იცით ყველამ, რომ ჯერ კიდევ მიმდინარეობს გამოძიება როგორც საქართველოში, ისე საერთაშორისო მასშტაბით. საქართველო და ჩვენი პროკურატურა არის ნაწილი ამ ჯგუფისა, მიდის ამ საკითხების ეტაპობრივი გაშიფვრა. არის საკითხები, რომელიც გამოძიებას აქვს. საქართველოს თანამშრომლობას ყველა აფასებს, აღიარებს. გახსოვთ, გერმანელი პროკურორები იყვნენ ჩამოსული, იყო ერთობლივი ბრიფინგი, როდესაც პირველად მოხდა ამ ქსელის გახსნა. საქართველო არის ამ გამოძიების ერთერთი აქტიური მონაწილე. ვხედავთ, რომ ეს გამოძიება ძალიან ბევრ ადამიანს მიწვდა და ძალიან სკურპულოზურად მუშაობს. აქ სახელმწიფოს ინტერესია, ეს საკითხი ბოლომდე იქნას გამოძიებული პროფესიონალურად. მეორე მხრივ, ინტერესი ვისაც აქვს, რომ რაც შეიძლება წინსწრებით გახდეს ცნობილი, თუ რა არის შიგნით მასალებში, არის თავად დავით კეზერაშვილი. სახელმწიფოს ინტერესი, თუნდაც უმრავლესობის პოლიტიკური ინტერესი რა შეიძლება იყოს, რაც უფრო მეტი რაღაც გამომზეურდება, უფრო მეტად დავინახავთ იმას, რაც უკვე გავიგეთ მედიის მხრიდან, დავით კეზერაშვილის და „ნაცმოძრაობასთან“ დაკავშირებული სხვა პირების მონაწილეობა ამ ქსელში. პოლიტიკურად რომ შევხედოთ, შეიძლება ჩვენი ინტერესი იყოს ამის გამომზეურება, მაგრამ ვინაიდან ჩვენი ინტერესია, რომ ეს გამოძიება წარიმართოს ბოლომდე პროფესიონალურად და თავის დროზე იქნას ყველაფერი გამომზეურებულიც, გამოძიებულიც და მტკიცებულებები შეგროვებული, ამიტომ გამოძიების ინტერესი არის ის, რომ დროზე ადრე რაღაც საკითხები არ გახმაურდეს და პირიქით – დავით კეზერაშვილის ინტერესია ამის დროზე ადრე გახმაურება და საინტერესო ხრიკი და სვლა არის, რომ ის იყენებს ამ პარტიას იმისთვის, რომ დააინიციროს საგამოძიებო კომისია. არ ვიცი რეალურად რა და როგორ ხდება, მაგრამ ლოგიკურად ასე ჩანს“,
ამის შესახებ პარლამენტის თავმჯდომარე შალვა პაპუაშვილმა „ღამის კურიერში“ განაცხადა.
თბილისში ნათესავის განზრახ მკვლელობის ბრალდებით 1981 წელს დაბადებული კაცი დააკავეს. ინფორმაციას შინაგან საქმეთა სამინისტრო ავრცელებს.
“გამოძიებით დადგინდა, რომ მიმდინარე წლის 29 აპრილს, ბრალდებულმა თბილისში, საკუთარ საცხოვრებელ სახლში, ეჭვიანობის ნიადაგზე, ნათესავზე – 1986 წელს დაბადებულ მ.ბ.-ზე ფიზიკურად იძალადა.
თ.ბ.-მ ახალგაზრდა ქალს ხელკეტისა და ელექტროშოკის გამოყენებით სხეულზე სხვადასხვა სახის დაზიანებები მიაყენა, რის შედეგადაც იგი ადგილზე გარდაიცვალა” – აცხადებს შსს.
Facebook-მა საქართველოში საქართველოს მთავრობის სტრატკომთან დაკავშირებული არაავთენტიკური კოორდინირებული ქცევის გამო 26 გვერდი, 9 ჯგუფი და 80 ანგარიში წაშალა.
“სხვა ქმედებებთან ერთად ეს ანგარიშები ცდილობდნენ მომხმარებლების სხვა პლატფორმებზე შეტყუებას, რომლებთანაც წარსულში მომხმარებელთა პერსონალური ინფორმაციების გავრცელება არის დაკავშირებული. ქსელი 24 საათიან რეჟიმში მუშაობდა, რათა გაეძლიერებინა კონტენტი საქართველოს ხელისუფლების მხარდასაჭერად. ეს მოიცავდა მათ შორის ოფიციალური სამთავრობო გვერდებისა და პროსამთავრობო პოსტების გაზიარებას”, – ნათქვამია განცხადებაში.
Facebook აღნიშნავს, რომ ყალბი ანგარიშების მეშვეობით ცდილობდნენ პროსამთავრობო ნარატივის ხელოვნურად პოპულარიზებას და ოპოზიციის დისკრედიტაციას. კომპანია ასევე აცხადებს, რომ საპროტესტო აქციების დროს ანგარიშების მიღმა მყოფი პირები პოსტავდნენ ე.წ. მიმებს, ტექსტურ სტატიებსა და კომენტარებს. Facebook-ის თქმით, მიუხედავად იმისა, რომ ოპერაციის მიღმა მყოფი პირები ცდილობდნენ თავიანთი ვინაობისა და კოორდინაციის დამალვას, გამოძიებამ აღმოაჩინა კავშირი საქართველოს მთავრობის ადმინისტრაციის სტრატეგიული კომუნიკაციების დეპარტამენტთან.
Facebook-სა და Instagram-ზე რეკლამისთვის დაახლოებით 33 500 აშშ დოლარი დაიხარჯა.
“რაც შეეხება დრონებს კრემლის თავზე – ეს ყველაფერი პროგნოზირებადია… რუსეთი აშკარად ამზადებს ფართომასშტაბიან ტერორისტულ აქტს, ამიტომ ის თავდაპირველად აკავებს სავარაუდო დივერსანტების ჯგუფს ყირიმში, შემდეგ კი “კრემლის თავზე თვითმფრინავების” დემონსტრირებას ახდენს.
უპირველეს ყოვლისა, უკრაინა ექსკლუზიურად თავდაცვით ომს აწარმოებს და ობიექტებს რუსეთის ფედერაციის ტერიტორიაზე თავს არ ესხმის. რისთვის? ეს არ წყვეტს სამხედრო პრობლემას, მაგრამ ეს აძლევს რუსეთის ფედერაციას საფუძველს, გაამართლოს თავისი თავდასხმები მშვიდობიანი მოსახლეობაზე. […] მეორეც, ჩვენ ინტერესით ვაკვირდებით ინციდენტების მზარდ რაოდენობას, რომლებიც რუსეთის ფედერაციის სხვადასხვა ნაწილში ხდება. ენერგეტიკულ ობიექტებზე ან კრემლის ტერიტორიაზე დაუდგენელი დრონების გამოჩენა მხოლოდ ადგილობრივი წინააღმდეგობის ძალების პარტიზანულ ქმედებებზე შეიძლება მიუთითებდეს.
როგორც იცით, დრონების შეძენა შესაძლებელია ნებისმიერ სამხედრო მაღაზიაში – პუტინის კლანის მიერ ქვეყანაში ძალაუფლების კონტროლის დაკარგვა აშკარაა. მაგრამ მეორე მხრივ, რუსეთს არაერთხელ უსაუბრია საჰაერო სივრცეზე ტოტალურ კონტროლზე. ერთი სიტყვით, რუსეთის ფედერაციაში რაღაც ხდება, თუმცა კრემლის თავზე უკრაინის დრონების გარეშე”
აცხადებს უკრაინის პრეზიდენტის ადმინისტრაციის მრჩეველი მიხაილო პოდოლიაკი, რითიც კრემლზე დრონებით თავდასხმას და რუსეთის მიერ ინციდენტში უკრაინის დადანაშაულებას ეხმაურება.
“რუსეთის მიერ ინსპირირებული უამრავი დეზინფორმაცია საქართველოშიც ვრცელდება” – უსაფრთხოების გამოწვევებში NATO-ს გენერალური მდივნის თანაშემწის მოადგილემ, ჯეიმს აპატურაიმ განაცხადა.
”ვიცი, რომ უამრავი დეზინფორმაცია ვრცელდება საქართველოშიც და სხვა ქვეყნებშიც. რუსეთის მიერ ინსპირირებული დეზინფორმაციის გავრცელება გაიზარდა უკრაინაში აგრესიის დაწყების შემდეგ. უმნიშვნელოვანესია, რომ აქტიურად დავუპირისპირდეთ ამ დეზინფორმაციას.” – აცხადებს აპატურაი.