“მოკავშირეები ნამდვილად ადასტურებენ, რომ უკრაინა ალიანსის წევრი გახდება და შეთანხმდნენ, რომ უკრაინის შემთხვევაში გაუქმდეს წევრობის სამოქმედო გეგმის მოთხოვნა”.
ამის შესახებ, NATO-ს გენერალურმა მდივანმა, იენწ სსტოლტენბერგმა, განაცხადა.
“ბუნებრივია, ამ ტიპის იარაღის პოტენციური გამოყენება გარდამტეხია და ის რუსეთს აიძულებს, რომ გადადგას კონკრეტული ნაბიჯები საპასუხოდ.”
12 ივლისს კრემლის პრესსპიკერმა, დმიტრი პესკოვმა თქვა, რომ რუსეთი კიევის მიერ კასეტური იარაღის პოტენციურ გამოყენებას შესაბამისად უპასუხებს. ამის შესახებ ინფორმაციას რუსული პროპაგანდისტული მედია ავრცელებს.
მნიშვნელოვანია, რომ უკრაინას არ დასჭირდება წევრობის სამოქმედო გეგმა NATO-სკენ გზაზე და მინდა კვლავ გადაგიხადოთ მადლობა ამ ძალიან მნიშვნელოვანი ნაბიჯებისთვის. მე ვიცი, რამდენი დიალოგი და ღონისძიება გატარდა ამგვარი მოვლენების მისაღწევად. ჩვენ გრძელი გზა გავიარეთ NATO-სთან თავსებადობისთვის და ჩვენი სამხედროებს აქვთ მტკიცე ცოდნა NATO-სთან თანამშრომლობის და მათ დაამტკიცეს, რომ შეუძლიათ იარაღის კარგად გამოყენება და ამტკიცებენ, რომ გლობალური დემოკრატია არის ბევრად უფრო ძლიერი ვიდრე ტერორისტული თავდასხმები. რუსეთის წინააღმდეგ სრულმასშტაბიანი ომის დროსაც კი უკრაინა აგრძელებს რეფორმების გატარებას ევროინტეგრაციის პროცესისთვის, ჩვენ მკაფიოდ გამოვყავით რისი გაკეთება გვჭირდება და ამას ვაკეთებთ. შესაბამისად, ჩვენ ძალიან ვაფასებთ იმის აღიარებას, რომ უკრაინას არ დასჭირდება წევრობის სამოქმედო გეგმა NATO-სკენ გზაზე.
მე ყველასთვის მსურს, ეს სამიტი წარმატებული იყოს: ჩვენი სამხედროებისთვის, ჩვენი მოქალაქეებისთვის, ჩვენი ბავშვებისთვის – ყველასთვის. კონკრეტულად უსაფრთხოების გარანტიები არის ძალიან მნიშვნელოვანი ხალხისთვის. უსაფრთხოების გარანტიები უკრაინისთვის მის NATO-სკენ გზაზე, არა NATO-ში შევლის შემდეგ, არამედ უსაფრთხოების გარანტიები ჩვენს ინტეგრაციის გზაზე და დღეს ეს გარანტიები დაადასტურეს დიდი შვიდეულის ქვეყნებმა და თუ ეს მოხდება, და ჩვენ ამაზე ნამდვილად ვიმუშავებთ, ეს იქნება ძალიან მნიშვნელოვანი და კონკრეტული წარმატება. ჩვენ შეგვიძლია ვთქვათ, რომ ამ სამიტის შედეგები კარგია, მაგრამ თუ ჩვენ მივიღებთ მიწვევას ეს იქნება ყველაზე ხელსაყრელი.
განაცხადა უკრაინის პრეზიდენტმა ვოლოდიმირ ზელენსკიმ NATO-ს ვილნიუსის სამიტზე.
ბათუმში მამამ 13 წლის შვილი გააუპატიურა. ინფორმაციას, TV 25-ი ავრცელებს.
მოზარდს ექსპერტიზა უტარდება, საქმეში კი ფსიქოლოგია ჩართული.
არსებული ინფორმაციით, დამნაშავე უკვე დაკავებულია. ის წარსულში ნასამართლევი იყო და საპატიმრო რამდენიმე თვის წინ დატოვა.
მოსკოვის საპატრიარქოს საგარეო ურთიერთობების განყოფილების ხელმძღვანელის მოადგილის, დეკანოზ იგორ იაკიმჩუკის თქმით, რუსეთის მართლმადიდებელი ეკლესია “თანაგრძნობით ადევნებს თვალს” საქართველოს კათოლიკოს-პატრიარქის ტახტის მოსაყდრის, მიტროპოლიტ შიოს შესაძლო მოწამვლას.
“ჩვენ მხოლოდ იმ ინფორმაციას ვფლობთ, რომელიც მედიაში იყო. რა თქმა უნდა, ვღელავთ. ის ადრე მოსკოვში მსახურობდა, წმინდა გიორგის სახელობის ტაძარში და სწავლობდა წმინდა ტიხონის უნივერსიტეტში”, – თქვა წარმომადგენელმა.
როგორი ხელიდან გაშვებული შანსია, რომ საქართველომ არც პრეზიდენტი და არც პრემიერმინისტრი გაგზავნა. მიუხედავად იმისა, რომ ქართველების აბსოლუტური უმრავლესობა მხარს უჭერს NATO-ში გაწევრიანებას, მათმა მთავრობამ ქვეყანა გამოთიშა საუბრებიდან, რომელიც, ალბათ, ბოლო წლებში NATO-ს ყველაზე მნიშვნელოვანი სამიტია.
ქართული ოცნების დეპუტატი დავით სერგეენკო დეპუტატის მანდატს ტოვებს.
საპროცედურო საკითხთა და წესდების კომიტეტი აღნიშნულ საკითხზე 14 ივლისს, 12:00 საათზე იმსჯელებს.
2012-2019 წლებში სერგეენკოს ჯანდაცვის მინისტრის თანამდებობა ეკავა.
თეთრი სახლი აწარმოებს არასაჯარო დისკუსიებს უკრაინაში ATACMS შორ მანძილზე მოქმედი რაკეტების შესაძლო მიწოდების შესახებ, იუწყება New York Times ორ ამერიკელ და ერთ ევროპელ ჩინოვნიკზე დაყრდნობით.
გამოცემის თანამოსაუბრეების თქმით, რომლებიც ანონიმურობის პირობით საუბრობდნენ, შესაძლოა საქმე ეხებოდეს რამდენიმე მართვადი “ხმელეთი–ხმელეთის“ მართვადი რაკეტის მიწოდებას, რომლებიც დარეზერვებულ იქნა უსაფრთხოების სხვა საფრთხეებზე საპასუხოდ.
მაისში დიდმა ბრიტანეთმა უკრაინას გაუგზავნა Storm Shadow შორი დისტანციის საკრუიზო რაკეტები, ხოლო საფრანგეთმა ვილნიუსში ნატოს სამიტზე პირობა დადო, რომ უკრაინას იდენტურ საჰაერო ბაზირების SCALP რაკეტებს მიაწოდებს.
კიევი დიდი ხანია ითხოვს ATACMS რაკეტებს, რომელთა დიაპაზონი დაახლოებით 300 კმ-ია (დაახლოებით 60 კმ-ით მეტი, ვიდრე Storm Shadow და SCALP).
პენტაგონის ოფიციალური პირები ამბობენ, რომ აშშ-ს ATACMS-ის არსენალი შედარებით მცირეა და რაკეტები გამოყენებული იქნა პენტაგონის სხვა სამხედრო გეგმებში, მათ შორის კორეის ნახევარკუნძულზე.
მას შემდეგ, რაც რაკეტის განვითარება დაიწყო 1980-იან წლებში, მხოლოდ დაახლოებით 4000 რაკეტის წარმოება მოხდა, განაცხადა Lockheed Martin-ის წარმომადგენელმა სამშაბათს.
მათი უკრაინაში გადატანა საფრთხეს შეუქმნის სხვა „ცხელი წერტილების“ უსაფრთხოებას, წერს NYT.
”სამართალი ვერ ვიპოვე, გადავწყვიტე საჯაროდ ვისაუბრო სამინისტროში არსებულ პრობლემებზე ”- ამის შესახებ შინაგან საქმეთა სამინისტროს ადამიანის უფლებათა დაცვის დეპარტამენტის თანამშრომელი გოგა რაზმაძე Facebook-ზე წერს და მის მიმართ გამოვლენილ ღირსების შემლახველ დამოკიდებულებაზე საუბრობს.
”მას შემდეგ, რაც შინაგან საქმეთა სამინისტროში გავიარე ყველა ეტაპი და არაერთი მცდელობის მიუხედავად, სამართალი ვერ ვიპოვე, გადავწყვიტე საჯაროდ ვისაუბრო სამინისტროში არსებულ პრობლემებსა და ჩემს მიმართ გამოვლენილ ღირსების შემლახველ დამოკიდებულებაზე. მიმაჩნია, რომ, მოცემულ სიტუაციაში, საჯაროობა არის თავის დაცვის ერთადერთი შესაძლებლობა და დეპარტამენტის გადარჩენის ერთადერთი შანსი.
მინდა მოგიყვეთ, თუ როგორი დამამცირებელი და ღირსების შემლახველი მოპყრობა ხორციელდება ჩემს მიმართ იმ უწყებაში, სადაც 12 წელია ღირსეულად ვმუშაობ.
20 წლის ასაკში გავხდი პოლიციელი და ამ პერიოდიდან მოყოლებული, ვცდილობდი მემუშავა კანონის უზენაესობისა და ადამიანის უფლებების დაცვის იდეით.
2018 წელს, მას შემდეგ, რაც შსს-ში შეიქმნა ადამიანის უფლებათა დაცვის დეპარტამენტი, კონკურსის წესით, ყველა ეტაპის წარმატებით გავლის შემდეგ, ამავე დეპარტამენტში დავინიშნე განსაკუთრებით მნიშვნელოვან საქმეთა ინსპექტორად.
დეპარტამენტში თავი მოვიყარეთ ადამიანებმა, ვისაც გვქონდა რწმენა და სურვილი გვემუშავა ადამიანის უფლებების დასაცავად. სწორედ წარმატებული საქმიანობის გათვალისწინებით, ერთი წლის შემდეგ დეპარტამენტის მანდატი გაფართოვდა. ჩემი საქმიანობის დადებითად შეფასების საფუძველზე, დავინიშნე ამავე დეპარტამენტის რეგიონული სამმართველოს უფროსად.
ვმუშაობდი დეპარტამენტში, სადაც თანამშრომლებს სამსახურში მოსვლა გვიხაროდა, რადგან ვმუშაობდით რეალურად და დიდი სულისკვეთებით ადამიანების დასახმარებლად.
დეპარტამენტის კურატორად მინისტრის მოადგილე, ალექსანდრე დარახველიძის დანიშვნის შემდეგ, შეიცვალა დეპარტამენტისა და მისი თანამშრომლების მიმართ დამოკიდებულება. დეპარტამენტი აღარ მოიაზრებოდა ერთ-ერთ მნიშვნელოვან სტრუქტურულ ერთეულად. დეპარტამენტს აღარ ჰქონდა მონიტორინგის განხორციელების რეალური ბერკეტები. შესუსტდა კომუნიკაცია გარე აქტორებთანაც. ასევე, თანამშრომლები დავექვემდებარეთ ცენზურას. დაიწყო ჩვენი, მათ შორის, ჩემი საჯარო პოსტების კონტროლი და Facebook-ზე ადამიანის უფლებების დარღვევის ფაქტებთან დაკავშირებით დადებული პოსტების აღების მოთხოვნა, რომელიც სრულად ჯდებოდა საჯარო მოხელის ეტიკეტსა და გამოხატვის თავისუფლების ფარგლებში. უფრო მეტიც, ამ დეპარტამენტის დანიშნულება სწორედ ადამიანების უფლებების დარღვევის ფაქტების შემჩნევა და მათზე რეაგირება იყო.
მე მქონდა რეაქცია ამ უკუსვლებზე და ვაფიქსირებდი ჩემს მოსაზრებებს დეპარტამენტის მოდგილეებთან, უფროსთან, მინისტრის მოადგილესთანაც. ამის გამო, მე დავექვემდებარე დისკრიმინაციას ჩემს მიერ გამოხატული განსხვავებული მოსაზრებების გამო – აღარ მრთავდნენ დეპარტამენტის საქმიანობაში (შეხვედრებში, ტრენინგებში, თათბირებში და ა.შ.). ჩამომაშორეს ყველა პროცესს. მიუხედავად ამისა, ვცდილობდი მეკეთებინა ჩემი საქმე, იმ შესაძლებლობის ფარგლებში, რის საშუალებასაც იძლეოდა არსებული ვითარება.
აღნიშნული მოვლენების ფონზე, დეპარტამენტში დაიწყო აუდიტის ჩატარება. აღნიშნული პროცესი დაიგეგმა სპონტანურად – 2023 წლის აუდიტის სამოქმედო გეგმით დეპარტამენტის შემოწმება საერთოდ არ იყო გათვალისწინებული. დეპარტამენტში არსებული ვითარების მხედველობაში მიღებით, ეჭვგარეშეა რომ აღნიშნული აუდიტის მიზანია რეორგანიზაცია, რომელსაც შედეგად მოჰყვება დეპარტამენტიდან ხელმძღვანელებისთვის „არასასურველი“ თანამშრომლების გაშვება და დეპარტამენტის ფუნქციების კიდევ უფრო შესუსტება.
დეპარტამენტში მიმდინარე მოვლენებისა და დაგეგმილი აუდიტის შესახებ, არაერთხელ მქონდა მცდელობა ჩემთვის მოესმინა მინისტრის მოადგილეს, თუმცა ჩემთვის დრო ვერც ერთხელ გამონახა.
ამიტომ, ჩემი მოსაზრებები იმეილის მეშვეობით გავუგზავნე მინისტრის მოადგილესა და დეპარტამენტის მენეჯმენტს.
16 ივნისს იმეილით გაგზავნილ წერილთან დაკავშირებით, რომელშიც მქონდა დაფიქსირებული ჩემი წუხილები დეპარტამენტში მიმდინარე მოვლენებეზე, 11 ივლისს დამიბარეს შსს-ს გენერალურ ინსპექციაში.
მზად ვიყავი ახსნა-განმარტების მისაცემად (იმ პირობით, რომ ოქმის ასლს გადმომცემდნენ), თუმცა მოულოდნელად ოთახში შემოვიდა შსს-ს გენერალური ინსპექციის უფროსის მოადგილე, დავით მინდიაშვილი. მან გააგრძელა ჩემთან გასაუბრება, რაც 3 საათზე მეტ ხანს გაგრძელდა. მან საქმე გამირჩია იმის გამო, რომ ხელმძღვანელებისთვის მიწერილ წერილში დავაფიქსირე ჩემი მოსაზრებები დეპარტამენტში არსებულ ხარვეზებთან დაკავშირებით. მთელი გასაუბრების განმავლობაში, იგი მეპყრობოდა დამამცირებლად და შეურაცხყოფდა ჩემს ღირსებას. აგდებულად მოიხსენიებდა იმ დეპარტამენტს, სადაც ვმუშაობ. მეძახდა ამბიციურს. მეუბნებოდა, თუ რა მიკეთებია ცხოვრებაში. ფსიქოლოგიური ზეწოლის გზით მაიძულებდა ახსნა-განმარტების დაწერას. რამდენიმე თანამშრომელთან ერთად განიხილავდა ჩემს პირად Facebook პოსტებს და აკრიტიკებდა მათ. მიუხედავად იმისა, რომ ვთხოვე სხვა დროისთვის გადაგვეტანა ახსნა-განმარტების მიცემა (რაც ნებაყოფლობითია), იგი არ მიშვებდა ოთახიდან და მეუბნებოდა, რომ თუ არ დავწერდი განმარტებას, „სამსახურიდან გამაგდებდა.“ ეს პროცესი ჩემთვის ძალიან მძიმე იყო.
ეს ფორმატი არ მაძლევს შესაძლებლობას, რომ უფრო დეტალურად ვისაუბრო ჩემს მიმართ გამოვლენილ უსამართლო, დისკრიმინაციულ და ღირსების შემალახველ დამოკიდებულებაზე, რაც მხოლოდ იმიტომ ,,დავიმსახურე”, რომ დავინახე ხარვეზები ამ დეპარტამენტის საქმიანობაში, ვისაუბრე ამ ხარვეზებზე და მინდოდა ამ დეპარტამენტის განვითარება.
ყველაფრის მიუხედავად, ჩემი ნებით არ მივდივარ სამსახურიდან. ალბათ, ისედაც გამიშვებენ. ჩემი მენტალური ჯანმრთელობის ფასად კვლავ ვაგრძელებ ბრძოლას სამართლიანობისა და ჩემი უფლებების დასაცავად.
საჯაროდ მივმართავ სპეციალურ საგამოძიებო სამსახურს ოპერატიული რეაგირებისა და გამოძიების დაწყების მოთხოვნით. მზად ვარ, დეტალური ინფორმაცია მივაწოდო ჩემს მიმართ 11 ივლისს განხორციელებული დამამცირებელი მოპყრობის შესახებ.
ასევე, უკვე მივმართე სახალხო დამცველს, ჩემს მიმართ სამინისტროში დისკრიმინაციულ მოპყრობასთან დაკავშირებით.
ასევე, მივმართავ ყველა საერთაშორისო თუ ადგილობრივ ორგანიზაციას, უცხო ქვეყნის ელჩებს, მედიას – დაინტერესდნენ აღნიშნული ფაქტით და არ დაუშვან ჩემი და ჩემი ოჯახის
წევრების უსაფრთხოების ხელყოფა” – წერს გოგა რაზმაძე.
ნატოს წევრი ქვეყნების მიერ გამოქვეყნებულ კომუნიკეში საქართველოსთან დაკავშირებით წერია, რომ ევროატლანტიკური მისწრაფებების წინსვლისთვის საქართველომ უნდა მიაღწიოს პროგრესს რეფორმებში, მათ შორის საკვანძო დემოკრატიულ რეფორმებში .
კომუნიკეში ნატოს წევრები იმეორებენ 2008 წლის ბუქარესტის სამიტზე მიღებულ გადაწყვეტილებას, რომ საქართველო გახდება ალიანსის წევრი წევრობის სამოქმედო გეგმით, (MAP) როგორც პროცესის განუყოფელი ნაწილით.
“ჩვენ ვიმეორებთ საქართველოს ტერიტორიული მთლიანობისა და სუვერენიტეტისადმი ჩვენს მხარდაჭერას მის საერთაშორისოდ აღიარებულ საზღვრებში. ჩვენ მტკიცედ ვუჭერთ მხარს უფლებას გადაწყვიტოს საკუთარი მომავალი და საგარეო პოლიტიკური კურსი გარე ჩარევისგან დამოუკიდებლად. მოვუწოდებთ რუსეთს, გაიყვანოს საკუთარი ჯარები, რომლებიც საქართველოში მისი თანხმობის გარეშე იმყოფებიან. ასევე, მოვუწოდებთ რუსეთს, უკან წაიღოს საქართველოს აფხაზეთისა და სამხრეთ ოსეთის რეგიონების აღიარება; შეწყვიტოს ამ რეგიონების მილიტარიზაცია და დანარჩენი საქართველოსგან მათი იძულებით გამოყოფის მცდელობები საზღვრის მსგავსი დაბრკოლებების აგებით; და შეწყვიტოს ადამიანის უფლებების დარღვევები, მათ შორის თვითნებური დაკავებები და საქართველოს მოქალაქეების შევიწროება.
ჩვენ ძალიან ვაფასებთ საქართველოს არსებით წვლილს ნატო-ს ოპერაციებში, რაც ადასტურებს მის ერთგულებასა და შესაძლებლობებს წვლილი შეიტანოს ევროატლანტიკურ უსაფრთხოებაში. ჩვენ ერთგულნი ვრჩებით, რომ სრულად გამოვიყენოთ ნატო-საქართველოს კომისია და წლიური ეროვნული პროგრამა (ANP) საქართველოსთან პოლიტიკური დიალოგისა და პრაქტიკული თანამშრომლობის გასაღრმავებლად.
ვიმეორებთ 2008 წლის ბუქარესტის სამიტზე მიღებულ გადაწყვეტილებას, რომ საქართველო გახდება ალიანსის წევრი წევრობის სამოქმედო გეგმით (MAP), როგორც პროცესის განუყოფელი ნაწილით; ვადასტურებთ ამ გადაწყვეტილებას, ისევე როგორც შემდგომ გადაწყვეტილებებს… ევროატლანტიკური მისწრაფებების წინსვლისთვის საქართველომ რეფორმებში უნდა მიაღწიოს პროგრესს, მათ შორის საკვანძო დემოკრატიულ რეფორმებში, და მაქსიმალურად გამოიყენოს ANP”, – წერია კომუნიკეში.