newsreport.ge

Blog

  • მოვუწოდებთ საქართველოს ხელისუფლებას, შეცვალოს თავისი ავტორიტარული კურსი – შვედეთის საგარეო

    მოვუწოდებთ საქართველოს ხელისუფლებას, შეცვალოს თავისი ავტორიტარული კურსი – შვედეთის საგარეო

    “საქართველოში ვითარება კიდევ უფრო უარესდება. მმართველი პარტიის მიერ მიღებული ახალი კანონმდებლობა ეფექტურად შეაფერხებს ყველა სახის უცხოურ დაფინანსებას დამოუკიდებელი ორგანიზაციებისთვის, სისხლისსამართლებრივ პასუხისმგებლობას აკისრებს ძირითად სამოქალაქო საქმიანობას და ხელს შეუშლის პოლიტიკურ აქტივობას. ეს შეუთავსებელია დემოკრატიულ პრინციპებთან და საქართველოს საერთაშორისო ვალდებულებებთან ადამიანის უფლებების დაცვის მიმართულებით.

    მოვუწოდებთ საქართველოს ხელისუფლებას, შეცვალოს თავისი ავტორიტარული კურსი. შვედეთი კვლავ რჩება ქართველი ხალხის დიდი ხნის მეგობრად და საიმედო პარტნიორად”

  • დარღვევებს ყოველთვის მოჰყვება შედეგები, სამწუხაროა,”ოცნება” საქმე აქამდე მიიყვანა – ფიშერი

    დარღვევებს ყოველთვის მოჰყვება შედეგები, სამწუხაროა,”ოცნება” საქმე აქამდე მიიყვანა – ფიშერი

    სამწუხაროა, რომ საქართველოს მთავრობამ საქმე აქამდე მიიყვანა. დარღვევებს ყოველთვის მოჰყვება შედეგები. ჩვენ გვსურს, რომ საქართველოს იმ მოქალაქეებს, რომლებსაც ჩვეულებრივი პასპორტები აქვთ, უვიზო მიმოსვლა შეუნარჩუნდეთ. თქვენ ჩვენი მეგობრები ხართ და ევროკავშირში ყოველთვის გელით. თქვენ შეგიძლიათ ევროკავშირის წევრიც გახდეთ, ეს თქვენს მთავრობაზეა დამოკიდებული. ამჟამად კი თქვენ ევროკავშირს შორდებით

    წერს საქართველოში გერმანიის ელჩი პიტერ ფიშერი X-ზე.

  • საქართველოს დიპლომატიური პასპორტის მფლობელებისთვის უვიზო მიმოსვლა ოფიციალურად გაუქმდა

    საქართველოს დიპლომატიური პასპორტის მფლობელებისთვის უვიზო მიმოსვლა ოფიციალურად გაუქმდა

    ევროკომისიამ ქართული დიპლომატიური, სამსახურებრივი ან ოფიციალური პასპორტებისთვის უვიზო მიმოსვლა საბოლოოდ შეაჩერა – ამიერიდან, მათ შენგენის ზონაში ოფიციალური მიზნით შესვლისას ვიზა მოეთხოვებათ.

    “საქართველოს ხელისუფლების წარმომადგენლებმა ევროკავშირში დიპლომატიური ან ოფიციალური მიზნით გამგზავრებისას დიპლომატიური ან სამსახურებრივი პასპორტი უნდა გამოიყენონ. ამ წესის შეუსრულებლობამ, შესაძლოა, ქვეყანაში შესვლის აკრძალვა გამოიწვიოს.გარდა ამისა, როცა საქართველოს დიპლომატიური, სამსახურებრივი და ოფიციალური პასპორტის მფლობელები შენგენის ვიზაზე განაცხადს შეავსებენ, წევრ სახელმწიფოებს რეკომენდაცია ეძლევათ, საფუძვლიანი შემოწმება ჩაატარონ, ჰქონდეთ გასაუბრება და განმცხადებლებისგან დამატებითი დოკუმენტები მოითხოვონ. განმცხადებლების მიერ მიწოდებული ინფორმაციის სანდოობასთან დაკავშირებით ეჭვის შეტანის შემთხვევაში, წევრ სახელმწიფოებს ვიზის გაცემაზე უარის თქმა შეეძლებათ”. – წერს ევროკომისია.

    ევროკომისია ევროკავშირის წევრ სახელმწიფოებს რეკომენდაციას აძლევს, რომ ევროკავშირის საზღვრის კვეთის დროს საქართველოს ყველა მოქალაქე გაძლიერებულად შეამოწმონ.

    “ევროკავშირის წევრმა ქვეყნებმა უნდა უზრუნველყონ, რომ საქართველოს ყველა მოქალაქე შემოწმდეს ეროვნულ და ევროპულ მონაცემთა ბაზაში – როგორიცაა სავიზო საინფორმაციო სისტემა, შენგენის საინფორმაციო სისტემა და სხვა საჯარო მონაცემთა ბაზები. შესვლა/გასვლის სისტემა (EES), რომელიც ევროკავშირში 2025 წლის წლის ოქტომბრიდან თანდათანობით ინერგება, უსაფრთხოების შემოწმების დამატებით მექანიზმს უზრუნველყოფს”. – წერია ევროკომისიის განცხადებაში.

  • მოვითხოვთ მზია ამაღლობელის და ყველა უსამართლოდ დაკავებულის გათავისუფლებას! – ჰიპერი

    მოვითხოვთ მზია ამაღლობელის და ყველა უსამართლოდ დაკავებულის გათავისუფლებას! – ჰიპერი

    „მისი ბუნდოვანი დებულებები ასევე ქმნის ღრმა სამართლებრივ გაურკვევლობას და ასევე არბიტრაჟისა და შერჩევითი აღსრულების დიდ რისკს და ეს მზია ამაღლობელის დაკავებასთან დაკავშირებულ კითხვასაც უკავშირდება.[…] მკაცრად დავგმეთ მისი პატიმრობა. მისი განაჩენი ასევე აჩვენებს დამოუკიდებელი ხმების წინააღმდეგ რეპრესიებს. ჟურნალისტებს უნდა შეეძლოთ თავიანთი საქმიანობის შესრულება დევნის ან ზედმეტი შეზღუდვის შიშის გარეშე. ამიტომ, ხელისუფლების ქმედებები, რომლებიც მიზნად ისახავს დამოუკიდებელი მედიის მიზანში ამოღებას და გაჩუმებას, ასევე ძირს უთხრის დემოკრატიის საფუძველს და ეწინააღმდეგება საქართველოს საერთაშორისო ვალდებულებებს და საქართველოს მოსახლეობის ევროპულ მისწრაფებებს. ამიტომ, ჩვენ მოვითხოვთ მის და ყველა უსამართლოდ დაკავებულის გათავისუფლებას“,

    ამის შესახებ ევროკომისიის პრესსპიკერმა, ანიტა ჰიპერმა დღევანდელ ბრიფინგზე განაცხადა

  • Publika-ს ჟურნალისტებისთვის ხელშეშლის გამო ბრალდებულებს ₾3 000-3 000-იანი გირაო შეეფარდათ

    Publika-ს ჟურნალისტებისთვის ხელშეშლის გამო ბრალდებულებს ₾3 000-3 000-იანი გირაო შეეფარდათ

    Publika-ს  ჟურნალისტებისთვის,  ქეთო მიქაძისა და ალექსანდრე ქეშელაშვილისთვის პროფესიულ საქმიანობაში ხელშეშლის გამო ბრალდებულებს, ლევან ზარდიაშვილსა და საბა მინდიაშვილს 3 000-3 000 ლარის გირაო შეეფარდათ.

    გადაწყვეტილება მოსამართლე მზია გარშაულიშვილმა გამოაცხადა, მოსამართლემ პროკურატურის შუამდგომლობა დააკმაყოფილა.

    პროცესს ესწრებოდა ორივე ბრალდებული. მათ ადვოკატები არ ჰყავდათ.

    პროკურატურამ ჟურნალისტური საქმიანობის ხელის შეშლის მუხლით 8 სექტემბერს თბილისის მერის კახა კალაძის შტაბთან მომხდარი ფაქტის გამო ორ პირს – ლევან ზარდიაშვილსა და საბა მინდიაშვილს ბრალი გუშინ, 5 მარტს წარუდგინა.

    ინციდენტი 8 სექტემბერს მოხდა.

  • 11 წელი მიესაჯა სპორტის მასწავლებელს, მან მოსწავლეების მიმართ გარყვნილი ქმედება ჩაიდინა

    11 წელი მიესაჯა სპორტის მასწავლებელს, მან მოსწავლეების მიმართ გარყვნილი ქმედება ჩაიდინა

    ზუგდიდის რაიონულმა სასამართლომ თოთხმეტი და თექვსმეტი წლის ასაკს მიუღწეველი პირების მიმართ, ძალადობის გარეშე ჩადენილ გარყვნილ ქმედებაში ბრალდებული დამნაშავედ ცნო და სასჯელის სახედ და ზომად 11 წლით თავისუფლების აღკვეთა განუსაზღვრა.

    სასამართლო პროცესზე წარდგენილი მტკიცებულებებით დადასტურდა, რომ ბრალდებულმა, რომელიც ზუგდიდის მუნიციპალიტეტში ერთ-ერთ საჯარო სკოლაში ფიზკულტურის მასწავლებლად მუშაობდა, 2024-2025 წლებში, თოთხმეტი და თექვსმეტი წლის ასაკს მიუღწეველი ხუთი მოსწავლის მიმართ, ნდობის, ავტორიტეტული და გავლენიანი მდგომარეობის გამოყენებით, ძალადობის გარეშე გარყვნილი ქმედება ჩაიდინა.

    პოლიციამ ის 2025 წლის 12 ივნისს დააკავა.

  • ამერიკა და ისრაელი აცხადებენ, რომ გაანადგურეს ირანის რაკეტების გამშვები დანადგარების უმეტესობა

    ამერიკა და ისრაელი აცხადებენ, რომ გაანადგურეს ირანის რაკეტების გამშვები დანადგარების უმეტესობა

    ამერიკა და ისრაელი აცხადებენ, რომ  საჰაერო იერიშების შედეგად წარმატებით მოხდა ირანის სარაკეტო საფრთხის განადგურება.მათი განცხადებით, მომდევნო დღეებში ირანის წინააღმდეგ იერიშები უფრო ინტენსიური გახდება.

    ირანი კგვლავ  განაგრძობს ისრაელისა და სპარსეთის ყურის ქვეყნების წინააღმდეგ ბალისტიკური რაკეტებისა და დრონების გაშვებას.

    ისრაელის თავდაცვის ძალების (IDF) გაერთიანებული შტაბის უფროსმა, გენერალ-ლეიტენანტ ეიალ ზამირმა განაცხადა, რომ იერიშების შედეგად განადგურებულია ირანის საჰაერო თავდაცვის 80% და მათი რაკეტების გამშვები დანადგარების 60%, თუმცა, მან დაამატა, რომ “საფრთხე ჯერ კიდევ არ გამქრალა”.

  • 7-9 მარტს ზოგიერთ რაიონში შენარჩუნდება დროგამოშვებით ნალექიანი ამინდი – სააგენტო

    7-9 მარტს ზოგიერთ რაიონში შენარჩუნდება დროგამოშვებით ნალექიანი ამინდი – სააგენტო

    7-9 მარტს საქართველოს ზოგიერთ რაიონში შენარჩუნდება დროგამოშვებით ნალექიანი ამინდი.

    “ქ. თბილისში 7 მარტს უმეტესად უნალექო ამინდი იქნება, ხოლო 8-9 მარტს მცირე წვიმა და ქარია მოსალოდნელი. ჰაერის ტემპერატურა დღისით +9, +11 გრადუსი დაფიქსირდება.

    სანაპირო რაიონებში (ბათუმი, ქობულეთი, ანაკლია, ფოთი): დროგამოშვებით წვიმაა მოსალოდნელი. ჰაერის ტემპერატურა დღისით +9, +11 გრადუსი დაფიქსირდება.

    დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): დროგამოშვებით წვიმაა მოსალოდნელი. ჰაერის ტემპერატურა დღისით +8, +10 გრადუსი დაფიქსირდება.

    დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): დროგამოშვებით ნალექია მოსალოდნელი. ჰაერის ტემპერატურა დღისით +6, +8 გრადუსი დაფიქსირდება.

    დასავლეთ საქართველოს მაღალმთიან რაიონებში (მესტია, ბახმარო): დროგამოშვებით თოვლია მოსალოდნელი. ჰაერის ტემპერატურა დღისით -1, +1 გრადუსი დაფიქსირდება.

    ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან ნალექია მოსალოდნელი. ჰაერის ტემპერატურა დღისით +8, +10 გრადუსი დაფიქსირდება.

    კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან ნალექია მოსალოდნელი. ჰაერის ტემპერატურა დღისით +9, +11 გრადუსი დაფიქსირდება.

    აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): ზოგან თოვლია მოსალოდნელი. ჰაერის ტემპერატურა დღისით +4, +6 გრადუსი დაფიქსირდება.

    აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): ზოგან თოვლია მოსალოდნელი. ჰაერის ტემპერატურა დღისით -2, -4 გრადუსი დაფიქსირდება.” – წერია სააგენტოს პროგნოზში.

  • ირანი შეთანხმების დადებას ითხოვს, მაგრამ ცოტა დაიგვიანეს – ტრამპი

    ირანი შეთანხმების დადებას ითხოვს, მაგრამ ცოტა დაიგვიანეს – ტრამპი

    „ამერიკის შეერთებული შტატების სამხედრო ძალები, შესანიშნავ ისრაელელ პარტნიორებთან ერთად, აგრძელებენ მტრის სრულად განადგურებას გრაფიკზე გაცილებით ადრე და ისეთ დონეზე, რაც ხალხს აქამდე არასდროს უნახავს. ყოველ საათში უფრო მეტ ირანულ რაკეტებსა და დრონებს ვანადგურებთ, ისე ვანადგურებთ მათ, როგორც არავის ეგონა.[…] მათი საზღვაო ფლოტი აღარ არსებობს, სამ დღეში 24 გემი, ეს ძალიან ბევრი გემია. მათი ჰაერსაწინააღმდეგო იარაღი აღარ არსებობს, ამიტომ მათ არ ჰყავთ საჰაერო ძალები, არ აქვთ საჰაერო თავდაცვა. აღარ აქვთ თვითმფრინავები, კომუნიკაციის საშუალებები. რაკეტები აღარ აქვთ, გამშვები მოწყობილობები აღარ აქვთ, შესაბამისად, დაახლოებით 60% და 64%“,

    აშშ-ის პრეზიდენტის დონალდ ტრამპის განცხადებით, ირანს შეთანხმების დადება სურს, მაგრამ უკვე გვიანია.

  • იმედია, EU-ში 90 მილიარდიდან პირველ ტრანშს ერთი ადამიანი არ დაბლოკავს, წინააღმდეგ შემთხვევაში, მის მისამართს ჩვენს შეიარაღებულ ძალებს მივცემ – ზელენსკი

    იმედია, EU-ში 90 მილიარდიდან პირველ ტრანშს ერთი ადამიანი არ დაბლოკავს, წინააღმდეგ შემთხვევაში, მის მისამართს ჩვენს შეიარაღებულ ძალებს მივცემ – ზელენსკი

    ‘იმედია, EU-ში 90 მილიარდიდან პირველ ტრანშს ერთი ადამიანი არ დაბლოკავს, წინააღმდეგ შემთხვევაში, მის მისამართს ჩვენს შეიარაღებულ ძალებს მივცემ” – ამის შესახებ, უკრაინის მეთაურმა, ვოლოდიმირ ზელენსკიმ განაცხადა, უნგრეთის პრემიერ, ვიქტორ ორბანთან დაკავშირებით.

    „ვიმედოვნებთ, რომ ევროკავშირში ერთი ადამიანი 90 მილიარდიდან პირველ ტრანშს არ დაბლოკავს და უკრაინელ სამხედროებს იარაღი ექნებათ. წინააღმდეგ შემთხვევაში, ამ ადამიანის მისამართს ჩვენს შეიარაღებულ ძალებს, ჩვენს ბიჭებს მივცემ. დაე, მას დაურეკონ და მისთვის გასაგებ ენაზე ესაუბრონ“, – განაცხადა უკრაინის პრეზიდენტმა.

    ვიქტორ ორბანმა განაცხადა, რომ „უკრაინას აიძულებს, უნგრეთისთვის „დრუჟბას“ ნავთობსადენით ნავთობის მიწოდება განაახლოს“.

    „არანაირი შეთანხმება და კომპრომისი არ იქნება. ჩვენ ძალის გამოყენებით გავარღვევთ უკრაინის ნავთობის ბლოკადას. გარწმუნებთ, რომ ამისთვის სამხედრო ძალის გამოყენება ჩვენს გეგმებში არ შედის, მაგრამ ჩვენ პოლიტიკური და ფინანსური ინსტრუმენტები გვაქვს“, – აღნიშნა ორბანმა.