“[უკრაინის პრეზიდენტის] ეს განცხადებები მიუთითებს იმას, რომ ზელენსკის და მის უკან მყოფ ძალებს სურთ ახალი სისხლიანი ომის დაწყება კავკასიის რეგიონში. უკრაინა ცდილობს, გააფართოოს კონფლიქტის მონაწილეთა გეოგრაფია და შექმნას არასტაბილურობის დამატებითი ზონა რუსეთის გარშემო. […] იმედი მაქვს, საქართველოს დღევანდელი ხელისუფლება თავშეკავებას და პრაგმატიზმს გამოიჩენს. არ მგონია, რომ ომი დღეს მათთვის მომგებიანი იყოს”.
აცხადებს ე.წ. აფხაზეთის რესპუბლიკის პრეზიდენტი ასლან ბჟანია.
“ევროკავშირშია გაგზავნილი, თითი დაადეს სამიდან ერთ ვარიანტს” – ქართული ოცნების თავმჯდომარე, ირაკლი კობახიძე აცხადებს, მაუწყებლობის შესახებ კანონში შესატან ცვლილებებთან დაკავშირებით.
“ეს კანონპროექტი არის გაგზავნილი ევროკავშირში. ვარიანტი შევთავაზეთ, თითი დაადეს სამიდან ერთ-ერთ ვარიანტს და ვიღებთ ამას. დამთავრებული ამბავია. დირექტივაა ევროკავშირის. უხამსობას რაც შეეხება, ჩანაწერი არის ძველი, ეს ჩანაწერი რჩება, როგორც მოქმედებდა წარსულში, ასევე იმოქმედებს დღესაც”,-ამბობს კობახიძე.
გერმანიის კანცლერმა, ოლაფ შოლცმა აღშფოთება გამოხატა რუსეთის პრეზიდენტის, ვლადიმერ პუტინის განცხადებაზე, რომ ახლო აღმოსავლეთში ომს შეიძლება მოჰყვეს მშვიდობიანი მოსახლეობის მსხვერპლი, მან ამ განცხადებას უკიდურესი ცინიზმი უწოდა.
“აღშფოთებული ვარ, როცა მესმის რუსეთის პრეზიდენტის გაფრთხილებები, რომ შეიარაღებულ კონფლიქტებში შეიძლება იყოს მსხვერპლი სამოქალაქო პირებს შორის. ამაზე უფრო ცინიკური რამის პოვნა რთულია” – განაცხადა კანცლერმა.
“16 ოქტომბრის შემდეგ, ჩვენი პარტნიორებისთვისაც ცხადია რომ ასეთი ვიზიტი არის საქართველოს კონსტიტუციის დარღვევა, ამიტომ რა თქმა უნდა, მათი მხრიდან არ უნდა იყოს ხელშეწყობა კონსტიტუციის დარღვევისა.
ჩვენ დამოუკიდებელი ქვეყნების ნაწილი გავხდით იმიტომ, რომ გვინდოდა გვქონოდა ჩვენი დამოუკიდებელი სახელმწიფო, ჩვენი კონსტიტუცია, რომელსაც პატივს სცემდნენ სხვა სახელმწიფოები. შესაბამისად, ჩვენი ქვეყნის პატივისცემა სხვების მხრიდან, გამოიხატება ჩვენი კონსტიტუციის პატივისცემაში. თუკი ჩვენი კონსტიტუცია ამბობს, რომ პრეზიდენტს არ აქვს უფლებამოსილება განახორციელოს ვიზიტი მთავრობის თანხმობის გარეშე, ჩვენმა პარტნიორებმაც ამას უნდა სცენ პატივი.
ჩვენს ხინკალს და ხაჭაპურს პატივს სცემს ძალიან ბევრი ადამიანი და მათ შორის, ჩვენი ოკუპანტი ქვეყანაც პატივს სცემდა ხინკალსა და ხაჭაპურს – ეს არ არის საკმარისი ჩვენი ქვეყნის პატივისცემისთვის. ვისაც უნდა აჩვენოს პატივისცემა ქართველი ხალხის და ქართველი სახელმწიფოს მიმართ, მან უნდა აჩვენოს პატივისცემა საქართველოს კონსტიტუციის მიმართ. ამიტომ, ჩვენი მოლოდინია, რომ თუკი იქნება
მოთხოვნები ასეთი ვიზიტებისა და შეხვედრებისა, ამაზე უპირველეს ყოვლისა მოიკითხავენ არსებობს თუ არა მთავრობის თანხმობა და თუ ასეთი თანხმობა არ არსებობს, ასეთი ვიზიტის განხორციელებაზე მას ეთქმევა მას უარი”,
მისი გამოსვლის ტექსტი არა მარტო ინსტიტუტების მიმართ შეურაცხმყოფელი იყო, არამედ, ისეთ პასაჟებს შეიცავდა, რაც ზრდილობის ზღვარს მიღმა გადიოდა. განსაკუთრებით მძიმე ის პასაჟი იყო, რომელიც შვილების თემას უკავშირდებოდა. ის ამას კითხულობდა. შეიძლება, რაღაც წამოგცდეს, მაგრამ ეს დაწერილი ტექსტი იყო – ზურაბიშვილს ქაღალდზე პავლიკ მოროზოვის ტექსტი ჰქონდა დაწერილი და ამას კითხულობდა. სინამდვილეში, ამ თავისი ტექსტით, გუშინ სალომე ზურაბიშვილი გამოგვეცხადა, როგორც პავლიკ მოროზოვი, რომელმაც ნიკო ნიკოლაძე გაყიდა. ეს ამ ტექსტის ერთადერთი რელევანტური შეფასება იყო.
ასე გამოეხმაურა მმართველი გუნდის თავმჯდომარე, ირაკლი კობახიძე იმპიჩმენტის განხილვის დროს, პარლამენტში სალომე ზურაბიშვილის სიტყვით გამოსვლას.
„ეს არის გაფრთხილება, რომელიც მას მისცა კობახიძემ. კობახიძე, როგორც მმართველი პარტიის თავმჯდომარე, რატომ საუბრობს პროკურატურაზე?! არ დაგვავიწყდეს, რომ საქართველოში არსებობს პოლიტიკური მართლმსაჯულება. ძალიან მნიშვნელოვანია გვესმოდეს, რომ თუ ჩვენ მეორე პრეზიდენტს გავასამართლებთ, ეს იქნება ძალიან მძიმე მოცემულობა და შედეგი საქართველოსთვის.[…] ივანიშვილის მითოლოგიზაცია არის ძალიან საშიში. ის არის ადამიანი, რომელიც პირდაპირ კავშირშია რუსეთთან და დაკავებულია საქართველოში რუსული გავლენების გაძლიერებით, ამიტომ მას არ სჭირდება პროდასავლური ანტურაჟი. მმართველი პარტია, რომელიც ასევე დაკავებულია რუსული გავლენების გაძლიერებით, არის მისი სახე. ყველაფერს გამოაჩენს დრო, მე არ შემიძლია წინასწარმეტყველება, ერთადერთი რაც შემიძლია გითხრათ, არის ის, რომ იმპიჩმენტი იყო პროცესი პროცესისთვის, რომლითაც მმართველი პარტია შეეცადა, გადაეფარა მნიშვნელოვანი საკითხები, რაც ეხება ფარცხალაძის დასანქცირებას, ღარიბაშვილის კორუფციას და ა.შ.”
ამის შესახებ „ევროოპტიმისტების“ დეპუტატმა ხატია დეკანოიძემ განაცხადა, რითაც გამოეხმაურა „ქართული ოცნების“ თავმჯდომარის ირაკლი კობახიძის განცხადებას, რომლის თანახმად, „საკონსტიტუციო სასამართლოს გადაწყვეტილების ფონზე, სამომავლო კონსტიტუციის დარღვევა, შესაძლოა, იძენდეს სისხლის სამართლებრივი დანაშაულის ნიშნებს”.
„ჩვენ ვაკვირდებით მცდელობებს, რომ ყველაფერი ირანს დააბრალონ, რაც საკმაოდ პროვოკაციულად მიგვაჩნია. მე მჯერა, რომ ირანის ხელმძღვანელობა საკმაოდ პასუხისმგებლიან, დაბალანსებულ პოზიციას იკავებს და ცდილობს არ დაუშვას კონფლიქტის რეგიონში გავრცელება.[..]ღაზაში შექმნილი კრიზისი შესაძლოა, რეგიონულ კონფლიქტში გადაიზარდოს“,
ამის შესახებ რუსეთის საგარეო საქმეთა მინისტრმა სერგეი ლავროვმა ფხენიანში გამართულ პრესკონფერენციაზე განაცხადა.
“ჩვენ ისეთი ურთიერთობები გვაქვს, მიუხედავად იმისა, რომ ჩვენი საბჭოთა საზოგადოება დაინგრა, გრძნობები მაინც არსებობს. აფხაზური საზოგადოება კი რუსულ სამყაროზეა მორგებული და რუსული სამყაროს შექმნაში მონაწილეობს. ჩვენ გვსურს, ვიყოთ და ვართ ამ სამყაროს ნაწილი”,
აცხადებს ოკუპირებული აფხაზეთის დე ფაქტო უსაფრთხოების საბჭოს ხელმძღვანელი, სერგეი შამბა.
“დემოკრატიული ინსტიტუტები უფრო მდგრადები აღმოჩნდნენ, ვიდრე ოლიგარქი. ვულოცავ, პრეზიდენტ სალომე ზურაბიშვილს, მაგრამ დიდი ზიანი მიადგა საქართველოს რეპუტაციას. ახლა ჩვენ ყველამ უნდა გავაორმაგოთ ძალისხმევა ამ ზიანის აღმოსაფხვრელად და უზრუნველვყოთ, რომ საქართველო გახდეს ევროკავშირის წევრობის კანდიდატი დეკემბერში”,
ევროპარლამენტარი ვიოლა ფონ კრამონი საქართველოს პრეზიდენტ სალომე ზურაბიშვილს იმპიჩმენტის ჩავარდნას ეხმაურება.
”ქართული ოცნების მარცხების თვლა არაფრის მომტანი არაა. სტატუსკვოს შეცვლას ოპოზიციის გამარჯვებები სჭირდება.
რაც შეეხება დღევანდელს, ზურაბიშვილი შთამბეჭდავი იყო, ქოცები – ამზრზენი და სამარცხვინო. ის, რომ იმპიჩმენტი არ შედგა, ნებისმიერ შემთხვევაში კარგია. ის, რომ ამ პროცესმა ევროინტეგრაციული პროცესები დააზიანა ასევე უტყუარია.
ისიც უნდა ითქვას, რომ არის თუ არა ეს ივანიშვილის თამაში, ლეგიტიმური შეკითხვაა. თუმცა კონსპირაციულ სპეკულაციებს ორივე მიმართულებით ახლა არათუ აზრი არ აქვს, კონტრპროდუქტიულიცაა. კონსპირაციებში ჩაძირვა ზუსტად ისაა, რაც ზოგადად პროპაგანდის მიზანია ყველგან და ყოველთვის. ყველაზე მარტივი გამოსავალი ამგვარ ვითარებებში შედეგებით მსჯელობაა.
არის თუ არა ოცნებისა და ზურაბიშვილის დაპირისპირება ივანიშვილის თამაში, გათვლით იმაზე, რომ ახალი პოლიტიკური პროექტი წამოიწყოს, ძალიან მოკლე დროში და ძალიან მკაფიოდ გამოჩნდება.
ps სულაც არაა აუცილებელი, დაპირისპირების აღმასრულებელი ქოცები ინფორმირებულნი იყვნენ მათი პატრონისგან, რომ ეს მხოლოდ თამაშია და თვითონ კი – სათამაშოები. გავიხსენოთ ამ ჟანრის კლასიკა: მამუკა მდინარაძე და ტრუსკავეცი”.
წერს ამის შესახებ, “მთავარი არხის” დამფუზნებელი ნიკა გვარამია.