ამაყი ვარ, ამ ისტორიულ პერიოდში თქვენს გვერდით რომ ვითამაშე. ერთად ისტორია დავწერეთ ჩვენი პატარა ქვეყნის. ყველა ის ადამიანი, ვისთან ერთადაც მინდორზე მომიწია თამაში. სტაფის, რომლის გარეშეც შეუძლებელი იქნებოდა ამის გაკეთება. ამაყი ვარ, რომ ამ ერთი დიდი ოჯახის წევრი ვარ. ჩვენს შესანიშნავ გულშემატკივარს ამ ემოციებისთვის, რაც გვაჩუქეს. რაც ერთად გამოვიარეთ ეს ჩვენი, ყველას წარმატებაა. ამაყი ვარ, რომ ამ ქვეყნის მაისური მაცვია. მადლობა!
წერს საქართველოს ეროვნული ნაკრების ფეხბურთელი, ლუკა ლოჩოშვილი.
„ალბათ სპორტული მიღწევებია თემა, რაზეც მათ ისაუბრეს, თუმცა ალბათ ირაკლი კობახიძე ან კახა კალაძე დაადასტურებს, რა თემაზე შეიძლება ელაპარაკათ ადამიანთან, რომელიც ჩემპიონია სპორტში – ბრძოლა წესების გარეშე. დამერწმუნეთ, ამ თემის იქეთ არც იქნებოდა საუბარი.
თუ ფოტოებითა და ვიდეო ჩანაწერებით ვიმსჯელებთ, მისი ურთიერთობების წრე გაცილებით უფრო ფართოა, რაც რაიმე პოლიტიკურ ინსინუაციებს არ ეხება“,
ასე ეხმაურება პარლამენტის პირველი ვიცე-სპიკერი გია ვოლსკი პრემიერ მინისტრის, თბილისის მერისა და “ქართული ოცნების“ საპატიო თავმჯდომარის ბიძინა ივანიშვილის შვილის UFC-ის მებრძოლთან, დაღესტნელ სპორტსმენ ხაბიბ ნურმაგომედოვთან შეხვედრას.
თბილისის მერიის ინფორმაციით, შეფასებისა და გამოცდების ეროვნული ცენტრის მიერ დადგენილ საგამოცდო პერიოდში, 3 ივლისიდან 6 აგვისტომდე, მუნიციპალური ავტობუსების დამატებითი მარშრუტები დაინიშნება.
მათ, ვისაც გამოცდების ჩაბარება ან სხვადასხვა საჯარო სკოლაში აბიტურიენტთა მომსახურება უწევთ, ავტობუსები გადაიყვანენ შემდეგ საგამოცდო ცენტრებში: თბილისის N39, N103, N133 და N147 საჯარო სკოლები. ასევე, N175 საჯარო სკოლა, სადაც განთავსდება ორი საგამოცდო ცენტრი; N177 საჯარო სკოლა; N191 საჯარო სკოლა და N207 საჯარო სკოლა.
ზემოაღნიშნულიდან გამომდინარე, როგორც შარშან, წელსაც დაწესდება ავტობუსების დროებითი მარშრუტები, რომლებიც მოქალაქეებს სტანდარტული ტარიფით, 06:00-დან 20:00 საათამდე მოემსახურებიან.
N175 საჯარო სკოლის მიმართულებით ავტობუსები იმოძრავებენ ალექსანდრე გობრონიძის ქუჩიდან (მეტროსადგურ „ახმეტელის თეატრის“ მიმდებარე ტერიტორია);
N39, N177 და N191 საჯარო სკოლების მიმართულებით ავტობუსები მგზავრებს ასევე გობრონიძის ქუჩიდან (მეტროსადგურ ახმეტელის მიმდებარე ტერიტორია) მოემსახურებიან;
N103 საჯარო სკოლის მიმართულებით ავტობუსები გადაადგილდებიან მეტროსადგურ „სამგორის“ ზედა გასასვლელის მიმდებარე ტერიტორიიდან (კახეთის გზატკეცილი);
N147 საჯარო სკოლის მიმართულებით ავტობუსები იმოძრავებენ მეტროსადგურ „დიდუბის“ მიმდებარე ტერიტორიიდან (ანზორ აბულაშვილის ქუჩა, ყოფილი ტრანსპორტის ქუჩა);
რაც შეეხება N133 და N207 საჯარო სკოლებს, საგამოცდო ცენტრები მეტროსადგურ „ღრმაღელის“ მიმდებარე ტერიტორიაზეა განთავსებული. შესაბამისად, მგზავრები დანიშნულების ადგილამდე მისასვლელად, უკვე არსებულ მარშრუტებს გამოიყენებენ.
ჩემთვის, პირველ გოლზე 100%-ით თამაშგარე მდგომარეობა იყო. შეიძლება, ეს თამაში მაინც წაგვეგო, მაგრამ იმ მომენტში თამაშგარე იყო. მორატა ჩემ წინ იდგა და ხელს მიშლიდა – მარჯვენა მხარეს ვიყავი, როდრიმ კი ჩემგან მარცხნივ დაარტყა.
“მე არ მეგონა, რომ ასე ქვემოთ დაეცემოდა და იატაკს ქვემოთ ჩავარდებოდა გახარია. რა სისულელეს ლაპარაკობს, რა შიკრიკი. თუკი იმყოფებოდა კიდეც ლილუაშვილი აშშ-ში, შიკრიკი რატომ ჰქვია, არ ვიცი.
[…] რაც შეეხება და რაც ევალება უსაფრთხოების სამსახურს, იმას აკეთებს. ამ ვიზიტთან დაკაშირებით ვერაფერს გეტყვით, მაგრამ სამუშაო ვიზიტი იყო თუ არასამუშაო, მსოფლიოში არსებული ვითარება, ზოგადად, საკმაოდ რთული ვითარება, შესაძლოა იმასაც ითვალისწინებდეს, რომ ამაზე წინასწარ პრესრელიზი არ კეთდებოდეს. ეს შიკრიკობას ნამდვილად არ ნიშნავს და ზრდილობასთან ერთად, ლოგიკასაც მოისაკლისებს.
[…] ეს არ იყო პარტიული ვიზიტი, ლილუაშვილი არ წარმოადგენს პარტიის აქტივისტს”
აცხადებს ქართული ოცნების დეპუტატი, გიორგი ვოლსკი.
სახალხო დამცველის მიმართვის საფუძველზე, ეუთო/ოდირმა სამართლებრივი დასკვნა მოამზადა გენდერული კვოტების გაუქმებასთან დაკავშირებულ ორგანულ კანონებზე, უარყოფითად შეაფასა ისინი და პოლიტიკურ და საჯარო ცხოვრებაში ქალთა მიმართ დისკრიმინაციის აღმოფხვრასთან დაკავშირებულ ადამიანის უფლებათა საერთაშორისო სტანდარტებთან შეუსაბამოდ მიიჩნია. ინფორმაციას ამის შესახებ, თავად ომბუდსმენი ავრცელებს.
დასკვნის მიხედვით, კვოტების სისტემა მიზნად ისახავს დე ფაქტო თანასწორობის მიღწევას და ხელს უწყობს ქვეყანაში ქალთა წარმომადგენლობის თანდათანობით გაზრდას. მოცემულ კონტექსტში კი არ არსებობს მტკიცებულება ვარაუდისათვის, რომ გენდერული კვოტების გაუქმება აუცილებელი იყო კონსტიტუციურობის საფუძვლით, ან საერთაშორისო ვალდებულებებთან შესაბამისობის თვალსაზრისით, არაეფექტურობისა თუ იმის გამო, რომ საჭირო აღარ იყო.
“მიუხედავად იმისა, რომ გენდერული ბალანსი საქართველოს პარლამენტში ნელა, თუმცა თანდათანობით უმჯობესდებოდა სავალდებულო გენდერული კვოტებისა და ფინანსური წახალისების შემოღების გამო, ის კვლავ დაბალი რჩება ეუთოს რეგიონის სხვა ქვეყნებთან შედარებით და არ აღწევს საერთაშორისო და რეგიონული სტანდარტებითა და რეკომენდაციებით გათვალისწინებულ მიზნობრივ მაჩვენებლებს.
დასკვნაში ყურადღება გამახვილებულია იმ გარემოებაზეც, რომ კანონპროექტების თანმხლები განმარტებითი ბარათები არ შეიცავს კონკრეტულ მტკიცებულებას, მონაცემს ან ფაქტს, გენდერული კვოტის მოქმედების მექანიზმის სიღრმისეულ ანალიზს ან მის შესაძლო ალტერნატივას და ვერ ასაბუთებს საარჩევნო გენდერული კვოტებისა და პარტიების ფინანსური წახალისების სისტემის გაუქმების საჭიროებას.
ეუთო/ოდირი თავის დასკვნაში ყურადღებას ამახვილებს ასევე პროცედურულ ხარვეზებზე, კანონპროექტების დაჩქარებულად მიღებაზე, განხილვის პროცესში ადეკვატური და ინკლუზიური მონაწილეობისა და დაინტერესებულ მხარეებთან რელევანტური კონსულტაციების არარსებობაზე, არჩევნების სიახლოვეს საარჩევნო სისტემის არსებითი ელემენტების ცვლილების უარყოფით მხარეებსა და საარჩევნო კანონმდებლობის სტაბილურობის პრინციპის გაუთვალისწინებლობაზე”, – ნათქვამია განცხადებაში.
“არ ვიცი, ეს როგორი ამნისტია იქნება. კონკრეტიკაზე ჯერ საუბარი ძალიან რთულია, სანამ კანონპროექტი არ შემოვა, თუმცა ჩვენ ასეთი განწყობით ვართ, რომ ნებისმიერი ფორმით, ნებისმიერი რაოდენობის ადამიანზე, მზად ვართ, მხარი დავუჭიროთ. არა მხოლოდ მხარი დავუჭიროთ, არამედ ჩვენც აქტიური მონაწილეობა მივიღოთ და ჩვენი იდეებით თუ შენიშვნებით გავაუმჯობესოთ, რომ რამდენიც გამოვა, იმდენი გამოვიდეს, ხოლო დანარჩენებს შეეხოთ რაიმე სახით სასჯელის შემცირება მაინც. ძალიან გვიხარია, რომ ეს პროცესი “ქართულმა ოცნებამ” თუნდაც წინასაარჩევნოდ ასწია. გასაგებია, რომ ამაზე კრიტიკა იქნება, რომ არჩევნებზე ხმების ყიდვის მცდელობაა და ა.შ. არჩევნების წინა დღესაც რომ ხდებოდეს ასეთი ამნისტია, მზად ვარ, მხარი დავუჭირო და შევაქო ის, ვინც ამ ამნისტიას გააკეთებს,”
ამის შესახებ „გირჩის“ დეპუტატმა, ჰერმან საბომ ჟურნალისტებთან საუბრისას განაცხადა.
“მთელი გულით ვულოცავთ საქართველოს ეროვნულ ნაკრებს ისტორიული მომენტის შექმნას!
მათი შესანიშნავი თამაში და თავდადება მაგალითია სხვა პატარა ქვეყნებისთვის, რომ ყველაფერი შესაძლებელია!
მადლობა ბიჭებს!”.
ესტონეთის საელჩო საქართველოს ევროპის საფეხბურთო ჩემპიონატზე მიღწეულ წარმატებას ულოცავს.
”გახარიას ვურჩევ, რომ ამ ჭორიკანობას თავი დაანებოს და საერთოდაც პოლიტიკას შეეშვას, არ არის მისი საქმე.[…]
მას არანაირი პოლიტიკური განცხადება არ შეუძლია გააკეთოს ისეთი, რომელიც აწევს მის პოლიტიკურ წონას და გადავიდა ჭორაობაზე. წარმოიდგინეთ ახლა მითი, რომ ივანიშვილი თურმე რომელიღაცა მინისტრს ამერიკაში აგზავნის და მერე ამას ზედამხედველობას უწევს გახარია. აი, ამ მითებით ცხოვრობს გახარია და ცდილობს, აცხოვროს თავისი გუნდი. მას ვურჩევ, რომ ამ ჭორიკანობას დაანებოს თავი და საერთოდაც პოლიტიკას შეეშვას, არ არის მისი საქმე. ხომ დაინახა, რომ მისი საქმე არ არის პოლიტიკა. ამ ჭორაობაზე ჩვენ კომენტარს ვერ გავაკეთებთ. ჩვენი მთავარი მიზანი არის, რომ ქვეყანა სამშვიდობოს გაგვყავს და ამაში ხელს გვიწყობს ქართული საზოგადოების აბსოლუტური უმრავლესობა,”
ამის შესახებ “ხალხის ძალის” დეპუტატმა, გურამ მაჭარაშვილმა განაცხადა, რითაც პარტია “საქართველოსთვის” ლიდერის, გიორგი გახარიას განცხადებას გამოეხმაურა, რომ „ბიძინა ივანიშვილს ამერიკის შეერთებულ შტატებში მთავრობის წარმომადგენელი შიკრიკად ჰყავს გაგზავნილი”.
“ჩვენი ხელისუფლება აქ რომ პოზებში დგას, რომ აი ჩვენ რაღაც, ჩვენი სუვერენიტეტი, სხვისი აზრი არ გვაინტერესებს, გულში მჯიღებს რომ ირტყამენ, სინამდვილეში იმდენად შეშინებულები არიან შიკრიკს შიკრიკზე აგზავნიან იქნებ როგორმე გაიგონ მაინც იქ რა ხდება. ახლაც მორიგი შიკრიკი ჰყავდათ გაგზავნილი, ფოსტალიონი, საკმაოდ მაღალი დონის, ბიძინა ივანიშვილს ჰყავს გაგზავნილი, საქართველოს მთავრობის ერთ-ერთ წარმომადგენელი თავის პერსონალურ შიკრიკად გაგზავნილი ჰყავს იქ. ჯობდა, რომ არ გაეგზავნა. ეს კიდევ ერთი მაგალითია იმის, თუ როგორ არ ესმის დღევანდელ ხელისუფლებას, როგორ ფუნქციონირებს … დემოკრატია.
ჰგონიათ, რომ პოლიტიკიდან გაწეული ე.წ. საპატიო თავმჯდომარე, ქვეყნის ერთ-ერთ მთავარ პოლიტიკურ, პოლიტიკურ?! ნუ ძალოვან ფიგურას რომ აგზავნის შიკრიკად, თავის ფოსტალიონად უცხო ქვეყანაში, ეს ჰგონია ან სწორად, თავისი უძლეველობის რაღაც წარმომსახველად, ნუ საოცარია”,
აცხადებს პარტია “საქართველოსთვის” ლიდერი, გიორგი გახარია.