Blog

„როგორც ცნობილია, კიევის რეჟიმმა მორიგი მასშტაბური პროვოკაცია განახორციელა. სხვადასხვა სახის იარაღს, მათ შორის რაკეტებს, განურჩევლად ესვრიან სამოქალაქო შენობებს, საცხოვრებელ სახლებს, სასწრაფო დახმარების მანქანებს“,

ეს არის პირველი კომენტარი, რომელიც რუსეთის პრეზიდენტმა, ვლადიმერ პუტინმა, კურსკის ოლქში მიმდინარე უკრაინულ შეტევაზე რუსეთის მთავრობასთან თათბირზე გააკეთა.

6 აგვისტოს მთელი დღის განმავლობაში ვრცელდებოდა ფრაგმენტული ცნობები უკრაინული შენაერთების მიერ რუსეთის საზღვრის გადაკვეთისა და კურსკის ოლქის ტერიტორიაზე ღრმად წინსვლის შესახებ. თავიდან რუსეთის სასაზღვრო ზონაში სიტუაციის ესკალაცია დივერსიულ-სადაზვერვო ჯგუფის მიერ გარღვევის ჩვეულებრივ მცდელობას ჰგავდა, რაც გასულ წელს უკვე მოხდა. თუმცა, თუ ბრძოლის ინტენსივობით ვიმსჯელებთ , ამჯერად ყველაფერი უფრო სერიოზულია. არსებობს ინფორმაცია, რომ უკრაინის შეიარაღებული ძალები შეტევის განვითარებას განაგრძობენ.

სამშაბათს ღამით კურსკის რეგიონს დრონებით დაესხნენ თავს – რეგიონის გუბერნატორის მოვალეობის შემსრულებელმა ალექსეი სმირნოვმა განაცხადა, რომ რეგიონის თავზე 26 დრონი ჩამოაგდეს. იმავე ღამით, სუჯას რეგიონულ ცენტრს, რომელიც რუსეთ-უკრაინის საზღვრიდან 10 კილომეტრში მდებარეობს, ცეცხლი გაუხსნეს.

დილით კი დაიწყო ცნობების გავრცელება შეიარაღებული ჯგუფების რამდენიმე მიმართულებით გარღვევისა და სასაზღვრო ზონაში ბრძოლების შესახებ.

მსგავსი რამ მოხდა 2023 წელს, როდესაც მებრძოლებმა უკრაინის შეიარაღებული ძალების მხარდაჭერილი ფორმირებების – რუსეთის მოხალისეთა კორპუსის და რუსეთის თავისუფლების ლეგიონის მებრძოლებმა განახორციელეს რეიდები ბრაიანსკის, კურსკის ტერიტორიაზე და ბელგოროდის რეგიონებში.

თვითმხილველებმა მაშინვე შეამჩნიეს, რომ მიმდინარე გარღვევა არ ჰგავდა წინა რეიდებს – ამჯერად იყო დიდი რაოდენობით რუსეთის ტერიტორიაზე შეჭრილი ჯგუფები, ჯავშანტექნიკა და მკაფიო კოორდინაცია სხვადასხვა მიმართულებით მიმავალი რაზმების მოქმედებებს შორის.

პირველი ოფიციალური წყარო, რომელიც შეჭრის შესახებ ინფორმაციაზე კომენტარს აკეთებდა, იყო კურსკის ოლქის ხელმძღვანელი. მან თქვა, რომ ”რუსეთის ეფესბეს და რუსეთის ფედერაციის შეიარაღებული ძალების სასაზღვრო სამსახურის ჯარისკაცებმა არ დაუშვეს საზღვრის გარღვევა. .”

ამავდროულად, რუსი ომის ბლოგერები ავრცელებდნენ ინფორმაციას კურსკის რეგიონში სასტიკი ბრძოლების შესახებ.

„რამდენიმე წყაროდან არსებული პირველადი მონაცემებით, მტერმა მოახერხა რამდენიმე ერთეული ჯავშანტექნიკის შემოყვანა ჩვენს ტერიტორიაზე.მტერი გადარჩენილი ტანკებით ცდილობს გაარღვიოს კურილოვკასა და გონჩაროვკას მიმართულება . მდგომარეობა კვლავ რთულია. უკრაინის შეიარაღებული ძალები ბომბავს ქალაქ სუჯას.“- წერს ტელეგრამის არხი„ორი მაიორი“.

ოთხშაბათს დილით ბლოგერებმა განაცხადეს, რომ ბრძოლა გრძელდება. „გასული ღამის განმავლობაში [მტერმა] ბრძოლაში ორი ბატალიონი გამოიყვანა. აქტიურად იყენებს არტილერიას. სუჯის მიმართ წინსვლაა, ისევე როგორც გუშინ“, – ნათქვამია ტელეგრამის არხზე „სპეციალური ძალების მთავარანგელოზი Z“.

სამშაბათს, ომის მომხრე ტელეგრამა არხებმა გაავრცელეს ინფორმაცია უკრაინის შეიარაღებული ძალების ქვედანაყოფების წინსვლის შესახებ სუჯას ჩრდილო-დასავლეთით დარინო-ზელენი შლიახის ხაზის გასწვრივ. სოციალურ ქსელში კი რეგიონული ცენტრის დაბომბვის ამსახველი ვიდეომასალა გამოჩნდა.

ადგილობრივი ადმინისტრაციის ცნობით, დაშავებულია 11 ადამიანი. მსხვერპლთა რიცხვი იზრდებოდა მთელი დღის განმავლობაში, ხელისუფლებამ 28 მსხვერპლის შესახებ განაცხადა .

გუბერნატორის განცხადებებიდან გამომდინარეობს, რომ სუჯანსკის რაიონზე თავდასხმის მსხვერპლი ხუთი ადამიანი გახდა. სამშაბათს სმირნოვმა გამოაცხადა სამი დაღუპელის, ხოლო ოთხშაბათს ღამით, სასწრაფო დახმარების მძღოლისა და მედიკოსის გარდაცვალების შესახებ.

ოთხშაბათს ღამით ქალაქი სუჯა კვლავ ცეცხლის ქვეშ მოექცა, განუცხადა რია ნოვოსტის ქალაქის ხელმძღვანელმა ვიტალი სლაშჩოვმა. აფეთქებები დაფიქსირდა ქალაქ კურჩატოვშიც, სადაც კურსკის ატომური ელექტროსადგური მდებარეობს. სავარაუდოდ, იქ საჰაერო თავდაცვის სისტემები მოქმედებდა.

• რა თქვეს რუსმა სამხედროებმა?

რუსეთის თავდაცვის სამინისტრომ სამშაბათს, 15:05 საათზე, პირველად გააკეთა კომენტარი არსებულ სიტუაციაზე: ”დღეს, მოსკოვის დროით დილის 8:00 საათიდან, მტერი 22-ე მექანიზებული ბრიგადის სამასამდე ბოევიკით საცეცხლე მომზადების შემდეგ, უკრაინის შეიარაღებული ძალები 11 ტანკისა და 20-ზე მეტი ჯავშანტექნიკის მხარდაჭერით თავს დაესხნენ რუსეთის ფედერაციის სასაზღვრო ქვედანაყოფების პოზიციებს კურსკის ოლქის ნიკოლაევო-დარიინოს და ოლეშნიას დასახლებების რაიონებში, რომელიც პირდაპირ რუსეთ-უკრაინის საზღვრის სიახლოვეს მდებარეობს.

სამშაბათს ნაშუადღევს რუსეთის თავდაცვის სამინისტრომ გამოაცხადა საბრძოლო ზონაში რეზერვების განლაგების, არმიის ავიაციის გამოყენებისა და 16 ერთეული უკრაინული ჯავშანტექნიკის განადგურების შესახებ.
პარალელურად გამოჩნდა სუჯას რეგიონში გადაღებული ვიდეო, სადაც ნაჩვენებია საბრძოლო თვითმფრინავი, რომელიც ქალაქის თავზე დაფრინავს.

სამშაბათს საღამოს თავდაცვის სამინისტრომ ახალი განცხადება გააკეთა , რომლის მიხედვით“ უკრაინულმა დივერსიულმა და სადაზვერვო ჯგუფმა, რომელიც სავარაუდოდ კურსკის ოლქის ტერიტორიაზე შევიდა, ზარალი განიცადა და “უკან დაიხია თავის ტერიტორიაზე”.

ეს შეტყობინება მალევე წაიშალა. „მტერი კვლავ რჩება კურსკის რეგიონის ტერიტორიაზე“, წერს ბლოგერი რომან ალეხინი.

უკრაინის შეიარაღებული ძალების გენერალურმა შტაბმა, სუჯას მახლობლად მომხდარის შესახებ კომენტარის მოთხოვნის საპასუხოდ, მედიას განუცხადა განუცხადა: „ამ საკითხზე ინფორმაცია ჯერ არ გვაქვს“.

• რა არის ცნობილი დანაკარგების შესახებ

რუსულმა სამხედრო არხებმა გაავრცელეს რამდენიმე განადგურებული უკრაინული ჯავშანტექნიკის ვიდეო, ასევე კადრები, რომლებიც, სავარაუდოდ, სუმის რეგიონში უკრაინული ბუკის საჰაერო თავდაცვის სისტემის განადგურებას ასახავს.

ისინი ასევე აღიარებენ რუსული K-52 შვეულმფრენის დაკარგვას და აცხადებენ, რომ მისი მეთაური დაიღუპა. ასევე იტყობინებიან სხვა ვერტმფრენის შესახებ, რომელიც ჩამოაგდეს, მაგრამ უსაფრთხოდ დაშვება მოახერხა (ტიპი არ არის დასახელებული, სავარაუდოდ Mi-8).

უკრაინულ სოციალურ ქსელში გავრცელდა განადგურებული ტრალის ფოტო ორი T-62 ტანკით . ასევე გავრცელდა ვიდეო, სადაც სავარაუდოდ ექვსი რუსი ჯარისკაცი იყო დაკავებული კურსკის რეგიონში. ვარაუდობენ, რომ მათგან ორი მაინც წვევამდელია, ერთი კი საკონტრაქტო ჯარისკაცია.

მხარეები დაღუპულების შესახებ ოფიციალურად არ აცხადებენ.  “ბრძოლა იქნება სასტიკი”
„კურსკის ოლქის საზღვრის სუჯანის მონაკვეთზე ოპერატიული და საბრძოლო ვითარება კვლავ რთულია“, – წერს ტელეგრამის არხი „სასაზღვრო დაცვა ჯოჯოხეთიდან“. – ნიკოლაევო-დარიინოს და დარიინოს დასახლებები მტრის ხელში რჩება. ამ ეტაპზე მტერს ჯერ არ ჰქონდა ამოქმედებულიძირითადი რეზერვები. ტელეგრამის არხები შეიცავს კადრებს სამხედრო აღჭურვილობის განადგურების შესახებ სოფელ ზელენი შლიახთან რილსკ-კორენევო-სუჟას გზატკეცილის მისადგომებზე, რაც მიუთითებს კორენევოსა და სუჯას დამაკავშირებელი მთავარი მაგისტრალის გადაჭრის გეგმაზე. სამწუხაროდ, არის დანაკარგები როგორც პირად შემადგენლობაში, ასევე აღჭურვილობასა და ავიაციაში“.

სოფელი დარინო საზღვრიდან ოთხ კილომეტრში მდებარეობს – და დაახლოებით ორ-სამ კილომეტრში რუსეთის ტერიტორიაზე აშენებული საველე სიმაგრეების მთავარი ხაზიდან.

ომის მომხრე ბლოგერებისა და სამხედრო ექსპერტების უმეტესობა დარწმუნებულია, რომ ამჯერად მიმდინარე პროცესი არ შემოიფარგლება მხოლოდ რუსეთის ტერიტორიაზე ხანმოკლე რეიდით. მათ მიაჩნიათ, რომ ეს გარღვევა არის ოპერაციის საწყისი ეტაპი, რომელიც მიზნად ისახავს რუსული ჯარების უკან დახევას ფრონტის სხვა ცხელი სექტორებიდან (პირველ რიგში ხარკოვისა და დონეცკის რეგიონებიდან), ან ფრონტის სხვა სექტორზე დაგეგმილი ძირითადი ოპერაციიდან ყურადღების გადატანას.

”მოწინააღმდეგე გეგმავს მეორე ეშელონის ძალების შემოყვანას, რათა შებოჭოს თავდაცბის ჯგუფები და მიაღწიოს რილსკ-სუჯახ ხაზს, რათა გააფართოვოს ტაქტიკური პლაცდარმი”, ამ მიმართულებით ჩართულ ძალებს შორის შენიშნეს უკრაინის ოპერატიული სარდლობის “ჩრდილოეთის” ქვედანაყოფები, რომლებიც ადრე ბელორუსის საზღვართან იყვნენ განლაგებული. ბრძოლა გრძელდება მტრის დაკავებული ხაზებიდან განდევნის მიზნით“ – წერს ტელეგრამ არხი „Дети Арбата“.

რუსი სამხედრო-პოლიტიკური ბლოგერი იური პოდოლიაკა, რომელიც აღწერს ვითარებას რუსეთის ტერიტორიაზე საბრძოლო ზონაში, იყენებს ტერმინს „კურსკის ფრონტი“.

„საღამოსკენ, მას შემდეგ, რაც მან მეორე ეშელონი შემოიყვანა ბრძოლაში, მტერმა მოახერხა ჩვენს ტერიტორიაზე შეღწევა სვერდლიკოვოს დასახლების მიდამოში“, – აცხადებს პოდოლიაკა. ის მოელოდა “უფრო ძლიერ” შეტევას ოთხშაბათს დილით ელოდებოდა.

„ამჟამად ყველაზე სახიფათო სიტუაციაა აქ, სუჯას ჩრდილოეთით. უკრაინის შეიარაღებული ძალები აგროვებენ ძალებს და, როგორც ჩანს, ხვალ შეეცდებიან ქალაქში შემოსვლას. ბრძოლები იქნება სასტიკი“, – თვლის პოდოლიაკა. „მაშინაც კი, თუ მტერი ვერ შეძლებს წინ გაჭრას(და გარანტიას ჯერ ვერავინ მოგცემთ), იქნება საარტილერიო დაბომბვა და დრონების თავდასხმები. თანაც დიდი რაოდენობით“.

უცნობია, რა მონაცემებს ეყრდნობა პოდოლიაკა. დღეს დილით მან პოსტში დაწერა, რომ “მტერი განაგრძობდა შეტევის განვითარებას ჩრდილოეთით სუჯა-კორენევოს გზატკეცილის გასწვრივ” და ჯერჯერობით არ არის მოძრაობა თვით სუჯასკენ.

„მან მოახერხა კიდევ რამდენიმე დასახლებული პუნქტის კონტროლი. მთლიანი წინსვლა სულ რაღაც ერთ დღეში იყო დაახლოებით 15 კმ. ამავდროულად, მტერი აგრძელებს უფრო და უფრო მეტი ბატალიონის შემოყვანას გარღვევაში. უკრაინის შეიარაღებული ძალების 22-ე მექანიზებული ბრიგადა უკვე მთლიანად შემოვიდა ჩვენს ტერიტორიაზე“-ამბობს პოდოლიაკა.

არ არსებობს ოფიციალური ინფორმაცია იმის შესახებ, თუ რა ხდება ახლა სუჯანსკის რაიონში.

მაგრამ დილით, გუბერნატორის მოვალეობის შემსრულებელმა კვლავ გააფრთხილა კურსკის რეგიონში სარაკეტო საფრთხის შესახებ და მოუწოდა მოქალაქეებს სისხლის დონორობისკენ “სასაზღვრო რაიონებში არსებული ვითარების გამო”.

რუსეთში, კურსკის ოლქში უკრაინელების შეტევა გრძელდება – უკრაინელ სამხედროებს  ოლქში სამი დასახლებული პუნქტი აქვთ დაკავებული. შესაბამისი ინფორმაცია ვრცელდება რუსეთის თავდაცვის სამინისტროსთან დაახლოებული ტელეგრამარხებზე.

ბრძოლები მთელი ღამის განმავლობაში გრძელდებოდა.

უკრაინელმა  დაიკავეს დასახლებები ნიკოლაევო-დარინო, დარინო და სვერდლიკოვო. ამასთან, უკრაინელ და რუს სამხედროებს შორის ბრძოლა გრძელდება კურსკის ოლქის დასახლება გონჩაროვკასა და ოლეშნესთან.

უკრაინელები პოზიციებს ამყარებენ და ახალი ქვედანაყოფებით ავსებენ.

ადგილობრივი ხელისუფლება და რუსეთის თავდაცვის უწყება კურსკში მიმდინარე ბრძოლებთან დაკავშირებით დეტალებს არ ავრცელებენ.კურსკის გუბერნატორი აცხადებს, რომ „ოლქი გმირულად უწევს წინააღმდეგობას უკრაინელი ნაცისტების შეტევას“ და საგანგებო სიტუაციების სამსახურები გაძლიერებულ რეჟიმში მუშაობენ. ალექსეი სმირნოვი ასევე მოუწოდებს მოქალაქეებს, ჩააბარონ სისხლი.

უკრაინელები განაგრძობენ წინსვლას რუსეთის ტერიტორიის შიგნით, ქალაქ სუჯისკენ. ქალაქი, ფაქტობრივად, ევაკუირებულია.

უკრაინის შეიარაღებულმა ძალებმა სუმის ოლქიდან რუსეთის კურსკის ოლქის მიმართულებით ოპერაცია 6 აგვისტოს დაიწყეს. 7 აგვისტოს, უკრაინელებმა რუსეთის საზღვრის გარღვევა მოახერხეს. თავდაპირველად რუსეთის თავდაცვის სამინისტრო, გავრცელებულ ცნობებს უარყოფდა, და აღნიშნავდა, რომ საზღვრის გარღვევა არ დაუშვეს და თავდასხმა მოიგერიეს.თუმცა მალევე გაირკვა, რომ ეს სიცრუე იყო.

უკრაინის თავდაცვის სამინისტროს კურსკის ოლქზე სახმელეთო შეტევის შესახებ ჯერჯერობით არაფერი უთქვამს.

“დღეს რუსეთის ფედერაციასა და საქართველოს შორის შეიარაღებული კონფლიქტის დაწყებიდან 16 წელი სრულდება.

გერმანიის ფედერაციული რესპუბლიკა მხარს უჭერს საქართველოს ეროვნულ სუვერენიტეტსა და მის ტერიტორიულ მთლიანობას საერთაშორისოდ აღიარებულ საზღვრებში. სეპარატისტული რეგიონების – აფხაზეთისა და სამხრეთ ოსეთის ცალმხრივი აღიარება რუსეთის ფედერაციისა და სხვა სახელმწიფოების მიერ მიუღებელია.

მოვუწოდებთ რუსეთს, შეასრულოს 2008 წლის 12 აგვისტოს და 8 სექტემბრის შეთანხმებით მასზე დაკისრებული ვალდებულებები”

საქართველოში გერმანიის საელჩო აგვისტოს ომის 16 წლისთავთან დაკავშირებით განცხადებას ავრცელებს.

“დღეს, 16 წლის თავზე, ვიხსენებთ 2008 წლის აგვისტოში რუსეთ-საქართველოს ომში, რუსეთის სასტიკი და უკანონო ქმედებების შედეგად დაღუპულებს, დაშავებულებს და დევნილებს.

გაერთიანებული სამეფო მტკიცედ განაგრძობს საქართველოს სუვერენიტეტისა და ტერიტორიული მთლიანობის მხარდაჭერას”

საქართველოში გაერთიანებული სამეფოს საელჩო აგვისტოს ომის 16 წლისთავთან დაკავშირებით განცხადებას ავრცელებს.

აღმოსავლეთ რუმინეთში მუშაობა გრძელდება საბჭოთა პერიოდის აეროდრომის გადაქცევაზე ევროპაში ნატოს უდიდეს სამხედრო ბაზად.

The Times-ის ცნობით, „მიჰაი კოჰელნიკანას“ ავიაბაზა ორჯერ დიდი იქნება გერმანულ რამშტეინის ბაზაზე და ევროპაში ნატოს უდიდესი ბაზა გახდება.

ბაზა უკრაინის საზღვრიდან 97 კილომეტრში, კონსტანცასთან ახლოს მდებარეობსბ

„მიჰაი კოჰელნიკანას ავიაბაზის გადაქცევა ნატოს ციხესიმაგრედ, რომელიც დაიტევს 10 000 ჯარისკაცს და აშშ-ს ატომურ ბომბდამშენებს, თავდაპირველად ჩაფიქრებული იყო საქართველოზე 2008 წელს და ყირიმზე 2014 წელს რუსეთის თავდასხმების პასუხად, მაგრამ პროექტმა დამატებითი მნიშვნელობა შეიძინა 2022 წელს უკრაინაში რუსეთის სრულმასშტაბიანი შეჭრის შემდეგ“– წერს გამოცემა.

გამოცემა ასევე წერს, რომ რუმინეთის თავდაცვითი გაძლიერების სურვილი შეიძლება იქნას გაგებული, როგორც პასუხი რუსეთის მტრობაზე. გასულ კვირას, სამი შაჰედ 136 დრონის  ნამსხვრევები აღმოაჩინეს რუმინეთის მიწაზე, რამაც აიძულა ნატო გაზარდოს გამანადგურებლების პატრულირება საზღვრის გასწვრივ.

„ქვეყნებს, რომლებიც ყველაზე ახლოს ემეზობლებიან რუსეთს რომლებიც რუსეთის გავლენის ქვეშ იმყოფებოდნენ, კარგად ესმით, თუ რა დევს სასწორზე. ბაზის გაძლიერების გადაწყვეტილება არის განაცხადი, რომ რუსეთი ვერ გვიკარნახებს, რისი გაკეთება შეგვიძლია და არ შეგვიძლია“, – ამბობს გადამდგარი ამერიკელი გენერალი ბენ ჰოჯესი.

რუმინეთის მთავარი პორტის, სტრატეგიული მდებარეობის მქონე  კონსტანტას სიახლოვეს მდებარე საჰაერო ბაზა უკვე ემსახურება შავ ზღვაზე ნატოს საჰაერო პატრულირების მისიების შტაბ-ბინას.

უკრაინელებმა რუსეთში, კურსკის ოლქის საზღვარი გაარღვიეს – შესაბამისი ფოტო-ვიდეო მასალა ვრცელდება, როგორც უკრაინულ, ასევე რუსულ ტელეგრამ არხებზე. ჯერ-ჯერობით, უკრაინული მხარე, ოფიციალურ კომენტარს არ აკეთებს, თუმცა, გავრცელებულ ინფორმაციებზე დაყრდნობით, სავარაუდოდ, შეტევაში, უშუალოდ უკრაინის შეიარაღებული ძალებია ჩართული. დღევანდელ იერიშში ჯავშანტრანსპორტიორების გარდა მონაწილეობენ ტანკებიც.

ცოტა ხნის წინ, რუსეთის თავდაცვის სამინისტრომ, განაცხადა, რომ მიმდინარეობს დამატებითი ძალების გადასროლა, კურსკის ოლქის საზღვარზე. კურსკის ოლქის გუბერნატორის თქმით, ბრძოლები გრძელდება ორ, სუჯას და კორნეევსკის რაიონებში.

ვრცელდება ასევე კადრები სადაც ჩანს, რომ უკრაინელებმა, კურსკში რუსი ტყვეები აიყვანეს-  რუსი ჯარისკაცები ამბობენ, რომ კურსკში მდებარე სამხედრო შენაერთების წევრები არიან, რომლებიც უკრაინელებმა ტყვედ აიყვანეს.

რუსეთში, სუჯას რაიონში შეტაკებები ამ დრომდე გრძელდება. ოლქის გუბერნატორის მოვალეობის შემსრულებელი, ალექსეი სმირნოვი იუწყება, რომ ”უკრაინის შეიარაღებული ძალების მიერ კურსკის ოლქის მასიური დაბომბვის შედეგად, ერთი ადამიანი დაიღუპა, 13 კი დაშავდა”.

• „ორი ადამიანი დაშავდა გლუშკოვსკის რაიონში, ხუთი ადამიანი, მათ შორის სამი ბავშვი, ქალაქ სუჯაში. მოგვიანებით, სამედიცინო დაწესებლეაბას კიდევ სამმა მოქალაქემ, მათ შორის ერთმა ბავშვმა, მიმართა. ორი ადამიანი დაშავდა ბოლშესოლდაცკის რაიონში, ერთი კი რილსკის რაიონში. ისინი სამედიცინო დაწესებულებებში იმყოფებიან. სამწუხაროდ, სუჯას ერთი მკვიდრი გარდაიცვალა“, – დაწერა  სმირნოვიმა „ტელეგრამზე“.

კრემლის სპიკერმა, დმიტრი პესკოვმა ცოტა ხნის წინ განაცხადა, რომ ”სიტუაცია კურსკში კონტროლს ექვემდებარება”.