Blog
-
თელავში საქართველოს მეხუთე პრეზიდენტის ინაუგურაცია იმართება
თელავში, ერეკლე მეორის სასახლეში დღეს საქართველოს არჩეული პრეზიდენტის სალომე ზურაბიშვილის ინაუგურაცია გაიმართება. ინაუგურაციის ცერემონია ოფიციალურად 15:00 საათზე დაიწყება, ერეკლე მეორის სასახლეში კი სტუმრებს 13:00 საათიდან ელოდებიან. ინაუგურაციის ცერემონია 40 წუთი გაგრძელდება.
ღონისძიებაზე 1 800-მდე ადამიანია მიწვეული. ზურაბიშვილის ინაუგურაცია 15 საათზე უნდა დაიწყოს, თუმცა სტუმრებმა უკვე დაიწყეს მისვლა ერეკლე მეფის სასახლის ეზოში.
ორგანიზატორთა ცნობით, ინაუგურაციას სტუმრების უმრავლესობა ფეხზე დგომით დაესწრებიან და სკამებს მხოლოდ გამონაკლისებს შესთავაზებენ.
ადგილის სიმცირე გახდა მოტივი იმისა, რომ ინაუგურაციის პროცესს სასახლის ეზოში განთავსებულ მონიტორზე დააკვირდებიან ჟურნალისტები და არა უშუალოდ.
პარალელურად, ოპოზიციის კოლონას, რომელიც თბილისიდან თელავისკენ საპროტესტო აქციის გასამართად მიემართება, ყვარლის გადასახვევთან, თელავიდან 30 კილომეტრში სამართალდამცავებმა გზა ჩაუკეტეს და გზის გაგრძელების საშუალებას არ აძლევენ.
-
შსს-მ გურჯაანი-თელავის ცენტრალურ გზაზე ავტობუსები დააყენა
როგორც სატრულო პოლიციის დეპარტამენტის უფროსმა თეიმურაზ კუპატაძემ განაცხადა, დანონსებული იყო მარშრუტი, თუ საიდან უნდა ემოძრავა კოლონას, მაგრამ ოპოზიციას არ სურს იმ მიმართულებით წავიდეს.
“ჩვენ განვსაზღვრავთ მარშუტებს. არ ვუზღუდავთ მოქალაქეებს გადაადგილებას, არამედ ვაძლევთ მიმართულებას, რა მიმართულებით უნდა მოხვდნენ თელავში”, – განაცხადა კუპატაძემ “რუსთავი 2-ის” პირდაპირ ეთერში.
გაერთიანებული ოპოზიციის ლიდერები ამბობენ, რომ ისინი სპეციალურად არ წავიდნენ გომბორის უღელტეხილის გავლით, ვინაიდან ხელი არ შეეშალათ სტუმრებისთვის, თუმცა პოლიციამ ალტერნატიული გზაც დაუკეტა და გადაადგილების თავისუფლება შეუზღუდა. გიორგი ვაშაძის ინფორმაციით, მესამე გზა, ყვარლის გავლით, ასევე გადაკეტილია.
შსს-ს განცხადებით, საპროტესტო მსვლელობის და აქციების მიმდინარეობისას, სამართალდარღვევის ნებისმიერი ფაქტი პოლიციის მიერ, კანონის ფარგლებში, დაუყოვნებლივ იქნება აღკვეთილი.
ოპოზიციის კოლონა ამ დროისთვის [12:55] გაჩერებულია გურჯაანი-თელავის გზაზე, ყვარლის გადასახვევთან. პოლიცია მათ გზის გაგრძელების საშუალებას არ აძლევს. აქედან პირდაპირ თელავამდე, დაახლოებით, 30 კილომეტრია დარჩენილი. რაც შეეხება სხვა მარშრუტს, ყვარლის გავლით თელავამდე 60 კილომეტრზე მეტია გასავლელი.
-
ცესკო-მ პრეზიდენტის არჩევნების მეორე ტურის შემაჯამებელი ოქმი გამოაქვეყნა
{{ARTICLEIMAGE}}
“კანდიდატების მიერ მიღებული ხმები შემდეგნაირად გადანაწილდა. გრიგოლ ვაშაძემ მიიღო ხმათა 40,48%- სულ780 680 ხმა, სალომე ზურაბიშვილმა კი ხმათა 59,52%, რაც 1 147 701 ხმაა). ბათილად არის ცნობილი 59 778 ბიულეტენი. 3 მილიონ 528 ათას 658 ამომრჩევლიდან არჩევნებში მონაწილეობა მიიღო მილიონ 988 ათას 787მა ამომრჩეველმა. საქართველოს პრეზიდენტად არჩეულია სალომე ზურაბიშვილი. -
თარჯიმნების პროტესტი
{{ARTICLEIMAGE}}
თარჯიმნები “თბილისის ბიზნეს სახლს” თაღლითობასა და შრომითი ხელშეკრულებების დარღვევაში ადანაშაულებენ. მათი განცხადებით, მიუხედავად იმისა, რომ თბილისის ბიზნეს-სახლი ტენდერებს იგებს, თარჯიმნებს ანაზღაურებას მაინც არ უხდის – ისინი ათასობით ლარის დავალიანებაზე საუბრობენ. ასევე აცხადებენ, რომ დამქირავებელმა მათ ნაწილს დავალიანების ორ წელზე გადანაწილება შესთავაზა, თუმცა შეთავაზებაზე უარი თქვეს და კომპანიისგან შრომის დროულ ანაზღაურებას ითხოვენ.“თბილისის ბიზნეს სახლის წინააღმდეგ გამოძიების დაწყებას ითხოვენ თარჯიმანთა უფლებადამაცველები. დამოუკიდებელი პროფკავშირების “სოლიდარობის ქსელის” წარმომადგენელის თქმით, მათ უკვე მიმართეს ფინანსთა სამინისტროს საგამოძიებო სამსახურს, ვინაიდან ნინო ჩარკვიანის თქმით, კომპანია თანხებს არამიზნობრივად ხარჯავს.
კომპანიის დირექტორი არ უარყოფს, იმ ფაქტს, რომ ხელფასების დარიგებისას ზოგიერთ თანამშრომელტან მიმართებაში ხარვეზები არსებობდა, თუმცა ამას ტექნიკურ ხარვეზს უწოდებს. ასევე ამბობს, რომ თარჯიმნებს არ აქვთ ფიქსირებული ხელფასი და ანაზღაურებას საათობრივად იღებენ. გიორგი გაგნიძის თქმით, პრობლემური 20-მდე თანამშორმელი ჰყავს და ყველა მათგანს 25 დეკემბრამდე შრომა სრულად აუნაზღაურდება.
იმ შემთხვევაში, თუ თბილისის ბიზნეს სახლის მხრიდან შრომის ანაზრაურება არ მოხდება, თარჯიმნები დავის გაგრძელებას სამართლებრივი გზებით აპირებენ.
-
ზაზა სარალიძე სამართალდამცავებს პროვოკაციაში ადანაშაულებს
{{ARTICLEIMAGE}}
რუსთაველის გამზირზე ზაზა სარალიძესა და სამართალდამცავებს შორის მომხდარ ინციდენტთან დაკავშირებით რუსთავის საქალაქო სასამართლოში წინასასამართლო სხდომა გაიმართა. მხარეებმა მტკიცებულებების დასაშვებობაზე იმსჯელეს. ხორავას ქუჩაზე მოკლული დავით სარალიძის მამა ამბობს, რომ პროვოკაცია სამართალდამცავების მხრიდან დაიწყო, ამიტომ ის ბრალს არ აღიარებს. თუმცა როგორც სხდომის დასრულების შემდეგ ჟურნალისტებს უთხრა, მისთვის ამ საქმის განაჩენს მნიშვნელობა არ აქვს და მხოლოდ შვილის მკვლელების დასჯას ელოდება.
ხორავას ქუჩაზე მოკლული დავით სარალიძის მამა პოლიციელზე თავდასხმის ბრალდებით რუსთაველის გამზირზე 26 ოქტომბერს დააკავეს. ზაზა სარალიძესა და პატრულს შორის ინციდენტი კარვის გაშლის მცდელობას მოყვა, თუმცა საგამოძიებო ორგანომ არ ჩათვალა საჭიროდ სარალიძის მიმართ საპატიმრო ღონისძიება მოეტხოვა. ბრალის დამტკიცების შემთხვევაში შვილმოკლულ მამას 4იდან 7 წლამდე პატიმრობა ემუქრება.
-
მთვარის ნატეხი, მილიონ დოლარიანი ვისკი, დინოზავრის ჩონჩხი უცნაური ნივთები, რომლებიც 2018 წელს აუქციონზე გაიყიდა
წლის განმავლობაში მსოფლიოს მაშტაბით სხვადასხვა აუქციონის სახლები ათასობით ნივთს ყიდიან – ნახატებით დაწყებული სამკაულებით თუ წიგნებით დამთავრებული. თუმცა მათ შორის იშვიათად არის ისეთი ლოტები, რომლებსაც ამ სტატიაში წარმოგიდგენთ. მაშ ასე, 2018 წელს აუქციონებზე გაყიდული ყველაზე უცნაური ნივთების ათეული:
ზურმუხტის ქვა – 28.4 მილიონი დოლარი5,655 კარატიანი ზურმუხტის კრისტალი, რომელიც ზამბიაში კომპანია გემფილდის საბადოში ოქტომბერში მოიპოვეს ნოემბერში სინგაპურში აუქციონზე 28.4 მლნ. დოლარად გაიყიდა. ზურმუხტის ქვის წონა 1.1 კილოგრამს აღემატება. მომპოვებელი კომპანიის განცხადებით ეს არის “საოცრად წმინდა, იდეალურად დაბალანსებული მწვანე ქვა, რომელსაც ოქროსფერი ტონი გადაჰკრავს“ .
მილიონ დოლარიანი ვისკი
იშვიათი ვისკის ბოთლი, რომელიც შოტლანდიაში, ედინბურგის აუქციონზე ოქტომბერში 1.1 მილიონ დოლარად გაიყიდა. სამოცი წლის Macallan Valerio Adami 1926 ყველაზე ძვირადღირებული ვისკია, რომელიც ოდესმე აუქციონზე გაყიდულა. ეს არის შეზღუდული გამოცემა, რომელიც თავის დროზე სულ 24 ბოთლი ჩამოასხეს. უცნობია, შემორჩა თუ არა კიდევ რომელიმე ბოთლი ამ ოცდაოთხიდან ამ დრომდე. ამ ლოტმა ერთი თვით ადრე დამყარებული რეკორდი მოხსნა. სექტემბერში ჰონ კონგში აუქციონზე დაახლოებით იგივე ვისკის ბოთლი ზუსტად ერთ მილიონ დოლარად გაიყიდა.
დინოზავრის ჩონჩხი150 მილიონი წლის წინანდელი დინოზავრის ჩონჩხი ივლისში პარიზში აუქციონზე 2.36 მილიონ დოლარად გაიყიდა. მისი სიმაღლე 2.6 მეტრია, სიგრძე კი თითქმის 9 მეტრი. ის ძალიან გავს ალოზავრს, რომელიც დინოზავრების ქვერიგის წარმომადგენელია და რომლის მსგავსები დედამიწაზე 155–150 წლის წინ ცხოვრობდნენ. თუმცა მეცნიერები ვერ ადასტურებენ, რამდენად ზუსტად გავს ის დინოზავრს. არტეფაქტი როგორც ამბობენ კარგ მდგომარეობაშია და ჩონჩხის 70% შენარჩუნებულია. ეს პირველი შემთხვევა არ არის, როცა აუქციონის სახლმა აგუთესმა პალეონტოლოგიური ნაშთები საკმაოდ ძვირად გაყიდა. მაგალითად, 2016 წელს 1.32 მილიონ დოლარად გაყიდა ჩონჩხი, რომელიც დანამდვილებით ალოზავრის იყო. წელს კი მამონტის ჩონჩხი 641 000 დოლარად გაიყიდა.ეიფელის კოშკის კიბის ფრაგმენტი
ნოემბერში ეიფელის კოშკის კიბის ნაწილი აუქციონზე 169 000 ევროდ გაიყიდა. 25 საფეხურიანი 4.3 მეტრის სიმაღლის სპირალური ფორმის კიბის ნაწილი კოშკის მეორე და მესამე დონეების შემაერთებელი იყო, სანამ კოშკზე 1983 წელს ლიფტებს დაამონტაჟებდნენ. ეს არ არის ეიფელის კოშკის კიბის ფრაგმენტის გაყიდვის პირველი შემთხვევა. 2013 წელს 3.5 მეტრის სიმაღლის კიბის სექცია 220 000 ევროდ გაიყიდა, 2016 წელს კი კიბის კიდევ ერთი მონაკვეთი 523 800 ევროდ. ამჟამად ეიფელის კოშკის კიბის ფრაგმენტები მსოფლიოს გარშემო, სხვადასხვა ქვეყნებში და ქალაქებშია მიმობნეული. მათ შორის იაპონიაში, ნიუ იორკში, შვეიცარიაში.
დედოფლის როლს როისი
დედოფალ ელისაბედის როლს როისი სექტემბერში ლონდონში გამართულ აუქციონზე გაიყიდა. როლს როისის 1953 წლის მოდელი Rolls-Royce Phantom IV State Landaulette სამეფო ოჯახს ორმოცი წლის განმავლობაში ეკუთვნოდა და დედოფალი მას სახელმწიფო მნიშვნელობის ღონისძიებების დროს იყენებდა. ეს იგივე მოდელია, რომლითაც 2018 წლის მაისში მეგან მარკლი ქორწილის დღეს გადაადგილდებოდა. სულ ამ მოდელის 18 როლს როისია გამოშვებული და მათი უმრავლესობა სახელმწიფოს მეთაურებს და დიდებულებს ეკუთვნით. არცერთი გეზემპლარი ზუსტად არ იმეორებს მეორეს, აუცილებლად აქვს რაიმე განმსახვავებელი ნიშანი და ყოველი მათგანი სპეციალური შეკვეთით არის დამზადებული.
ყველაზე დიდი მტკნარი წყლის მარგალიტი
მსოფლიოში ყველაზე დიდი მკნარი წყლის მარგალიტი, რომელიც “მძინარე ლომის“ სახელწოდებით არის ცნობილი მაისში ჰოლანდიაში გაიყიდა. აუქციონზე მარგალიტში 320 000 ევრო გადაიხადეს. მარგალიტი წარმოშობით ჩინეთიდან არის და ვარაუდობენ, რომ მისი ფორმირება 1700–იან წლებში მოხდა. 2.7 ინჩის სიგრძის და დაახლოებით 4 უნციის წონის მქონე მარგალიტს დაახლოებით 300 წლიანი ისტორია აქვს, რომლის განმავლობაში არაერთი მფლობელი გამოიცვალა – ხან ვაჭრების ხელში იყო, ხან ცნობილი იუველირების და ხან ევროპული სამეფო ოჯახების.
სტივენ ჰოკინგის სავარძელი
სტივენ ჰოკინგის პირველი შემორჩენილი სავარძელი კრისტის ონლაინ აუქციონზე ნოემბერში 296 750 ფუნტ სტერლინგად გაიყიდა სტივენ ჰოკინგის ფონდის და მოტო–ნერვული დაავადებების ასოციაციის ჩართულობით. მეცნიერი ცნობილი იყო თავისი მოუსვენრობით და როგორც ამბობენ, პრინც ჩარლზს 1977 წელს შეხვედრისას თავისი სავარძლით ფეხებზეც გადაუარა. (როგორც ბიოგრაფები ამტკიცებენ, ამას ძალიან ნანობდა და პირობა დადო, რომ მარგარეტ ტეტჩერთან შეხვედრისას იგივეს აღარ გაიმეორებდა). სავარძელს ცნობილი მეცნიერი 1960 წლიდან 1990 წლამდე იყენებდა. ამის შემდეგ კი ჰოკინგს საკუთარი ხელით სავარძლის მართვა აღარ შეეძლო. კრისტის აუქციონის წიგნებისა და მანუსკრიპტების დეპარტამენტის უფროსის, თომას ვენინგის თქმით ეს არის პირდაპირი და გადატანითი მნიშვნელობით ყველაზე მოგაური სავარძელი კაცობრიობის ისტორიაში.
3000 წლის ასირიული სკულპტურა
ოქტომბერში ნიუ იორკში, კრისტის აუქციონზე 3000 წლის წინანდელი სკულპტურა 31 მილონ დოლარად გაიყიდა. თაბაშირის მყარ ფილაზე ამოტვიფრული მეფე აშურნასირპალ მეორის გამოსახულება 19 საუკუნეში ამჟამინდელი ერაყის ტერიტორიაზე გათხრებისას იპოვნეს. აუქციონამდე ერაყის კულტურის მინისტრი მოითხოვდა ფილა ერაყისთვის დაებრუნებინათ, აქტივისტებმა კი აუქციონის პარალელურად შენობის გარეთ აქცია გამართეს. კრისტის აუქციონის სპიკერმა განაცხადა, რომ მათი კომპეტენცია რესტიტუცია არ არის ეს საკითხი ქვეყნებმა სამართლებრივ დონეზე უნდა გადაწყვიტონ.
პატარა კლდის ნატეხი მთვარიდანმთვარის სამი პატარა ნატეხი, რომელიც 1970 წელს საბჭოთა კავშირის მიერ მთვარეზე განხორციელებული მისიის – ლუნა 16 –ის დროს ჩამოიტანეს ნოემბერში ნიუ იორკში, სოთბის აუქციონზე 855 000 დოლარად გაიყიდა. ეს არის ერთადერთი დოკუმენტურად დაფიქსირებული მთვარის ნიადაგის ნატეხი, რომელიც კერძო პირის ხელში მოხვდა. ის პირველად საბჭოთა კოსმოსური პროგრამების დირექტორის, სერგეი კოროლიოვის ქვრივმა გამოაჩინა. 1993 წელს კოროლიოვამ ის სოთბის აუქციონზე გაყიდა. აუქციონის სახლმა მაშინ ლოტი წარადგინა როგორც “ გასაყიდად გამოტანილი პირველი არაამქვეყნიური ნივთი.“
მთლიანად ბრილიანტის ბეჭედი
ბეჭედი, რომელსაც არათუ თვალი აქვს ბრილიანტის, არამედ მთლიანად ბრილიანტისგან არის გამოთლილი სოთბის აუქციონის სახლის მიერ მაიამიში 256 000 დოლარად გაიყიდა. ბეჭედი apple–ს მთავარმა დიზაინერმა, ჯონ აივიმ და ინდუსტრიულმა დიზაინერმა, მარკ ნიუსონმა შექმნეს. შემოსული თანხმა აფრიკის ქვეყნებში შიდსის ინფექციასთან ბრძოლას მოხმარდება. ალმასის ბლოკს სამიათასამდე წახნაგი აქვს.
{{ARTICLEIMAGE}}
-
ცოტნე და კონსტანტინე გამსახურდიებმა მთავარ პროკურატურასთან შიმშილობა დაიწყეს
{{ARTICLEIMAGE}}
ზვიად გამსახურდიას მკვლელობის გამოძიების მოთხოვნით საქართველოს პირველი პრეზიდენტის შვილებმა – ცოტნე და კონსტანტინე გამსახურდიებმა მთავარ პროკურატურასთან შიმშილობა დაიწყეს. ისინი ზვიად გამსახურდიას მკვლელის დასჯას მოითხოვენ. ამბობენ, რომ გამსახურდიას საქმეზე 2018 წლის 31 დეკემბერს 25 წლიანი ხანდაზმულობის ვადა გადის და საქმე დაიხურება ისე, რომ გაურკვეველი დარჩება პირველი პრეზიდენტის მკვლელობის გარემოებები და მკვლელის ვინაობა. ცოტნე და კონსტანტინე გამსახურდიები საქმეზე კონკრეტული პირების პასუხიმსგებლობის საკითხის დაყენებას ხანდაზმულობის ვადის ამოწურვამდე ითხოვენ.გამსახურდიების ადვოკატი ამბობს, რომ საქმეში არსებული მასალების მიხედვით, ხანდაზმულობის ვადის ამოწურვამდე გამოძიების დასრულება და დამნაშავეების დასჯა შესაძლებელია.
ზვიად გამსახურდია 1993 წლის 31 დეკემბერს, ხობის რაიონის სოფელ ძველ ხიბულაში გარდაიცვალა, რაზეც გამოძიება 2004 წლიდან მიმდინარეობს. 1994 წლის თებერვალში საქართველოს პირველი პრეზიდენტი გროზნოში გადაასვენეს, 2007 წლის 28 მარტს კი საქართველოში ჩამოასვენეს. ზვიად გამსახურდიას სიკვდილის გარემოებებზე რამდენიმე ვერსია არსებობს, თუმცა სიკვდილის მიზეზი და გარემოებები ამ დრომდე გაურკვეველია.