Blog

{{ARTICLEIMAGE}}
საქართველოს პრეზიდენტი სალომე ზურაბიშვილი ათონელის რეზიდენციას მედიასთან ერთად სავარაუდოდ ხვალ მოინახულებს, თუმცა ჯერ უცნობია, კონკრეტული თარიღი, როდის გადავა ახალი პრეზიდენტი სასახლეში. ამის შესახებ ჟურნალისტებს პრეზიდენტის გუნდის მომავალმა წევრმა ლაშა ჟვანიამ ათონელის რეზიდენციის შენობასთან განუცხადა, სადაც სარემონტო სამუშაოები მიმდინარეობს.

“ახლა, ის ფასადი, რომელსაც ვუყურებთ საპრეზიდენტო ფლიგელია, რომელიც შიგნიდან დასრულებული არ არის, მაგრამ დასრულებულია ადმინისტრაციული ნაწილი” – განაცხადა ჟვანიამ. მას უჭირს ზუსტი თარიღის დასახელება, როდის შეუდგება მუშაობას ზურაბიშვილი ათონელის რეზიდენციიდან, თუმცა აღნიშნა, რომ სარემონტო სამუშაოები საკმაოდ სწრაფი ტემპით მიმდინარეობს და მოსალოდნელი  ეს მალე მოხდეს. მისივე ინფორმაციით, ტექნიკური საკითხები მიმდინარე კვირას მოგვარდება და ადმინისტრაციული ნაწილი უკვე ახალ ლოკაციაზე სწორედ ამ კვირაში გადავა. 

ლაშა ჟვანიამ, რომელიც სავარაუდოდ, ახალი პრეზიდენტის ადმინისტრაციას უხელმძღვანელებს, გუშინ ჟურნალისტებთან საუბრისას თქვა, რომ ათონელზე მდებარე სასახლეში სამუშაოები დასრულებული არ არის მხოლოდ საპრეზიდენტო ფლიგელში. ადმინისტრაციული ფლიგელი უკვე გარემონტებულია და არ გამორიცხა, რომ 2-3 თვის განმავლობაში სალომე ზურაბიშვილმა სწორედ სასახლის ადმინისტრაციულ ნაწილში იმუშაოს.

სანტა კლაუსების მარათონის დროს ერთერთმა სანტამ შეყვარებულს ხელი სთხოვა.ღონისძიების ორგანიზატორი იუსუფი მის დამთავრებას დაელოდა და მხოლოდ ამის შემდეგ შესთავაზა ცოლობა საყვარელ გოგონას. კოსოვოს დედაქალაქ პრიშტინაში ყოველწლიურ სანტების მარათონში 1000 სანტა მონაწილეობდა. მარათონის შედეგად შეგროვილი თანხა 500 გაჭირვებული ოჯახის დასახმარებლად დაიხარჯება.

{{ARTICLEIMAGE}}

ლაშა ჟვანიამ, რომელიც სავარაუდოდ, ახალი პრეზიდენტის ადმინისტრაციას უხელმძღვანელებს, გუშინ ჟურნალისტებთან საუბრისას თქვა, რომ ათონელზე მდებარე სასახლეში სამუშაოები დასრულებული არ არის მხოლოდ საპრეზიდენტო ფლიგელში; ადმინისტრაციული ფლიგელი უკვე გარემონტებულია და არ გამორიცხა, რომ 2-3 თვის განმავლობაში სალომე ზურაბიშვილმა სწორედ სასახლის ადმინისტრაციულ ნაწილში იმუშაოს.

{{ARTICLEIMAGE}}
საქართველოს პრეზიდენტი სალომე ზურაბიშვილი ოფიციალურ შეხვედრებს მართავს, თუმცა აუდიენციის ადგილსამყოფელი პრესისთვის საიდუმლოა. ამის შესახებ ჟურნალისტებს პრეზიდენტის მომავალმა გუნდის წევრმა ლაშა ჟვანიამ ათონელის რეზიდენციის შენობასთან განუცხადა, სადაც სარემონტო სამუშაოები მიმდინარეობს.

რაც შეეხება გუშინ გამართულ მოლაპარაკებებს, ჟვანიას ინფორმაციით, სომხეთის პრეზიდენტთან, თურქეთის ვიცე-პრეზიდენტთან, პოლონეთის წარმომადგენლებთან და სხვა დელეგაციებთან შეხვედრები წინანდალში გაიმართა.

{{ARTICLEIMAGE}}
აშშ-ის წარმომადგენელთა პალატამ ერთსულოვნად დაამტკიცა საქართველოს მხარდამჭერი ორპარტიული კანონპროექტი, რაც საქართველოსა და აშშ-ს შორის თანამშრომლობის თვისებრივად კიდევ უფრო მაღალ დონეზე აყვანის მზაობის მკაფიო დასტურია, ამ ინფორმაციას საქართველოს საგარეო საქმეთა სამინისტრო ავრცელებს. 

უწყების შეფასებით, ორპარტიული კანონპროექტი კიდევ ერთხელ ხაზს უსვამს საქართველოს სუვერენიტეტის, დამოუკიდებლობისა და ტერიტორიული მთლიანობისადმი აშშ-ის მტკიცე მხარდაჭერას და რუსეთის მიერ საქართველოს ოკუპირებულ ტერიტორიებზე ადამიანის უფლებათა დამრღვევი პირების წინააღმდეგ სანქციების დაწესების ინიციატივით გამოდის.

“კანონპროექტი განსაკუთრებულ ყურადღებას უთმობს აშშ-საქართველოს შორის თავდაცვისა და უსაფრთხოების სფეროში თანამშრომლობას და საქართველოს თავდაცვისუნარიანობის განმტკიცებას და ამ მიმართულებით სახელმწიფო მდივანს, შესაბამის უწყებებთან ერთად საქართველოსთან თანამშრომლობის მომავალი ხუთი წლის სტრატეგიის წარდგენას ავალებს.

კანონპროექტით კონგრესი აშშ-ს სავაჭრო წარმომადგენელს მოუწოდებს გადადგას ქმედითი ნაბიჯები საქართველოსთან თავისუფალი ვაჭრობის შეთანხმებაზე მოლაპარაკების დაწყების მიმართულებით.

საკანონმდებლო აქტით კონგრესი გმობს რუსეთის მიერ საქართველოს რეგიონების – აფხაზეთისა და ცხინვალის რეგიონის ოკუპაციას; ასევე, ოკუპირებულ რეგიონებში ადამიანის უფლებათა დარღვევის შემთხვევებს, მათ შორის, საქართველოს მოქალაქეების, არჩილ ტატუნაშვილის, გიგა ოთხოზორიას და დავით ბაშარულის მკვლელობებს. ამ სახით, კანონპროექტი ეხმიანება “რუსეთის ფედერაციის მიერ ოკუპირებული აფხაზეთისა და ცხინვალის რეგიონში ადამიანის უფლებების უხეში დარღვევისა და “ოთხოზორია-ტატუნაშვილის სიის შესახებ” საქართველოს პარლამენტის ორპარტიულ რეზოლუციას; მხარს უჭერს საქართველოში კონფლიქტის მშვიდობიან მოგვარებას, საქართველოს რეგიონებში აფხაზეთსა და ცხინვალის რეგიონში საერთაშორისო უსაფრთხოების მექანიზმების შექმნასა და საკუთარ სახლებში იძულებით გადაადგილებულ პირთა უსაფრთხო და ღირსეულ დაბრუნებას.

კონგრესი აშშ-ში შესვლის აკრძალვისა და ფინანასური აქტივების დაყადაღების გზით სანქციების დაწესებას მოითხოვს ყველა იმ პირისადმი, ვინც უშუალო მონაწილეობით ან დახმარების გაწევის გზით პასუხისმგებელია რუსეთის მიერ ოკუპირებული აფხაზეთისა და ცხინვალის რეგიონის ტერიტორიებზე ადამიანის უფლებათა უხეშ დარღვევებზე. კონგრესი ავალებს აშშ-ის პრეზიდენტს, აშშ-ის ხაზინის მდივანთან კონსულტაციის გზით, კანონის ამოქმედებიდან 60 დღის ვადაში ზემოხსენებულ დანაშაულებრივ ქმედებებში გამოვლენილი პირების თაობაზე დეტალური ანგარიშის წარდგენას.

კანონპროექტით აშშ-ს კონგრესი მხარდაჭერას უცხადებს საქართველოს ევროატლანტიკურ და ევროპულ ინტეგრაციას და თავდაცვისა და უსაფრთხოების სფეროში აშშ-საქართველოს ურთიერთობების კიდევ უფრო გაძლიერებისა და ახალ ეტაპზე გადასვლის ინიციატივით გამოდის.

კერძოდ, საკანონმდებლო აქტით კონგრესი მოუწოდებს აშშ-ის სახელმწიფო მდივანს, შესაბამის უწყებებთან ერთად, აშშ-ის ხელისუფლების მიერ საქართველოსთვის უსაფრთხოების სფეროში გაწეული დახმარების, საქართველოს წინაშე არსებული გამოწვევებისა და ქვეყნის თავდაცვითი შესაძლებლობების შეფასების ანგარიში და ამ მიმართულებით, მომავალი ხუთი წლის სტრატეგია წარადგინოს. კანონპროექტში ხაზგასმულია, რომ აღნიშნული, საქართველოს უსაფრთხოების შესაძლებლობების გაუმჯობესებასა და თავდაცვისუნარიანობის გაძლიერებას ემსახურება. დოკუმენტში ასევე ხაზგასმულია საქართველოსა და აშშ-ს შორის კიბერუსაფრთხოების სფეროში თანამშრომლობის გაძლიერების საჭიროება. კანონპროექტი ასევე მოუწოდებს აშშ-ს ადმინისტრაციას ქმედითი ნაბიჯების გადადგმისკენ რუსეთის დეზინფორმაციასა და პროპაგანდასთან ბრძოლაში საქართველოს შესაძლებლობების გაძლიერების მიმართულებით.

საქართველოს მხარდამჭერი კანონპროექტი აშშ-ის კონგრესში საქართველოს მეგობართა ჯგუფის თანათავმჯდომარე კონგრესმენებმა, ტედ პომ (რესპუბლიკელი) და ჯერი კონოლიმ (დემოკრატი) 2018 წლის 26 ივნისს წარადგინეს. აშშ-ის წარმომადგენელთა პალატის მიერ საქართველოს მხარდამჭერი აქტის ერთსულოვნად დამტკიცებამდე, იგი კონგრესის რამდენიმე კომიტეტმა, მათ შორის საგარეო ურთიერთობათა, იურიდიულ საკითხთა და შემოსავლების კომიტეტებმა მიიღეს.

როგორც შემდგომი ნაბიჯი, საკანონმდებლო აქტის პროექტი, აშშ-ის წარმომადგენელთა პალატის მიერ გადაეგზავნა აშშ-ის სენატს. აშშ-ის სენატის მიერ, საქართველოს მხარდამჭერი აქტის დამტკიცების შემთხვევაში, იგი გაეგზავნება პრეზიდენტს, რომლის ხელმოწერის შემთხვევაში, იგი კანონად იქცევა.

აღსანიშნავია, რომ აშშ-საქართველოს მრავალწლიანი ურთიერთობის ისტორიაში, აშშ-ის წარმომადგენელთა პალატამ პირველად დაამტკიცა საქართველოს მხარდამჭერი აქტი, როგორც ცალკემდგომი დოკუმენტი, რომელიც მხოლოდ საქართველოს ეხება. აქამდე აშშ-ის კონგრესს საქართველოს მხარდამჭერი არაერთი რეზოლუცია დაუმტკიცებია. მნიშვნელოვანია ის ფაქტიც, რომ აქტი, რეზოლუციაზე უფრო დიდი მნიშვნელობის საკანონმდებლო დოკუმენტია – იგი რეზოლუციისგან განსხვავებით, აშშ-ის კონგრესის ორივე პალატის მიერ დამტკიცებისა და პრეზიდენტის ხელმოწერის შემთხვევაში კანონის ძალას იძენს”,-წერია საგარეო უწყების განცხადებაში.

{{ARTICLEIMAGE}}
NATO-ს გენერალური მდივანი იენს სტოლტენბერგი საქართველოს 2019 წელს ეწვევა, ამის შესახებ საგარეო საქმეთა მინისტრმა დავით ზალკალიანმა განაცხადა.

მისივე თქმით, ასევე საქართველო NATO-ს ეგიდით მასშტაბური სამხედრო წვრთნების ჩატარებას ელოდება.

“ჩვენ გვქონდა ძალიან წარმატებული წელი NATO-სთან ინტეგრაციის კუთხით, რაც ნატო-ს სამიტზე საქართველოსთან და უკრაინასთან განსაკუთრებული ფორმატით შეხვედრით დაგვირგვინდა, სადაც სწორედ შავ ზღვაზე უსაფრთხოების კონტექსტზე იყო ყურადღება გამახვილებული. უპრეცედენტო დეკლარაცია იქნა მიღებული შინაარსობრივი თვალსაზრისით. ასევე გვქონდა ძალიან წარმატებული ბოლო მინისტერიალი, სადაც შეჯამდა ყველა ეს მიღწეული შედეგი და დაისახა მომავალი წლის გეგმები. გვქონდა ძალიან მკაფიო გზავნილები ნატო-ს გენერალური მდივნის და პარტნიორი ქვეყნების მხრიდან. 2019 წელს ველით, რომ კიდევ უფრო მეტი ჩართულობა იქნება NATO-ს მხრიდან, ველით NATO-ს ეგიდით ფართომასშტაბიან წვრთნებს, ველით NATO-ს გენერალური მდივნის ვიზიტს, ასევე ვმუშაობთ სხვა მნიშვნელოვან ღონისძებებზე, რაც კიდევ უფრო მეტად გაუსვამს ხაზს NATO-ს ჩართულობას საქართველოში. ჩვენ ვსაუბრობთ NATO-საქართველოს არსებითი პაკეტის გაძლიერებაზე”, განაცხადა დავით ზალკალიანმა.

{{ARTICLEIMAGE}}
შინაგან საქმეთა სამინისტრომ 16 დეკემბერს კახეთში სამართალდამცავებსა და აქციის მონაწილეებს შორის მომხდარ დაპირისპირებასთან დაკავშირებით გამოძიება დაიწყო.

საქმე აღძრულია სისხლის სამართლის კოდექსის 353-ე მუხლის პირველი ნაწილით, რაც გულისხმობს პოლიციელის მიმართ მისი საქმიანობის შეწყვეტის მიზნით წინააღმდეგობასა და ძალადობას და ისჯება როგორც ჯარიმით, ისე თავისუფლების შეზღუდვით ვადით სამ წლამდე, ან თავისუფლების აღკვეთით ვადით ორიდან ხუთ წლამდე.

შსს-ს ცნობოთ, კახეთში მომხდარი ინცინდენტისას 10-ზე მეტი პოლიციელი დაშავდა. მათ 16 დეკემბერსვე ჩაუტარდათ გამოკვლევები. დაშავებულთაგან ერთი, ტვინის შერყევის დიაგნოზით მკურნალობას საავადმყოფოში განაგრძობს. დანარჩენი დაზარალებულები, რომლებსაც აღენიშნებოდათ სხვადასხვა სახის დაზიანებები, მათ შორის მოტეხილობაც, სახლებში აგრძელებენ მკურნალობას.

ინაუგურაციის პარალელურად გუშინ დაპირისპირებები და ხელჩართლი ჩხუბი იყო სოფელ ველისციხეში, გაერთიანებული ოპოზიცის წევრებსა და პოლიციას შორის. დაპირისპირება რამდენიმე საათის განმავლობაში გაგრძელდა და  მას შემდეგ დაიწყო, რაც ოპოზიციის წევრებმა თელავში შესვლა ვერ შეძლეს. შინაგან საქმეთა მინისტრის მოადგილემ მათ განუმარტა, რომ თელავში ჩასვლა ყვარლის გავლით შეეძლოთ. დაპირისპირების შედეგად დაშავდნენ საპატრულო პოლიციის თანამშრმლები.

ასევე დაშავდა აქციის ერთი მონაწილეც. ოპოზიციის წევრები ამბობდნენ, რომ პოლიციელებმა მათ წინააღდმეგ მომწავლავი გაზი გამოიყენეს. ოპოზიციისს წევრები ხელისუფლების კანონიერი გზით დამხობაზეც საუბრობდნენ. გაერთიანებულმა ოპოზიციამ კახეთის შემდეგ თბილისში, რუსთაველის გამზირზე  გადმოინაცვლა. პარლამენტის წინ მათ კარვები გაშალეს, თუმცა სამომავლო გგემებზე არ უსაუბრიათ.

შინაგან საქმეთა სამინისტრომ  სოფელ ველისციხეში მომხდარ დაპირისპირებაზე გამოძიება  პოლიციელის მიმართ ძალადობის მუხლით დაიწყო.  გიორგი გახარიამ პოლიციელებს ბოდიში მოუხადა და განაცხადა, რომ დაპირისპირებაში მონაწილე პირი, მიუხედავად პოლიტიკური სტატუსისა კანონის შესაბამისად დაისჯება.

{{ARTICLEIMAGE}}

შს მინისტრის მოადგილის ნათია მეზვრიშვილის განცხადებით, ოპოზიციონერის დავით კირკიტაძის მხრიდან ადგილი ჰქონდა პოლიციელებზე თავდასხმას და ნივთების დაზიანებას. მისი თქმით, თუ ვინმემ ნახა, რა მოქმედებებს ახორციელებდა ბატონი კირკიტაძე, ალბათ, გასაკვირი არ უნდა იყოს, რატომ დაინტერესდა გამოძიება მისით.

“ბატონი კირკიტაძე ალბათ მიიღებს მონაწილეობას საგამოძიებო მოქმედებებში, ყოველ შემთხვევაში ჩვენ ამის სურვილი გვაქვს. ამ ეტაპზე ჩემთვის უცნობია, რა საგამოძიებო მოქმედებები მიმდინარეობს ამ წუთებში მასთან დაკავშირებით”,განაცხადა მეზვრიშვილმა.

თავად პოლიტიკოსი ამბობს, რომ მის სახლთან დღეს სამართალდამცველები იყვნენ მობილიზებულნი.

“აბრახუნებდნენ კარებზე. მას შემდეგ, რაც დავურეკე ჩემს მეგობრებსა და ჟურნალისტებს, დატოვეს სადარბაზო”, თქვა კირტიაძემ. ოპოზიციის ინფორმაციით, სამართალდამცავებლა უკვე დატოვეს მიმდებარე ტერიტორია.

შინაგან საქმეთა სამინისტროს ინფორმაციით, “ნაციონალური მოძრაობის” წევრის, დავით კირკიტაძის სახლთან პოლიციელთა მობილიზება სოფელ ველისციხეში 16 დეკემბერს განვითარებული მოვლენების ფარგლებში დაწყებულ გამოძიებას უკავშირდება. გამოძიება სსკ-ის 353-ე მუხლის პირველი ნაწილით, პოლიციის მიმართ მისი საქმიანობის შეწყვეტის მიზნით წინააღმდეგობას და ძალადობას გულისხმობს.