Blog

{{ARTICLEIMAGE}}
საქართველოს პრეზიდენტმა სალომე ზურაბიშვილმა ათონელის რეზიდენციაში მუშაობა დაიწყო. მან ჟურნალისტებს რამდენიმე გადაწყვეტილება გააცნო. მაგალითად,  პრეზიდენტის ადმინისტრაციას უხელმძღვანელებს ლაშა ჟვანია და ის უკვე დანიშნულია ოფიციალურად. ასევე დაინიშნა საპარლამენტო მდივანი და ის დიმიტრი გაბუნია იქნება. რაც შეეხება პრესსამსახურს, ნათია პავლიაშვილი, რომელიც ზურაბიშვილთან წლებია, მუშაობს, პოზიციას ინარჩუნებს, თუმცა ზურაბიშვილი ამბობს, რომ პიარის მიმართულება გაძლიერდება. 

ზურაბიშვილმა ჟურნალისტების შეკითვებს არ უპასუხა და თქვა, რომ მედიის წარმომადგენლებისთვის ე.წ. “ოფ ზე რიქორდ” (ჩაწერის გარეშე) შეხვედრებს გეგმავს. ახალმა პრეზიდენტმა ასევე თქვა, რომ ჟურნალისტებისთვის ე.წ. ჩემი პრესკლუბის რეჟიმში აპირებს ურთიერთობას და მის მოწყობას სასახლეში გეგმავს:”როგორც ეს საგარეო საქმეთა მინისტრობის დროს მქონდა”,განაცხადა ზურაბიშვილმა.

რაც შეეხება ზურაბიშვილის გუნდს, პრეზიდენტის თქმით, ძირითადი ბირთვის შესახებ სავარაუდოდ, მედიისთვის ორშაბათს გახდება ცნობილი.

{{ARTICLEIMAGE}}
17 დეკემბერს დაკავებული “ნაციონალური მოძრაობის” წევრის დავით კირკიტაძის ადვოკატი აცხადებს, რომ მისი დაცვის ქვეშ მყოფი ბრალს არ აღიარებს და შიმშილობას იწყებს. გიორგი კონდახაშვილმა ჟურნალისტებს კახეთის სამხარეო სამმართველოდან გამოსვლის შემდეგ აცნობა, რომ “კირკიტაძეს ბრალი წარდგენილი აქვს პოლიციის თანამშრომელზე თავდასხმასთან დაკავშირებით.

“ბატონი დავითი აცხადებს შიმშილობას. ის თავს დამნაშავედ არ ცნობს. იგი არის პოლიტიკური დევნის ინსტრუმენტი ხელისუფლების მხრიდან”, ამბობს ადვოკატი.

შს სამინისტროს ცნობით, კირკიტაძე კახეთისკენ მიმავალ გზაზე დააკავეს. უწყების ცნობით, “გამოძიების ფარგლებში შინაგან საქმეთა სამინისტროს კახეთის პოლიციის დეპარტამენტმა, 16 დეკემბერს, ველისციხეში გამართულ აქციაზე, პოლიციელზე თავდასხმისთვის, ფიზიკური შეურაცხყოფისთვის და ქონების დაზიანებისთვის სისხლის სამართლის კოდექსის 353-ე პრიმა მუხლით, მოსამართლის განჩინებით დააკავა გაერთიანებული ოპოზიციის მხარდამჭერი დავით კირკიტაძე. დანაშაული ისჯება როგორც ჯარიმით, ასევე თავისუფლების აღკვეთით.

{{ARTICLEIMAGE}}
სპეციალური პენიტენციური სამსახური ბრალდებულ გიორგი ფასიეიშვილის გარდაცვალებასთან დაკავშირებით განცხადებას ავრცელებს და განმარტავს, რომ პენიტენციურ დაწესებულებაში მოთავსების დღიდან ბრალდებული დაწესებულების მედპერსონალის მუდმივი ყურადღების ქვეშ იმყოფებოდა და სათანადო სამედიცინო მომსახურებით იყო უზრუნველყოფილი, თუმცა სპეციალური პენიტენციური სამსახურის არაერთი მცდელობის მიუხედავად, ბრალდებული უარს აცხადებდა სამსახურის მიერ მისთვის შეთავაზებულ დახმარებაზე, არ იღებდა მედიკამენტებს და არ აძლევდა საშუალებას მედპერსონალს, რომ მისთვის სათანადო გამოკვლევები ჩაეტარებინათ.

“1983 წელს დაბადებული გიორგი ფასიეიშვილი მიმდინარე წლის 31 ივლისს დააკავეს, ხოლო პირველ აგვისტოს N8 პენიტენციურ დაწესებულებაში მოათავსეს. გიორგი ფასიეიშვილი თავს უდანაშაულოდ მიიჩნევდა და შიმშილობა გამოაცხადა, რის შესახებაც სპეციალურმა პენიტენციურმა სამსახურმა შესაბამის უწყებებს დაუყოვნებლივ აცნობა.

მიმდინარე წლის სექტემბრიდან სისუსტის გამო, გიორგი ფასიეიშვილი ხუთჯერ იყო ჰოსპიტალიზებული N8 პენიტენციური დაწესებულებიდან N18 (სამკურნალო) დაწესებულებაში, სადაც უარს აცხადებდა სამედიცინო დახმარებაზე და ისევ N8 დაწესებულებაში დაბრუნებას მოითხოვდა.

24 ნოემბერს და 5 დეკემბერს ბრალდებული იმყოფებოდა ღუდუშაურის სახელობის ეროვნულ სამედიცინო ცენტრში. 5 დეკემბერს გიორგი ფასიეიშვილი ჩაერთო სუიციდის პრევენციის პროგრამაში; 8 დეკემბერს ბრალდებული კვლავ გადაიყვანეს ღუდუშაურის სამედიცინო ცენტრში, მაგრამ მანქანიდან არ გადმოვიდა და დაბრუნდა N18 დაწესებულებაში. 14 დეკემბერს ბრალდებული ღუდუშაურის კლინიკაში იქნა გადაყვანილი და იმავე დღეს დაბრუნდა პენიტენციურ სამკურნალო დაწესებულებაში. 15 დეკემბერს გიორგი ფასიეიშვილი კვლავ იქნა გადაყვანილი ღუდუშაურის კლინიკაში, სადაც იმყოფებოდა გარდაცვალებამდე. დაესვა დიაგნოზი – ღვიძლის მწვავე და ქვემწვავე უკმარისობა, დაუზუსტებელი თრომბოიტოპენია, დაუზუსტებელი კოაგულოპათია, ბოდვითი აშლილობა, ჰიპოგლიკემია. ბრალდებული გადაადგილებისას სარგებლობდა ინვალიდის ეტლით, აღენიშნებოდა წონის დეფიციტი, საერთო სისუსტე. ბრალდებული უარს აცხადებდა გამოკვლევებსა და გასინჯვაზე. გიორგი ფასიეიშვილი იმყოფებოდა ღუდუშაურის თერაპიულ სადაც უცბად განუვითარდა ქოშინი, აპნოე და მიუხედავად ექიმების მცდელობისა და ჩატარებული სარეანიმაციო ღონისძიებებისა, სამწუხაროდ, 17 დეკემბერს გარდაიცვალა”, წერია განცხადებაში.

{{ARTICLEIMAGE}}
გაერთიანებული ოპოზიციის ერთ-ერთი ლიდერი გრიგოლ ვაშაძე დაკავებული თანამოაზრის დავით კირკიტაძის გათავისუფლებას გირაოს სანაცვლოდ ითხოვს და ამისთვის შინაგან საქმეთა სამინისტროს მიმართავს. ამბობს, რომ გათავისუფლების შემთხვევაში დავით კირკიტაძე გამოძიებასთან ითანამშრომლებს

“დავით კირკიტაძე თქვენი მხარდამჭერი არ არის. თუ მან შიმშილობა დაიწყო, ის იშიმშილებს ბოლომდე. ამიტომ კანონის და მორალის ფარგლებში გეუბნებით, გაათავისუფლეთ ეს ადამიანი გირაოს სანაცვლოდ, გინდ სხვა რაღაც მოუფიქრეთ. გაანებეთ თავი ჩვენს მხარდამჭერებს და თუ სამართალს რამე შეკითხვები აქვს, რამდენჯერაც საჭიროც იქნება, იმდენჯერ მივა სასამართლოში”,განაცხადა გრიგოლ ვაშაძემ თელავში, პოლიციის იზოლატორთან, სადაც 17 დეკემბერს ღამით “გაერთიანებული ოპოზიციის” წარმომადგენლებმა დაკავებული დავით კირკიტაძის მხარდამჭერი აქცია გამართეს.

შს სამინისტროს ცნობით, კირკიტაძე კახეთისკენ მიმავალ გზაზე დააკავეს. უწყების ცნობით, “გამოძიების ფარგლებში შინაგან საქმეთა სამინისტროს კახეთის პოლიციის დეპარტამენტმა, 16 დეკემბერს, ველისციხეში გამართულ აქციაზე, პოლიციელზე თავდასხმისთვის, ფიზიკური შეურაცხყოფისთვის და ქონების დაზიანებისთვის სისხლის სამართლის კოდექსის 353-ე პრიმა მუხლით, მოსამართლის განჩინებით დააკავა გაერთიანებული ოპოზიციის მხარდამჭერი დავით კირკიტაძე. დანაშაული ისჯება როგორც ჯარიმით, ასევე თავისუფლების აღკვეთით.

{{ARTICLEIMAGE}}

{{ARTICLEIMAGE}}

{{ARTICLEIMAGE}}

{{ARTICLEIMAGE}}
საქართველოს პრეზიდენტი სალომე ზურაბიშვილი ცოტა ხნის წინ ათონელის რეზიდენციაში მივიდა. ამ წუთებში მედიის წარმომადგენლები ახალ პრეზიდენტთან შესახვედრად და სასახლის დასათვალიერებლად ემზადებიან, თუმცა როგორც რადიო თავისუფლების ჟურნალისტმა პირდაპირ ეთერში განაცხადა, სალომე ზურაბიშვილთან კითხვების დასმის საშუალება არ ექნებათ.  

ზურაბიშვილის დღევანდელი გეგმების შესახებ, რომელიც სასახლის დათვალიერებას ითვალისწინებს, გუშინ გახდა ცნიბილი, როდესაც ახალი პრეზიდენტის გუნდის წევრმა ლაშა ჟვანიამ ჟურნალისტებს შეატყობინა, რომ დღეს სწორედ მედიის წარმომადგენლებს მიიღებდა რეზიდენციაში სალომე ზურაბიშვილი.

როგორც ცნობილია, ახალი პრეზიდენტი ავლაბრის რეზიდენციაში შესვლაზე უარს ამბობს და ათონელზე სარემონტო სამუშაოების დასრულებას ელის. საპრეზიდენტო ფლიგელი ჯერ არ არის დასრულებული და სავარაუდოდ, ახალი პრეზიდენტი ადმინისტრაციულ ფლიგელში დღეს დაიწყებს მუშაობას.

რაც შეეხება ავლაბრის რეზიდენციას თავად ზურაბიშვილმა ჯერ კიდევ აგვისტოში განაცხადა, რომ დღეს არსებული პრეზიდენტის სასახლე, რომლის აშენებაშიც “ამერიკელებმა დიდი ფული დახარჯეს”, ისევ სახელმწიფოს საკუთრებაში უნდა დარჩეს.

სალომე ზურაბიშვილმა ასევე განცხადა, რომ ავლაბრის რეზიდენციაში უნდა შევიდეს პრემიერ-მინისტრი, ან საგარეო საქმეთა სამინისტრო, ან კიდევ ამ სასახლეს დიპლომატიური ფუნქცია უნდა მიენიჭოს და გახდეს ადგილი, სადაც მაღალი რანგის სტუმრებს მიიღებენ.

“ორბელიანის სასახლე ძალიან მომწონს და ის ახალი პრეზიდენტის ფუნქციების შესატყვისია, – განაცხადა სალომე ზურაბიშვილმა ტელეკომპანია “იმედის” გადაცემა “ქრონიკის” ეთერში. “მე მინდა, ვიყო სხვა ტიპის პრეზიდენტი, რაც ამ ქვეყანას არ ჰყოლია. მე ჩემს სახლში ვიცხოვრებ. ამ სახლიდან ფეხით ვივლი, როგორც დავდივარ დღეს. ჩემი საყიდელი ბაზარში მე უნდა ვიყიდო და შევხვდე ხალხს”, აცხადებდა ზურაბიშვილი.

აღსანიშნავია, რომ რეზიდენციის თემა შესული იყო სალომე ზურაბიშვილის საარჩევნო პროგრამაშიც. ზურაბიშვილი მიიჩნევს, რომ ადმინისტრაციას ინტენსიური კავშირი უნდა ჰქონდეს მოქალაქეებთან, დაცული უნდა იყოს გენდერული ბალანსი და შეზღუდული შესაძლებლობების მქონე პირებს ჰქონდეთ წარმომადგენლობა ადმინისტრაციაში”.

რაც შეეხება მთავრობის ამჟამინდელ პოზიციას, საქართველოს პრემიერ-მინისტრი მამუკა ბახტაძე აცხადებდა, რომ “სახელმწიფოს და მისი შტოების შენახვა გადასახადის გადამხდელებს ძვირი არ უნდა უჯდებოდეს”.

“მე მაქვს პრინციპული პოზიცია, თუ რა უნდა უჯდებოდეთ სახელმწიფოს და მისი შტოების შენახვა გადასახადის გადამხდელებს”, – ასე უპასუხა პრემიერ-მინისტრმა ზაფხულში ჟურნალისტების შეკითხვას, გადაინაცვლებდა თუ არა ახალი პრეზიდენტი ავლაბრიდან ათონელის სასახლეში.

ცნობისათვის, “ქართული ოცნების” საარჩევნო დაპირების მიხედვით, ათონელის ქუჩაზე მდებარე ორბელიანების სასახლეში საქართველოს პრეზიდენტის ადმინისტრაცია უნდა გადასულიყო, თუმცა 2013 წლის არჩევნების დასრულების შემდეგ, გიორგი მარგველაშვილმა განაცხადა, რომ არ აპირებს ადმინისტრაციის ავლაბრიდან გადატანას. როგორც ცნობილია, ათონელის ქუჩაზე მდებარე ორბელიანის სასახლის რეაბილიტაციაზე 26 მილიონი ლარი დაიხარჯა. რამდენჯერმე დაიგეგმა ათონელის სასახლის პრივატიზაცია, თუმცა შენობა არ გაიყიდა. საბოლოოდ, ის საპრივატიზაციო ნუსხიდან ამოიღეს და წლების განმავლობაში უფუნქციოა.

{{ARTICLEIMAGE}}

საქართველოს ყოფილი პრეზიდენტის მიხეილ სააკაშვილის განცხადებით, ხელისუფლება ხალხს ართმევს იმედს, ამოძვრეს ჭაობიდან. სააკაშვილის პოზიცია სოციალურ ქსელში გავრცელებული ვიდეომიმართვიდან გახდა ცნობილი.