ექსპერტმა გია აბაშიძემ, რომელმაც იურიდიული კომიტეტის თავმჯდომარეობიდან ეკა ბესელიას წასვლის შემდეგ სკანდალური ინფორმაცია გაავრცელა, საპარლამენტო უმრავლესობაში მოსალოდნელ ცვლილებებზე საუბრობს, თუმცა მის მიერ უკვე გაკეთებული პროგნოზების რეალურობაზე ვრცლად აღარ საუბრობს.
Blog
-
ვენსან კასელის ფეხმძიმე ცოლის ახალი ფოტო
{{ARTICLEIMAGE}}ვენსან კასელი თავის ახალგაზრდა ცოლთან, თინა კუნაკისთან ერთად ახალ წელს ბრაზილიის შტატის ბაიას პლაჟზე შეხვდა. თინა ბრაზილიიდან ყოვლედღიურად აზიარებს სოციალურ ქსელში ფოტოებს და ნაირ–ნაირი საცურაო კოსტუმების დემონსტრირებას აწყობს. ვენსანი კი ხშირად ფოტოგრაფის როლს ასრულებს – ცოლს ატლანტიკის ოკეანის ფონზე ფოტოებს უღებს.
ბოლო ფოტოს მინაწერზე თინამ ხაზი გაუსვა თავის წამოზრდილ მუცელს. ფეხმძიმობის მიუხედავად მოდელი შესანიშნავ ფორმაშია.
-
პოლონეთის ქალაქ გდანსკის მერი მოკლეს
{{ARTICLEIMAGE}}
პოლონეთის ჩრდილოეთით მდებარე ქალაქ გდანსკის მერი, პაველ ადამოვიჩი 13 იანვარს მასზე განხორციელებული თავდასხმის შემდეგ გარდაიცვალა.რადიო თავისუფლების ინფორმაციით, თავდამსხმელმა მას საქველმოქმედო ღონისძიებაზე, სცენაზე დგომის მომენტში ცივი იარაღით მიაყენა ჭრილობა. ადამოვიჩი მძიმედ იყო დაჭრილი, მას ჭრილობები ჰქონდა გულისა და დიაფრაგმის არეში. მისი ოპერაცია ხუთი საათის განმავლობაში გაგრძელდა, მაგრამ ექიმებმა მისი სიცოცხლის გადარჩენა ვერ შეძლეს. 27 წლის, წარსულში ნასამართლევი თავდამსხმელი ადგილზე დააკავეს. ღონისძიებაზე გადაღებულ კადრებში ჩანს, რომ თავდამსხმელი მიკროფონს იღებს და აცხადებს, რომ წინა, მემარცხენე-ცენტრისტული ორიენტაციის, სამოქალაქო პლატფორმის პარტიის ხელისუფლების დროს ის უსამართლოდ დააპატიმრეს და აწამეს. ადამოვიჩი ორი ათეული წელი იყო გდანსკის მერი, შარშან მის ხელახალ არჩევას სამოქალაქო პლატფორმა უჭერდა მხარს.
გდანსკში მდებარეობდა გემთსაშენი ქარხანა, სადაც 1980 წელს ლეხ ვალესას ხელმძღვანელობით შეიქმნა პროფესიული კავშირი “სოლიდარობა” – რომელიც თანდათან გარდაიქმნა ძალად, რომელმაც მნიშვნელოვანი წვლილი შეიტანა კომუნისტური რეჟიმის დამარცხებაში.
-
მუშაობდა თუ არა ტრამპი მოსკოვზე
New York Times–ის სტატია ფედერალური ბიუროს გამოძიების შესახებ{{ARTICLEIMAGE}}თეთრმა სახლმა სასტიკად გააკრიტიკა გაზეთ New York Times –ის ინფორმაცია იმის შესახებ, რომ გამოძიების ფედერალური ბიურო ამოწმებდა, ხომ არ მუშაობდა დონალდ ტრამპი საიდუმლოდ მოსკოვზე.
ფედერალური ბიუროს თანამშრომლები 2017 წლის მაისში ტრამპის ქცევამ დააეჭვა, როცა მან ბიუროს დირექტორი, ჯეიმს კომი თანამდებობიდან გაათავისუფლა.
ფეთქებადსაშიში გამოძიება
New York Times –ის ცნობით გამოძიების მიზეზი საკმაოდ ფეთქებად საშიში იყო. კონტრდაზვერვას უნდა გადაეწყვიტა, წარმოადგენდა თუ არა საფრთხეს დონალდ ტრამპის ქმედებები ამერიკის ნაციონალური უსაფრთხოებისთვის.გაზეთის ცნობით კონტრდაზვერვის თანამშრომლები ცდილობდნენ განესაზღვრათ, ტრამპი გაცნობიერებულად მუშაობდა რუსეთზე თუ მოსკოვის გავლენის ქვეშ უნებურად მოექცა.
როგორც გაზეთი ანონიმურ წყაროზე დაყრდნობით ამტკიცებს გამოძიების ფედერალური ბიუროს აგენტები და მაღალჩინოსნები ჯერ კიდევ 2016 წლის საპრეზიდენტო არჩევნების კამპანიის დროს ტრამპის რუსეთთან კავშირმა დააეჭვა, თუმცა გამძიების დაწყებას აჭინურებდნენ, რადგან ვერ ჩამოყალიბდნენ, როგორ ეწარმოებინათ ასეთი მაშტაბური და საფრთხილო ძიება.
თუმცა პრეზიდენტის ქმედებებმა 2017 წელს კომის მოხსნამდე და მოხსნის შემდეგ კონტრდაზვერვას გამოძიების დაწყებისკენ უბიძგა. განსაკუთრებით იმან, რომ ტრამპმა კომის მოხსნა არჩევნებში რუსეთის ჩარევის გამოძიებას დაუკავშირა.
თავად დონალდ ტრამპმა განაცხადა, რომ ასეთ გამოძიებისთვის საფუძველი არ არსებობდა.
“ო, ახლახანს გავიგე ხელმოცარული ნიუ იორკ თაიმსიდან, რომ გამოძიების ფედერალური ბიუროს უსინდისო ყოფილმა ხელმძღვანელებმა, რომელთაგან თითქმის ყველა მოხსნილი იქნა თანამდებობიდან ან ძალიან ცუდი მიზეზებით მოუწიათ სააგენტოდან წასვლა, ჩემს წინააღმდეგ გამოძიება დაიწყეს – მიზეზების და მტკიცებულებების გარეშე, მას შემდეგ, რაც მატყუარა ჯეიმს კომი გავუშვი სამსახურიდან, სრული არარაობა!“ – დაწერა ტრამპმა ტვიტერის გვერდზე.
“ეს აბსურდია“ – განაცხადა თეთრი სახლის პრესმდივანმა სარა ჰაკაბი სანდერსმა.– ჯეიმს კომი იმიტომ გაათავისუფლეს სამსახურიდან, რომ უსაქმური იყო, მისი მოადგილე ენდრიუ მაკკეიბი კი ცნობილი მატყუარა, რომელიც თვითონ ბიურომ გაათავისუფლა – ნათქვამია თეთრი სახლის განცხადებაში. პრეზიდენტ ობამასგან განსხვავებით, რომელიც რუსეთს და სხვა უცხოელ მოწინააღმდეგეებს უფლებას აძლევდა ამერიკა დაეკნინებინათ, ტრამპი რუსეთთან მკაცრად იქცევა.“2016 წელს ამერიკის სპეცსამსახურები მივიდნენ დასკვნამდე, რომ რუსეთმა კიბერშეტევა განახორციელა და სოციალურ ქსელებში ყალბი ახალი ამბები გაავრცელა დონალდ ტრამპის შანსების გაზრდისა და მისი კონკურენტის, ჰილარი კლინტონისთვის ზიანის მიყენების მიზნით.
რას იძიებდა გამოძიების ფედერალური ბიურო
New York Times წერს, რომ გამოძიების საფუძველი გარდა კონტრდაზვერვის პირდაპირი ინტერესებისა სისხლის სამართლებრივი ასპექტიც იყო, რომელიც ეხებოდა უშუალოდ ტრამპის გადაწყვეტილებას კომის გათავისუფლების შესახებ. გამოძიება ცდილობდა დაედგინა, ხომ არ ცდილობდა ტრამპი ამ გზით მართლმსაჯულებისთვის ხელის შეშლას.კონგრესის მოსმენებზე ბიუროს ყოფილი დირექტორი, სკომის განცხადებით ტრამპმა უთხრა, რომ მისგან ერთგულებას ელოდა და შეეცადა ეიძულებინა ნაციონალური უსაფრთხოების საკითხებში პრეზიდენტის ყოფილი მრჩევლის, მაიკლ ფლინის წინააღმდეგ გამოძიება შეეწყვიტა.
2017 წელს ფლინმა აღიარა, რომ იცრუა, როცა აშშ–ში ამერიკის ელჩთან თავის კონტაქტების შესახებ ისაუბრა.რა ბედი ელის გამოძიებას.
გაზეთი ამტკიცებს, რომ ფედერალური ბიუროს გამოძიების შედეგები გამოყენებულ იქნება უფრო მაშტაბური გამოძიებისთვის 2016 წლის საპრეზიდენტო არჩევნების შედეგებზე გავლენის მიზნით ტრამპის კამპანიის წარმომადგენლბის კრემლთან შესაძლო შეთქმულებასთან დაკაშვირებით.ამ გამოძიებას სპეციალური პროკურორი რობერტ მიულერი აწარმოებს. ის ამ თანამდებობაზე კომის გათავისუფლებიდან რამდენიმე დღეში დაინიშნა.
ტრამპი კატეგორიულად უარყოფს რუსეთთან რაიმე სახის შეთქმულებას და მიულერის გამოძიებას “მსოფლიოს ისტორიაში ყველაზე დიდ კუდიანებზე პოლიტიკურ ნადირობას უწოდებს.
ამის მიუხედავად გამოძიების ფარგლებში სასამართლოს წინაშე ტრამპის რამდენიმე თანამებრძოლი წარსდგა.
ტრამპის ყოფილ ადვოკატს, მაიკლ კოენს სამი წელი მიუსაჯეს საარჩევნო კამპანიის დროს ფინანსური დარღვევებისა და თაღლითობისათვის.
საარჩევნო კამპანიის ხელმძღვანელს, პოლ მანაფორტს კი 10 წლიანი ციხე ემუქრება რუსეთის ჩარევის საქმესთან დაკავშირებით. კიდევ ერთ – საბანკო თაღლითობისა და გადასახადებისგან თავის არიდების საქმეზე კი შესალოა შვიდწლიანი ციხე მიესაჯოს.
გაზეთ New York Times –ის ინფორმაციით უცნობი რჩება, დასრულდა თუ არა გამოძიების ის ნაწილი, რომელსაც კონტრდაზვერვა აწარმოებდა.
სტატაში გაზეთი სამართალდამცავი ორგანოების ყოფილ წარმომადგენლებს და სხვა პირებს ეყრდნობა, რომლებსაც ამ გამოძიებასთან ქონდათ კავშირი და მასალებზე მიუწვდებოდათ ხელი, მათ შორის ფედერალური ბიუროს ყოფილი მთავარი იურისტკონსულტის, ადვოკატ ჯეიმს ბეიკერის ჩვენებაზე.
-
სამეზობლო დავა რობი უილიამსსა და ჯიმი პეიჯს შორის
{{ARTICLEIMAGE}}ცნობილი ინგლისელი მომღერალი რობი უილიამსი ბოლო დროს სახლის მიმდებარე ქუჩაში ბოლო ხმაზე რთავს სიმღერას Black Sabbath. ის ამ გზით ცდილობს ნერვები აუშალოს მეზობელს, არანაკლებ ცნობილ გიტარისტს ჯიმი პეიჯს.
სარჩელის მიხედვით, რომელიც ადგილობრივ საბჭოში შევიდა ლედ ზეპელინის ყოფილმა გიტარისტმა და რობი უილიამსმა ამ უკანასკნელის სახლის გაფართოების გეგმების გამო იჩხუბეს.
რობი იულიამსმა ადგილობრივ ბიუროკრატიასთან ხუთწლიანი ბრძოლის შემდეგ მიიღო უფლება საკუთარი სახლის სარდაფში აუზი მოაწყოს.ლოდონის ჰოლანდ პარკის რაიონში მდებარე ქუჩაზე უილიამსის მეზობლად უკვე 46 წელია ცხოვრობს ჯიმი პეიჯი, რომელიც შიშობს, რომ მიწისქვეშა აუზის მშენებლობამ შეიძლება 1875 წელს აშენებული მისი სახლი დააზიანოს.
სარჩელში, რომელიც კენსინგტონის და ჩელსის რაიონის ადმინისტრაციამ მიიღო ნათქვამია, რომ უილიამსმა ქუჩაში აკუსტიკური სისტემა დაამონტაჟა და ყოველ ჯერზე, როცა ჯიმი პეიჯი გამოჩნდება მუსიკას ბოლო ხმაზე რთავს.
სურათზე მარცხნივ ჯიმი პეიჯის სახლი, მარჯვნივ კი რობი უილიამსის სახლი
ჯერჯერობით უცნობია ვინ დაწერა საჩივარი ადგილობრივ საბჭოში. სრული ხელმოწერის ნაცვლად დოკუმენტში უბრალოდ “ჯონი“ წერია.პეიჯს განსაკუთრებით უშლის ნერვებს ის, რომ უილიამსი 1970–იან წლებში ლედ ზეპელინის მთავარი კონკურენტების – დიფ ფარფლის და პინკ ფლოიდის მუსიკას რთავს.
გაზეთ Daily Telegraph ისთვის მიცემულ ინტერვიუში რობი უილიამსის წარმომადგენელმა მომღერლის მისამართით ბრალდებებს სისულელე და ფანტაზია უწოდა. გაზეთი წერს, რომ უილიამსი მეზობელს ნერვებს სხვა გზითაც უშლიდა – ლედ ზეპელინის ყოფილი ვოკალისტის, რობერტ პლანტის მსგავსად იცვამდა, ბაღში პარიკით და წელს ქვევით დამაგრებული ბალიშით სეირნობდა. ამგვარად რობი წლების განმავლობაში გასუქებული პლანტის იმიტაციას აკეთებდა.
განცხადებაში ნათქვამია, რომ ასეთი ქცევა დამამცირებელია, რადგან: “პლანტი იმით იყო ცნობილი, რომ სცენაზე გაღეღელი პერანით გამოდიოდა, რის გაკეთებასაც ვეღარ ახერხებს ამჟამინდელი წონის გათვალისწინებით“.
რობი უილიამსის სახლის გაფართოების გეგმა44 წლის უილიამსმა სახლში აუზის მშენებლობის ნებართვა 2018 წლის დეკემბერში მიიღო, თუმცა მშენებლობის დაწყებას მხოლოდ მას შემდეგ შეძლებს, რაც ადგილობრივი საბჭო დარწმუნდება, რომ მშენებლობისას ვიბრაციასა და გრუნტის გადაადგილებაზე მკაცრი კონტროლი განხორციელდება.
ადგილობრივი საბჭო ასევე განიხილავს უილიამსისთვის გირაოს დაკისრების შესაძლებლობას, რომელსაც მომღერალი იმ შემთხვევაში დაკარგავს, თუ დადგენილ პირობებს არ შეასრულებს ან პეიჯის სახლს რაიმე ზიანს მიაყენებს.
მიმდინარე წლის მაისში ჯიმი პეიჯი პირადად დაესწრო ადგილობრივი საბჭოს სხდომას და აღშფოთება გამოხატა.
რობი უილიამსის წარმომადგენლები აღნიშნავენ, რომ სამშენებლო სამუშაოები წესების უმკაცრესი დაცვით განხორციელდება და მეზობლებისთვის მიყენებული შესაძლო ზიანი მინიმალური იქნება. -
კეკელიძის ხიდის “საიდუმლო” თბილისში: იქ აღარ დგანან ადამიანები სანთლებით ხელში
{{ARTICLEIMAGE}}
უკანასკნელი ერთი წლის განმავლობაში კეკელიძის ხიდსა და მის მიმდებარე ტერიტორიაზე არ წყდებოდა იმ ადამიანების მიმოსვლა, რომლებსაც მტკიცედ სჯეროდათ ნარიმან მაქარაშვილის სასწაულების და მის ფანჯარაში გამოჩენას დღისითაც ელოდნენ და ღამითაც.ნარიმან მაქარაშვილმა (“ბერი ნიკოლოზი”) დროებითი საცხოვრებელი, დეკემბრის ბოლოს, ბინის პატრონის თხოვნით დატოვა. მრავალსართულიან კორპუსში, ბარნოვის 80 ნომერში, ორსართულიანი ბინა, რომელშიც ნარიმან მაქარაშვილი ცხოვრობდა, მისი წასვლის შემდეგ ასე გამოიყურება.
-
ერთპიროვნული გადაწყვეტილება? როდის გააღებენ ჯვრის მონასტერს
{{ARTICLEIMAGE}}
მცხეთის ჯვრის მონატრის ჩაკეტვისა და მასში მლოცველებისა და ტურისტების არშეშვების მიზეზი, მონასტრის ტერიტორიაზე გარემოვაჭრეების მიერ შექმნილი ვითარება გახდა, განმარტავს საპატრიარქოს პრესსამსახურის ხელმძღვანელი, დეკანოზი ანდრია ჯაღმაიძე. გადაწყვეტილება მონასტრის წინამძღვარმა კონსტანტინე ჯინჭარაულმა მიიღო. მისივე თქმით, მცხეთის ჯვრის მონასტრის ტერიტორიაზე გარემოვაჭრეები, სავარაუდოდ, აღარ დაიშვებიან: “მე ვიცი, რომ მონასტერი დროებით დაიკეტა და მიზეზი სწორედ გარემოვაჭრეების ფაქტორია. იქ არის ძალიან მოუწესრიგებელი მდგომარეობა, დახლები, რომელიც ამახინჯებს და ქმნის მონასტრისათვის შეუსაბამო გარემოს. არამგონია, გარემოვაჭრეებს ტერიტორიაზე დაბრუნების საშუალება მიეცეთ. მე რამდენადაც ვიცი, გარემოვაჭრეების ასეთი სიმრავლე სერიოზულ პრობლემას წარმოადგენს მონასტრისთვის. უნდა მოწესრიგდეს მდგომარეობა, ასეთია პოზიცია. მოგეხსენებათ, რომ ეს მონასტერი დიდი ყურადღების ცენტრშია და მას სხვადასხვა რანგის სტუმრები სტუმრობენ და ტურისტთა ნაკადიც დიდია, ამიტომ ბუნებრივია წინამღძვარი გარემოს მოწესრიგებას ითხოვდეს”, განმარტავს დეკანოზი ანდრია ჯაღმაიძე.მცხეთის ჯვრის მონასტერი მომლოცველებისთვის და ტურისტებისთვის, სავარაუდოდ, ხვალ გაიხსნება, განაცხადა მცხეთის მუნიციპალიტეტის მერმა გიორგი კაპანაძემ. მისი თქმით, მონასტრის დაკეტვის გადაწყვეტილება მონასტრის წინამძღვარმა მამა კონსტანტინემ ერთპიროვნულად მიიღო.
გიორგი კაპანაძე ასევე გააკეთა კომენტარი გავრცელებულ ინფორმაციაზე, თითქოს სასულიერო პირებს სურთ, რომ მონასტრის ტერიტორია დატოვონ გარემოვაჭრეებმა.
გიორგი კაპანაძე განმარტავს, რომ მუნიციპალიტეტმა მის კომპეტენციაში არსებული სამუშაოები უკვე შეასრულა და გარემოვაჭრეები გზის სავალი ნაწილიდან გადაიყვანა, ასევე ვაჭრობის უფრო ცივილური ფორმებიდან გამომდინარე, მერიამ დაამზადა ჯიხურები, რომელიც აკმაყოფილებს არსებულ სტანდარტებს და არ ავნებს მონასტრის იერსახეს. მერი ხაზგასმით აღნიშნავს, რომ ის იძულებით ვერ დაატოვებინებს ვერც ერთ ადამიანს ტერიტორიას, ვინაიდან ვაჭრობა მათი ერთადერთი საარსებო წყაროა: “როგორც მე მაქვს ინფორმაცია, ტაძრის დაკეტვის გადაწყვეტილება ცალმხრივად მიიღო ჯვრის მონასტრის წინამძღვარმა, მამა კონსტანტინემ. სავარაუდოდ, ეს დიდი ხანი არ გაგრძელდება და ხვალ გაიღება ტაძარი. მე ვერ გამოვიყვან იქ მყოფ ადამიანებს და ხელებს ვერ გადავუგრეხ მათ, რომლებიც ამინდის მიუხედავად, ვაჭრობენ, რათა არჩინონ ოჯახები. მერიამ რაც გააკეთა, არის ის, რომ მოვაჭრეები გადაიყვანა გზის სავალი ნაწილიდან და ეს ტერიტორია მთლიანად დაუთმო მონასტერს”, განაცხადა მცხეთის მუნიციპალიტეტის მერმა გიორგი კაპანაძემ.
წყარო – რადიო თავისუფლება