Blog

საქართველოს პრეზიდენტის სალომე ზურაბიშვილის თქმით, 26 ოქტომბერს ორბელიანების სასახლეში საკოორდინაციო პლატფორმა მოეწყობა.

რა იმპიჩმენტი, რის იმპიჩმენტი, თავისი თავი გასჭირვებიათ. რა იმპიჩმენტზე ლაპარაკობენ, პარლამენტში უმრავლესობა როცა ჰქონდათ, ეს მაშინ ვერ მოახერხეს. ახლა გაიღვიძეს და რაღაც ღობე-ყორეს ედებიან და ცაში ბუზებს ითვლიან. მათი საქმე წასულია – ამ ამბავს 26 ოქტომბერს ბეჭედს დავარტყამთ და შემდეგ ერთმანეთს გამოუცხადონ იმპიჩმენტი. იმპიჩმენტობანა ითამაშონ ხოლმე მერე, სადმე შეიკრიბონ, პრეზიდენტად ვინმე აირჩიონ და შემდეგ გადააყენონ.

თქვა კოალიცია ძლიერი-საქართველოს წევრმა, ალეკო ელისაშვილმა.

„არ უნდა დაგვავიწყდეს, რომ ისრაელი ადრე თუ გვიან გადაიხდის საფასურს ამ გენოციდისთვის, რომელსაც ის ერთი წელია ახორციელებს და ახლაც გრძელდება.[…]  როგორც ჰიტლერი შეაჩერა კაცობრიობის საერთო ალიანსმა, ნეთანიაჰუს და მისი მკვლელობის ქსელსაც ასევე შეაჩერებენ. თურქეთი გააგრძელებს ისრაელის მთავრობასთან დაპირისპირებას, რადაც არ უნდა დაგვიჯდეს ეს და მოვუწოდებთ მსოფლიოს, დაიკავოს ეს საპატიო პოზიცია“,

ამის შესახებ თურქეთის პრეზიდენტი, რეჯეფ თაიფ ერდოღანი სოციალურ პლატფორმა X-ზე წერს.

“საარჩევნო კამპანიის დროს კონკრეტულ ვიდეორგოლს, რომელსაც არ უშვებს ტელევიზია, ამას სჭირდება საფუძველი, კონკრეტული არგუმენტები და არა – ევროკავშირის ელჩის გამოსვლა და განცხადება “უიმე, რა ცუდია, მე არ მომწონს”. ეს არის სწორი დამოკიდებულება? ამიტომ გეუბნებით, მონობას დაანებეთ თავი, იყავით ღირსეულები. თქვენ თქვენს თავზე არ მიიღოთ ახლა, იცით ჩემი დამოკიდებულება თქვენდამი. ზოგად კონტექსტში ვამბობ, რომ მონობა კატეგორიულად მიუღებელია”

ასე ეხმაურება, თბილისის მერი კახა კალაძე  ოპოზიციური  მედიების გადაწყვეტილებას, არ გაუშვან ეთერში ქართული ოცნების საარჩევნო ვიდეო რგოლი

საქართველო ირჩევს ევროკავშირს – ამ სახელწოდებით, 20 ოქტომბბერს, დედაქალაქში არასამთავრობო ორგანიზაციების გაერთიანება, ჩემი ხმა ევროკავშირს, მარშს გამართავს.

არასამთავრობო ორგანიზაციების გაერთიანება, ჩემი ხმა ევროკავშირს, 20 ოქტომბერს თბილისში მარშს, სახელად საქართველო ირჩევს ევროკავშირს, აანონსებს.

“20 ოქტომბერს თბილისში ორგანიზებას ვუწევთ მარშს – საქართველო ირჩევს ევროკავშირს, რომელზეც გეპატიჟებით აბსოლუტურად ყველას, ვისთვისაც საქართველოს ევროპული არჩევანი არის მნიშვნელოვანი. საკითხზე წერილობით მივმართავთ თბილისის მერიას, ხოლო დამატებით ინფორმაციას მოგაწვდით უახლოეს დღეებში”. – თქვა ორგანიზაციის წარმომადგენელმა, ლონდა თოლორაიამ.