Blog

საერთაშორისო კიბერდანაშაულებრივი დაჯგუფება, რომელმაც 41,000-ზე მეტი კომპიუტერიდან 100 მილიონზე მეტი დოლარის მოპარვა სცადა, გამოვლენილია. დაჯგუფების წევრების უმეტესობა დაკავებულია, თუმცა 5 რუსი დამნაშავე კვლავ ძებნაშია. მათ შორისაა ვირუსის შემქმნელი ვლადიმერ გორინი.

კიბერდამნაშავეების ლიდერი ალექსანდრ კანავალოვი და მისი თანამზრახველი მარატ კაზანჯიანი საქართველოში იხდიან სასჯელს. საქართველოს შინაგან საქმეთა სამინისტრო და პროკურატურა ამერიკისა და ევროპის ქვეყნების პოლიციასთან ერთად იყო ჩართული საერთაშორისო გამოძიებაში. საქართველოს გარდა დამნაშავეები დააკავეს ამერიკაში, მოლდოვასა და უკრაინაში.

დაჯგუფების წევრები ე.წ GozNym ვირუსს იყენებდნენ. მსხვერპლი ვირუსს იმეილზე მისული ლინკით ააქტიურებდა ისე, რომ ვერც ხვდებოდა, თუ ვირუსთან ჰქონდა საქმე. ჰაკერები ლინკის გააქტიურების შემდეგ მსხვერპლის საბანკო სისტემაში აღწევდნენ და თანხას იპარავდნენ. GozNym ორი ვირუსის (Nymaim და Gozi) ჰიბრიდია, რაც მას იმდენად ძლიერსა და მოუხელთებელს ხდის, რომ ერთ-ერთმა ექსპერტმა „ორთავიანი მონსტრი“ უწოდა.

იურიდიულმა ფირმამ ვაშინგტონში 76,000 დოლარი დაკარგა, ხოლო გერმანულმა სამედიცინო აღჭურვილობების კომპანიამ, აღმოაჩინა, რომ 100,000 დოლარი გაქრა მათი ანგარიშიდან. ეს მხოლოდ მცირე ნაწილია იმ თანხისა, რომელიც სხვადასხვა კომპანიებმა კიბერშეტევის შედეგად 2016 წელს დაკარგეს. დაჯგუფების მსხვერპლი გახდა სხვადასხვა მცირე ბიზნესი, იურიდიული კომპანია, საერთაშორისო კორპორაცია და არასამთავრობო ორგანიზაცია.

დაჯგუფების წევრები მუშაობდნენ უკრაინიდან, მოლდოვადან, ბულგარეთიდან, ყაზახეთიდან და რუსეთიდან. ისინი ქირაობდნენ ჰაკერებსა და ფულის გამთეთრებლებს იმისთვის, რომ ოპერაცია სწრაფად და შეუმჩნევლად ჩაეტარებინათ.

„როგორც ვიცით კიბერდანაშაული საერთაშორისო პრობლემაა, რომელსაც საერთაშორისო გადაჭრა სჭირდება. ეს ნამდვილადაა დანაშაული საზღვრების გარეშე. ის გავლენას ახდენს ადამიანებზე მთელი მსოფლიოს მასშტაბით და ერთ მცირე ღილაკზე დაჭერით შეუძლია გამოიწვიოს მილიონობით დოლარის დაკარგვა როგორც ბიზნესებისთვის, ისე ფიზიკური პირებისთვის. ჩვენ ასევე ვიცით, რომ კრიმინალები და მათი სერვერები, შეიძლება ყველგან იყვნენ, ასე რომ, კიბერდანაშაული ყველაზე უფრო მასშტაბურია სხვა დანაშაულებებთან შედარებით“, თქვა სკოტ ბრეიდიმ, აშშ-ის პროკურორმა

გამოძიება, რომელიც რამდენიმე ქვეყანაში ჩატარდა უპრეცენდენტო იყო თავისი მასშტაბებითა და გამოძიების შედეგების გათვალისწინებით.

წყარო: ამერიკის ხმა

დღეს გამთენიისას თბილისის დროით დილის 4 საათზე ერთმანეთს გოლდენ სთეით უორიორსი და პორტლენდ თრეილ ბლეიზერსი უპირისპირდებოდნენ. მატჩს გადამწყვეტი მნიშვნელობა ჰქონდა სერიაში, რადგან გოლდენ სთეითის გამარჯვების შემთხვევაში იგი სერიაშიც იმარჯვება და დასავლეთ კონფერენციის ჩემპიონი ხდებოდა. თავის მხრივ, პორტლენდი პრესტიჟის გამარჯვების მოპოვებას ცდილობდა.

მატჩის პირველ ტაიმში, როგორც წინა თამაშებში პორტლენდი უპირატესობას ფლობდა და მატჩის შუაში 17 ქულითაც იყვნენ წინ, თუმცა ვერც დღეს მოახერხეს უპირატესობის შენარჩუნება და მესამე მეოთხედში დაწყებული ”ქამბექი” ოქროს შტატელებმა ბოლომდე მიიყვანეს, 119-117.

მატჩის საუკეთესო მოთამაშე სტეფ კარი გახდა. მის ანგარიშზე 37 ქულა, 12 მოხსნა და 11 შედეგიანი გადაცემაა. მის გუნდში გამორჩეული იყო დრეიმონდ გრინიც, მან 18 ქულა 14 მოხსნა და 11 შედეგიანი გადაცემა მოაგროვა. ნაციონალური საკალათბურთო ასოციაციის ისტორიაში პირველად იყო შემთხვევა, როდესაც პლეიოფში ერთი გუნდიდან ორმა მოთამაშემ შეძლო სამმაგი დუბლის შესრულება.

პორტლენდიდან გამოსარჩევი იყო ახალგაზრდა ცენტრი მეიერს ლეონარდი, რომლის ანგარიშზეც 30 ქულა და 12 მოხსნა იყო. სამწუხაროდ სტატისტიკის მიუხედავად საუკეთესო თამაში ვერ გვაჩვენეს გუნდის ლიდერებმა დემიენ ლილარდმა და სიჯეი მაქქოლუმმა. ლილარდს 28 ქულა, 12 მოხსნა მოაგროვა, ხოლო სიჯეიმ 26 ქულა, 7 შედეგიანი გადაცემა.

ოქროს შტატელები ზედიზედ მეხუთედ გახდნენ დასავლეთ კონფერენციის ჩემპიონები, რაც ლიგის რეკორდია. ისინი სუპერფინალში მილუოკი ბაქსსა და ტორონტო რეპტორსს შორის გამარჯვებულს ელიან. შეგახსენებთ, აღმოსავლეთ კონფერენციის ფინალში მილუოკი ბაქსი ლიდერობს 2-1. მეოთხე მატჩი ხვალ გამთენიისას, თბილისის დროით 04:30-ზე შედგება

პროკურატურის ინფორმაციით, უზენაესმა სასამართლომ არ დააკმაყოფილა საქართველოს ყოფილი პრეზიდენტის მიხეილ სააკაშვილის და მისი ადვოკატის საკასაციო საჩივარი თბილისის სააპელაციო სასამართლოს 2018 წლის 18 ივლისის განაჩენზე, რომლითაც სანდრო გირგვლიანის საქმეზე მიხეილ სააკაშვილი ცნობილი იყო დამნაშავედ და სასჯელის ზომად განსაზღვრული ჰქონდა სამი წლით თავისუფლების აღკვეთა.

პროკურატურის ინფორმაციით, გირგვლიანის საქმეზე ახალი გარემოებების გამორკვევა და შესაბამისად,  მიხეილ სააკაშვილისთვის ბრალდების გამოტანა  საქართველოს პროკურატურის მიერ ჩატარებული განახლებული გამოძიების ფარგლებში მოხდა.

“წინასწარ შემუშავებული და ურთიერთშეთანხმებული დანაშაულებრივი გეგმის ფარგლებში, საქართველოს პრეზიდენტმა, მიხეილ სააკაშვილმა ბოროტად გამოიყენა თავისი სამსახურებრივი უფლებამოსილება და წინასწარ მიცემული უკანონო დაპირების შესაბამისად, შეიწყალა და საპატიმრო სასჯელები გაუნახევრა გ.ა.-ს, ა.ღ.-ს, მ.ბ.-ს და ა.ა.-ს. მიხეილ სააკაშვილის განზრახ უკანონო გადაწყვეტილების საფუძველზე, მსჯავრდებული პირების მიმართ სასჯელის განახევრების გამო შესაძლებელი გახდა ვადამდე პირობით განთავისუფლების სამართლებრივი მექანიზმის გამოყენება, რის საფუძველზეც მსჯავრდებულები სასჯელის მოხდისგან სრულად გათავისუფლდნენ. ამდენად, საქართველოს პრეზიდენტის მიხეილ სააკაშვილის მონაწილეობით, სახელმწიფო ხელისუფლების სხვადასხვა განშტოებების ერთობლივმა და ურთიერთშეთანხმებულმა მოქმედებებმა, განაპირობა ის, რომ გირგვლიანის საქმეზე არ განხორციელდა მართლმსაჯულება და არ შესრულდა სასჯელის მიზნები. ამავდროულად, აღნიშნულით უზრუნველყოფილი იქნა საქმის რეალური გარემოებების ფალსიფიკაცია და დ.ა.-ს და სხვათა სისხლის სამართლის პასუხისმგებლობისაგან აცილება, რამაც ალექსანდრე გირგვლიანის ოჯახის წევრების უფლების და სახელმწიფოს კანონიერი ინტერესების არსებითი დარღვევა გამოიწვია”, – ნათქვამია პროკურატურის განცხადებაში.

უწყების ინფორმაციით, ალექსანდრე გირგვლიანის საქმეზე ახალი გარემოებების გამორკვევა და მიხეილ სააკაშვილისთვის ბრალდების გამოტანა მოხდა საქართველოს პროკურატურის მიერ ჩატარებული განახლებული გამოძიების ფარგლებში. მას სტრასბურგის სასამართლოს გადაწყვეტილების აღსრულების პროცესში ზედამხედველობას უწევდა ევროსაბჭოს მინისტრთა კომიტეტი სტრასბურგის ადამიანის უფლებათა ევროპული სასამართლოს მიერ მიღებული გადაწყვეტილების საფუძველზე, რომელმაც განმარტა შემდეგი:

„სასამართლო გაოგნებულია იმ ფაქტით, რომ სახელმწიფო ხელისუფლების სხვადასხვა განშტოებები – შსს, გამოძიების საწყის სტადიაზე დაშვებული დარღვევებით; პროკურატურა, გამოძიების შემდგომ ეტაპზე დაშვებული სხვა დარღვევებით; სასჯელაღსრულების დეპარტამენტი, მსჯავრდებულების ერთ საკანში უკანონოდ მოთავსებით; შიდა სასამართლოები, არასრულფასოვანი სასამართლო განხილვებითა და მსჯავრდებულების ვადაზე ადრე გათავისუფლებით; საქართველოს პრეზიდენტი, მსჯავრდებულების მიმართ გაუმართლებელი ლმობიერების გამოვლენით, და ა.შ. – ყველა ერთად, ხმაშეწყობილად მოქმედებდა იმ მიზნისთვის, რომ ამ შემზარავი მკვლელობის საქმეზე როგორმე არ განხორციელებულიყო მართლმსაჯულება“ – ნათქვამია პროკურატურის მიერ გავრცელებულ ინფორმაციაში.

შეგახსენებთ, რომ 2018 წლის 18 ივლისის განაჩენის მიხედვით,  ალექსანდრე გირგვლიანის საქმეზე მიხეილ სააკაშვილი საქართველოს სისხლის სამართლის კოდექსის 332-ე მუხლის მეორე ნაწილით, დამნაშავედ სცნეს,  და სასჯელის ზომად მას  სამი წლით თავისუფლების აღკვეთა განესაზღვრა.

გირგვლიანის საქმეზე  დანაშაულის დაფარვის, გამოძიების გაყალბების და ციხეში მსჯავრდებულებისთვის კანონთან შეუსაბამო კომფორტული პირობების შექმნისთვის სასამართლოს მიერ გამამტყუნებელი განაჩენი უკვე გამოტანილია კიდევ 7 პირის, მათ შორის არიან ყოფილი მაღალჩინოსნები ვანო მერაბიშვილი, ბაჩო და დათა ახალაიები.

ხმაური სენაკის საკრებულოში – დეპუტატებს შორის სიტყვიერი დაპირისპირება ფიზიკურ შეხლა-შემოხლით დასრულდა.

„ქართული ოცნების“ ფრაქციის თავმჯდომარე, ზაზა ნაჭყებია საკრებულოს ოპოზიციონერ წევრს ბორის სოსელიას ფიზიკურად გაუსწორდა, რის შემდეგაც მისი კლინიკაში გადაყვანა გახდა საჭირო.

„საკრებულოს სხდომაზე ჩვეულებრივი პოლიტიკური შეკამათება მოხდა, გია სოსელიასა და „ „ქართული ოცნების“ ფრაქციის თავმჯდომარეს, ზაზა ნაჭყებიას შორის. სხდომის დასრულების შემდეგ უკნიდან მივიდა კარებთან და დაარტყა ხელი. რის შემდეგაც სოსელიამ დაკარგა გონი, გახდა ძალიან ცუდად. გამოვიძახეთ სასწრაფო დახმარება და გადავიყვანეთ საავადმყოფოში,“-განაცხადა საკრებულოს ერთ-ერთმა წევრმა.

გამოძიება სისხლის სამართლის კოდექსის 126 -ე მუხლით ცემის ფაქტზე მიმდინარეობს.

თბილისის მერი და პარტია „ქართული ოცნების“ გენერალური მდივანი კახი კალაძე NDI-ის კვლევას პოლიტიკურ ნაწილში არ ენდობა.

“პოლიტიკურ ნაწილში არ ვეთანხმები, ყოველთვის ხდებოდა მანიპულაციები და დღესაც გრძელდება”-აცხადებს კალაძე.

კალაძე საზოგადოების მხრიდან მის მიმართ დადებით განწყობას, მოსახლეობასთან მუდმივ კომუნიკაციით და ურთიერთობით ხსნის. 

„მე სპორტიდან მოვდივარ. ერთი რამ ვიცი და მჯერა, როგორც სპორტში, ასევეა პოლიტიკაშიც, თუ არ არსებობს გუნდი, რომელიც ძლიერი ადამიანებისგან, პროფესიონალებისგან არის დაკომპლექტებული, ერთი ადამიანი, ორი ადამიანი, სამი ადამიანი შეუძლებელია გაუმკლავდეს იმ პრობლემებს და გამოწვევებს, ან მოიგოს თამაშები, როგორც სპორტშია. ამიტომ გუნდურობა არის მთავარი. რაც უფრო მეტი წარმატებული ადამიანი იქნება, უკეთესია პარტიისთვის” – აღნიშნა კალაძემ. 

შეგახსენებთ, რომ გამოკითხვის მიხედვით, ყველაზე მაღალი რეიტინგით საზოგადოებაში  სწორედ კახი კალაძე და დავით სერგეენკო სარგებლობენ.  მათ თანაბარი 40-40 % აქვთ.

2018 წლის ზაფხულში მომღერალი არეტა ფრანკლინი დეტროიტის სახლში გარდაცვლილი იპოვეს. ამერიკელი მომღერალი გარდაცვალებამდე ცოტა ხნით ადრე გაძარცვეს. როგორც ირკვევა, დაუდგენელმა პირებმა მომღერლის საბანკო აქტივები გამოიყენეს.

“Foxnews”-მა 2018 წელს გამოაქვეყნა სტატია, რომ  არეტას ანდერძი არ დაუტოვებია. თუმცა როგორც ირკვევა დეტროიტის სახლში სოულის დედოფლად წოდებული არეტა ფრანკლინის 3 ანდერძი იპოვეს. ინფორმაციას  “NBCNEWS”-ზე ვკითხულობთ. 

დევიდ ბენეტის განცხადებით, რომელიც 40 წელზე მეტია არეტას ადვოკატია,  პირველი ანდერძი 2014 წელს აქვს შედგენილი,ხოლო შემედგი ორი  2018 წელს. არეტა ფრანკლინმა მთელი ქონება შვილებს დაუტოვა. 12 ივნისს გაიმართება სასამართლოში მოსმენა რომელიც ანდერძის იდენტურობას დაადგენს.  

მომღერლის $80-მილიონიანი ქონება ჰქონდა. მომღერალმა 2010 წელს განაცხადა რომ ის 8 წლის განმავლობაში სიმსივნეს ებრძოდა. 

2008 წელს ჟურნალმა “Rolling Stone”-მა არეტა ფრანკლინი ისტორიის უდიდეს მომღერლად დაასახელა.

22 მაისს, 13:00 საათზე, სასტუმრო „რუმსში“

თიბისის ახალი ბიზნესსაკომუნიკაციო პლატფორმის – B COM-ის პრეზენტაცია გაიმართება.

მისამართი: კოსტავას 14, სასტუმრო „რუმსი

საქართველოში 14:07 საათზე   მიწისძვრა მოხდა, ინფორმაციას ამის შესახებ სეისმური მონიტორინგის ეროვნული ცენტრი ავრცელებს. 

მიწისძვრის ეპიცენტრი ქალაქ ტყვარჩელში, სოფელ ზემო ლათაში დაფიქსირდა და ბიძგების სიმძლავრემ 3.3 მაგნიტუდა შეადგინა.