Blog

ქართველი სუმოისტი მეტსახელად ”ტოჩინოშინი” 16 ივნისს დაახლოებით დილის 12:00 საათზე თბილისში ჩამოფრინდება.

შეგახსენებთ, ნაცუ ბაშოზე ლევან გორგაძემ 10-5 ბალანსი დააფიქსირა და ოძეკის წოდება შიმპანების სკანდალის მიუხედავად მაინც დაიბრუნა.

24 ივნისს სუმოს ახალი რეიტინგი გამოქვეყნდება, სადაც ტოჩინოშინს ოფიციალურად დაუბრუნებენ ოძეკის წოდებას.

ტოჩინოშინი საქართველოში რამდენიმე დღეს გაატარებს და ამის შემდეგ იაპონიაში ზაფხულის ბაშოსთვის მოსამზადებლად დაბრუნდება.

რაც შეეხება გაგამარუს, თეიმურაზმა ბოლო ბაშოზე დადებითი ბალანსი დააფიქსირა და შემდეგ ტურნირზეც იგივეს გამეორებას თუ მოახერხებს დიდი ალბათობით ჯურიოს დივიზიონიდან დაწინაურდება და უმაღლეს დივიზიონში ამოვა.

გიორგი იოსავა საკთარ ფეისბუქზე აქვეყნებს რუსი ტურისტების მიერ დაწერილ რევიუს. რუსმა ტურისტმა ცუდი რევიუ  სალობიე “ბიას” დაუწერა.  ცუდი რევიუ გულისხმობდა უკმაყოფილებას იმაზე რომ სალობიეში შესვლისას  მას დახვდა სტიკერი წარწერით “რუსეთი ოკუპანტია”  რუსი ტურისტი წერს:

„ტრიპედვაიზორის“ ვერსიით, საქართველოში ერთ-ერთი საუკეთესო ქართული სამზარეულოს დასაგემოვნებლად მივედით. მის კარზე ჩვენ დაგვხვდა წარწერა, რომ რუსეთი ოკუპანტია. რისთვისაა ეს ყველაფერი საჭირო? ან აუკრძალეთ რუს ტურისტებს თქვენთან ჩამოსვლა, ან მოხსენით ეს წერწერა. მიუღებელია ასეთი დამოკიდებულება ადამიანების მიმართ, ვის ხარჯზეც თქვენ ცხოვრობთ“.

ეს მოსაზრება სალობიე „ბიას“ ოფიციალურ გვერდზე დაწერეს და როგორც გიორგი იოსავა აღნიშნავს, „ფეისბუქზე“ მორიგი ერთიანი მიიღეს შეფასებად რუსეთიდან ჩამოსული ტურისტისგან. 

“ეს მთავრობა რას მიკეთებს ? საზღვარზევე აუხსნან, ვინ და რატომ არის ოკუპანტი, რათა ქალაქის შუაგულში არ გვიწევდეს ამის ახსნა და მათთვისაც აღარ იქნება მოულოდნელი “შოკი””- წერს გიორგი იოსავა საკუთარ ფეისბუქ გვერდზე.

ცოტა ხნის წინ ქუთაისის სასამართლოს მოსამართლე მურთაზ კაპანაძემ გამოაცხადა განაჩენი, რომლითაც მორაგბე მერაბ კვირიკაშვილი უდანაშაულოდ ცნო 2016 წლის 21 ივლისს, ქუთაისის შემოვლით გზაზე, სოფელ ოფშკვითში მომხდარ ავტოსაგზაო შემთხვევაში, რომლის დროსაც კვირიკაშვილის მეუღლე, 26 წლის გიორგი პაპასკირი, მისი მეუღლე და მათი მეგობარი დაიღუპნენ.

საქმეზე სასამართლო ორი წლის განმავლობაში მიმდინარეობდა. კვირიკაშვილს ბრალი საქართველოს სისხლის სამართლის კოდექსის 276-ე მუხლის მე-7 ნაწილით წარუდგინეს, რაც ტრანსპორტის მოძრაობის ან ექსპლუატაციის წესების დარღვევას გულისხმობს, რამაც გამოიწვია ორი ან მეტი ადამიანის სიცოცხლის მოსპობა (დანაშაული ითვალისწინებს 10-წლამდე თავისუფლების აღკვეთას). მას 2017 წლის ოქტომბერში აღკვეთის ღონისძიების სახით 15 ათას ლარიანი გირაო შეეფარდა. საბოლოოდ სასამართლომ მორაგბე მერაბ კვრიკაშვილი უდანაშაულოდ ცნო.

მოსამართლის განცხადებით, კვირიკაშვილს გაუუქმდება გირაო 15 ათასი ლარის ფარგლებში და ყადაღა მოეხსნება მის სახლს.

ასევე, მერაბ კვირიკაშვილს დაუბრუნდება ავტომანქანა „ბე-ემ-ვე“, რომელიც ამ ხნის მანძილზე საჯარიმო ავტოსადგომზე იყო გადაყვანილი.

განაჩენის გამოცხადებას მერაბ კვირიკაშვილი ესწრებოდა.

ტექნიკური და სამშენებლო ზედამხედველობის სააგენტოს ყოფილი უფროსი, გრიგოლ კაკაურიძე ეკონომიკისა და მდგრადი განვითარების მინისტრმა თანამდებობიდან მოხსნა.  

როგორც ნათია თურნავამ განაცხადა სწორედ გრიგოლ კაკაურიძის ბრძანები გაიცა ფოთის ღრმაწყლოვანი პორტის მშენებლობის ნებართვა.

ყოფილი მაღალჩინოსანი ამ დრომდე საკუთარ კაბინეტშია ჩაკეტილი და შენობას არ ტოვებს.

ნათია თურნავა ამბობს, რომ ნებართვა მშენებლობისა და ტექნიკური ზედამხედველობის სააგენტომ გასცა და ის საქმის კურსში არ იყო. ხელისუფლებამ ხმაურის შემდეგ, ნებართვა გააუქმა, ხოლო სააგენტოს ხელმძღვანელი, გრიგოლ კაკაურიძე გაათავისუფლეს.

ქართველ მოდელს, თაკო ნაცვლიშვილს ჰოლივუდის მსახიობთან, ჯულია რობერტსთან ერთად  Calzedonia-ს სარეკლამო რგოლში გადაიღებენ. ამის შესაებ მოდელის დედა ფეისბუქზე წერს. სარეკლამო რგოლი ივნისის ბოლოს მზად ინება. 

“Bonjour Julia!!! ამ ტექსტით იწყება თაკო ნაცვლიშვილის და ჯულია რობერტსის დიალოგი ბრენდ Calzedonia-ს სარეკლამო ვიდეო რგოლში, რომელიც ივნისის ბოლოს გავა და საფრანგეთის მაშტაბით იტრიალებს” – წერს მოდელის დედა ფეისბუქზე.

Calzedonia ქალის თეთრეულის პოპულარული ბრენდია. ჯულია რობერტსი უკვე წლებია ამ კომპანიის სახეა და არაერთ სარეკლამო რგოლში მიიღო მონაწილეობა.

მიხეილ სააკაშვილი მისი ექსტრადირების საკითხს გამოეხმაურა.  საქართველოს მესამე პრეზიდენტის თქმით, მისი უკრაინაში ჩასვლის შემდეგ „ქართული ოცნება“ პანიკაში ჩავარდა და ამიტომ ბიძინა ივანიშვილმა გადაწყვიტა, რომ ისინი დაემშვიდებინა. მიხეილ სააკაშვილის განცხადებით, ის საქართველოში აუცილებლად დაბრუნდება.

ოდესის ოლქის ყოფილი გუბერნატორის თქმით, უკრაინა თავისი მოქალაქეების ექსტრადირებას არ ახდენს, რაც არაერთხელ დაადასტურა უკრაინის ხელისუფლებამ. სააკაშვლმა ასევე გაიხსენა ის მოვლენები, როდესაც უკრაინიდან ის იძულებით გააძევეს. მისი ინფორმაციით, საქართველოს ხელისუფლებამ ყველა აეროპორტი ჩაკეტა, რათა ის საქართველოში არ გაეგზავნათ.

„ვერ გავიგე, უკრაინა დაბალი ღობე ჰგონია ივანიშვილს. ჰოლანდიის მუდმივი მცხოვრებელი რომ ვარ და ჰოლანდიური დოკუმენტებით რომ გადავაადგილდები მსოფლიოში, ჰოლანდიას რატომ არ გაუგზავნა მოთხოვნა ექსტრადირების თაობაზე. უკაცრავად, ეს ის ივანიშვილი ხომ არ არის და პროკურატურა რომელიც წელიწადის თუ წელიწადნახევრის წინ ეხვეწებოდა მუხლებზე პარაშენკოს, რომ შენი ჭირიმე, არ გამოსცე საქართველოსო და საქართველოს ყველა აეროპორტი დაკეტა იმ პერიოდში, როცა კიევიდან აფრინდა ჩემი თვითმფრინავი, რომლითაც ქვეყნიდან ჩემს დეპორტაციას ახდენდა. თბილისი, ქუთაისი, ბათუმი – სამივე დაკეტილი იყო. ეს ის ივანიშვილი ხომ არ არის შემთხვევით, რომელსაც ღამე არ ძინავს და სტაფილოს წვენი გადაცდება ხოლმე ფიქრზეც კი, რომ მე შეიძლება დავბრუნდე საქართველოში. მინდა, ვუთხრა მას, რომ მე, რა თქმა უნდა, დავბრუნდები საქართველოში. ჩატარდება საპარლამენტო არჩევნები უკრაინაში, დავალაგებთ სიტუაციას, ავაწყობთ რაღაცებს. დავეხმარები ახალ პრეზიდენტს. რა თქმა უნდა, დავბრუნდები საქართველოში, დავბრუნდები ძალიან მალე. ჩვენი მომხრეები ყველანი უნდა მოემზადონ და ჩვენი მომხრე არის საქართველოს აბსოლუტური უმეტესობა და ყველამ ეს იცის. იმ მომენტში, როცა ჩემი ფეხი დადგება საქართველოს მიწაზე, ერთი ვნახავთ, სად იქნება ივანიშვილი,“ – განაცხადა სააკაშვილმა.

სააკაშვილი ამბობს, რომ თუ მისი საქართველოში დაბრუნება უნდათ, ის აუცილებლად დაბრუნდება.

“გუშინ ჩავარდნენ ისინი პანიკაში. მთელი მისი ეს ჯოგი არის საოცარ პანიკაში, ისტერიკაში და ახლა თავის ჭკუით მოიფიქრა, როგორ დააწყნაროს ესენი. ეს არ უშველით, იმიტომ, რომ ეს აუხდებათ, რასაც მოისურვებენ, მიეცემათ. ჩემი ჩასვლა უნდათ? აუცილებლად მიეცემათ, მაგის გარანტიას ვაძლევ. მე ჯერჯერობით ყველა ჩემს დაპირებას ვასრულებ. აქ ხომ ვთქვი, რომ ჩამოვალ-თქო, ჩამოვედი. ვამბობ, იქ ჩავალო, იქაც ჩავალ და ძალიან მალე. ასე, რომ მე უკვე ვამზადებ ინფრასტრუქტურას. მთელი საქართველო უნდა მოემზადოს. ეს განხორციელდება ძალიან მალე და აუხდება ყველაფერი, რასაც ითხოვენ. უნდა ბიჭს, რომ ჩავიდე, რა პრობლემაა. მე აგერ ვარ და დავაკმაყოფილებ ამ სურვილს,“ – განაცხადა მიხეილ სააკაშვილმა.

საქართველოს პროკურატურა აგრძელებს მიხეილ სააკაშვილის საექსტრადიციო პროცედურებს – ამის შესახებ განცხადება საგამოძიებო უწყებაში გაკეთდა.

პროკურატურა პროფესიულ დღეს ცერემონიების სასახლეში აღნიშნავს. ამ თარიღთან დაკავშირებით საქართველოში ოფიციალური ვიზიტით ჩამოვიდა ევროჯასთის პრეზიდენტი, რომელიც უკვე შეხვდა მთავარ პროკურორს.

ცერემონიათა სასახლეში პროკურატურის თანამშრომელთა პროფესიული დღისადმი მიძღვნილ შეხვედრას ქვეყნის პრეზიდენტი, პრემიერ-მინისტრი, ასევე შინაგან საქმეთა მინისტრი, უსაფრთხოების სამსახურის ხელმძღვანელი და პარლამენტის წევრები დაესწრნენ.

საქართველოს პრეზიდენტმა პროფესიონალი პროკურორების როლზე ისაუბრა. სალომე ზურაბიშვილმა ასევე აღნიშნა, რომ პროკურორების ნდობაზეა დამოკიდებული ასევე სასამართლოს მიმართ ნდობა საზოგადოების მხრიდან.

„თქვენ გაქვთ ძალიან დიდი პასუხისმგებლობა და ძალიან დიდი შესაძლებლობა, რათა გახდეთ ისეთი პროკურორები, როგორიც სჭირდება დემოკრატიულ სახელმწიფოს, სახელმწიფოს, რომელიც დგას კანონის უზენაესობაზე. თქვენ გაქვთ დიდი პასუხისმგებლობა და დიდი ტვირთი რამეთუ საზოგადოება თქვენგან ელოდება ყველა იმ მტკივნეული საქმის გამოძიება, რომელიც ამძიმებს ჩვენს ცნობიერებას. თქვენ დიდი წვლილი უნდა შეიტანოთ სამართლიანობის აღდგენაში. სასამართლო სისტემით მიმართ ნდობისთვის თქვენს მიმართ ნდობა აუცილებელია, ამდენად თქვენს საქმიანობაში აუცილებელია პროფესიონალიზმი, მიუკერძოებლობა და რაც ყველაზე მთავარია სინდისი,“ – განაცხადა სალომე ზურაბიშვილმა.

საქართველოს პრემიერმა კი ევროჯასთსა და საქართველოს შორის მიღწეულ შეთანხმებაზე ისაუბრა.

„ეს იყო მეორე ისტორიული თარიღი, როდესაც შედგა შეთანხმება ევროჯასთსა და საქართველოს შორის. ქართველმა ერმა გააკეთა თავის არჩევანი და ეს ცივილიზაციური არჩევანია ევროპულ ოჯახში დაბრუნება. ეს გზა სავსე იქნება გამოწვევებით, მაგრამ ამ გზაზე ჩვენთვის სასიცოცხლოდ მნიშვნელოვანია, რომ გვქონდეს ყველაზე ახლო სექტორალური თანამშრომლობა ყველა მიმართულებაში, მათ შორის მართლმსაჯულებაში,“ – განაცხადა მამუკა ბახტაძემ.

გარდა პრემიერისა, ევროჯასთთან მიღწეულ შეთანხმების მნიშვნელობაზე ისაუბრა საქართველოს გენერალურმა პროკურორმა, შალვა თადუმაძემ.

„დღეს ჩვენ აქ ვართ ადამიანის უფლებებზე დაფუძნებული ევროპული სისტემის აბსოლუტურად დამოუკიდებელი სახელმწიფო სისტემა,“ – განაცხადა თადუმაძემ.

დღევანდელობის ერთ-ერთმა საუკეთესო მეკარემ პეტერ ჩეხმა გუშინდელი მატჩის შემდეგ კარიერა დაასრულა. პეტერს ნათქვამი ჰქონდა, რომ ევროპა ლიგის ფინალის შედეგის მიუხედავად ის მისთვის ბოლო მატჩი იქნებოდა და ასეც მოხდა.

ჩეხი მეკარე წლების განმავლობაში ლონდონის ჩელსის ღირსებას იცავდა და სწორად ამ გუნდის შემადგენლობაში მოიხვეჭა პოპულარობა. სიმბოლურია ისიც, რომ პეტერი კარიერის ბოლო მატჩში სწორედ ჩელსის დაუპირისპირდა.

მართალია მას კარიერის დასრულება ტრიუმფით სურდა, თუმცა მას ამაში ყოფილმა კლუბმა შეუშალა ხელი. ლონდონურ დერბიში ჩელსიმ დიდი ანგარიშით 4:1 იმარჯვა. ამის მიუხედავად 37 წლის მეკარემ სეზონი დადებითად შეფასა და განაცხადა, რომ სამუშაო რომელიც არსენალმა ამ სეზონში შეასრულა, მომავალ სეზონში მას უფრო ძლიერს გახდის.

პეტერ ჩეხი ფეხბურთიდან ბოლომდე ჩამოშორებას არ აპირებს. იგი მომავალ სეზონში ჩელსის სპორტული დირექტორის თანამდებობაზე დაბრუნდება.

საქართველოს მესამე პრეზიდენტი აზერბაიჯანისა და საქართველოს ხელისუფლებებს მიმართავს, რომ დაძაბული ვითარების განსამუხტად დროებითი ღონისძიებები გაატარონ.

მისი თქმით, იმისთვის, რომ არცერთი ქვეყნის მოქალაქე არ დაზარალდეს და მომლოცველებმა დაუბრკოლებლად შეძლონ კლდეში ნაკვეთი სამონასტრო კომპლექსთან მისვლა, გარკვეული ღონისძიების გატარებაა აუცილებელი.

მიხეილ სააკაშვილი ამბობს, რომ საზღვრის დადგენამდე დავით გარეჯის ტერიტორიაზე დროებითი რეჟიმი უნდა ამოქმედდეს. მისი განცხადებით, ეს მსოფლიოში აპრობირებულია და პრობლემა დაპირისპირების და ზედმეტი ემოციების გარეშე გადაწყდება.

„გარეჯა არის უმნიშვნელოვანესი, ქართული, ისტორიულ-ხუროთმოძღვრული, კულტურული და, რა თქმა უნდა, რელიგიური ძეგლი, ძალიან მნიშვნელოვანი მოქმედი სამონასტრო კომპლექსი და საქართველოსთვის, თითოეული ქართველისთვის ამას აქვს დიდი მნიშვნელობა. მეორე მხრივ, აზერბაიჯანს აქვს ლეგიტიმური მოთხოვნა და აწუხებს ის, რომ თუ საზღვარი არის გაუკონტროლებელი, პრაქტიკულად, ხვრელი რჩება, საიდანაც შეიძლება არა მხოლოდ სამონასტრო კომპლექსი, არამედ ზოგადად უკონტროლო გადაადგილება ხალხის, რაც, რა თქმა უნდა, ყველა ქვეყანაში აწუხებთ.  ჩვენ 2012 წელს პრაქტიკულად, უკვე გვქონდა მომზადებული ხელშეკრულება ტერიტორიების გაცვლის თაობაზე, რომელიც ამ საკითხს წყვეტდა. სანამ ასეთი ხელშეკრულება ხელახლა გაფორმდება ან მომზადდება, მე ვთავაზობ ორივე მხარეს გარდამავალ გადაწყვეტილებას, რათა მოიხსნას საზღვრის საკითხები. ორივე მხარეს უნდა დაყენდეს დროებითი გამშვები პუნქტი, საქართველოს მესაზღვრეების და აზერბაიჯანის მესაზღვრეების და განხორციელდეს დაუბრკოლებელი გადაადგილება ამ პუნქტებზე ორი ქვეყნის მოქალაქეების, ამ გარდამავალი ეტაპის ბოლოს საბოლოოდ გადაწყვეტა საკითხის, კერძოდ, ტერიტორიების გაცვლა, სხვა საკითხების მოგვარება იმისთვის, რომ ერთხელ და სამუდამოდ ეს პრობლემა საქართველოსა და აზერბაიჯანს შორის აღარ არსებობდეს,“ – განაცხადა მიხეილ სააკაშვილმა.