რესპუბლიკელი დავით ზურაბიშვილი საქართველოს მთავრობას და შინაგან საქმეთა სამინისტროს მიმართავს და ლევან ვასაძის განცხადებებზე რეაგირებისკენ მოუწოდებს.
“უკაცრავად და გულგონთხართა? თუ გძინავთ ჩვენზე ზრუნვით დაღლილებს?
ეს თვითგამოცხადებული რაინდი, დუგინისტი და პუტინისტი რომ მოიერიშეთა ლეგიონების ჩამოყალიბებას აანონსებს (სახელი მისი ლეგიონიაო, სახარებაში რომ ეშმაკზეა ნათქვამი, ეტყობა არ იცის, ან იცის, მაგრამ იქ შეკრებილებს უმალავს), ლგბტ პრაიდის მონაწილეებს სადაც დავიჭერთ იქ გავკოჭავთ ქამრებითო, რომ გაიძახის “ქრისტეს მხედრების” (იმდენი მაგათ დაუმშვენდათ ცხვირი, ქრისტესთან და ქრისტიანობასთან რამე საერთო ჰქონდეთ) მქუხარე ოვაციების თანხლებით, არ გესმით თუ არ იმჩნევთ?
და სანამ ეს ველურები ალესილი ტაბურეტკებით არ ირბენენ ქუჩებში და რამდენი საყურიან ან ჭრელსამოსიან ახალგაზრდას დაინახავენ, იმდენი “პიდარასტი, პიდარსტი”-ს ღრიალით არ გამოენთებიან, მანამდე არ აპირებთ ხომ შემჩნევას? მერე კი ამერიკელებთან ჩუგოშვილებს გაუშვებთ დასამშვიდებლად, რუსეთში რომელიმე უჩას გაატანთ მესიჯს, ცოტაც გვაცალეთო, ტელევიზიით კიდევ კობახიძეს გამოუშვებთ, “ორივე მხარის რადიკალიზმი” რომ დაგმოს.
სამარცხვინოა ის ხელისუფლება, რომელიც ვერ ბედავს ღიად ფაშისტურ მოწოდებებზე მყისიერ და მკვეთრ რეაგირებას, ხოლო ორმაგად სამარცხვინო და მავნებელია ის ხელისუფლება, რომელიც ასეთი ფაშისტური შაბაშების ორგანიზებას თვითონ უწყობს ხელს და ამ ტალღაზე ცდილობს პოლიტიკური ოპონენტების დაშინებას.
არა ბიჭო და თავისით გამოვარდა ეს დიდი რაინდი, მაგის წკმუტი რომ არავის გაუგია 2012 წლის ოქტომბრამდე და არც ისაა შემთხვევითი, მამათმავალ-დედათმავლებზე მეტად რომ ნაცებს აგინებს.
სრული პასუხისმგებლობით მინდა განვაცხადო: ძალიან ძვირი დაგიჯდებათ ეს. თუ სათანადო არ რეაგირება არ იქნება, ეს რეაგირება იქნება თქვენს მიმართ, ახლაც და მომავალშიც. აუცილებლად მოვა ის დრო, როცა ყველა პასუხს აგებთ დამოუკიდებელი სასამართლოს წინაშე.
P. S. ისე, ღირსი კი ხართ მურუსიძეს და ჩინჩალაძეს გავასამართლებინოთ თქვენი თავი სამოქალაქო დაპირისპირების გაღვივებისთვის, მაგრამ ამისთვის თქვენც კი არ მემეტებით.“ – წერს ზურაბიშვილი
