Category: ახალი ამბები

არასამთავრობო ორგანიზაცია „საერთაშორისო გამჭვირვალობა-საქართველო“ განმარტავს, ბრიტანული სანქციების დაწესების შემდეგ, რა შეზღუდვებისა და პრობლემების წინაშე შესაძლოა დადგნენ “იმედი“ და POST TV.

ტელეკომპანიები ვერ მიიღებენ შემოსავალს რეკლამიდან, ვერ გასცემენ ხელფასებს, ვერ იყიდიან სერიალებს, გაუუქმდებათ გასართობი გადაცემების ლიცენზიები, ვერ მიიღებენ ბანკის მომსახურებას, ვერ აიღებენ სესხს და ახალ დაფინანსებას, ვერ გაყიდიან ან გააქირავებენ ქონებას, ვერ შეიძენენ ან იქირავებენ ტექნიკას, საბანკო გადარიცხვებით კომუნალურებს ვერ გადაიხდიან, თანამშრომლებს ბანკიდან სესხის აღება გაურთულდებათ.

„სანქციების დაწესებით, დიდი ბრიტანეთის მთავრობამ „იმედი“ და POST TV გამოაცხადა რუსეთის სასარგებლოდ საინფორმაციო ომში ჩართულ მხარედ და მიზნად დაისახა მათი საქმიანობის შეჩერება ფინანსური შეზღუდვის გზით.

ბრიტანული სანქციის ეფექტი სცილდება მხოლოდ ბრიტანეთის იურისდიქციას. მეორადი სანქციის რისკისა და რეპუტაციული ზიანის თავიდან აცილების მიზნით, ბრიტანულ სანქციებს მთელი დასავლური სამყარო, განსაკუთრებით კი დასავლური საფინანსო სისტემა, იცავს. იმის გამო, რომ ქართული საბანკო სისტემა დასავლური სისტემის ნაწილია, ის იძულებულია დაემორჩილოს მის წესებს, თუ ბიზნესის შენარჩუნება სურს. ამ შემთხვევაში, ეს ნიშნავს ყველა ქართული ბანკის (და არა მხოლოდ ლონდონის საფონდო ბირჟაზე რეგისტრირებული „თიბისისა“ და „საქართველოს ბანკის“) მიერ დასანქცირებული ტელეკომპანიებისთვის ყველანაირ სერვისებზე უარის თქმას. შესაბამისად, ბრიტანული სანქციების შედეგად „იმედსა“ და POST TV-ის შემდეგი კონკრეტული პრობლემები შეექმნებათ: 1. გაეყინებათ ანგარიშები და ანგარიშებზე არსებული თანხები ქართულ ბანკებში. 2. ვერ მიიღებენ ვერანაირ შემოსავალს, მათ შორის შემოსავალს რეკლამიდან. 3. რეკლამის ან შემოსავლის ნებისმიერი მიმცემი, ბიზნესი თუ სახელმწიფო დაწესებულება, მეორადი სანქციის რისკის წინაშე დადგება. 4. ვერ გასცემენ ხელფასებს თანამშრომლებზე. 5. წარმოიშობა ფულის გათეთრებისა და გადასახადებისგან თავის არიდების გამოძიების საფუძველი. 6. თანამშრომლებს გაუჭირდებათ სესხის აღება და შესაძლოა საერთოდ უარი ეთქვათ საბანკო მომსახურებაზე. 7. თანამშრომლებს მოუწევთ დამალონ მათი კავშირი „იმედთან“ და POST TV -სთან, რათა არ შეექმნათ პრობლემები. 8. ტელეკომპანიები ვერ მიიღებენ საბანკო სესხს ან სხვა საბანკო მომსახურებას. 9. ვერ მიიღებენ ვერანაირ სხვა სახის დაფინანსებას. 10. ვერ გაყიდიან ან გააქირავებენ ქონებას. 11. ვერ იყიდიან ან იქირავებენ ტექნიკას. 12. დაკარგავენ დასავლური გასართობი გადაცემების გამოყენების ლიცენზიებს. 13. ვეღარ შეიძენენ უცხოური სერიალების ტრანსლირების უფლებას. 14. გადაიხედება მაუწყებლობასთან დაკავშირებული ყველა სერვისი. 15. დაკარგავენ ჟურნალისტური საქმიანობის აკრედიტაციას დასავლურ ქვეყნებში. 16. შეეზღუდებათ სოცმედიის გამოყენება / ვერ გაუშვებენ რეკლამებს. 17. ვერ შეძლებენ კომუნალური მომსახურების გადახდას. 18. გაუჭირდებათ ბიზნესის ნორმალური ფუნქციონირებისთვის საჭირო ნებისმიერი სხვა სერვისის მიღება და საფასურის გადახდა.

მნიშვნელოვანია იმის გაცნობიერება, რომ დიდი ბრიტანეთის მიერ დაწესებული სანქციების გვერდის ავლაში ნებისმიერი სახის დახმარება შესაძლოა გახდეს მეორადი სანქციის საფუძველი. ამის მონიტორინგს მუდმივ რეჟიმში ახორციელებს დიდი ბრიტანეთის მთავრობის შესაბამისი უწყება. დიდი ბრიტანეთის სანქცია ასევე ნიშნავს, რომ „იმედი“ და POST TV ამიერიდან გახდნენ მსოფლიო მასშტაბით გამომძიებელ ჟურნალისტთა და სანქციებზე მომუშავე სხვა ორგანიზაციათა დაკვირვების სამიზნე, რომელთა ძალისხმევით არ დაიმალება იმ პირთა და კომპანიათა ვინაობა, ვინც დაეხმარება რუსული პროპაგანდის გამავრცელებელ ტელეკომპანიებს სანქციების გვერდის არიდებაში. შესაბამისად, ნებისმიერმა ქართულმა კომპანიამ და ფიზიკურმა პირმა თავი უნდა შეიკავოს „იმედისა“ და POST TV-ისთვის ნებისმიერი ფორმით, პირდაპირ და არაპირდაპირ, ნებისმიერი სახის სახსრების მიწოდებისგან, სერვისის გაწევისა და შეღავათის მიცემისგან. წინააღმდეგ შემთხვევაში, ყველა ეს პირი თუ კომპანია დადგება მეორადი სანქციის რისკის წინაშე“, – ნათქვამია ინფორმაციაში

„ვხედავთ, რომ ქართველი ხალხის მიმართ არაერთი მავნე გადაწყვეტილება იყო მიღებული. ერთადერთი, საბედნიერო ისაა, რომ იმდენად არაკვალიფიციურ ხელმძღვანელობასთან გვაქვს საქმე, რომ ისინი ვერ აზიანებენ ვერც თავისუფალ სიტყვას და ვერც ქართველ ხალხს. ხედავთ, რომ თავისუფალი სიტყვაც ვერ დააზიანეს. თავისუფალი მედია და საქართველო ცხოვრებას აგრძელებენ, არაფერი შეცვლილა. ასევე ვერ დააზიანებენ ქართველ ხალხს. გაგვიმართლა, რომ არაკვალიფიციური ხალხია, რომელიც ჩვენს დაზიანებას ცდილობს და ესეც არაკვალიფიციურად გამოსდით“,

ამის შესახებ “ოცნების” პარლამენტის თავმჯდომარე შალვა პაპუაშვილმა განაცხადა, რომელმაც უპასუხა ჟურნალისტის კითხვას, მოსალოდნელია თუ არა ევროკავშირის მხრიდან სანქციები.

გარემოსათვის საშიში ნივთიერებისადმი მოპყრობის წესის დარღვევის ფაქტზე სამ პირს ბრალდება წარუდგინა. პროკურატურის შუამდგომლობის საფუძველზე, სამივე ბრალდებულს აღკვეთის ღონისძიების სახით პატიმრობა უკვე შეეფარდათ.

“შინაგან საქმეთა სამინისტროს მიერ ჩატარებული გამოძიებით დადგინდა, რომ შპს ეკო მედიკალ ჯგუფის და შპს ეკოლოგია და სუფთა გარემოსდირექტორმა, ქალაქ სამტრედიაში, ერთ-ერთ ამორტიზებულ შენობაში, მოაწყო სახიფათო ნარჩენების შენახვის უკანონო ობიექტი, სადაც დროებით განათავსა დიდი რაოდენობით ადამიანის ჯანმრთელობისა და გარემოსთვის საშიში სამედიცინო ნარჩენები.” – ნათქვამია უწყების განცხადებაში.

სამართალდამცავებმა კომპანიის დირექტორი და ამავე კომპანიის თანამშრომელი, ასევე მუნიციპალიტეტის კეთილმოწყობისა და მომსახურების ცენტრის თანამშრომელი, მოსამართლის განჩინების საფუძველზე დააკავეს. მათ ბრალდება საქართველოს სისხლის სამართლის კოდექსის 288-ე მუხლის პირველი ნაწილით (გარემოსათვის საშიში ნივთიერებისადმი ან ნარჩენისადმი მოპყრობის წესის დარღვევა) წარედგინათ.

“ახალი წესების თანახმად, პირველ ეტაპზე, ვიზების შეჩერება შეეხება საქართველოს ხელისუფლების მიერ გაცემული დიპლომატიური, სამსახურებრივი და ოფიციალური პასპორტების მფლობელებს, რაც ყველა წევრ სახელმწიფოში შეჩერების ერთგვაროვან შედეგს უზრუნველყოფს. მეორე ეტაპზე, თუ საქართველოს ხელისუფლება [აღნიშნულ] პრობლემებს არ აღმოფხვრის, [ვიზების] შეჩერება შესაძლოა მთელ მოსახლეობაზე გავრცელდეს.” – ევროკომისიის პრეზიდენტი, ურსულა ფონ დერ ლაიენი ქართული ოპოზიციის ნაწილს საპასუხო წერილს უგზავნის. წერილს სოციალურ ქსელში გამოცემა Euroscope ასაჯაროებს.

“მადლობას გიხდით თქვენი ერთობლივი წერილისთვის, რომელშიც საქართველოში მიმდინარე პოლიტიკურ მოვლენებთან დაკავშირებით შეშფოთებაა გამოთქმული.

ნება მომეცით ხაზგასმით აღნიშნო, რომ ევროკავშირი ქართველი ხალხის დემოკრატიული, სტაბილური და ევროპული მომავლისთვის მიმართულ ძალისხმევას კვლავ გააგრძელებს. ჩვენ კვლავაც მოვუწოდებთ საქართველოში ყველა პოლიტიკურ აქტორს, იმუშაონ ამ მიზნის მისაღწევად.

საქართველოში ბოლო დროს განვითარებულ ნეგატიურ მოვლენებთან დაკავშირებით, ევროკავშირს მტკიცე რეაქცია ჰქონდა და საქართველოს ხელისუფლებას მოუწოდა, გაათავისუფლოს ყველა ჟურნალისტი, აქტივისტი და უსამართლოდ დაკავებული პირი. ჩვენ გამოვთქვით შეშფოთება არჩევნებში დარღვევებთან, მშვიდობიანი მომიტინგეების წინააღმდეგ ძალადობასთან, რეპრესიული კანონმდებლობის მიღებასა და სასამართლო სისტემის რეპრესიის ინსტრუმენტალიზებასთან დაკავშირებით. ეს ქმედებები ევროკავშირის ძირითად ღირებულებებსა და პრინციპებს ეწინააღმდეგება.

მიმდინარე მოვლენებზე რეაგირების მიზნით, კომისიამ მიიღო შესაბამისი ზომები, მათ შორის ხელისუფლებისთვის ორმხრივი ფინანსური მხარდაჭერის შეჩერება და ჩვენი პოლიტიკური კონტაქტების დონის დაქვეითება. გარდა ამისა, კომისიის წინადადების საფუძველზე, საბჭომ ნაწილობრივ შეაჩერა საქართველოსთან ვიზების გაცემის გამარტივების შესახებ შეთანხმება, რაც გავლენას ახდენს ქართული დიპლომატიური და სამსახურებრივი პასპორტების მფლობელებზე. საქართველოს გაწევრიანების პროცესი ფაქტობრივად შეჩერებული რჩება, როგორც ეს ევროპულმა საბჭომ 2024 წლის ივნისსა და ოქტომბერში უკვე დაასკვნა.

2025 წლის 19 დეკემბერს გამოქვეყნებულ ვიზების შეჩერების მექანიზმის შესახებ უახლეს ანგარიშში კომისიამ დაასკვნა, რომ საქართველომ კიდევ უფრო დაიხია უკან მმართველობის, კანონის უზენაესობის, ვიზების შესაბამისობისა და კორუფციის წინააღმდეგ ბრძოლის ძირითად კრიტერიუმებში, რომლებიც უვიზო მიმოსვლის მინიჭების საფუძველს წარმოადგენს. ამ უკუსვლის სისტემური და განზრახული ხასიათის გათვალისწინებით, კომისიამ ვიზების შეჩერების განახლებული მექანიზმის ფარგლებში შემდგომი ზომების მიღების პროცედურა დაიწყო. ახალი წესების თანახმად, პირველ ეტაპზე, ვიზების შეჩერება შეეხება საქართველოს ხელისუფლების მიერ გაცემული დიპლომატიური, სამსახურებრივი და ოფიციალური პასპორტების მფლობელებს, რაც ყველა წევრ სახელმწიფოში შეჩერების ერთგვაროვან შედეგს უზრუნველყოფს. მეორე ეტაპზე, თუ საქართველოს ხელისუფლება [აღნიშნულ] პრობლემებს არ აღმოფხვრის, [ვიზების] შეჩერება შესაძლოა მთელ მოსახლეობაზე გავრცელდეს.

წევრი სახელმწიფოები საქართველოში შესაძლო შემდგომ ზომებს განიხილავენ. მიუხედავად იმისა, რომ წევრმა სახელმწიფოებმა სანქციებზე კონსენსუსს ვერ მიაღწიეს, დემოკრატიული უკუსვლისა და ადამიანის უფლებების დარღვევისთვის პასუხისმგებელ პირებზე პასუხისმგებლობის დაკისრების შესახებ დისკუსიები გრძელდება. ევროკავშირის სანქციებთან დაკავშირებული ყველა გადაწყვეტილება წევრი სახელმწიფოების მიერ ერთხმად ევროპულ საბჭოში მიიღება.

ევროკავშირი კვლავ ერთგულია საქართველოში დემოკრატიული პრინციპების, ადამიანის უფლებებისა და კანონის უზენაესობის მხარდაჭერის მიმართ. დარწმუნებული იყავით, რომ ევროკავშირი კვლავაც მტკიცედ უჭერს მხარს ქართველ ხალხს და მათ ევროპული მომავლისკენ მისწრაფებებს”.

სამთავრობო პროპაგანდისტული, „იმედი“ განცხადებას ავრცელებს, და აცხადებს, რომ  „სანქციებისგან გამოწვეული ტექნიკური პრობლემა აღმოფხვრილია, imedinews.ge და imedi.ge ჩვეულ რეჟიმში აგრძელებს მუშაობას“.

ცნობისთვის, 24 თებერვალს, დიდმა ბრიტანეთმა რუსული დეზინფორმაციის გავრცელების გამო „იმედი“ და POSTV დაასანქცირა. „იმედის“ ვებგვერდები გუშინ 25 თებერვალს  გაითიშა.

ლეიბორისტული პარტიის წევრს, ლაშა ჩხარტიშვილს, Facebook პოსტზე დაწერილი კომენტარის გამო ივანიშვილის სასამართლომ 5-დღიანი ადმინისტრაციული პატიმრობა შეუფარდა. გადაწყვეტილება მოსამართლე თორნიკე ქოჩქიანმა გამოაცხადა.

საქმე ეხება ნეტგაზეთის მიერ გამოქვეყნებულ სტატიას აქციაზე ტროტუარზე დგომის გამო სამართალდამრღვევად ცნობილი მოქალაქეების შესახებ. სტატიის სათაური იყო მოსამართლის სიტყვები “აუცილებლად ტროტუარი უნდა იყოს შეკრების ადგილი?”. ჩხრტიშვილმა  კომენტარებში დაწერა “აბა, მაინცდამაინც მისნაირი ნაბიჭვრების გასვენებაში?”. აღნიშნული კომენტარის გამო ჩხარტიშვილს მოსამართლე დავით მაკარაძის შეურაცხყოფაში დასდეს ბრალი.

“რეალურად მე გამასამართლა პირადად ბიძინა ივანიშვილმა, მის წინააღმდეგ უკომპრომისო ბრძოლისთვის, რომელსაც 2013 წლიდანვე ვაწარმოებ! ბოლო წვეთი კი მისთვის სადაბადებისდღეოდ ჩემ მიერ მირთმეული “შავი მიწის ტორტი” აღმოჩნდა! ზოგადადაც, ჩემ წინააღმდეგ პოლიტიკური დევნა განსაკუთრებით გააფთრებულ ხასიათს ატარებს! ერთ-ერთ პირველს “აღმიძრეს” სისხლის სამართლის საქმე ტროტუარზე განმეორებით დგომისთვის, დამაპატიმრეს დედის ორმოცზე და საფლავზე არ გამიშვეს, 300 000 ლარამდე თანხის პოლიტჯარიმა დამაკისრეს ქუჩაში აქციებზე დგომისთვის და სხვა მრავალი. მიუხედავად ამ ყველაფრისა, ბოლომდე ვიბრძოდი და ვიბრძოლებ ბიძინა რუსის რეჟიმის დასრულებისა და საქართველოს ჩრდილოეთკორეიზაციის წინააღმდეგ, რათა გადარჩეს საქართველოს დამოუკიდებლობა და ის უქართველოდ და სრულად გაყიდულ-განადგურებული არ აღმოჩნდეს! სხვა გზა და სხვა უფლება არ გვაქვს, რადგან სხვა საქართველო არ არსებობს!” – დაწერა დაკავებამდე ჩხარტიშვილმა სოციალურ ქსელში.