Category: ახალი ამბები

ლელო ძლიერი-საქართველო ითხოვს, რომ ანაკლიის პორტი ეროვნული მნიშვნელობის სტრატეგიულ ობიექტად გამოცხადდეს და მას აშშ-ის პრეზიდენტის, დონალდ ტრამპის სახელი დაერქვას.

“ანაკლიის პორტს შეუძლია, გარდამტეხი როლი ითამაშოს შავი ზღვის რეგიონში უსაფრთხოების, ეკონომიკისა და ენერგეტიკული წყაროების დივერსიფიკაციის მიმართულებით. საქართველოში რეალური მშვიდობის დაცვისთვის საჭიროა, რომ ანაკლიის პორტის სტატუსი განისაზღვროს, როგორც ეროვნული მნიშვნელობის სტრატეგიული ობიექტი. სწორედ ამიტომ, საჭიროა ანაკლიის პროექტის რეალური განხორციელება და არა იმიტირებული პროცესი […]

ანაკლიის პროექტის განსახორციელებლად დღეს სახელმწიფო შემდეგ პოლიტიკურ ნაბიჯებს უნდა დგამდეს და იძლეოდეს საჯარო, მკაფიო ვალდებულებებს:

• ანაკლიის ღრმაწყლოვანი პორტის პროექტი ნომერ პირველ ეროვნულ პრიორიტეტად და ეროვნული მნიშვნელობის სტრატეგიულ ობიექტად უნდა გამოცხადდეს;
• პროექტში წამყვანი როლი ამერიკულ და ტრანსატლანტიკურ ფინანსურ ინსტიტუტებს უნდა მიენიჭოს და არ უნდა იყოს ისეთი სტრუქტურების დომინაცია, რომლებიც დაკავშირებულია რუსეთის ან ჩინეთის სახელმწიფო ინტერესებთან;
• ანაკლიის პროექტთან დაკავშირებული ყველა ხელშეკრულება საჯარო უნდა იყოს;

სომხეთ-აზერბაიჯანის შეთანხმების შემდეგ, ამიერკავკასიაში უმნიშვნელოვანესი სატრანზიტო გზა გაჩნდა, რომელსაც ტრამპის გზა ეწოდა. ამ გზამ საქართველოს გვერდი ვერ უნდა აუაროს. ამის განხორციელება კი მხოლოდ ანაკლიის პორტის აშენებითაა შესაძლებელი, რაც ტრამპის გზის ლოგიკური გაგრძელება იქნება. ყველა ჩართულ მხარეს მივმართავთ, ანაკლიის პორტს პრეზიდენტ ტრამპის სახელი დაერქვას და ის დასავლური სამყაროსთვის ტრამპის გზის კარიბჭე გახდეს – რაც მოგვიტანს უსაფრთხოებას, დასავლურ ინვესტიციებს და ეკონომიკურ აღმავლობას”. – ნათქვამია ლელო-ძლიერი საქართველოს განცხადებაში.

კუპრაძე ამბობს, რომ მის კოალიციას გეგმა აქვს, რომელიც ანაკლიის პორტის სწრაფად აშენებას უზრუნველყოფს.

“ჩვენი პოლიტიკური გუნდი მზადაა, ახლაც და ხელისუფლებაში მოსვლისთანავეც უზრუნველყოს ყველა ამ პირობის შესრულება. ლელო-ძლიერი საქართველოს აქვს კონკრეტული გეგმა და გამოცდილება, რომელიც უზრუნველყოფს ამ პორტის სწრაფად აშენებას და მასთან ერთად “ანაკლია სითის” განვითარებას, რომელიც საქართველოსთვის ათეულობით ათას სამუშაო ადგილს შექმნის”. – თქვა კუპრაძემ.

კახა კალაძის განცხადებით, საქართველოში ამერიკის შეერთებული შტატების დელეგაციის მოსალოდნელ ვიზიტთან დაკავშირებით პოზიტიური მოლოდინი აქვს.

„ოპტიმისტური მოლოდინი მაქვს, რასაც აჩენს ის სატელეფონო ზარი, რომელიც განხორციელდა პრემიერ-მინისტრ ირაკლი კობახიძესა და აშშ-ის სახელმწიფო მდივანს მარკო რუბიოს შორის, გაჟღერებული „მესიჯები“ და ა.შ. შესაბამისად, დაველოდოთ. ჩვენ მზად ვართ, რომ ორ ქვეყანას შორის ურთიერთობები ახალი ფურცლიდან დაიწყოს. ჩვენთვის მნიშვნელოვანია მეგობრობა, სტრატეგიული პარტნიორობა და რაც მთავარია, ეს ყველაფერი უნდა იყოს ორმხრივი“, – განაცხადა კახა კალაძემ.

“ქართული ოცნების” სუს-ის უფროსის, მამუკა მდინარაძის და მისი 4 მოადგილის ქონებრივი დეკლარაციები საჯაროდ აღარ იძებნება.

ამასთან ერთად, სუს-ის თანახმად, პარადოქსულია ნორმა, რომელიც უსაფრთხოების სამსახურის ხელმძღვანელ პირებს დეკლარაციის საჯაროობას ავალდებულებს.

“ვინაიდან თქვენს მიერ დასახელებული თანამდებობის პირები წარმოადგენენ უსაფრთხოების სამსახურის ხელმძღვანელ რგოლს, არსებული პრაქტიკის შესაბამისად, მათი დეკლარაციები საჯაროდ არ იძებნება, რაც ასევე სრულ თანხვედრაშია საერთაშორისო პრაქტიკასთან.გარდა ამისა, ჩვენთვის ასევე ცნობილია, რომ საკანონმდებლო ორგანო მუშაობს აღნიშნული მიდგომის კანონმდებლობასთან სრულ შესაბამისობაში მოსაყვანად, რადგან მართლაც პარადოქსულია ნორმა, რომელიც უსაფრთხოების სამსახურის ხელმძღვანელ პირებს დეკლარაციის საჯაროობას ავალდებულებს. ვაზუსტებთ, ეს არ ნიშნავს იმას, რომ დეკლარაციები წარდგენილი არ არის. როგორც სამსახურის უფროსის, ასევე მისი მოადგილეების დეკლარაციები შევსებულია და წარდგენილია შესაბამის უწყებაში”. – უთხრეს ტაბულას, სუს-ში

6 აპრილის, უკრაინის უპილოტო ძალების მეთაურის, რობერტ “მადიარ” ბროვდის ინფორმაციით, ნოვოროსიისკის პორტზე იერიშის დროს უკრაინის ძალებმა რუსულ ფრეგატს, ადმირალ მაკაროვს დაარტყეს, რომელიც კალიბრის ტიპის ფრთოსანი რაკეტებით არის აღჭურვილი.

ბროვდის პოსტის მიხედვით, რუსული სამიზნესთან დრონების მიახლოებამდე ფრეგატმა საჰაერო თავდაცვის რაკეტები გაუშვა, თუმცა, ამის მიუხედავად, დრონებმა რუსულ გემს მაინც დაარტყეს.

Overnight, the Ukrainian Unmanned Systems Forces targeted and struck the Admiral Grigorovich, a Admiral Grigorovich-class guided-missile frigate with the Russian Navy’s Black Sea Fleet, with a number of one-way attack drones while the ship was pierside at the Port of… pic.twitter.com/PsJUcsgN4C

— OSINTdefender (@sentdefender) April 6, 2026

თბილისში მუნიციპალური სასაფლაოების მიმართულებით 12-13 აპრილს დაწესდება ავტობუსის 9 დროებითი მარშრუტი. კახა კალაძის  თქმით, ამ მარშრუტებით ” მოქალაქებიი 2 დღის განმავლობაში ისარგებლებენ უფასოდ, ყოველგვარი გადასახადის გარეშე.”

მარშრუტების ჩამონათვალი:

თბილისის მერიის ცნობით, ავტობუსები მგზავრებს 08:00-დან 20:00 საათამდე მუხათგვერდის, ვაშლიჯვრის, კუკიის, ახალი კუკიის, მახათას, საბურთალოს, ღრმაღელის, ველისა და ვარკეთილის სასაფლაოების მიმართულებით გადაიყვანენ.

საზოგადოებრივი ტრანსპორტის სპეციალური მარშრუტები იმოძრავებს მეტროსადგურებიდან: მარჯანიშვილი, დელისი, სარაჯიშვილი, ვარკეთილის მიმდებარე ტერიტორიიდან, ასევე, „დიდუბის“ ზედა გასასვლელიდან, სადგურის მოედნიდან (თბილისი ცენტრალის პირდაპირ), ბესარიონ ჭიჭინაძის ქუჩიდან (კორპუსი N25-ის პირდაპირ) და ვარკეთილის III მასივიდან – შუამთისა და აბაშვილის ქუჩების გადაკვეთიდან.

კალაძემ ასევე თქვა, რომ აღდგომის დღესასწაულთან დაკავშირებით, მეტრო იმუშავებს გახანგრძლივებული დროით.

“11 აპრილის ღამეს თბილისის მეტრო გახანგრძლივებული დროით იმოძრავებს, 12-13 აპრილს კი ავტობუსების სპეციალური მარშრუტები დაინიშნება. მოქალაქეების შეუფერხებლად გადაადგილების მიზნით, მეტრო 12 აპრილის 04:00 საათამდე იმუშავებს და 11 აპრილის 23:00-დან 12 აპრილის 04:00 საათამდე მგზავრობა უფასო იქნება.” აღნიშნა კალაძემ სხდომაზე.