Category: ახალი ამბები

ახალი კორონავირუსის პრევენციის მიზნით თავდაცვის ძალების ლოჯისტიკის სარდლობის შეიარაღებისა და ტექნიკის სარემონტო ბაზის პირადი შემადგენლობა სამხედრო მოსამსახურეებისთვის ინდივიდუალური დაცვის პლასტიკურ ნიღბებს ამზადებს.

დამცავი ფარი მრავალჯერადი გამოყენებისაა და სადეზინფექციო ხსნარით იწმინდება. ლოჯისტიკის სარდლობის წარმომადგენლები ინდივიდუალური დაცვის პლასტიკურ ნიღბებს ყველა წესის დაცვით ამზადებენ. დამცავი ფარების დამზადების პროცესს ქვედანაყოფის ხელმძღვანელები აკვირდებიან, რომლებიც მუდმივად აკონტროლებენ პერსონალის მიერ სოციალური დისტანციისა და ჰიგიენური ნორმების დაცვას.

თავდაცვის სამინისტროს ინფორმაციით ლოჯისტიკის სარდლობამ ინდივიდუალური დაცვის პლასტიკური ნიღბების დამზადება 17 მარტს დაიწყო და პირველ ეტაპზე 2500 ერთეული დამცავი ფარი დაამზადა. თავდაცვის ძალების სამხედრო მოსამსახურეები ინდივიდუალური ნიღბებით ეტაპობრივად, საჭიროების მიხედვით მომარაგდებიან.

საქართველოში კორონავირუსით ინფიცირების შემთხვევათა რაოდენობა 6-ით გაიზარდა და 306 შეადგინა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე  განთავსდა.

კარანტინის რეჟიმშია 4990 ადამიანი, ხოლო სტაციონარში მეთვალყურეობის ქვეშ – 462 პირი.

69 გამოჯანმრთელებულია, ხოლო 3 გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.

მსოფლიოში კორონავირუსით დაინფიცირებულთა რიცხვმა 2 მილიონს გადააჭარბა. გარდაცვლილია 126 000 ადამიანზე მეტი.

Covid 19-ით ყველაზე მეტი ადამიანი ამ დროისთვის აშშ–ში დაინფიცირდა. გარდაცვლილების რაოდენობითაც ეს ქვეყანა ლიდერობს. 610 000 დაინფიცირებული და 26000 გარდაცვლილი – ასეთია ამერიკის მონაცემები.

დაინფიცირებულთა რაოდენობით მეორე ადგილზეა ესპანეთი 174 000დაინფიცირებულით და 18 056 გარდაცვლილით.

მესამე ადგილს იტალია იკავებს 162 488 დაინფიცირებულით, თუმცა გარდაცვლილთა რაოდენობით იტალია მეორე ადგილზეა ამერიკის შემდეგ  21 067 გარდაცვლილით.

მეოთზე ადგილს საფრანგეთი იკავებს  143 303  დაინფიცირებულით და 15 729 გარდაცვლილით.

მეხუთეა ადგილზეა გერმანია 131 000 დაინფიცირებულით, თუმც გარდაცვლილთა რაოდენობა აქ გაცილებით დაბალია – ქვეყანაში  3294 გარდაცვლილია.

მძიმე მდგომარეობაა ბრიტანეთში, სადაც გერმანიაზე ნაკლები დაინფიცირებულია – 93 873 ადამიანი, თუმცა გარდაცვლილთა რაოდენობით ის გერმანიას უსწრებს. დიდ ბრიტანეთში ამ დროისთვის 12 000–ზე მეტი ადამიანი გარდაიცვალა.

ჩინეთი, საიადანაც ახალი კორონავირუსი წარმოიშვა დაინფიცირებულთა რაოდენობით მეშვიდე ადგილზეა. გარდაცვლილთა რაოდენობითაც ბევრად ჩამორჩება ევროპულ ქვეყნებს. ჩინეთში ამ დროისთვის 82 249 დაინფიცირებულია, საიდანაც 77 738 უკვე გამოჯანმრთელდა. გარდაიცვალა 3341 ადამიანი. ახალი შემთხვევების რაოდენობა კი მინიმალურია.

კორნავირუსი მსოფლიოს 210 ქვეყანაშია გავრცელებული.

ყველაზე ცოტა დაინფიცირებული იემენშია. ამ ქვეყანაში სულ ერთი შემთხვევაა დარეგისტრირებული.

საქართველოში COVID-19 კიდევ 4 ადამიანს დადასტურდა და მთლიანობაში შემთხვევათა რაოდენობა 300-მდე გაიზარდა.

ამის შესახებ ინფორმაცია stopcov.ge-ზე ცოტა ხნის წინ განთავსდა.

300 ინფიცირებულიდან ამ დროისთვის გამოჯანმრთელებულია 69 ადამიანი, ხოლო 3 გარდაიცვალა.

კარანტინის რეჟიმში რჩება 4990 ადამიანი, ხოლო სტაციონარში მეთვალყურეობის ქვეშ – 462 პაციენტი.

აზერბაიჯანში სოლიდარობის ნიშნად საქართველოს დროშის ფერებში ჰეიდარ ალიევის ცენტრის შენობა გაანათეს. ამის შესახებ ინფორმაციას საგარეო საქმეთა მინისტრი, დავით ზალკალიანი ტვიტერზე ავრცელებს და აზერბაიჯანს მადლობას უხდის.

,,მადლობა აზერბაიჯანს ჰეიდარ ალიევის მოედნის საქართველოს დროშის ფერებში განათებისა და მხარდაჭერის ძლიერი გზავნილისთვის”, — წერს დავით ზალკალიანი.

აღნიშნულ ფაქტს საქართველოს პრეზიდენტი სალომე ზურაბიშვილიც ეხმაურება.

,,დღეს ღამით, ბაქოში, ჰეიდარ ალიევის ცენტრი საქართველოს დროშის ფერებში განათდა. მადლობა პრეზიდენტ ილჰამ ალიევს მხარდაჭერისთვის და სოლიდარობისთვის. ეს არის სოლიდარობის შესანიშნავი გამოხატულება აზერბაიჯანელი ხალხისგან. ერთად უფრო ძლიერები ვართ”,- აცხადებს სალომე ზურაბიშვილი.

დაავადებათა კონტროლის ეროვნული ცენტრის ხელმძღვანელის თქმით, ცეცხლს ვეთამაშებით, რადგან ხალხი შეკრებას არ წყვეტს, რაც დაუშვებელია.

„ისევ დადის ბევრი მანქანა, ისევ დიდი მოძრაობაა თბილისში. ადამიანები ისევ იკრიბებიან. ეს დაუშვებელია. ცეცხლს ვეთამაშებით, იცოდეთ. მომავალი 2-3 კვირა იქნება ძალიან მძიმე, პირდაპირ გეტყვით. იმიტომ რომ 300-ს რომ გადავცილდებით მოსალოდნელია სწრაფი ზრდა იყოს კიდევ უფრო მეტად. ამის ნიშანი გუშინ უკვე გვქონდა ჩვენ“, – განაცხადა გამყრელიძემ.

მისი თქმით, საზოგადოება პასუხისმგებლობით უნდა მოეკიდოს რეკომენდაციებს და რეგულაციებს. წინააღმდეგ შემთხვევაში აპრილის ბოლოს და მაისის დასაწყისში ქვეყანაში კორონავირუსით ინფიცირებული ათასობით ადამიანი იქნება, რაც საკმაოდ მძიმე ტვირთი იქნება ჯანდაცვის სისტემისთვის და დანაკარგს გამოიწვევს.

,,თუ ჩვენ მოვადუნეთ დღეს სოციალური დისტანცირება და არ დავიცავით საგანგებო მდგომარეობით განსაზღვრული რეგულაციები, იცოდეთ, რომ აპრილის ბოლოს, მაისის პირველ დეკადაში რამდენიმე ათასეული შემთხვევა გვექნება ქვეყანაში. რამდენიმე ათასეულიდან იანგარიშეთ, რომ 20-30%-ს დასჭირდება ინტენსიური თერაპია და რეანიმაციული ღონისძიებები, რომელიც საკმაოდ მძიმე ტვირთი იქნება ჯანდაცვის სისტემისთვის და სამწუხაროდ, გვექნება დანაკარგი.