Category: ახალი ამბები

თავდაცვის მინისტრი, ირაკლი ღარიბაშვილი უკრაინის რეფორმების ეროვნული საბჭოს აღმასრულებელი კომიტეტის თავმჯდომარედ მიხეილ სააკაშვილის დანიშვნას მისი რეინკარნაციის მორიგ მცდელობად აფასებს, რაც რამდენიმე თვეში მისი გამოძევებით დასრულდება:

„ძალიან მოკლედ გეტყვით, ჩვენ ვიხილეთ სამარცხვინო კადრები ყოფილი პრეზიდენტის, რომელმაც დათმო მოქალაქეობა, რომელიც მორიგი სამარცხვინო ფაქტი იყო არამარტო ევროპის ისტორიაში, არამედ მსოფლიო ისტორიას არ ახსოვს მსგავსი ფაქტი. ადამიანმა, რომელიც 9 წლის განმავლობაში პრეზიდენტი იყო, მან უარი თქვა საქართველოს მოქალაქეობაზე, გახდა შემდეგ გუბერნატორი და ვნახეთ შემდეგ როგორ სამარცხვიოდ გააძევეს ის უკრაინიდან, თმების თრევით, რომ იტყვიან. მე ვფიქრობ, ეს არის მორიგი მცდელობა მისი მხრიდან, რომ მოხდეს მისი რეინკარნაცია, მაგრამ ვფიქრობ, რამდენიმე თვეში ჩვენ ვიხილავთ მორიგ ჯერზე გამოძევებულ სააკაშვილს“, – აცხადებს ღარიბაშვილი.

საქართველოს მესამე პრეზიდენტის, მიხეილ სააკაშვილის უკრაინის რეფორმების საბჭოს ხელმძღვანელად დანიშვნას საქართველოს ხელისუფლების მწვავე რეაქცია მოჰყვა.

საქართველოს ხელისუფლების გადაწყვეტილებით, უკრაინაში საქართველოს საგანგებო და სრულუფლებიან ელჩს თბილისში კონსულტაციებზე გამოიძახებენ. 

“75 წელი გავიდა, როდესაც ამ პატარა ერმა 300 000 გმირი შესწირა ამ გამარჯვებას, მსოფლიოს ჯანსაღი ძალების გამარჯვებას ფაშიზმზე, დიდ ბოროტებაზე, “- ამის შესახებ საქართველოს პრემიერ-მინისტრმა გიორგი გახარიამ, ვაკის პარკში განაცხადა, სადაც ფაშიზმზე გამარჯვების დღესთან დაკავშირებით, თავდაცვის მინისტრ ირაკლი ღარიბაშვილთან ერთად, უცნობი ჯარისკაცის საფლავი ყვავილებით შეამკო.

ცნობილი ხდება ყაზბეგის გამზირზე მომხდარი მკვლელობის დეტალები. ყაზბეგის გამზირზე, შანხაის დასახლებაში  მიტოვებული თეატრის შენობაში გარდაცვლილი კაცი იპოვეს. მას დაზიანება, სავარაუდოდ, ბლაგვი საგნით აქვს მიყენებული.სავარაუდოდ  გარდაცვლილი უსახლკარო იყო და სწორედ მიტოვებულ შენობას აფარებდა თავს. მიმდებარე ტერიტორიაზე მცხოვრებნი ამბობენ, რომ შენობაში ადამიანები ხშირად იკრიბებოდნენ და უსახლკაროები ღამესაც ათევდნენ.

გარდაცვლილი კაცის ცხედარი გადასვენებულია პროზექტურაში, საქმეზე გამოძიება 108-ე მუხლით მიმდინარეობს, რაც განზრახ მკვლელობას გულისხმობს, სამართალდამცველებს ჯერჯერობით საქმეზე არავინ დაუკავებიათ.

შემთხვევა ყაზბეგის გამზირზე გუშინ ღამით მოხდა.

სახელმწიფო შეასრულებს ყველა იმ ვალდებულებას, რომელიც აიღო სტრატეგიული პარტნიორების წინაშე, – ასე უპასუხა საქართველოს პრემიერ-მინისტრმა გიორგი გახარიამ ჟურნალისტების მიერ ევროპარლამენტის წევრ  ანდრიუს კუბილიუსის წერილთან დაკავშირებით დასმულ კითხვას.

გახარია ამბობს, რომ საქართველოში პოლიტიკური მართლმსაჯულება და პოლიტპატიმრები არ არსებობენ.

„საქართველოში პოლიტპატიმრები არ არსებობენ, წერტილი. საქართველოში პოლიტიკური მართლმსაჯულება არ არსებობს, კიდევ ერთი წერტილი. რაც შეეხება აღებულ ვალდებულებებს, სახელმწიფო შეასრულებს ყველა იმ ვალდებულებას, რომელიც აიღო სტრატეგიული პარტნიორების წინაშე“, – თქვა გიორგი გახარიამ.

ევროპარლამენტარმა ანდრიუს კუბილიუსმა საქართველოს პრეზიდენტს, პრემიერმინისტრსა და პარლამენტის თავმჯდომარეს წერილით მიმართა და მოუწოდა საქართველოს ხელისუფლებას, შეასრულონ ოპოზიციასთან 8 მარტს დადებული შეთანხმება.

მეორე მსოფლიო ომის ყველა მონაწილე ჯილდოვდება საიუბილეო მედლით  – „ფაშიზმზე გამარჯვების 75 წელი“, – შესაბამისი განკარგულება საქართველოს მთავრობამ გამოსცა და მას ხელს აწერს პრემიერ-მინისტრი გიორგი გახარია.

მედლის გადაცემას მეორე მსოფლიო ომის მონაწილეებისთვის ვეტერანების საქმეთა სახელმწიფო სამსახური უზრუნველყოფს.

ამავე განკარგულებით, ფაშიზმზე გამარჯვების 75 წლისთავთან დაკავშირებით, მეორე მსოფლიო ომის მონაწილეები ფულადი სოციალური დახმარების სახით 600 ლარს მიიღებენ, ხოლო მეორე მსოფლიო ომში დაღუპულთა ოჯახის წევრები – 300 ლარს.

როგორ დააკავებენ მიხეილ სააკაშვილს იმისგან, რომ მან საქართველოს შიდა საქმეებში ჩარევისგან თავი შეიკავოს, ეს ძალიან მაინტერესებს და ამას დავაკვირდებით, – ასე უპასუხა საქართველოს პრემიერ-მინისტრმა გიორგი გახარიამ ჟურნალისტების კითხვას უკრაინის მაღალი თანამდებობის პირების განცხადებებზე, რომ სააკაშვილის დანიშვნა მათი ქვეყნის შიდა საქმეა.

გახარიას თქმით, მსგავს წინადადებებს უნდა მოჰყვეს გაგრძელება, რომ ისინი ასევე უზრუნველყოფენ, რომ შემდგომში სააკაშვილის მხრიდან სხვა ქვეყნის შიდა საქმეებში ჩარევა არ გაგრძელდეს.

„გასაგებია, რომ ის დაინიშნა არა მაღალ სამთავრობო პოზიციაზე, არამედ რაღაც მრჩევლად თუ საკონსულტაციო ჯგუფის ხელმძღვანელად, მაგრამ ეს მაინც გაურკვეველია. ჩვენ დიდი გამოცდილება გვაქვს ოდესის შემდგომ, რა ძალისხმევა დაგვჭირდა იმისთვის, რომ ამ გაურკვეველი ისტორიის შემდეგ საქართველოსა და უკრაინის ურთიერთობები დაგვებრუნებინა ნორმალურ, სტრატეგიული მოკავშირეობის ფარგლებში. მე პირადად ვიყავი ამაში ჩართული და ვიმყოფებოდი კიევში, მქონდა შეხვედრები. ჩვენს ელჩს ვიწვევთ კონსულტაციებისთვის მხოლოდ იმიტომ, რომ პოლიტიკურმა ავანტიურისტებმა არ შეძლონ ჩვენს მოძმე და სტრატეგიულ პარტნიორთან ჩვენი ურთიერთობები რისკის ქვეშ დააყენონ, ეს ჩვენთვის ყველაზე მნიშვნელოვანია“, – აღნიშნა პრემიერმა.

თბილისში, ყაზბეგის გამზირზე მკვლელობა მოხდა. ინფორმაციასშინაგან საქმეთა სამინისტრო ადასტურებს.

გამოძიება სისხლის სამართლის კოდექსის 108-ე მუხლით მიმდინარეობას, რაც განზრახ მკვლელობას გულისხმობს.

მოკლულისა და მკვლელობის გარემოებების შესახებ დეტალები ამ დროისთვის უცნობია.

შემოქმედებითი ინდუსტრიები პანდემიით გამოწვეული კრიზისის და გამოწვევების აღმოსაფხვრელად პეტიციას ავრცელებენ და საერთო მოთხოვნების გარშემო ერთიანდებიან.

კორონა ვირუსის გამო შემოქმედებითმა ინდუსტრიებმა ფაქტობრივად პირველებმა მოახდინეს რეაგირება და დახურეს საკუთარი სივრცეები. მათი უმეტესობა ყოველკვირეულ შემოსავალზე იყო დამოკიდებული. შემოსავლის გარეშე დარჩა დასაქმებულთა უმეტესობა. ამ ეტაპზე ბუნდოვანია ისიც, თუ როდის შეძლებს ეს სფერო ამუშავებას. შესაბამისად, სფეროს წარმომადგენლები ყურადღებას და ერთობლივი ძალებით წლების მანძილზე თავიდან აშენებული ინდუსტრიის გადარჩენას ითხოვენ. მათ ერთობლივი ღია წერილი და პეტიციაც გაავრცელეს:

“ძალიან გვიხარია, რომ ასეთ მოკლე ვადებში განხორციელდა და კონკრეტულად ჩამოყალიბდა ანტიკრიზისული გეგმა, რომელიც ითვალისწინებს იმ ეტაპებს, თუ როგორ შეიძლება პირველ რიგში გაიხსნას ადგილობრივი ტურიზმი, დაიწყოს ადგილობრივი მიმოსვლა და შემდგომ უკვე საერთაშორისო მიმოსვლა“, – ამის შესახებ გაერო-ს მსოფლიო ტურიზმის ორგანიზაციის გენერალური მდივანი ზურაბ პოლოლიკაშვილმა განაცხადა.

მისი თქმით, აუცილებელია კოორდინაცია და ურთიერთობა ევროპის ქვეყნებთან.

„დაანონსებული იყო 15 ივლისი და ალბათ საქართველო იქნება პირველი ქვეყანა, რომელმაც ეს შეძლო  და ხსნის ტურიზმს საერთაშორისო ვიზიტორებისთვის. ჩვენ აუცილებლად მოვახდენთ ამის პოპულარიზაციას. აუცილებელია კოორდინაცია და ურთიერთობა ევროპის ქვეყნებთან, ამ შემთხვევაში ყველაზე მნიშვნელოვანი საქართველოსთვის არის ევროპული ბაზრები და  ალბათ არაბეთის ქვეყნები, მათთან უკვე დაწყებულია მუშაობა და ჩვენ ინფორმაცია გვაქვს, რომ შემდეგ კვირაში უკვე დაანონსდება, თუ რა დოზით გაიხსნება ევროპული ბაზრები და არაბთა გაერთიანებული საემიროების მხრიდან უკვე არის თანხმობა, რომ ივლისის ბოლოს დუბაიდან ყველა მიმართულებით დაიწყება მიმოსვლები. ეს საქართველოს ძალიან კარგ პოზიციონირებას უქმნის, ვინაიდან იქნება პირველი ქვეყანა, რომელიც გახსნის საზღვრებს. ადგილმდებარეობით და იმ ტურისტული ინფრასტრუქტურით, რომელიც შექმნილი იყო უკანასკნელი წლების განმავლობაში, საქართველო შეიძლება, რომ  იყოს საკმაოდ კონკურენტუნარიანი ძველი და ამავე დროს ახალი ტურისტული მიმართულება. ამ მომენტის კარგად გამოყენება შესაძლებელია და ჩვენ მაქსიმალურად შევეცდებით, რომ კოორდინაცია გავუწიოთ იმ მიზნობრივ ბაზრებს, რომელიც საინტერესოა ჩვენი ქვეყნისთვის, რათა ეს მძიმე და კრიზისული პერიოდი ადვილად იქნას გადალახული. პირველი, რაც ჩვენ ყოველთვის გვაფიქრებს და ჩვენი ძირითადი ამოცანაა, დავეხმაროთ იმ ადამიანებს, ვინც ამ სექტორში არიან დასაქმებულები. საქართველოს შემთხვევაში 150 000-ზე მეტი ადამიანი მუშაობს სექტორში, ამ ადამიანებს სჭირდებათ ხელშეწყობა და გვერდში დგომა. ანტიკრიზისული გეგმა პირველ რიგში ამას ემსახურება“, – განაცხადა ზურაბ პოლოლიკაშვილმა.