რას გადაწყვეტენ ჩემთან მიმართებაში არ ვიცი, მაგრამ რეალობა იგივეა. ჩემი აზრით, ერთადერთი სწორი პოზიცია ამ შემთხვევაში რაც შეიძლება იყოს, არის არანაირი გირაო, არ შეიძლება რეჟიმთან რაიმე ფორმით თანამშრომლობა, ჩემი აზრით. ამიტომ, ის რომ ვიღაცები სადღაც შეიკრიბნენ, საკუთარ თავს პარლამენტი დაარქვეს და მერე რაღაც კომისია შექმნეს და გიბარებენ, მაგ თამაშში არ უნდა აჰყვე. მგონია, რომ საბოლო ჯამში თითოეული ადამიანის ინდივიდუალურ პასუხისმგებლობასა და ქცევაზე დადის ამ რეჟიმთან დაპირისპირება და ის, როდის დამარცხდება ეს რეჟიმი.
Category: ახალი ამბები
-
ერთადერთი სწორი პოზიცია – არის არანაირი გირაო! არ შეიძლება რეჟიმთან თანამშრომლობა – ჯაფარიძე
-
რა არის “ოქროს მილიარდი’’ – როგორ იყენებს პუტინის საყვარელ შეთქმულების თეორიას ‘’ქართული ოცნება’’
ტელეკომპანია კავკასიის დირექტორი და ჟურნალისტი ნინო ჯანგირაშვილი განმარტავს თუ რა არის “ოქროს მილიარდი’’ და როგორ იყენებს რუსეთის პრეზიდენტი, ვლადიმერ პუტინის საყვარელ შეთქმულების თეორიას ‘’ქართული ოცნება’’.
”მინდოდა დამეწერა სტატუსი, მაგრამ გამომივიდა სტატია. თუმცა, დავდებ მაინც. აქედან უფრო ფართოდ გავრცელდება. რა მინდა გითხრათ:
უკვე ბევრმა დასვა კითხვა, ახლა ეს “ოქროს მილიარდი“ საიდან მოიტანეს ქოცებმა, რატომ აიჩემეს, რას ბოდავენ, (ჯერჯერობით დაბალი რანგის ქოცები) რისი თქმა უნდათ?
ქოცების მესიჯბოქსში შემთხვევით დიდი ხანია არაფერი ხვდება. ყველა მესიჯი – ღიად თუ შემოვლითი გზებით გავრცელებული, ცენტრალიზებული საინფორმაციო ფრონტის ნაწილია და უშუალო მართვას რუსეთის ეფესბე ახორციელებს. ყველა ეს მესიჯი რუსული ეფესბეს სკივრიდან არის, ამიტომ ძალიან ადვილია ამოცნობა.
შევეცდები მოკლედ გითხრათ, საიდან გამოხტა ასე მოწმენდილ ცაზე “ოქროს მილიარდის“ ამბავი.
❗️სინამდვილეში “ოქროს მილიარდი“ პუტინის საყვარელი შეთქმულების თეორიაა.
▪️არსებობს შეთქმულების თეორიები, რომლებიც “ინტერნაციონალურია“, ანუ მთელ მსოფლიოშია მოდებული და ბევრი მიმდევარი ყავს. არის შეთქმულების თეორიები, რომლებიც ერთი რომელიმე ქვეყნის კუთვნილებაა, იქ დაიბადა და იქ მუშაობს. სხვაგან უბრალოდ ვერ გაიგებენ რაზე ელაპარაკები. ასეთია ე.წ. “ოქროს მილიარდის“ თეორია, რომელიც სუფთა რუსული, უფრო ზუსტად საბჭოური შეთქმულების თეორიაა და ძირითადად რუსულენოვან სამყაროში მუშაობს. ის შეიქმნა საბჭოთა კავშირის დაშლამდე ცოტა ხნით ადრე.
▪️ეკონომიკური უთანასწორობისა და გლობალური რესურსებისთვის ბრძოლის თემაზე დაფუძნებული შეთქმულების თეორიები პრინციპში ახალი და გასაოცარი არ არის, მაგრამ “ოქროს მილიარდის“ თეორიას დანამდვილებით საბჭოურ–რუსუ bლი ფესვები აქვს.
⭕️ეს თეორია ამტკიცებს, რომ:
საიდუმლო ძალები, ერთგვარი გლობალური ელიტა – დასავლეთის ქვეყნები — ძირითადად აშშ და ევროპის უმდიდრესი სახელმწიფოები — თითქოსდა ცდილობენ მსოფლიოში სიმდიდრისა და რესურსების მონოპოლიზებას დანარჩენი კაცობრიობის ხარჯზე. თითქოს მათი ამოცანაა მხოლოდ მილიარდი ადამიანი დარჩეს პლანეტაზე ცოცხალი, დანარჩენი კაცობრიობა, ანუ ღარიბი და განვითარებადი ქვეყნები უნდა განადგურდეს ან იმ დონემდე დაიყვანონ, რომ აღარ წარმოადგენდეს საფრთხეს “ცივილიზებული სამყაროსთვის”.
▪️ამ თეორიის თანახმად მხოლოდ მილიარდ ადამიანს აქვს „უფლება იცხოვროს“ კომფორტულად, დანარჩენი 6+ მილიარდი განწირულია სიღარიბისთვის, განადგურებისთვის, შიმშილისთვის, დაავადებებისთვის, ჩაგვრისთვის და ომებისთვის.
- როგორ დაიბადა „ოქროს მილიარდის“ თეორია
როგორც ამბობენ, ეს თეორია საბჭოეთის გარკვეულ სამეცნიერო წრეებში ჯერ კიდევ 1970–იანი წლებიდან გაჩნდა, თუმცა შედარებით ფართო გავრცელება 80–იანების ბოლოს მოხდა. საბჭოთა ეკონომისტი და პუბლიცისტი ანატოლი ციკუნოვი (კუზმიჩის ფსევდონიმით) ამ თემაზე 80–იანების ბოლოს და 90-იანების დასაწყისში სტატიებს აქვეყნებდა.მაგალითად, 1990 წელს გამოაქვეყნა სტატია: „გლობალური ლიდერობის გეგმები რუსეთის დამონებისთვის“.
▪️90–იანების დასაწყისშივე გამოაქვეყნა გამოაქვეყნა წიგნი „მსოფლიო მმართველობის შეთქმულება: რუსეთი და ოქროს მილიარდი“. წიგნში აღწერილია აპოკალიფსური შეთქმულება. ანუ, დასავლური ელიტა მიიჩნევს, რომ გლობალური ეკოლოგიური ცვლილებები და კატასტროფები რესურსებისთვის კონკურენციას გაამწვავებს. ამიტომ, მსოფლიოში მხოლოდ მილიარდი „ღირებული“ ადამიანი უნდა გადარჩეს, რუსეთი კი თავისი ბუნებრივი რესურსებითა და გეოგრაფიით უნდა დაიმორჩილონ. ავტორი ამტკიცებდა, რომ დასავლელი ელიტები მშიერი თვალებით უყურებდნენ საბჭოთა ბუნებრივ რესურსებს — გაზს, ნავთობს, ტყეებს — მსოფლიოში მარაგების შემცირების ფონზე.
▪️თავიდან ეს იდეები მარგინალურად ითვლებოდა, თუმცა 90–იანების რუს პოლიტოლოგებს თანდათან მოეწონათ ამ იდეის ექსპლუატაცია, რომ როგორმე ახსნა მოეძებნათ დასავლეთის წარმატების ფონზე 90–იანების რუსეთის ჩამორჩენილობისთვის. მოგვიანებით, 90–იანების მეორე ნახევარში ეს თეორია კიდევ უფრო გააღრმავა რუსმა ისტორიკოსმა და სოციოლოგმა სერგეი კარა–მურზამ და გამოიყენა იმის საჩვენებლად, თუ რატომ აგებდა რუსეთი “გლობალურ ეკონომიკურ თამაშს“ ელცინის ეპოქაში. ბუნებრივია, ყველაფერში დამნაშავე მისი ვერსიითაც “ოქროს მილიარდი“ იყო.
▪️მოგვიანებით, ეს სადაო თეორია ფაქტიურად კრემლის იდეოლოგიად იქცა. პუტინმა ის დასავლეთის წინააღმდეგ პოლიტიკურ იარაღად აქცია. ეს თეორია ცდილობს წარმოაჩინოს, თითქოს დასავლეთი მხარს უჭერს მსოფლიოს მილიარდობით ადამიანის ჩაგვრას, რუსეთი კი ამ ხალხის მფარველია.
▪️პუტინმა გაპრეზიდენტებისთანავე საკუთარი რიტორიკა ააგო დაჩოქილი რუსეთის “მუხლებიდან წამოყენებაზე“, რომელსაც დასავლეთი “ჩაგრავდა“. ჯერ კიდევ 2000 წელს, აზია-წყნარი ოკეანის ეკონომიკურ სამიტზე, პუტინმა თქვა:
?„გლობალური განვითარება უხეშად არის გაყოფილი ჩრდილოეთსა და სამხრეთად, ანუ ‘ოქროს მილიარდს’ და დანარჩენ კაცობრიობას შორის.“
ეს თეორია მას შემდეგ სულ ტრიალებდა კრემლის ექსპერტებში, პროპაგანდისტებში და მედიაში. მიზანი იყო რუსეთის მოსახლეობაში დასავლეთისადმი შიში და სიძულვილი გაეღვივებინათ და ბელადის გარშემო საზოგადოების იმ ხარისხის მობილიზაცია გამოეწვიათ, რომელიც ზედმეტ კითხვებს გამორიცხავდა და პუტინის ყველა გადაწყვეტილების უპირობო მხარდაჭერას უზრუნველყოფდა.
- რუსეთის პროპაგანდის სტრატეგია და ფორმულა მარტივია:
?შექმენი მტერი, ჰიპოთეტური საფრთხე და ამ მტრის ფონზე წარმოაჩინე თავი ერთადერთ გადამრჩენად. (ხომ არ გეცნობათ?) შეშინებულმა ხალხმა უნდა დაიჯეროს, რომ ისინი განწირულები არიან, მათ წინააღმდეგ დიდი ბოროტება მზადდება – ამ შემთხვევაში ევროპა–ამერიკის, ანუ მსოფლიოს გაბატონებული ძალების მხრიდან და პუტინი ერთადერთია, ვისაც შეუძლია ამ გლობალურ ბოროტებას წინააღმდეგობა გაუწიოს.
“ოქროს მილიარდის” თეორია რუსულ საზოგადოებაზე ზემოქმედებისთვის მშვენიერი ინსტრუმენტი აღმოჩნდა.
2020-იანი წლებისთვის პუტინმა ამ თეორიას ახალი განზომილება მისცა – მაგალითად„ოქროს მილიარდის“ თეორია რუსულმა პროპაგანდამ გამოიყენა ვაქცინებზე წვდომის, ანტილიბერალური
ღირებულებების და ლგბტ უფლებების წინააღმდეგ პროპაგანდისთვის. თეორია თანდათან აიტაცეს რუსეთის სახელმწიფო პროპაგანდისტებმა, და პროპაგანდისტულმა არხებმა.ამ თეორიაზე დიდი გატაცებით საუბრობსხოლმე კრემლის პროპაგანდისტი მარგარიტა სიმონიანი, რომელიც ყველა პროცესს მსოფლიოში ხშირად იმით ხსნის, რომ “ოქროს მილიარდს“ მთელი დანარჩენი მოსახლეობის გადაგვარება, გარყვნა და განადგურება უნდა.
?ტერმინს რუსეთის ოფიციალური პირებიც იყენებდნენ და იყენებენ. მაგალითად, დავოსის ონლაინ ფორუმზე (2021 წლის იანვარი), პუტინმა თქვა, რომ მსოფლიო ეკონომიკა არ უნდა ემსახურებოდეს მხოლოდ „ოქროს მილიარდს“, არამედ უნდა იყოს ინკლუზიური და სამართლიანი ყველა ქვეყნისთვის.
“ოქროს მილიარდის“ თეორია უკრაინაში სრულმასშტაბიანი ომის დაწყების შემდეგ უფრო აქტუალური გახდა . ვლადიმერ პუტინმა არაერთხელ ახსენა „ოქროს მილიარდი“ როგორც “დასავლური იმპერიალიზმის“ სიმბოლო. 2022 წელს, უკრაინაში შეჭრის შემდეგ თქვა:
?„დასავლეთი ფიქრობს, რომ მხოლოდ ‘ოქროს მილიარდს’ აქვს უფლება იცხოვროს. დანარჩენები უბრალოდ რესურსების მომწოდებლები არიან.“
?სანქტ-პეტერბურგის საერთაშორისო ეკონომიკურ ფორუმზე (2022 წლის ივნისი), პუტინმა განაცხადა, რომ დასავლეთი ცდილობს შეინარჩუნოს თავისი დომინანტური პოზიცია და მხოლოდ „ოქროს მილიარდს“ მისცეს უფლება იცხოვროს კეთილდღეობით, ხოლო დანარჩენი ქვეყნები განიხილება როგორც კოლონიები და მათი მოსახლეობა — მეორე კლასის მოქალაქეებად.
?„დედამიწის ეგრეთ წოდებული ‘ოქროს მილიარდის’ მოდელი უსამართლოა. რატომ უნდა ჰქონდეს ამ მილიარდ ადამიანს უფლება, სხვა ყველას თავს მოახვიოს თავისი წესები?“ — განაცხადა პუტინმა 2022 წლის ივლისის გამოსვლაში.
მან ამ შეთქმულებას უწოდა „რასისტული და ნეოკოლონიური არსით“, რომლის მიზანიცაა სამყაროს დაყოფა „პირველხარისხოვან“ და „მეორეხარისხოვან“ ადამიანებად და შესაბამისად, ის რასისტული და ნეოკოლონიური მოდელია“. პუტინმა აქვე დაამატა, რომ „გლობალისტური და ფსევდოლიბერალური იდეოლოგია სულ უფრო მეტად ემსგავსება ტოტალიტარიზმს და ახშობს შემოქმედებითობასა და თავისუფალ ისტორიულ განვითარებას.“
უკრაინაში შეჭრის შემდეგ, რუსეთის მთავრობა სულ უფრო ხშირად იყენებს ამ თეორიას იმის საჩვენებლად, რომ რუსეთის იზოლაცია არ არის მისი ქმედებების შედეგი, არამედ გლობალური შეთქმულების ნაწილია.
თეორია ღიად ახსენეს რუსეთის მაღალჩინოსნებმა, მათ შორის ყოფილმა პრეზიდენტმა დმიტრი მედვედევმა და საგარეო საქმეთა მინისტრმა სერგეი ლავროვმა უკრაინაში შეჭრის შემდეგ.
?„თქვენ შეგიძლიათ თავს ოქროს მილიარდი და რაც გინდათ ის უწოდოთ, მაგრამ დედამიწის მოსახლეობა ბევრად მეტია, ხოლო მეტალები ბევრად ძვირფასია ვიდრე ოქრო,“ — თქვა მედვედევმა 2022 წლის 19 მარტს.
?უშიშროების საბჭოს მდივანმა, ნიკოლაი პატრუშევმა 2022 წლის მაისში თქვა, რომ დასავლეთი უბრალოდ „ადამიანის უფლებებზე, თავისუფლებასა და დემოკრატიაზე“ ლაპარაკობს, მაგრამ რეალურად ის „ოქროს მილიარდის დოქტრინაზე“ მუშაობს. პატრუშევმა კორონავირუსის პანდემიაც კი ამ თეორიას მიაწერა — თითქოს ეს ყველაფერი იგეგმებოდა ამ დოქტრინის გასატარებლად.
მოკლედ, პუტინი ცდილობს თავი მსოფლიოს “ჩაგრული უმრავლესობის“ მხსნელად წარმოაჩინოს.
⭕️რატომ გაჩნდა ეს თემა ქოცურ პროპაგანდაში?„ოქროს მილიარდი“ არის მორიგი იარაღი რუსეთის საინფორმაციო ომში, რომელიც ქოცების ხელით საქართველოში აქვს გაჩაღებული. ეს თეორია არის მორიგი საფრთხის იმიტაცია, მას შემდეგ, რაც “მეორე ფრონტის გახსნის და ომში ჩათრევის იძულების“ საფრთხე გახუნებას იწყებს. ან უბრალოდ სათადარიგო ვარიანტი. შიში და დეზორიენტაცია არასოდეს არის ზედმეტი. რაც მეტი, მით უკეთესი, უფრო წარმატებით უკეთებ პარალიზებას ადამიანებს, რომ არა განვითარებაზე, განათლებაზე, უკეთეს მომავალზე, თავისუფლებაზე იფიქრონ, არამედ “გლობალური საფრთხის“ შიშით ლოკალურ დესპოტიასაც კი შეეგუონ. მოკლედ, “ოქროს მილიარდის“ თეორია კრემლის მორიგი ტოქსინია, რომელიც საქართველოში გაუშვეს. ჯერჯერობით მარგინალური პერსონების მიერ გახმოვანებული და სხვადასხვა ალტერნატიული ქსელებით გავრცელებული, თუმცა, არ გამოვრიცხოთ, მალე თვით კობახიძის პირით მოვისმინოთ “ოქროს მილიარდის“ საფრთხეების შესახებ, რომელსაც ვირტუოზულად დაუკავშირებს დიფსთეითს, გლობალური ომის პარტიას და ა.შ.
მიზნები აქაც მარტივია, ისევე, როგორც რუსეთში:
• დასავლეთის დემონიზაცია და უნდობლობის გაღვივება.
• რუს/ქოცების პოლიტიკის გამართლება
• საკუთარი მოსახლეობის შიშით პარალიზება.
• საერთაშორისო იზოლაციის გამართლება და ხალხის დარწმუნება, რომ ამ იზოლაციაში დამნაშავე არა ქოცები, არამედ დიდი საერთაშორისო შეთქმულებაა.❗️რატომ მოვყევი ამდენი რამე: არაფერი, საერთოდ აღარაფერი, რასაც ქოცები აკეთებენ ან ამბობენ მათ აღარ ეკუთვნით. ყველაფერი, აბსოლუტურად ყველაფერი არის რუსული, პირდაპირ ნაკარნახევი, პირდაპირ ეფესბეს უშუალო მონაწილეობით განხორციელებული. ეს უნდა ვიცოდეთ.
სულ ეს იყო რაც მინდოდა მეთქვა. ვინც ბოლომდე ჩაიკითხეთ მადლობა”. -
“სრულმასშტაბიანი პოლიტიკური რეპრესიები დაანონსდა” – გვარამია ოქრუაშვილის დაპატიმრებაზე
სრულმასშტაბიანი პოლიტიკური რეპრესიები დაანონსდა: ირაკლი ოქრუაშვილი დაიჭირეს წულუკიანის “კომისიაზე” არმისვლის გამო!”
წერს “კოალიცია ცვლილებისთვის” ერთ-ერთ ლიდერი, ნიკა გვარამია.
წულუკიანის კომისიაზე არმისვლის გამო, ნიკა გვარამიას 30 000-ლარიანი გირაო აქვს შეფარდებული. -
ირაკლი ოქრუაშვილი სასამართლო დარბაზში დააკავეს
ქართული ოცნების არალეგიტიმური პარლამენტის ე.წ. საგამოძიებო კომისიაზე გამოუცხადებლობისთვის დაკისრებული ჯარიმის არ გადახდის გამო ირაკლი ოქრუაშვილს პატიმრობა შეეფარდა – ოქრუაშვილი სასამართლო დარბაზში დააპატიმრეს.
აღკვეთის ღონისძიების ცვლილება პროკურატურამ მოითხოვა.
ირაკლი ოქრუაშვილს წულუკიანის ე.წ. კომისიაზე გამოუცხადებლობისთვის, 8 აპრილს, აღკვეთი ღონისძიების სახით 20 000-ლარიანი გირაო შეეფარდა და საზღვრის კვეთა აეკრძალა. გირაოს გადახდის ვადად მას 30 დღე განესაზღვრა, რომლის ვადაც 8 მაისს ამოიწურა.
ის წულუკიანის კომისიაზე ახსნა-განმარტების მისაცემად 26 მარტს დაიბარეს, თუმცა მისვლაზე უარი განაცხადა, რის შემდეგაც, თავდაცვის ყოფილი მინისტრი თბილისის საქალაქო სასამართლოში ჩვენების მისაცემად დაიბარეს, მან საგამოძიებო უწყების კითხვებს მაგისტრატი მოსამართლის წინაშე უპასუხა.
აღკვეთის ღონისძიების ცვლილება პროკურატურამ მოითხოვა.
-
პოლარიზაცია ამჯერადაც უცხოეთმა მოგვახვია თავს – პაპუაშვილი
ძალა ერთობაშია, სიკეთე ამთლიანებს, ბოროტება კი ჰყოფს. ისტორიულად, საქართველოს დამარცხების ფორმულა სწორედ ეს იყო – ჩვენი დაქუცმაცება და გათითოკაცება. ეს პოლარიზაცია ამჯერადაც უცხოეთმა მოგვახვია თავს. ლამისაა, მათი კანვასური თუ USAID-ური პროპაგანდა, სიძულვილი თუ დაკანონებული ძალადობა მთლიანად ევროკავშირთან გაიგივდეს. ხოლო ამ ტრაგიკულ მოცემულობაში პირდაპირი წვლილი სწორედ ევროკავშირის წევრი ზოგიერთი ქვეყნის ზოგ პოლიტიკოსსა და დიპლომატს მიუძღვის.
პარადოქსი მივიღეთ, რომ დღეს ქუჩაში ძალადობა ევროკავშირის დროშაში გახვეული დადის. ასეთ ვითარებაში გამარჯვების ფორმულა ერთობა, სიმტკიცე, შენი ქვეყნის, ხალხისა და ისტორიის რწმენაა.
-
“მადლობას ვუხდი ქართულ ოცნებას” – ქობულეთის მერმა ლევან ზოიძემ თანამდებობა დატოვა
“მადლობას ვუხდი ქართულ ოცნებას” – ქობულეთის მერი ლევან ზოიძე თანამდებობას ტოვებს. ამის შესახებ ის Facebook-ზე წერს.
“მივიღე გადაწყვეტილება დავტოვო ქობულეთის მერის თანამდებობა.
ჩემთვის ძალიან დიდი პასუხისმგებლობა იყო ამ ქალაქის ხელმძღვანელობა და მოქალაქეების საჭიროებების მაქსიმალურად გადაწყვეტა.
მადლობას ვუხდი ქობულეთელებს მხარდაჭერისთვის და ერთგულებისთვის. ასევე, მადლობა იმ ადამიანებს რომლებიც გვერდში გვედგა ჩვენი მხარის უკეთესი მომავლის შესაქმნელად.
განსაკუთრებულ მადლობას ვუხდი ქართულ ოცნებას და რა თქმა უნდა ვრჩები ამ გუნდის ერთგულ წევრად”, – წერს ის.
-
მტკვარში გადავარდნილ მანქანაში მსხდომთაგან ერთი უვნებლად ამოიყვანეს
მომხდარი ავტოსაგზაო შემთხვევის შედეგად მტკვარში გადავარდნილ ავტომანქანაში მყოფი მგზავრების ძებნა-შველის ღონისძიების შედეგად რამდენიმე მგზავრიდან ერთი უვნებლად ამოიყვანეს. ინფორმაციას შინაგან საქმეთა სამინისტრო ავრცელებს.
“თბილისში, მტკვრის მარცხენა სანაპიროზე მომხდარი ავტოსაგზაო შემთხვევის შედეგად ავტომობილი, რომელშიც იმყოფებოდა რამდენიმე მგზავრი გადავარდა მდინარე მტკვარში. შემოსული შეტყობინების მიღებისთანავე, მეხანძრე-მაშველების მიერ დაიწყო ძებნა-შველის ღონისძიება, რის შედეგადაც შესაძლებელი გახდა წყლიდან ერთი ადამიანის უვნებლად ამოყვანა. ამ დრომდე, უწყვეტ რეჟიმში მიმდინარეობს ავტომობილში მყოფი სხვა მგზავრების მიმართ სამაშველო ღონისძიება, რომელშიც მეხანძრე-მაშველებთან ერთად ჩართულები არიან მყვინთავთა ჯგუფი, წყლის საშუალებები და ყველა შესაბამისი წყალზე სამაშველო სპეც-ტექნიკა.
გვსურს საზოგადოებას ვაცნობოთ, რომ მდინარე მტკვარში მიმდინარე სამაშველო ღონისძიების ფარგლებში იგეგმება მტკვრის კალაპოტში წყლის დონის შემცირება ბუნებრივ ნიშნულამდე, რაც დაკავშირებულია წყლის მოდინების რეჟიმის დარღვევასთან. მოვუწოდებთ მოსახლეობას, გამოიჩინოთ სიფრთხილე და თავი შეიკავოთ გადაადგილებისგან ორთაჭალჰესის ქვედა ბიეფში კალაპოტის მიმდებარე ტერიტორიაზე” – წერია შსს-ს განცხადებაში.
-
26 მაისისთვის ბიუჯეტიდან 7 მლნ-ზე მეტია გამოყოფილი, ნაწილი უტენდეროდ – ფლანგვის დეტექტორი
26 მაისის ღონისძიებებზე ბიუჯეტიდან უკვე 7 მილიონ ლარზე მეტია გამოყოფილი, აქედან უდიდესი ნაწილი კი – ტენდერის გარეშე. ინფორმაციას ამის შესახებ, ფლანგვის დეტექტორი ავრცელებს.
”2025 წლის 26 მაისს საქართველო 107-ედ აღნიშნავს დამოუკიდებლობის დღეს. თუმცა ეს აღნიშვნა სულ უფრო ნაკლებად უკავშირდება თავისუფლების იდეას და მეტად ტენდერის გვერდის ავლით შთაბეჭდილების შექმნისთვის დახარჯულ მილიონებს.
წელს უკვე გამოყოფილია 7 მილიონ ლარზე მეტი, დიდწილად გამარტივებული შესყიდვებით, ტენდერის გარეშე. რუსთაველის გამზირი, სადაც ამჟამად ყოველდღიურად იმართება საპროტესტო აქციები, ღონისძიებების გეგმის მიღმაა.
სამთავრობო განკარგულებები და დაგეგმილი ღონისძიებები
2025 წლის 15 აპრილს საქართველოს მთავრობამ გამოსცა განკარგულება N657, რომლითაც დამტკიცდა დამოუკიდებლობის დღისადმი მიძღვნილი ღონისძიებების ორგანიზების სამოქმედო გეგმა.
განკარგულების საფუძველზე, რამდენიმე სამინისტროს, მათ დაქვემდებარებულ სსიპ-ებსა და ა(ა)იპ-ებს დაევალათ სხვადასხვა ღონისძიების ორგანიზება.
ამასთან, მნიშვნელოვანია, რომ 657-ე განკარგულებაში არ არის ნახსენები რუსთაველის გამზირი, ადგილი, სადაც ამჟამად ყოველ დღე იმართება აქციები. თავისუფლების მოედანზე მხოლოდ სამხედრო ფიცის ცერემონიაა დაგეგმილი.
თბილისის გარდა, ღონისძიებები გაიმართება შემდეგ ქალაქებში:
- ქუთაისი, თელავი, ახალციხე, რუსთავი, მესტია, ზუგდიდი, ოზურგეთი, ფოთი, ახალქალაქი, მარნეული, მცხეთა, ამბროლაური
საზოგადოებრივი სივრცეების მოწყობასა და აქტივობების უზრუნველყოფას სხვადასხვა სამინისტრო და მათზე დაქვემდებარებული სტრუქტურები უზრუნველყოფენ.
2025 წლის 1 მაისს მთავრობამ გამოსცა დამატებითი განკარგულება N727, რომლის საფუძველზეც ფინანსთა სამინისტროს მიერ მთავრობის სარეზერვო ფონდიდან კულტურის სამინისტროსთვის გამოყოფილია 2,900,000 ლარი. თუმცა ეს სრული თანხა როდია.
მთავარი ტენდენცია: გამარტივებული შესყიდვები და ბიუჯეტის ზრდა
მიუხედავად იმისა, რომ პასუხისმგებელ უწყებებს ადრევე ჰქონდათ ინფორმაცია მათზე დაკისრებულ ვალდებულებებზე, მათგან ბევრმა მაინც არ გამოაცხადა ტენდერი, არამედ მხოლოდ მაისში მიმართა შესყიდვების სააგენტოს გამარტივებული შესყიდვის დასამტკიცებლად. ამის მაგალითი თავდაცვის სამინისტროა ₾2,2-მილიონიანი შესყიდვით, რომელსაც 15 აპრილს უკვე ჰქონდა ინფორმაცია, თუმცა ელექტრონული ტენდერის დროულად გამოცხადების მაგივრად, 2025 წლის 2 მაისს შესყიდვების სააგენტოს გამარტივებული შესყიდვის (SMP250001163) ჩატარების მიზნით მიმართა.
დამოუკიდებლობის დღის ორგანიზებისთვის უწყებები მასშტაბურ შესყიდვებს ტენდერის გარეშე, გამარტივებული შესყიდვების ფორმით (SMP კოდებით) ახორციელებენ. წარმოგიდგენთ კულტურის სამინისტროსთვის გამოყოფილი ბიუჯეტის მიღმა, უკვე გამოცხადებული შესყიდვების ჩამონათვალს. ზოგიერთი უწყების შესყიდვები ჯერ არ გამოცხადებულა ან ხელშეკრულებები გაფორმებული არ არის, თუმცა 26 მაისამდე მხოლოდ ორიოდ კვირა რჩება:
უწყება შესყიდვის კოდი თანხა (ლარი) მიმართვის თარიღი დეტალები თავდაცვის სამინისტრო SMP250001163 2 200 000 2025-05-02 ფიცის ცერემონია, სცენა, ტრიბუნები, ავიაგადაფრენა, ტექნიკის გამოფენა თბილისის მერია SMP250001090 278 700 2025-04-29 ავეჯის აქსესუარები, გასართობი და კომერციული მომსახურება შინაგან საქმეთა სამინისტრო SMP250001198 370 067 2025-05-07 სპეციალური ტანსაცმელი, აქსესუარები, საპოლიციო მოწყობილობები სოფლის განვითარების სააგენტო (გარემოს დაცვისა და სოფლის მეურნეობის სამინისტრო) SMP250001066 320 000 2025-04-28 კომერციული და თანმდევი მომსახურებები 26 მაისისთვის საჯარო რეესტრის ეროვნული სააგენტო (იუსტიციის სამინისტრო) SMP250001186 400 131 2025-05-06 გორის მოედანზე ინსტალაციები, საბავშვო სივრცეები, კონცერტი, ჰიმნი ტურიზმის ეროვნული ადმინისტრაცია SMP250001143 342 853 2025-05-06 მესტიაში ღონისძიებების ორგანიზება და ლოკალური აქტივობები ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო SMP250001125 284 774 2025-05-02 ამბროლაურში ინსტალაციები, სცენა, გასტრონომიული და საბავშვო სივრცეები ფაქტები, რომლებიც კითხვებს აჩენს
ბოლო წლებში დამოუკიდებლობის დღის აღსანიშნავი ხარჯები ასე გამოიყურება:
2023: 7.7 მლნ ლარი
2024: 10.1 მლნ ლარი
2025: უკვე 7 მილიონი და მზარდიყველა ძირითადი ღონისძიება ტარდება ტენდერის გარეშე, რაც ნიშნავს, რომ:
- ბიუჯეტის ეკონომია არ ხდება
- კონტროლის მექანიზმები სუსტია
- გადაწყვეტილებები საჯარო პროცესს მიღმა მიიღება
იბადება კითხვები: რატომ აღარ ტარდება ღონისძიებები რუსთაველის გამზირზე? რატომ არ ცხადდება ტენდერები, როცა დაგეგმვის დრო საკმარისია? რატომ იზრდება თანხები ყოველწლიურად? ეს კითხვები რიტორიკულია და დიდი ალბათობით, უპასუხოდ დარჩება. დამოუკიდებლობის დღე კი სამწუხაროდ, წელსაც ბიუჯეტის ხარჯზე დაგეგმილი შოუ უფრო იქნება, ვიდრე, ქვეყნის ისტორიული არჩევნისთვის დამსახურებული პატივის მიგება.
-
სოსო რამიშვილი საზმაუს შენობაში თაღლითურ ქოლ-ცენტრებს მფარველობდა – ჩიკვაიძე
”სოსო რამიშვილი საზმაუს შენობაში თაღლითურ ქოლ-ცენტრებს მფარველობდა”-წერს ამის შესახებ, ბიზნესმენი გიორგი ჩიკვაიძე ციხიდან გამოგზავნილ წერილში, ფინანსური პოლიციის დეპარტამენტის ყოფილი ხელმძღვანელზე.
“ჩემი და ჩემი ბიზნეს პარტნიორის წინააღმდეგ შეკერილი საქმის მთავარი მიზეზი იყო ამ მთავრობის მხილება!
მიუხედავად იმისა რომ მე მკვლელმა მოსამართლემ იზა კელენჯერიძემ მომისაჯა 9 წელი და ამჟამად ვიმყოფები იძულებით შიმშილობაზე, მაინც გავაგრძელებ ამ დამნაშავე, რუსული ხელისუფლების მხილებას!
ჩვენი საქმის შეკერვაში მთავარ ფიგურანტთან გენერალურ პროკურორ გაბიტაშვილთან ერთად არანაკლები ბრალი მიუძღვის ფინანსური პოლიციის დეპარტამენტის აწ უკვე გადამდგარ ხელმძღვანელს რამიშვილს.
ჩვენი საქმის გამო რომ აუცილებლად უმკაცრესად მოგეკითხებათ სამართლებრივად მაგას კი უნდა ხვდებოდეთ უკვე, მაგრამ მანამდე იცოდეთ, რომ ყველა იმ შესაბამის საერთაშორისო ორგანიზაციას ევროპასა და ამერიკაში უკვე მივაწოდე ინფორმაცია თუ როგორ ქმნიდა და მფარველობდა ბატონი [სოსო] რამიშვილი თაღლითურ ქოლ-ცენტრებს საზოგადოებრივი მაუწყებლის შენობაში. ახლა ბევრისთვის კიდევ უფრო ნათელი გახდება თუ რატომ იცავთ კბილებით საზმაუს. რამიშვილის უთხარით ვინმემ რომ ვერ უშველის თანამდებობის დატოვება!
ქართულ საგამოძიებო უწყებებთან ამ საკითხზე არ ვაპირებ თანამშრომლობას ამ რეჟიმის პირობებში, თუმცა დარწმუნებული ბრძანდებოდეთ, რომ უკეთესი და სამართლიანი საქართველოს პირობებში ჩემს საქმესთან ერთად, ამაზეც აგებთ პასუხს”. – წერს ჩიკვაიძე.
-
გამოუშვით ეს ადამიანები! გადადგით ეს ნაბიჯი ! – გიორგი კვირიკაშვილი სინდისის პატიმრებზე
”გამოუშვით ეს ადამიანები! ამით მნიშვნელოვნად შეუწყობთ ხელს საზოგადოებაში დაძაბულობის განმუხტვას. დამიჯერეთ, მათი ციხეში ყოფნა, მათი და მათი ოჯახების ცხოვრების გაუბედურება არ უხარია საზოგადოების უდიდეს ნაწილს, მათ შორის, თქვენ წამოიდგინეთ, თქვენი მომხრეების დიდ ნაწილსაც, რასაც პირდაპირ სავარაუდოდ არ გეუბნებიან.
ამ ნაბიჯის გადადგმა არ იქნება სისუსტის გამოვლინება, უფრო მეტიც, ამის გაკეთება აუცილებელია განსაკუთრებით იმ ფონზე, როცა არცერთი ადამიანი, ვინც გადაამეტა ძალაუფლებას, არ დაგისჯიათ. ჩვენი საზოგადოებისთვის ამგვარი სიხისტე და ადამიანური კომპრომისის გამორიცხვა, რის დემონსტრირებასაც ცდილობთ, არც ბუნებრივია და არც მისაღები.
ასე ხისტად და თანაც ცალმხრივად სამართლებრივ სახელმწიფოს ვერ ავაშენებთ, ამით მხოლოდ უსამართლობის განცდის და უარყოფითი მუხტის დაგროვებას შევუწყობთ ხელს.
გადადგით ეს ნაბიჯი, ამით მხოლოდ დადებითს მიიღებთ ქვეყნისთვისაც და ხელისუფლებისთვისაც.”
საქართველოს ყოფილი პრემიერ-მინისტრი, გიორგი კვირიკაშვილი სინდისის პატიმრების გათავისუფლებას მოითხოვს.