Category: ახალი ამბები

კულინარიული გადაცემა “მასტერშეფის” დღევანდელმა გადაცემამ სოციალური ქსელი მოიცვა. ერთ-ერთი კონკურსანტი კოკი კიწმარიშვილი ჟიურთან პასტა სოკოთი და ნაღებით გაიტანა, მაგრამ პასტას ცომი თავად შეგნებულად არ მოამზადა და ნაყიდი პასტას ცომით შემოიფარგლა, რადგან არ სურდა ეთერში დასვრილი ტანსაცმლით წარდგენილიყო.

მიზეზმა, რომ კოკის ფქვილით დასვრა არ უნდოდა ჟიურის  გაოცება გამოიწვია, განსაკუთრებით კი ლუკა ნაჭყებიასი, რომლის რეაქციას სოციალურ ქსელში საკმაოდ ნეგატიურად აფასებენ  და თვლიან რომ არ იყო საჭირო ლუკას მხრიდან ასეთი აგრესია საჭირო და ზედმეტი მოუვიდა, რადგან შეეძლო ჟიურს რომ უბრალოდ კონკურსანტისთვის ეთქვათ “არა”.

მაყურებელის ნაწილი  თვლის კოკი კიწმარიშვილი ლუკა ნაჭყებიას მხრიდან ბულინგის მსხვერპლი გახდა.

“მასტერშეფის” ეპიზოდის სოციალურ ქსელში გამოქვეყნების შემდეგ, საზოგადოების ნაწილმა ბულინგად მიიჩნია.

ცოტახნის წინ კი თავად შეფ ლუკა ნაჭყებია სოციალურ ქსელში გამოეხმაურა მაყურებლის რეაქციას:

“ველი, როდის დამაბრალებენ ჰომოფობობასაც” – წერს ლუკა ნაჭყებია.

იხილეთ გასული სიუჟეტი :

საქართველოს ექსპრეზინდენტმა მიხეილ სააკაშვილმა, „ბი-ბი-სის“ ჟურნალისტ სტივენ სექერთან ერთად, „ატლანტიკური საბჭოს“ მიერ ოგანიზებულ ტელე-კონფერენციაში მიიღო მონაწილეობა, სადაც უკრაინაში მის სამომავლო გეგმებზე საუბრობდა.

ჟურნალისტმა სააკაშვილს „ამერიკის ხმის“ შეკითხვა დაუსვა იმის შესახებ, აპირებს თუ არა საქართველოში მომავალ საარჩევნო კამპანიაში აქტიურად იყოს ჩართული, მაშინ როცა ის ახლა უკრაინაში ოფიციალურ თანამდებობას იკავებს.

„მე ფიზიკურად ნამდვილად არ მაქვს დრო საქართველოში მიმდინარე მოვლენებზე ვიზრუნო“, – განაცხადა სააკაშვილმა.

მან აღნიშნა, რომ საქართველოში ცვლილებებს ელოდება.

„ქართული პოლიტიკა კიდევ უფრო რთულია, ვიდრე უკრაინის და ბევრი დრო სჭირდება. მე დარწმუნებული ვარ, რომ საქართველოში ცვლილებები მოხდება. მე როცა პრეზიდენტი ვიყავი, ეკონომიკა 4-ჯერ გაიზარდა. რვა წელზე მეტია მე ხელისუფლებაში არ ვარ… ამ უკანასკნელი მოვლენების გათვალისწინებით საქართველოს ეკონომიკა 6-7 პროცენტით შეიკვეცება. ეს არაა კარგი სიტუაცია. ქართველები მიიღებენ ცვლილების გადაწვეტილებას. არ ვფიქრობ რომ ჩემგან რაიმე ბიძგია საჭირო“, – თქვა მან.

კითხვას იმის შესახებ, გეგმავს თუ არა რაიმე მაღალი თანამდებობის დაკავებას თუ „ნაციონალური მოძრაობა“ მომავალ არჩევნებზე წარმატებას მიაღწევს, სააკაშვილმა განაცხადა, რომ ამაზე საუბარი ადრეა.

„როცა ეს მოხდება, მერე ვილაპარაკოთ. ეს ამ ეტაპზე ჰიპოთეტური კითხვაა“, – თქვა მან. „ახლა მთელი დღე და ღამე, 24/7-ზე დაკავებული ვარ იმით, რასაც აქ ვაკეთებ. მე საქართველოში ჩემს მეგობრებს ველაპარაკები, მაგრამ ყოველდღიური გადაწყვეტილებების მიღებაში ჩართული არ ვარ. იქ საკმარისი ხალხია ვინც ამას აკეთებს და ვფიქრობ, მოსწონთ რომ დამოუკიდებლები არიან“, – თქვა მან.

მიხეილ სააკაშვილი უკრაინაში, პრეზიდენტ ვოლოდიმირ ზელენსკის ხელშეწყობით, რეფორმების აღმასრულებელი კომისიის თავმჯდომარედ 7 მაისს დაინიშნა. საქართველოს ექსპრეზიდენტის განცხადებით, ის უკრაინაში საერთაშორისო სავალუტო ფონდთან მიმდინარე მოლაპარაკებებში იქნება ჩართული. თავდაპირველად ვრცელდებოდა ინფორმაცია, რომ სააკაშვილს ვიცე-პრეზიდენტის თანამდებობაზე განიხილავდნენ, რომელიც უნდა შექმნილიყო, თუმცა მან რადაში ამისთვის საკმარისი მხარდაჭერა ვერ მოიპოვა.

წყარო: ამერიკის ხმა

დღეიდან ყველა ტიპის საზოგადოებრივი ტრანსპორტი ამუშავდება, თუმცა გარკვეული წესებით და შეზღუდვებით. თბილისის მერმა საღამოს ფეისბუქ ჩართვა დიდი დიღმის მეორე ავტობაზიდან გააკეთა,  სადაც  მოსამზადებელი სამუშაოები მიმდინარეობს, რომ ხვალიდან. საზოგაოებრივი ტრანსპორტი პრობლემების გარეშე მოემსახუროს მოსახლეობას.

კალაძე ამბობს, რომ მზადება ჯანდაცვის სამინისტროსგან მიღებული რეკომენდაციების შესაბამისად მიმდინარეობს:

დეზინფექცია ჩატარდება ყოველდღე, სანამ ავტობუსები გავლენ სამუშაოდ, ასევე როდესაც მუშაობას დაამთავრებენ.

კალაძე თხოვს მოსახლეობას,  აუცილებლად იქონიონ პირბადე ავტობუსში, მეტროში, მიკროავტობუსში ასვლისას.  სხვა შემთხვევაში ავტობუსი ვერ დაიძვრება. “ნუ ჩავაყენებთ უხერხულობაში სხვა მგზავრებსაც. ყველას გთხოვთ, რომ აუცილებელია პირბადე,იმისთვის  რომ დავიცვათ ერთმანეთის სიცოცხლე, ერთმანეთის ჯანმრთელობა.“– ამბობს კალაძე.

ყველა ავტობუსზე იქნება გამაფრთხილებელი სტიკერები, რომ პირბადის გარეშე მგზავრობა აკრძალულია. ასევე აკრძალულია ტრანსპორტი კონდიციონერის ჩართვა. კალაძე ამის გამო საზოგადოებას ბოდიშს უხდის და ამბობს, რომ ეს სპეციალისტების რეკომენდაციაა.

დაავადებათა კონტროლის ეროვნული ცენტრის დირექტორის მოადგილის, პაატა იმნაძე აცხადებს რომ საქართველოში არიან ადამიანები, რომლებმაც კორონავირუსი გადაიტანეს და ვერ გაიგეს.

„ასეთი ადამიანები ნამდვილად იყო. ჩვენ ასეთ ტესტებს დიდი ხანია ვატარებთ, როცა დადასტურებული შემთხვევების კონტაქტებს ვიკვლევთ. მათ ვიკვლევდით არამარტო PCR დიაგნოსტიკით, არამედ ანტისხეულებზეც და „ელაიზა“ მეთოდითაც და ეს უფრო დამაჯერებელი პასუხია, რომ ანტისხეულები ნამდვილად კოვიდის წინააღმდეგაა. ასეთი 10-მდე შემთხვევა გვაქვს დადასტურებული. ასევე ტარდება სეროპრევალენტობის კვლევებზეც და ამ შემთხვევაშიც, მაქსიმუმ ორი ხელის თითებზე ჩამოსათვლელი დადებითი შემთხვევაა ნაპოვნი. ასეთი ადამიანები, რა თქმა უნდა, არის, ოღონდ ძალიან ცოტა“, – განაცხადა პაატა იმნაძემ.

პროპაგანდისტული თავდასხმები მაშინ დაიწყო, როცა ლუგარის საძირკველი შენდებოდა, მაშინ აფრიკული ჭირის გავრცელება დაგვაბრალეს- ამის შესახებ  ლუგარის ლაბორატორიის ხელმძღვანელმა პაატა იმნაძემ გამართულ ფეისბუქლაივით გამართულ ბრიფინგზე განაცხადა.

“ლუგარის ცენტრი  აშენებულიც არ იყო, მაშინ საძირკველის სამუშაოები მიმდინარეობდა. თუ არ ვცდები, 2006-2007 წლებია, როცა აფრიკული ჭირი იყო ჩვენს ქვეყანაშიც და მეზობელ ქვეყნებში. პირველი პროპაგანდაც ეს იყო. როგორ გავავრცელეთ არ ვიცი, როცა მშენებლობა მიმდინარეობდა”,- აცხადებს პაატა იმნაძე.

სტანდარტები და რეგულაციები, რომელთა დაკმაყოფილება ტურიზმის სექტორში მოქმედ ყველა სუბიექტს მოუწევს, ხვალ გახდება ცნობილი. დოკუმენტის საბოლოო დეტალებზე პრემიერ-მინისტრმა შესაბამისი უწყებების წარმომადგენლებთან კიდევ ერთი სამუშაო შეხვედრა გამართა.

სპეციალური პრევენციული ღონისძიებები კერძო სექტორის აქტიური ჩართულობით,  ჯანმრთელობის მსოფლიო ორგანიზაციისა და ეპიდემიოლოგების რეკომენდაციების საფუძველზე შემუშავდა.

სასტუმროები და განთავსების ობიექტები მუშაობის განახლების ნებართვას მხოლოდ მას შემდეგ მიიღებენ, რაც ინსპექტირებას გაივლიან და შრომის ინსპექცია შეამოწმებს მათ შესაბამისობას დადგენილ რეგულაციებთან.

ბიზნესსუბიექტების მოსაზრებების მაქსიმალური გათვალისწინების შედეგად შემუშავდა მოთხოვნები ტურისტული ტრანსპორტისთვისაც. სარესტორნო ბიზნესის შემთხვევაში, განსაკუთრებული ყურადღება დაეთმობა სოციალური დისტანციის დაცვას. სამუშაო შეხვედრისას ასევე განიხილეს უსაფრთხო დერეფნებთან დაკავშირებით მიმდინარე მოლაპარაკებები. აღინიშნა, რომ ამ კუთხით მუშაობა აქტიურ ფაზაშია ისრაელთან, ავსტრიასთან, ჩეხეთთან, უნგრეთთან, პოლონეთთან და ბალტიის ქვეყნებთან.

პრემიერ-მინისტრმა შესაბამის უწყებებს დაავალა, მაქსიმალურად უზრუნველყონ ყველა იმ მნიშვნელოვანი პრევენციული ღონისძიების ეფექტური გატარება, რომელიც ორიენტირებულია როგორც საქართველოს მოქალაქეების, ისე საერთაშორისო ვიზიტორების ჯანმრთელობის დაცვაზე.

დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე ამბობს, რომ რესტორნები გაკონტროლდება, მოინიშნება ადგილები, სადაც მაგიდები უნდა დაიდგმება.

,,შემუშავებულია რეკომენდაციები, რა ფართობი შეიძლება, იყოს დაკავებული, როგორ უნდა იყოს დაცული დისტანცია და რაც მთავარია, რესტორნის ყველა მეპატრონეს ექნება ვალდებულება, რომ მონიშნოს ადგილები. როგორც იყო მონიშნული ეკლესიების ეზოებში, სადაც უნდა დამდგარიყო ადამიანი, ასე იქნება მონიშნული, სად უნდა იდგეს მაგიდა და თითოეულ ჩვენგან შეუძლია გააკონტროლოს. ნორმების დაცვით იქნება გაკეთებული”,-ამბობს იმნაძე.

ის მოქალაქეებს მოუწოდებს, არ შევიდნენ იმ რესტორნებში, სადაც ზედმეტი მაგიდა იქნება ჩადგმული.

“როდესაც შევალთ რესტორანში, ვნახავთ რამდენად არის მაგიდა მონიშნული და მაგალითად, თუ ნახავთ, რომ ზედმეტი მაგიდა არის ჩადებული, ნუ შევალთ ასეთ რესტორანში. ეს იქნება ყველაზე კარგი კონტროლი. ეს ასევე სახელმწიფო სამსახურების მხრიდანაც გაკონტროლდება, ვთქვათ რომელ რესტორანს რამდენი ადამიანის მიღება შეეძლება და რამდენი მაგიდის განლაგება შეეძლება ტერიტორიაზე”,- აცხადებს პაატა იმნაძე.

შეგახსენებთ, რომ პირველი ივნისიდან ღია სივრცის მქონე რესტორნები იხსნება, ხოლო 8 ივნისიდან გაიხსნება ყველა სახის მომსახურება რესტორნებში.

ნიკოლოზ ბასილაშვილის გახმაურებულ საქმეზე შესაძლოა მსოფლიოს ნომერ პირველი ჩოგანი ნოვაკ ჯოკოვიჩი დაკითხონ. ამის შესახებ ინფორმაციას “პრაიმტაიმი” ავრცელებს.  ბასილაშვილი ამ ინფორმაციას არ ადასტურებს თუმცა არც უარყოფს. ადვოკატი ადასტურებს რომ  ნოვაკ ჯოკოვიჩი ბასილაშვილს უკვე ესაუბრა და მხარდაჭერა გამოუცხადა.

„მათთვის ცნობილია გარკვეული ფაქტები. მაგალითად ამერიკის ღია ჩემპიონატზე ქალბატონი ნეკა ჩავიდა და იქ მოხდა არასასიამოვნო დიალოგი. საქმე იქამდე მივიდა, რომ ჩემპიონატის დირექცია იძულებული გახდა ნეკა დოროყაშვილისთვის აკრედიტაცია გაეუქმებინა და დაცვის თანხლებით გაეყვნათ“, – ამბობს ირმა ჭკადუა.

საჭიროების შემთხვევაში ჯოკოვიჩი მზად არის სასამართლოს ჩვენება მისცეს 2019 წლის ინციდენტზე, რომელიც ამერიკის ღია ჩემპიონატზე მოხდა. ადვოკატი ირმა ჭკადუა არ აკონკრეტებს, თუმცა არ უარყოფს, რომ სასამართლოს ჩვენებას უცხო ქვეყნის მოქალაქეებიც მისცემენ.