უკრაინაში მებრძოლ კიდევ ერთ ქართველს, ამბაკო სოზიაშვილს რუსეთმა დაუსწრებლად 14 წლით თავისუფლების აღკვეთა მიუსაჯა. ინფორმაციას რუსული Tass-ი ავრცელებს.
“დონეცკის სახალხო რესპუბლიკის უზენაესმა სასამართლომ საქართველოს 25 წლის მოქალაქეს, ამბაკო სოზიაშვილის განაჩენი გამოუტანა. სახელმწიფო პროკურორის პოზიციის გათვალისწინებით, სასამართლომ სოზიაშვილს დაუსწრებლად 14 წლით თავისუფლების აღკვეთა მიუსაჯა მკაცრი რეჟიმის კოლონიაში მოსახდელად”, – ნათქვამია განცხადებაში.
“6 საათია ვმსჯელობთ, რატომ არის პრობლემა მეორე მხარის დაბარება, ისევე როგორც მე ვარ დაბარებული. რა შეღავათი აქვთ იმ ადამიანებს კანონთან მიმართებაში, რომ წულუკიანს, სუბარს და სხვებს ვერ იბარებთ? რა პრივილეგია აქვთ? მეც არჩეული დეპუტატი ვარ, ლევან სამუშიაც, მაგრამ ჩვენ დავტოვეთ პარლამენტი, რადგან “ქართულმა ოცნებამ” მოიპარა ხმები. თუ მე მიბარებთ და ბრალი უნდა წამიყენოთ, რა უპირატესობით სარგებლობს წულუკიანი, სუბარი და სხვები. თუ ცალ კარში თამაშია, გვითხარით, პრობლემა არ არის. აქედან ვიღაცამ ნათელი წერტილი ხომ უნდა გაიტანოს, რომ სადღაც შეჯიბრობითობის, თანასწორობის პრინციპი არის. თუ თქვენ ამ გადაწყვეტილებას იღებთ, ნიშნავს, რომ თქვენ გავლენის ქვეშ ხართ, გეშინიათ მმართველი პარტიის წამყვანი სახეები მოიყვანოთ აქ, რადგან ამის გამო საყვედურს მიიღებთ, ან სხვა რაღაცას.რითი განსხვავდება კანონთან წულუკიანი და ხაზარაძე?”
ამის შესახებ “ლელო-ძლიერი საქართველოს” ლიდერმა მამუკა ხაზარაძემ, სასამართლო სხდომაზე განაცხადა.
ბათუმელებისა და ნეტგაზეთის დამფუძნებლის, რეჟიმის პატიმრის მზია ამაღლობელის ადვოკატები ქუთაისის სააპელაციო სასამართლოს ადმინისტრაციული სამართალდარღვევის საქმის წარმოების შეწყვეტისაკენ მოუწოდებენ, ვინაიდან პოლიციამ ამ საქმეზე მოახდინა მტკიცებულებათა ფალსიფიკაცია. ადვოკატებმა დღეს, ბრიფინგზე საზოგადოებას ამაღლობელის ადმინისტრაციულ საქმესთან დაკავშირებული სამართალდარღვევის მტკიცებულება წარუდგინეს, რომელიც ქუთაისის სააპელაციო სასამართლოსთვის უკვე გადაცემულია და რომლიც მიხედვითაც, პოლიციამ მტკიცებულებები გააყალბა, სასამართლომ, კერძოდ, მოსამართლე შაინიძემ კი ჟურნალისტი სამართალდამრღვევად ცნო ვიდეო-მტკიცებულებით, რომელიც სინამდვილეში ამაღლობელის ადმინისტრაციული დაკავებიდან გათავისუფლების შემდეგ (დაახლოებით 2 საათში), მისი სისხლის სამართლის წესით დაკავებამდეა გადაღებული.
“გვინდა, რომ გესაუბროთ ამ საქმეში მტკიცებულებებით მანიპულირებასა და მტკიცებულებების ფალსიფიკაციაზე. კონკრეტულად ეს ეხება, მზია ამაღლობელის წინააღმდეგ ადმინისტრაციულ საქმეს. ამ ადმინისტრაციულ საქმეში ბათუმის პოლიციის სამმართველომ წარადგინა ორი ვიდეო, სადაც თითქოს ჩანს, რომ მზია ამაღლობელი დაკავებამდე წინააღმდეგობას უწევდა პოლიციელებს სხვების დაკავებაში. თუმცა, ვერ მიუთითა თავად ვის დაკავებაში უწევდა წინააღმდეგობას.
ჩვენ გვაქვს მტკიცებულება, რითიც უტყუარად დასტურდება, რომ ეს ვიდეოები, რომლებიც წარადგინა ბათუმის პოლიციის სამმართველომ სასამართლოში, როგორც, თითქოსდა მზია ამაღლობელის ადმინისტრაციულ დაკავებამდე გადაღებული კადრი… სინამდვილეში, ეს ვიდეოები გადაღებულია 2025 წლის 12 იანვარს, მზია ამაღლობელის სისხლის სამართლის წესით დაკავებამდე დაახლოებით, 8-9 წუთით ადრე იწყება და მიდის საბოლოოდ ამ სილის ინციდენტამდე.
მოგეხსენებათ, მზია ამაღლობელი სისხლის სამართლის წესით (ყურადღება მიაქციეთ დროებს) დააკავეს 00:52 საათზე, ხოლო ადმინისტრაციული წესით დააკავეს 2 საათით ადრე, 22:58 საათზე.
ამდენად, პოლიციის მიერ სასამართლოში წარდგენილი ვიდეოები ასახავს მოვლენებს არა მზია ამაღლობელის ადმინისტრაციულ დაკავებამდე, არამედ მისი ადმინისტრაციული დაკავებიდან გათავისუფლების შემდეგ” – თქვა ამაღლობელის უფლებადამცველმა მაია მწარიაშვილმა ბრიფინგზე.
“სხვა სიყალბეებთან ერთად პოლიციამ ეს ვიდეოები სასამართლოში წარადგინა იმის სამტკიცებლად, რომ მზია ამაღლობელის წინააღმდეგობას უწევდა პოლიციელებს მის დაკავებამდე და ამიტომ დააკავა იგი ბათუმის პოლიციის უფროსის მოადგილემ, ბატონმა ვანაძემ და არა ბესელიამ, როგორც ეს კადრში ჩანს და საჯარო სივრცეში ეს კადრი ტრიალებს დღემდე. […]
სისხლის სამართლის საქმეში ჩვენ წარდგენილი გვაქვს ბათუმელების მიერ გადაღებული live-მასალა, რაც ასახავს მოვლენებს მზია ამაღლობელის სისხლის სამართლის წესით დაკავებამდე სულ რაღაც 8-9 წუთით ადრე. ეს არის უწყვეტი ვიდეო და სრულდება სილის ეპიზოდით და შემდეგ მზიას ჭიშკარში შეგდებით.
ბათუმელების ეს ვიდეო ასახავს სწორედ იმავე მოვლენებს, რაც ასახულია პოლიციის მიერ წარდგენილ 2 ვიდეო-ფაილში, მხოლოდ, გადაღებულია სხვადასხვა კამერით და ოდნავ სხვა რაკურსით. ჩვენს მიერ სისხლის სამართლის საქმეზე წარდგენილი, ლაივ-რეჟიმში გაშვებული და უწყვეტი ვიდეო ადასტურებს, რომ პოლიციამ სასამართლოში ყალბად შედგენილი სამართალდარღვევის ოქმში ასახული ე.წ. დარღვევის დასადასტურებლად წარადგინა ეს ორი ვიდეო, რომლებიც ასახავს მოვლენებს არა მზიას ადმინისტრაციულ დაკავებამდე, არამედ ამ დაკავებიდან გათავისუფლების შემდეგ. […]
პოლიციამ მოახდინა მტკიცებულებებით მანიპულირება და სასამართლოში წარადგინა ვიდეოები, რაც ასახავს ლაშა გაბაიძის დაკავებას. ეს გახლავთ ყველაზე ბოლო დაკავებული, რომელიც დააკავეს რამდენიმე ხნით ადრე მზიას სისხლით დაკავებამდე და ასახავას ამ დროს წარმოქმნილ ჭყლეტას. […]
ოფიციალურად, დოკუმენტურადაც ლაშა გაბაიძის დაკავება განხორციელდა 00:45 საათზე, ხოლო მზიას ადმინისტრაციული დაკავება მოხდა, როგორც გითხარით, 22:58 საათზე. დაახლოებით, 2 საათით ადრე, ვიდრე მოხდებოდა გაბაიძის დაკავება.
შესაბამისად, ლაშა გაბაიძის დაკავების კადრში ასახული მოვლენები ვერაფრით დაედებოდა საფუძვლად მზია ამაღლობელის ადმინისტრაციულ დაკავებას” – განაცხადეს ადვოკატებმა.
შიდა ქართლში მოზარდს კრიმინალური სამყაროს უპატივცემულობის მიზეზით ფიზიკურად გაუსწორდნენ, -ინფორმაციას “ქართლის ამბები” იუწყება. ერთ-ერთი სკოლის მშობლების ჯგუფში აქტიურად განიხილავენ ფაქტს, რომელიც მოზარდის მიმართ განხორციელებულ სასტიკ ანგარიშსწორებას უკავშირდება.
როგორც ერთ-ერთმა მშობელმა ,,ქართლის ამბებს” განუცხადა, რამდენიმე პირმა სასტიკად სცემა არასრულწლოვანი ტიკ-ტოკზე კრიმინალური სამყაროს მიმართ დაწერილი უარყოფითი კომენტარის მიზეზით.
“ეს ბავშვი მოათავსეს საავადმყოფოში. 10-15 ადამიანი იყო, ვინც ცემაში მონაწილეობდა. ზოგი არასრულწლოვანი იყო, ზოგი ალბათ დიდიც. ჩვენც გვეშინია, შვილები გვყავს. იქნებ დაინტერესდეთ ამ ამბით. როგორც ვიცით, პოლიციაში დაკითხვაზე იყვნენ უკვე, მაგრამ შედეგი არ ვიცით”, – ამბობს ერთ-ერთი მშობელი.
„ყველაფერი დამოკიდებულია იმაზე თუ როგორ გაგრძელდება და დასრულდება ორთაბრძოლა პრეზიდენტ ტრამპსა და „დიფ სთეითს“ შორის. ამ ორთაბრძოლის თაობაზე თავად პრეზიდენტის ადმინისტრაციის წარმომადგენლები ღიად საუბრობენ. თუ მოახერხებს პრეზიდენტი „დიფ სთეითის“ შესუსტებას, ეს აუცილებლად დადებითად აისახება ქართულ-ამერიკულ ურთიერთობებზე. თუ ვერ შეასუსტებს, დარჩება ის სტატუს-კვო, რაც არის დღეს მოცემული. გარდა ამისა, უნდა გავიხსენოთ ის, რომ იგივე „მეგობარი აქტი“ იქნა მიღებული. ძალაშია სანქციები, რომელიც მოქმედებს, მათ შორის, ვიცე-პრემიერის მიმართ, ჩვენი შინაგან საქმეთა მინისტრის მიმართ. ამიტომ ვამბობ, რომ ეს არ არის პასიური დუმილი, ეს არ არის პასიური მდგომარეობა. ჩვენ გვჭირდება მოცემულობის შეცვლა. თუ არის ამერიკული მხრიდან ასევე ინტერესი ურთიერთობების გადატვირთვასთან დაკავშირებით, ვფიქრობ, რომ ნაბიჯები უნდა გადაიდგას, თუმცა, ეს არ არის ჩვენზე დამოკიდებული. ჩვენზე დამოკიდებული რაც იყო გავაკეთეთ, ჩვენი გზავნილები გავაჟღერეთ, ადმინისტრაციის წინაშე, ვნახოთ, როგორი იქნება მათი რეაქცია“
განაცხადა “ოცნების” პრემიერმა ირაკლი კობახიძემ.
ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 5 პირი დააკავეს.
“დიდი და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის, გასაღების მცდელობის, ასევე, ახალი ფსიქოაქტიური ნივთიერების უკანონო რეალიზაციის მცდელობის და განსაკუთრებით დიდი ოდენობით ნარკოტიკული საშუალება „მარიხუანას“ უკანონო შეძენა-შენახვის ბრალდებით დაკავებული არიან: 1998 წელს დაბადებული ა.ბ., 1985 წელს დაბადებული ს.მ., 1969 წელს დაბადებული ი.შ. და წარსულში ნასამართლევები – 1980 წელს დაბადებული მ.ე. და 1982 წელს დაბადებული ი.ა.
სამართალდამცველებმა ბრალდებულების პირადი, ავტომობილის და საცხოვრებელი ბინების ჩხრეკის შედეგად, ასევე, მათ მიერ მითითებული ლოკაციებიდან სხვადასხვა სახის განსაკუთრებით დიდი ოდენობით ნარკოტიკული საშუალებები ნივთმტკიცებად ამოიღეს.
საგამოძიებო მოქმედებების შედეგად, პოლიციის მიერ ნივთმტკიცებად ამოღებულია ნარკოტიკული საშუალების დაფასოებისთვის საჭირო მასალები.” – ნათქვამია შსს-ს მიერ გავრცელებულ ინფორმაციაში.
“ხუთშაბათს მაქვს პროცესი; 99% ალბათ, დამიჭერენ“ – აცხადებს “კოალიცია ცვლილებისთვის” ერთ-ერთი ლიდერი, ზურაბ გირჩი ჯაფარიძე.
„დღეს გამდის გირაოს გადახდის ვადა. დღეს არ დამიჭერენ, მაგრამ ხუთშაბათს მაქვს პროცესი. ხუთშაბათს არის შანსი, რომ დამიჭირონ“, – განაცხადა ჯაფარიძემ.
ზურა ჯაფარიძე აცხადებს ასევე რომ არ აპირებს გირაოს გადახდას.
ონკრეტული დიპლომატები, სამი ქვეყნის ელჩი თუ არ ვცდები, ესწრებოდა სასამართლო სხდომას რაც არის პირდაპირი უხეში ჩარევის მცდელობა სასამართლო საქმიანობაში, მართლმსაჯულებაში, ესეც არს როგორც ვენის კონვენციის დარღვევა, ასევე საქართველოს კონსტიტუციის დარღვევა , ბუნებრივია გვექნება რეაქცია ამასთან დაკავშირებით.”
განაცხადა ირაკლი კობახიძემ.
პრეზიდენტ მაკრონთან, ფედერალურ კანცლერ მერცთან, პრემიერმინისტრ სტარმერთან და ტუსკთან ერთად ვესაუბრე აშშ-ს პრეზიდენტს. განვიხილეთ სტამბოლის შეხვედრა. უკრაინა მზად არის გადადგას უსწრაფესი ნაბიჯები მშვიდობის მისაღწევად. მნიშვნელოვანია, რომ მსოფლიომ მყარი პოზიცია დაიჭიროს. ჩვენი პოზიციაა, თუ რუსეთი უარს იტყვის სრულ და უპირობო ცეცხლის შეწყვეტაზე და მკვლელობების დასრულებაზე, ძლიერი სანქციები უნდა დაწესდეს. რუსეთზე წნეხის შენარჩუნება საჭიროა მანამ, სანამ რუსეთი ომის დამთავრებისთვის არ იქნება მზად. მადლობა ყველას მსოფლიოში, ვინც გვეხმარება.
მზია ამაღლობელის ადვოკატის, მაია მწარიაშვილი აცხადებს, რომ დღეს პროცესზე მხოლოდ ერთი მოწმე გამოიკითხა ხოლო დანარჩენები კი პროკურატურამ ჩახსნა.
“პასუხი ადვილია, რატომაც მოხსნა ბრალდებამ ეს მოწმეები – ბრალდება დაიღალა პოლიციელების მეცადინეობით, დაიღალა, რომ ამათი ჩვენებები არ ემთხვევა ერთმანეთს” ერთი ერთს ამბობს, მეორე მეორეს და დაიღალა იმით, რომ ეს მოწმეები სულ არიან ნიღბიანები და დაიღალა ჩვენი კითხვებით, რომ შენ რომ ხარ ამ ნიღბის ქვეშ რით დასტურდება რომ შენ ეს ხარ და არა სხვა”, – თქვა მწარიაშვილმა ჟურნალისტებთან.
დღევანდელ პროცესზე სასამართლო ექსპერტი, გივი ჩხარტიშვილი გამოიკითხა, რომელმაც განაცხადა, რომ ირაკლი დგებუაძის სხეულზე დაზიანების ობიექტური ნიშანი არ დაუფიქსირებია. მისი განცხადებით, არ ახსოვს, აღენიშნებოდა თუ არა დგებუაძეს სიწითლე, მაგრამ “ეს ასეც რომ ყოფილიყო, დასკვნაში არ შეიტანდა, რადგან სიწითლე არ არის დაზიანების ობიექტური ნიშანი”.