Category: ახალი ამბები

ნაციონალური მოძრაობის ლიდერის, ნიკა მელიას ინფორმაციით, თბილისის 2 ოლქში მაჟორიტარობის კანდიდატები თვითონ და ლევან ხაბეიშვილი იქნებიან.

მისი თქმით, ლევან ხაბეიშვილი მაჟორიტარობაზე კენჭს ლევან ხაბეიშვილი იყრის, ხოლო თვითონ – გლდანის ოლქში.

შეგახსენებთ, რომ თბილისის 8 სამაჟორიტარო ოლქიდან ნაციონალურ მოძრაობას მხოლოდ 2 ოლქში ეყოლება თავისი კანდიდატურა, 6-ს კი ოპოზიციის სხვა პარტიები გადაინაწილებენ.

დღეს ევროპულმა საქართველომ ოპოზიციაც თბილისის მაჟორიტარულ ოლქებში ოთხი კანდიდატი შესთავაზა. მათი შეთავაზება ასეთია: ვაკე — ელენე ხოშტარია;
მთაწმინდა — შალვა შავგულიძე; ისანი — გიორგი ვაშაძე; ნაძალადევი — შალვა ნათელაშვილი.

ჟურნალისტ გიორგი გაბუნიას ინფორმაციით, სახელმწიფო დაცვა შესთავაზეს.

გვარამიას თქმით, მიიღებენ თუ არა აღნიშნულ შეთავაზებას ჯერჯერობით უცნობია და აღნიშნულ საკითხთან დაკავშირებით ის კონსულტაციას ადვოკატთან გაივლის.

„შემომთავაზეს ნებისმიერი სახის დაცვა, რაზეც უნდა მოვილაპარაკო ჩემს ადვოკატთან. უნდა გადავწყვიტოთ ეს საკითხი. მე ჩემი პირადი დაცვა მიცავს. უნდა შევაფასოთ საფრთხეები და დღეს ასე მოხდა, რომ დაცვა შემოგვთავაზეს. თუ გინდა სახელი და გვარიც შეიცვალეო და ყველანაირი დაცვა შემომთავაზეს. მოვილაპარაკებთ ადვოკატთან“, – განაცხადა გიორგი გაბუნიამ.

მისივე თქმით, გამოძიებას აინტერესებდა, საიდან ჰქონდა ინფორმაცია მასზე განხორციელებული თვალთვალის შესახებ.

“აქცენტი იყო იმაზე საიდან მაქვს მე ინფორმაცია, რომელიც მაქვს. მე ორი წყარო მყავდა ინფორმაციის – ეს არის ნიკა გვარამია, რომელმაც გამაფრთხილა რომ შესაძლოა ჩემი ლიკვიდაციის მცდელობას ჰქონოდა ადგილი. იყო აქცენტი, რა ინფორმაცია მომაწოდა, ვინ იყო წყარო და ა.შ. იყო აქცენტი, ხომ არ მიფიქრია, რომ სუს-ისთვის მიმეწოდებინა ეს ინფორმაცია. მე განვუმარტე რომ არა – არც მქონია მცდელობა” განაცხადა გიორგი გაბუნიამ სასამართლოდან გამოსვლის შემდეგ”,- თქვა გაბუნიამ დაკითხვიდან გამოსვლის შემდეგ.

დღეს მაგისტრი მოსამართლის თანდასწრებით გაბუნიას შესაძლო ლიკვიდაციის საქმეზე ნიკა გვარამია და გიორგი გაბუნია დაიკითხნენ.

ევროპული საქართველო ლეიბორისტების ოფისში შეკრებილ ოპოზიციას თბილისის მაჟორიტარულ ოლქებში ოთხ კანდიდატს სთავაზობს. დავით ბაქრაძის თქმით, ესენი არიან:

• ვაკე — ელენე ხოშტარია;
• მთაწმინდა — შალვა შავგულიძე;
• ისანი — გიორგი ვაშაძე;
• ნაძალადევი — შალვა ნათელაშვილი;

ბაქრაძის თქმით, 4 კანდიდატი სპეციალურად დაასახელეს, რადგან კონსულტაციები გაგრძელდეს და შეიქმნას ერთიანობის განცდა ქართული ოცნების დასამარცხებლად.

“რატომ 4 კანდიდატი და არა – 6. რა თქმა უნდა, ძალიან მარტივი იყო, ექვსივე ადგილი გადაგვენაწილებინა მონაწილე პარტიებს შორის და შეგვევსო, მაგრამ ეს არ ყოფილა ჩვენი მიზანი. ჩვენი მიზანი და ამოცანაა, ამომრჩეველს ჰქონდეს რაც შეიძლება მრავალფეროვანი არჩევანი თბილისში, რომ გამოჩნდეს, რომ ოპოზიციის კანდიდატები არ არის მხოლოდ პარტიული ნიშნით შერჩეული კანდიდატები, ეს არის პოლიტიკური და საზოგადოებრივი ერთიანობა ქართული ოცნების დასამარცხებლად.

2 ადგილი არ გავანაწილეთ, დავტოვეთ ღიად შეგნებულად, სპეციალური განზრახვით, ეს საშუალებას მოგვცემს, გავაგრძელოთ კონსულტაციები როგორც სხვა პოლიტიკურ პარტიებთან, მათი ჩართვის მიზნით, ასევე, საზოგადოებისთვის ცნობად სახეებთან, არაპოლიტიკურ ფიგურებთან, იმისთვის, რომ შეიქმნას საზოგადოებრივი და პოლიტიკური ერთიანობის განცდა”, – განაცხადა დავით ბაქრაძემ.

მთავარი არხის ჟურნალისტი გიორგი გაბუნია და გენერალური დირექტორი, ნიკა გვარამია გაბუნიას შესაძლო ლიკვიდაციის ორგანიზების საქმეზე საქალაქო სასამართლოში დაკითხვაზე მივიდნენ. ისინი მაგისტრი მოსამართლის თანდასწრებით დაიკითხებიან.

გიორგი გაბუნიას ინფორმაციით, მას დაახლოებით 2 თვის განმავლობაში უთვალთვალებდნენ. ამაზე ინფორმაცია სუს-ის წყაროდან მიიღეს.

15 ივნისს ნიკა გვარამიამ გაავრცელა ინფორმაცია, რომ ეთნიკურად ინგუში რუსეთის მოქალაქე საქართველოში გიორგი გაბუნიას მოსაკლავად იყო ჩამოსული. გვარამიასვე ცნობით, მკვლელობა ბოკოვს ჩეჩნეთის ლიდერმა, რამზან კადიროვმა შეუკვეთა.

სახელმწიფო უსაფრთხოების სამსახურის ინფორმაციით, რუსეთის მოქალაქე შეკვეთით განზრახ მკვლელობის მომზადების ფაქტზე დაწყებული სისხლის სამართლის საქმის გამოძიების ფარგლებში დააკავეს.

ინფექციური საავადმყოფოს კლინიკური დირექტორის, მარინა ეზუგბაიას ინფორმაციით, კორონავირუსით ინფიცირების 2 ახალი შემთხვევიდან, 1 დადასტურებულ შემთხვევასთან კონტაქტია, ხოლო მეორე – ქვეყანაში შემოტანილი.

“ჩვენს ცენტრში შემოვიდა გუშინ 1 დადასტურებული შემთხვევა. მისი მდგომარეობა საშუალო სიმძიმის არის, დინამიკურად არ ველოდებით, რომ პროგრესირება მოხდება, იმიტომ რომ პრინციპში მინიმალური კლინიკური ნიშნები აქვს გამოხატული, ხოლო ლაბორატორიული მონაცემებიც არ არის კრიტერიუმებით სერიოზული და პროგნოზის დამამძიმებელი მაჩვენებელი, აქედან გამომდინარე ცენტრში რჩება 21 პაციენტი, მძიმე არ გვყავს”,- ამბობს ეზუგბაია.

მისივე თქმით, ამ დროისთვის ქვეყანაში კორონავირუსის 895 შემთხვევაა დაფიქსირებული, გამოჯანმრთელებული კი 741-ია. აქტიური შემთხვევების რაოდენობა კვლავ 140-ია.

საქართველოს ფინანსთა სამინისტროს საგამოძიებო სამსახურმა განსაკუთრებით დიდი ოდენობით უაქციზო თუთუნის შენახვა-გადაზიდვა-რეალიზაციისთვის ოთხი პირი დააკავა.

“საგამოძიებო მოქმედებების შედეგად, ქვემო ქართლის რეგიონში ამოღებულია 512 კილოგრამი უაქციზო თუთუნი, რომლის საბაზრო ღირებულება 56 000 ლარს აღემატება” – წერია საგამოძიებო სამსახურს განცხადებაში.

დაკავებულებს ბრალად ედებათ სსკ-ის მე-200 მუხლის მეორე და მესამე ნაწილებით გათვალისწინებული დანაშაული, რაც 6-დან 8 წლამდე პატიმრობას ითვალისწინებს.

ალეკო ელისაშვილი აცხადებს, რომ აქვს სანდო ინფორმაცია, შესაძლოა “ქართული ოცნების” უმრავლესობამ საკონსტიტუციო ცვლილებები ახალ საარჩევნო სისტემასთან დაკავშირებით არ დაამტკიცოს.

“დაველოდოთ რა მოხდება კვირას. ძალიან მნიშვნელოვანია კვირას რიგგარეშე სხდომაზე ქართული ოცნება და ბიძინა ივანიშვილი კიდევ ერთხელ გადაგვაგდებენ თითქმის პროპორციულ წესთან დაკავშირებით თუ არა. არის ძალიან სანდო და სერიოზული ინფორმაცია, რომ კვირას შეიძლება არ დატკიცდეს 123/30 -ზე წესი. შესაბამისად ოპოზიცია რა მაჟორიტარულ ადგილებს იყოფს ვერ გამიგია”,- ამბობს ალეკო ელისაშვილი.

ელისაშვილმა, ანა დოლიძესა და ლევან კობერიძესთან ერთად ახალი პოლიტიკური პლატფორმა დააფუძნა და ამბობს, რომ მათთან ერთად გადაწყვეტს რომელ ოლქში ვის კანდიდატურას დააყენებენ.

დღეს, 19 ივნისს, საქართველოს პარლამენტში საკონსტიტუციო ცვლილებების საკომიტეტო განხილვა გაიმართება.

ოპოზიცია და ხელისუფლება 8 მარტს პროპორციულთან დაახლოებულ სისტემაზე, 120/30-ზე სისტემაზე შეთანხმდნენ.

უმრავლესობის წევრი რატი იონათამიშვილი ამბობს, რომ ის პარტია, რომელიც საკონსტიტუციო ცვლილების განხილვაში და მის მიღებაში მონაწილეობას არ მიიღებს, ავტომატურად აღმოჩნდება “აუტსაიდერი”.

დეპუტატის თქმით, მას იმედი აქვს, რომ საკონტიტუციო ცვლილებები შედგება და საარჩევნო სისტემა შეიცვლება.

“ძალიან მნიშვნელოვანია, რომ უკვე კვირას გაიმართება რიგგარეშე სხდომა, რომელზეც გავა საკონსტიტუციო ცვლილებების საკითხი პირველი მოსმენით. ცხადია ყველა მონაწილეს აქვს თავისი წილი პასუხისმგებლობა. საკმაოდ ოპტიმისტურად ვარ განწყობილი, რომ ეს რეფორმა შედგება და ის პოლიტიკური პარტია, რომელიც უარს იტყვის, რომ ამ წარმატების და პროგრესის მონაწილე იყოს, ავტომატურად აღმოჩნდება აუტსაიდერებში“, – განაცხადა იონათამიშვილმა ფორმულასთან საუბარში.

დღეს, 19 ივნისს, საქართველოს პარლამენტში საკონსტიტუციო ცვლილებების საკომიტეტო განხილვა გაიმართება.

შეგახსენებთ, რომ ოპოზიცია 8 მარტის შეთანხმების სრულად შესრულებამდე საკონსტიტუციო ცვლილებებში მონაწილეობას არ აპირებს. ისინი გიორგი რურუას გათავისუფლებას ითხოვენ.

აქართველოში კორონავირუსით ინფიცირების 2 ახალი შემთხვევა დადასტურდა და საერთო რაოდენოა 895-მდე გაიზარდა. ასევე, გამოჯანმრთელდა 2 პაციენტი, სულ – 741. მონაცემები stopcov.ge-ზე განახლდა.

ქვეყანაში კორონავირუსით 14 ადამიანი გარდაიცვალა.

ამჟამად საქართველოში COVID-19-ის 140 აქტიური შემთხვევაა.